新年冇得出去做節所以又
係時候諗定有咩新年盆菜
.
.
.
帝京酒店「鮑魚賀歲聚寶盆菜」
有齊韓國六頭湯鮑魚 蝦籽 花膠
日本宗谷貝 虎蝦等上乘用料
醬汁更是精髓所在 鮑魚汁先

以鮮雞同瑤柱 靚料淆足四粒鐘
再加入南乳 柱侯醬同雞湯等等
調配而成 盆菜中的鮑魚 花膠
蘿蔔和蓮藕等盡吸醬汁精華

亦有 2、4、6、12 人份選擇
唔係一大班人 先至可選盆菜
即使只係二人家庭 都兼顧埋
而唔想揀盆菜既 可試煲仔菜

黑色雙耳鋁深鍋 無論明火定
電磁爐都用得 可以無限重用
另外點咗 個棗皇雞同糯米飯
前者嫩滑 後者暖胃 非常飽足

唔想去街市迫完 再又煮又洗
記得及早訂 而家訂仲有八折
新年做節 想輕輕鬆鬆鄧梓峰
外賣盤菜返去 滾兩滾就食得

🔸鮑魚賀歲聚寶盆菜🔸
供應日期︰2021年1月1日至2月28日
盤菜需於1天前預訂，只供外賣及外送
🔹盆菜訂購網址： https://www.buys.hk/royal-plaza/html/punchoi-checkout-zh.html

🔹其他招牌菜訂購網址
bit.ly/36FXLLG (優惠碼Promo Code: R0020)
電話：2622 6161
自取外賣時段:十二時至晚上九時三十分
滿HK$3000可享全港九免費送遞服務
滿HK$1000可享油尖旺區免費送遞服務

------------------------------------------------
⚛唔想睇Latergram 記得follow埋IG了
https://www.instagram.com/highteamama/

⚛ 港女下午茶關注組
歡迎入谷開心Share下有乜港女Tea
https://www.facebook.com/groups/717642208956274/?ref=share

⚛ MeWe新開Group 憑我一人之力邊夠
大家食咗啲咩好Tea，歡迎上去開心share
https://mewe.com/join/hightea

［列斯值幾錢？］班主話五年後要貼住Big Six，到時就值6-10億鎊。但呢一刻？應該3億鎊都唔值

擺明收視毒藥（我講我篇文，唔係列斯），只為自己過癮同教化世人先寫。順手賣下廣告，請支持本人Patreon（https://bit.ly/31QmYj7），等我多啲時間寫呢啲收視毒樂。睇到最尾先訂都得，因為會出多次廣告。但講明，Patreon唔寫足球文（暫時）

TLDR：全世界冇一間足球會收入多過維他奶，所以冇一間足球會值錢過維他奶。有幾難明？

1. 英超開鑼，我係冇睇嘅。但似乎利物浦同列斯踢咗場相當精彩嘅球賽。呢篇文亦由列斯講起，但同昨晚場波無關，一早已經打算寫。

2. 有位朋友講起，嘩，原來列斯聯已經唔再係Strongbow贊助。的確，好多人諗起列斯就諗起Strongbow（＊），但我都係諗起維他奶。留意呢篇文會經常提維他奶。講真的。睇開文應該知點解。

3. 故事由列斯嘅新（？）班主講起，Financial Times訪問（＊＊）。佢呢，就有個5年計劃，目標係將列斯打入頭七（睬！），在英超迫悉匙（＊＊＊）打後。

4. 首先留意返，呢啲目標梗係宏大啲—但即使好宏大，班主都唔敢脫離現實，目標都只係敢話做迫悉匙之後，有自知之明係好的。大家學下嘢。

5. 但都話講錢，班主重點其實係講錢！佢話，如果做到迫悉匙之後呢，咁列斯應該值6-10億英鎊。堅唔堅？多得滯定少得滯？

6. 然後就帶到Financial Times 探討嘅問題，一間英超球會值幾錢？Especially 一間迫悉匙以外嘅英超球會，又值幾錢？

7. 答案：應該唔會值6-10億金鎊。班主太進取了吧。但當然，佢係諗住賣嘅。冇講明，但肯定唔排除，因為呢排已經有人買，但佢話未到價。

8. 講到呢度，一間球會值幾錢？就梗係唔係你啲網友講（佢比錢？）。甚至你睇坊間有啲傳媒都係亂鳩咁嚟。有啲收入同利潤都未識分，有啲又唔知邊度嘅估值。

9. 一句，FT都有講，The true worth of an asset is what a buyer is willing to pay for it.　有幾難明？特別係球會之間，雖然間間不同，但相似性高。至少比球員之間嘅相似性高。

