窮遊長洲-小小糯米糍比較 入得長洲梗係要食糯米糍 今日分享下邊間比較好食啦 . ⭐️第一間 #潮食坊 價錢：芒果糯米糍 細$10大$14榴槤$13 （圖2-3）個皮勁厚 👎🏻仲要芒果係酸既👎🏻 榴槤味道OK👌🏻但一樣皮厚👎🏻 總結 呢間可以收一收皮先 地址：長洲新興海傍街77號地下 . ⭐️第二間 #海長島街頭小食店 價錢同上 （圖4-5）個皮厚度正常👌🏻芒果夠甜👍🏻食得過 榴槤味道正常👌🏻 地址：長洲新興海傍街64號地下 . ⭐️第三間 #天然甜品 呢間18:00去到竟然話賣哂 每一次都黎長洲都食呢間 呢間之前唔錯咖 價錢相對比較平 細$8 大$12 最平 ‼️因為食唔到 所以我建議大家食呢間！ 地址：長洲大興堤路9號海景樓C座地舖 . 仲有一間🤔有冇人記得 角酪 果個舖位 本來係咪賣甜品 同糯米糍 印象中呢間中學成日食 但好似執左笠 . 所以 其實我只係食左2間😂 . #hkfunfoodrecord窮遊香港 #hkfunfoodrecord_長洲 . ‼️想睇更多資訊 ‼️ig/facebook： hkfunfoodrecord ‼️openrice/大眾點評 ： 歡歡增肥之旅 . #飲食 #美食 #優惠 #抵食 #hk #hkfood #hkfoodie #foodiehk #hkfoodblogger #hkigshop #hkblogger #hktrip #hongkongtrip #香港旅行 #hktravel #hkfoodies #吃貨 #食評 #相機食先 #食好西 #長洲 #糯米糍 #芒果糯米糍。

#魚全部都係魚🐟 #魚烏冬專門店 - 朋友好鍾意食魚無論係魚生定係魚湯米線都啱🐟 今日約咗食飯但係諗唔到食咩 上openrice望下 見到呢間專食魚麵嘅 佢二話不說就話一定要試 - 😋#四川麻辣燒牛肉拌魚烏冬（$92） 其實麵有分兩種：魚烏冬同魚麵 烏冬係50%魚肉 麵就係70%魚肉 老老實實 我對魚唔係咁大興趣 所以就揀咗魚肉含量比較低嘅魚烏冬 估唔到好有驚喜 顛覆左我對魚嘅偏見🙈 首先個配搭好新奇 我以為魚麵多數都係放湯上 點知佢就整到好似撈麵咁 醬汁一流 麻辣好香幾正宗 我覺得麻多過辣 麵質彈牙 其實唔係好食得出魚味 魚烏冬吸汁能力高 每一啖都係有麻辣香 牛肉偏瘦但係唔鞋口 有五六件 唔會出現唔夠餸嘅情況 推介鍾意食辣嘅一定要試吓😍 - 😋#自家製濃魚湯飯（$76） 魚湯清甜 感覺健康冇味精 口味偏淡 配上招牌墨魚卷 切成三角條形 有一壺湯喺隔離 比你控制湯嘅份量 唔會咁快凍👍🏻 - 😋小食拼盤（$68.6） 午市小食七折 原價$98 咁抵點可以唔叫😨 個醬好出色 黑松露味好出 點咩都好味 薯條好脆 裏邊唔係空心嘅 蕃薯條比薯條更加好食 好甜不過甜得黎好自然 招牌墨魚卷係我成個拼盤最鍾意嘅 相比之下春卷冇咁突出 中間比較空心 雞翼應該係即叫即炸 上枱嘅時候熱到辣口 外皮超脆 - 😋香口脆炸魚皮（$14） 魚皮好薄身而且好脆 有少少調味 唔會齋咸 我哋用小食拼盤個黑松露醬點 估唔到又幾夾😆 - 😋玫瑰花茶（+$22） 估唔到呢度飲品都有好多選擇 淨係茶都有好多款 因為唔係好舒服 揀咗味道清淡嘅玫瑰花茶 餐廳好細心咁用蠟燭坐熱 保暖又美觀 - 😋凍鮮奶咖啡 （+$13） 入口香滑 朋友平時唔多飲咖啡都話幾好 - 📍麵麵 旺角彌敦道726號一樓 #4feiporinmongkok . - #noodlenoodle #mongkok #hongkongfood #hkfood #foodie #hkfoodie #hkfoodblog #hkfoodblogger #hkrestaurant #rice #lunch #dinner #fries #chips #seafood #tea #coffee #fishskin #snacks #foodporn #foodphotography #udon #fishnoodles #fishudon #麵麵

