啱啱執房嘅時候，畀我發現呢張冇去兌現嘅支票🤦🏻‍♂️$2.6：當年仲係自資出書嗰陣嘅全年電子書版稅🍃我諗當年因為呢個銀碼，覺得拎去銀行兌都會面紅嘅關係，所以嗰陣就放埋一二邊🤔咁又係，二個六喎，玩「大話骰」都嫌細啦，更何況係版稅？可想而知，當時我嘅作品係幾咁冇人睇😂 . 不過我後尾唔知癡咗邊條根，開始而家呢段每日寫文出文嘅旅程，全盛時期我一日出5個posts，即使工作幾忙都好，始終都冇斷過🤘🏻每日寫文寫語錄都只有一個目標，就係要喺嗰日裡面寫出我能力範圍內最滿意嘅內容💪🏻 . 或者你哋睇得好滿足、好touching，但其實喺文字背後，我唔知幾多日朝朝早凌晨五點半爬起身寫文，亦都delete過唔知幾多篇文，炆爭過唔知幾多次😰背後嘅一切，冇short cut，冇運氣，只有硬橋硬馬嘅日積月累，同埋對自己極限嘅挑戰🏋🏻‍♂️ . 無可否認，淨係堅持努力唔一定可以成功，因為你用錯誤嘅方法努力一萬年，你都係錯誤，但堅持真係成功的入場券，畢竟人生中留得住嘅難能可貴嘅嘢，都係慢慢堆砌出嚟。千祈唔好介意呢一刻被呢個世界否定你，亦都唔好被身邊嗰啲阿茂阿壽嘅雜音動搖到你，只要繼續專注你嘅前路同埋成長，咁就足夠😏 . 成功嘅路往往好遠，遠到你喺起點用金睛火眼都唔會睇到終點，真係劈啪你個隆的咚🐒所以你永遠唔可以見到先相信，而係要相信先會見到🙌🏻相信，你可以嘅！ 。 。 。 P.S. 四月我會同一位唔同範疇嘅作家計劃搞talk，講夢想嘅。賞面嘅咪嚟聽聽（利申：會收錢，一切容後公布） . #李專

踏入九月，告別暑假，波馬亨通，學生們復課，對我來說是非常遙遠的舊事。 有年青朋友在其Facebook，說到學生年代飲Jolly Shandy，我隨即搭嗲：（樂怡仙地喺我中學年代已經好興㗎喇。） 年青朋友：（我果陣都興。）註：我與這位年青人，中間起碼隔著四個Generation gap。 我：（有無飲過Diamond Black？） 年青朋友：（有！） 忽然腦海浮現一段歌詞：（都是你的錯，比粒Fing頭我，再來半打Diamond Black今晚high到盡。） 時代曲，果然是反映一個時代，無論歌詞被惡搞也好，Diamond Black，就是屬於那個年代。 上世紀九十年代末，今日的猛烈大叔，當年是初出茅廬的年青人；今日的猛烈大叔，一年都去不到一次卡拉OK，當年就每個星期都卡拉永遠OK；有以前的VTC舊同學，有當年新聞組的網友，有中學同學friend搭friend；他們有他們玩大話骰十五二十，我就拿著支咪死咬不放，煙霧迷漫的K房，各有各精彩。 少年不知愁知味，只知酒精的氣味，那時是沒有品酒的一回事，你說要認真去飲威士忌真係嘥鳩撚氣，未曾出現綠茶溝黑牌的年代，喝得酒的大多喝喜力；喝得但酒力比較淺者，Corona加青檸；不喝酒但想感受酒精產生的快感，Diamond Black誠為不二之選。 舊同學C與當時的男朋友，含情默默合場其實你心裡有沒有我，兩個人喝一瓶Diamond Black，再用濕吻的形式去共享殘存的一口化學式的甜 ，子非魚安知魚之樂，我繼續喝我的喜力好了。 提子味有如溝了藥水的味道，是不少人的輕狂歲月之回憶，十個與我年紀差不多，而當年也出來蒲的一班，十個都飲過Diamond Black，無一倖免，包括我在內。 上世紀最後一個秋天，參加了一個網聚，地點在寶勒巷某劈場，我抱著認識新朋友的心態赴會，去到只見他們專心做骰魔，三個二四個六，有個MK少女，不斷喝Diamond Black。（因為佢可能太誠實，玩大話骰次次都輸）飲到咁上下，突然不見她的蹤影，隔了十分鐘，她帶著倦容回到座位。 到我人有三急上廁所，經過中門大開的女廁，沒有正在照鏡的女子，只見洗手盤有一大堆像pizza的嘔吐物。 （吓？飲Diamond Black都劏？） 我當然沒有兜口兜面問個MK女，剛才是否入廁所嘔，畢竟大家萍水相逢，無謂八掛，反正日後未必有機會再見。相隔十八，九年，這位MK妹的名字已記不起，但我很記得她一支又一支Diamond Black當水飲的畫面。 又有一次，某中學同學帶我落金巴利道Rick's，在舞池上他介紹他新相識的女仔給我認識，一路跳舞一路say hi，冚家hi hi hi，她手上的飲品，是Diamond Black，十九年後回想事，我就只記得她手上的黑鑽而已。 去到千禧年頭，開始認識了一些文化／有為青年，逐漸遠離舊同學與MK系，我們去的是蘇豪一帶，隱藏在小巷內，充滿格調的酒吧；喝的不是喜力嘉士伯，而是Gin and Tonic，Long Island，談的不是鄭伊健鄭秀文，而是Daft Punk，AIR，Zero 7。從此，再沒有碰過Diamond Black。 一言驚醒，年青朋友令我想起它，即刻上網搜尋一下，到底今日還有沒有Diamond Black？ 有！不過是罐裝，兼且變為蘋果酒，英國有，香港沒有。 像青春一樣，Diamond Black早已埋葬在心底，偶然想起，不禁莞爾。