10. 幸好，多得足球全球化，商業化，膠化（下刪一萬字），耐唔耐都有啲球會賣盤，甚至有少數係上市。咁咪有數比較咯，唔係你啲網友把口鳩up．

11. 咁講個好殘忍嘅事實你知：差不多所有足球會，都係唔多值錢嘅。量化？一間維他奶，應該值錢過全世界99%足球會。十年後唔知，但呢刻係。

12. 至於影響力？食得架？名氣？同上。求其一間濕鳩英超會都出名過維他奶，但，我地而家講值唔值錢下話。

13. 維他奶，高位跌咗四成。但都仲有300億港紙市值，40億美金。你估下有幾多間球會值呢個價錢？答案係，應該得一間，甚至係冇。

14. Financial Times由最近一單撻咗Q嘅刁講起。紐卡素賣盤失敗，但留意沙地阿拉伯佬都只係出3億鎊，仲要係肺炎前價錢。十份一間維他奶。非迫悉匙球會，就係咁上下價錢。同列斯班主估嘅6-10億鎊，有啲距離，但當然世上有通脹，佢講五年後。有啲窄，但未必完全做唔到。

15. 另外，FT亦訪問咗另一位仁兄，Jim Ratcliffe。原本想買車路士，但車路士班主（正係艾巴莫域治）開價20億鎊。做石油化工嘅Jim Ratcliffe話，你當我水魚？車路士都值20億鎊？睬佢都有味。結果佢走去用咗1億歐元，買咗法甲嘅尼斯（OSG Nice）．佢認為性價比高好多。記住，車路士20億鎊都比人覺得天價，大半間維他奶咋。

16. 然後我地睇下上市公司，登登，曼聯。曼聯應該係最值錢嘅幾間球會之一。上市公司日日trade，夠公允，市值盛惠27億美金，亦係大半間維他奶。其實都係20億鎊左右，難怪Jim Ratcliffe覺得車路士話值20億鎊係搵佢笨。

17. 其他仲有一堆上市嘅，快手講下。意甲班霸祖雲達斯，市值12億歐元。其他嘅，全部係幾億歐貨仔。德甲多蒙特5億歐市值，荷超阿積士3億歐，意甲羅馬2億歐。

18. 我估就算收入又高財務又穩健嘅拜仁去上市，市值都應該唔會高得過間維他奶幾多。當然只係我估，你啲網友可以質疑，你估就係呀？但我呢啲係educate guess．你肯定你啲網友educated？

19. 唯一可能挑戰維他奶嘅，正係土豪球會曼城。舊文寫過的（https://fbook.cc/3FPK），曼城嗰時賣咗部份股份畀私募基金，計返成間公司估值就差不多48億美金。叫做大過間維他奶少少。但，兩樣嘢。首先呢個係肺炎前嘅價，而家賣仲有咁嘅價？另外，佢賣些少股份出去，推返成間嘢估值，就同真係成間拎去賣或上市唔同嘅。你睇WeWork上市前估值幾高？

20. 當然有人認為，英超球會仲係被低估嘅，但睇下你講10年後定而家。至少而家呢，你見美國啲球隊（NBA啦，其他冇睇唔知），就值錢好多。例如洛杉磯快艇，2014年已經賣超過20億美金（班主正係微軟嘅上任CEO Steve Ballmer）。但已經多年前，而家估計（係，估，但再講一次，educated，唔係鳩人鳩估），頂級嘅NBA隊，紐約人湖人金洲勇士嗰啲，冇40億美金你唔使買。

21. 點解NBA隊值錢咁多？當然因為收入都多好多，冇深究，但相信亦同成個Franchise 制呀，薪酬上限呀，唔會西甲同英超搶人呀，又十分商業化呀之類有關。

22. 講到尾，其實都係盈利—咁就算冇盈利（好多都冇），至少都係睇收入。你要班主長期自己荷包填數嘅，好難搵人買，除非係中東佬洗白。但你見馬拉加個班主都係玩幾嘢就算數，俄超咩安捷都好似係。

23. 點解球會唔值錢？好簡單，係好有影響力呀，係多人識，但收入唔多。（亦都代表，好多球迷嘅loyalty 十分廉價），更加唔好講利潤—收支平衡你已經還神，唔少係蝕錢嘅。

24. 又拎返維他奶出嚟講，舊文都寫過（https://fbook.cc/3FPK），維他奶，一間你覺得好豆泥嘅公司，一年收入10億美金！唔係好多？咁我話你知，冇一間足球會有呢個收入。5年後唔敢講，但而家一間都冇！收入最高嘅巴塞皇馬，講緊都係8億歐元收入。仲係肺炎前。利潤？更加唔好講，維他奶利錢唔算高，但至少有幾億港紙純利。球會？有幾多間有錢賺？