我經常掛在口邊：（莫忘初心。） 剛好七年前，是Openricer跳出去開blog開Facebook專頁的熱潮，記得當時仲未有太多試食活動，個個都係自己比錢食。（其實係天公地道，而家反而扭曲到，有IG人會質疑返你：吓？乜你要比錢食？） 個個食完都會寫返篇文，純屬自願。過多一排，班公關又開始識搵下我哋，以當時我哋在blogger界知名度，都仲係要靠喺Openrice一早建立嘅知名度，而我喺當時果班人之中，算係有點名氣的一個。 所以，由果陣開始，不斷收到試食邀請，起初就覺得好過癮啦，唔使錢有餐食，只須交返篇功課就得，大前題就要覺得OK先會讚，如果唔得，我哋就照批評，甚至唔寫。（有次海洋公園間海龍皇餐廳，請我去試菜，結果給我一條煮到全熟，又老又粗嘅三文魚，結果我當然照直講啦。如是者，以後海洋公園嘅活動，就再無我份。） 這幾年來，可能我都幾揀擇，唔係未中過伏，但係好少。（有次受邀到QRE的某西餐廳試菜，吃出一頭煙，當日有份出席的blogger，只有好少部份隱惡揚善，我就隔了數個月後，才給予一個中下評價。還有一次是中環某西班牙餐廳，由全無西班牙菜經驗的大廚接手，吃到全場皆X。） 發展到今日，好多blogger只會寫試食文，不論是一線，二線。有不少級數還低我兩，三班的，打開佢地個專頁／部落格，十篇有十篇都係試食文。 點解？因為太多試食局囉。以我為例，我講過減產之前，一個星期可食足七日，銀包淨係有張八達通，夠搭車就得。而呢七日裡面，可以一日有兩餐，甚至三餐，星期六就下午茶，星期日就Sunday Brunch。 咁樣個生態，健康嗎？ 有人想加入呢個表面風光嘅圈子，亦有人想逃離呢個花花世界。近年無咩有質素blogger出道，取而代之係一眾無乜內涵，拍片為主的vlogger，或者係IGer。以前一齊出身嘅blogger，有些繼續活躍，有些靠買LIKE而騙取其他工作機會，有些不進反退，有些已經慢慢淡出，久唔久得閒先寫下，有些更完全退出，連社交網站都摺埋，做到完全切割。 上年我講過，將會減少呢啲試食活動，一來食少啲健康啲，二來想多啲時間做其他嘢，跑下步睇下戲。今年頭四個月，已減到平均一個月大約只有五，六次。而家我去得嘅試食局，一係我對間餐廳有好大興趣，一係就係個公關同我friend底，早已成為朋友。當然，有靚女出席就仆都仆住去啦，哈哈！ 要我同果啲我唔係好想見嘅人同場食好西，我不如搞下窮L飯局好過。 我blog的成績，七年來累積得來，早已超越當年Openrice殿堂級，而家無乜人再叫我當時的SMASHING PUMPKINS的名字。 有無諗過退出？暫時都無呢個打算，因為我鐘意分享，雖然我唔係好識字，但我鐘意寫嘢；畢竟而家有不少人追蹤我個網誌，怎會輕易言退？ 或許在當今主流眼中，我是傻的，沒錯，如沒有呢股熱血嘅傻勁，今日我就唔會打篇水蛇春咁長嘅文。 識得有位同樣寫blog嘅同道中人，放棄高身厚職，走進熱廚房，落手落腳幫自己喜愛的小店，月前曾到訪過，吃過其真材實料的磨菇湯、蟶子、黑毛豬梅排，用料靚不在話下，做出來的水準，不輸蝕出面啲洋鬼子店，價錢仲平一大截，消費夠＄300一個人，仲免開瓶費。 計劃下個月尾再去打搞佢地。