25. 點解球會搞嚟搞去都係唔賺錢？其實真係同個「行業」好大關係。正係因為好多公司都唔上市，仲有啲係私家雞（sorry 但諗唔到更好嘅形容），你啲對手係咁燒錢，咁你唔燒，點夠人鬥？你慳住嘅話，到頭嚟又係畀球迷鬧，越踢越差，就搞到歐聯都冇得踢，收入就更低！（即係阿仙奴！）。

26. 所以個遊戲，係注定冇乜得賺錢嘅。你可以想像你隔離間餐廳，係個有錢佬開，佢不停咁燒錢，出幾廿萬一個月請個廚，侍應佢又畀十皮八皮請晒啲靚仔靚女，賣佢就賣到平你一半。咁你點玩？

27. 只剩低最後一個問題：咁點解仲有人做班主？好簡單，唔係為賺錢。冇人買球會係為賺錢。賺到固然好，但買嗰刻已經知唔會點賺，唔使佢不停填已經超額。

28. 點解做班主？好簡單，巴閉咯！英雄主義！過癮，為童年夢想，高級玩具。當然仲有部份係為咗政治（俄國佬買英超），洗白（卡塔爾佬）。但更重要嘅係宣傳，界外利益。呢個世界上有唔少東西都係咁，例如搞傳媒，拍戲，全部都係為界外利益。為幫班主其他嘢，買影響力，或者只係溝女明星

29. 而最重要正係，球會唔使用好多錢！我係維他奶老細，哦，邊位？但十份一價錢，你係紐卡素FC老細，件事係咪型好多？溝女明星係咪易啲？識政客係咪易啲？你想上武漢（all due respect）睇廠整檸檬茶，定係想入聖占士公園睇……是但啦。但如果買間球會要幾十億美金甚至百億，又要再諗下啦。

30. 講返列斯到底值幾錢？好簡單，班主話早排有人買但佢唔賣，未到價。但佢唔排除賣少量股份拎啲新資金，希望大約估值係3億鎊—其實咪話畀你知，佢覺得列斯值幾錢咯！甚至根本篇訪問就係畀啲潛在投資者睇的。呢刻，咪就係咁上下價錢，合理丫，咪紐卡素咁上下，埋枱肯定仲有價講。5年後如果做到迫悉匙之後？再計啦。

（＊）但我諗起水晶宮會諗起TDK，富咸係Pizza Hut，曼聯當然係SHARP，阿仙奴係JVC，車路士係Autoglass，拜仁係OPEL，基達菲係Burger King，愉園係……中國銀行（有冇記錯？）。完全係出賣年紀。

（＊＊）其實Financial Times 直頭成條新beat去間體育產業，上次世界盃嘅文章亦都相當好。堅持咩金融撚數撚唔識嘅，係活在自己世界啫。

（＊＊＊）迫悉匙，曼聯曼城阿仙奴利物浦車路士熱刺，排名不分先後。點解係迫悉匙唔係迫科或迫快乎迫些焚？可能係因為戰績，但更加係因為財力—呢六隊嘅收入，明顯拋離打後其他會，甚麼愛華頓韋斯咸李斯特城之類。而當然收入就支持返戰績，十分簡單。正如巴塞皇馬係西甲最高收入球會，亦係戰績最好。

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張一個月已500人訂！仲有兩篇免費試睇：https://bit.ly/31QmYj7

——————————————————————————
［收費短片第九擊］美股科技股是否泡沫爆破？價值投資之選

課程資訊：https://homebloggerhk.com/course_detail/?code=CC009

內容:
*美股急跌點算好
*科技股係咪泡沫爆煲？
*有乜價值投資之選？

本星期內特惠售價: $80
課程編號：CC009
觀看期限：首次播放後一星期及限每影片４次
客服whatsapp: 63832145

另外想買返第八擊（美國總統大選股票部署）都仲可以：https://bityl.co/3NPn

【摸魚手札】一定是中資買香港媒體？（渾水）

都市日報已賣，星島亦談賣盤，夕陽產業如遇上好買家，那當然是好的商業決定。不過，大家都知媒體產業係很具戰略性。

「一定是賣給中資啦」每次當香港媒體易手，我們都條件反射有這個結論。是的，媒體有文宣功能，可以傳播意識形態，話語權有價，善用之可以擴大整個商業王國。這些非商業的社會功能的確很吸引中資，正如國家過往的部署是透過中資不停買，不停入侵香港人的一般生活，搞另類經濟和社會統戰。

首先，國家對香港的商人更不信任。雖然一直以來港資都唯唯諾諾，但去到大是大非時這班人會不按主軸走，跳草裙舞。鬥地主只是大方向大戰略，骨子裡中央是不信任所有港資，正如某些勢力人士也公開講出口：「港資不是自己人」既然不信任港資，那就取而代之好了。第二，今次這個運動反映傳統媒體做不到完整文宣統戰，由連登和Telegram主導的新傳訊方式打到傳統媒體機械節節敗退。既然這件工具無用，倒不如趁被清算問責時盡快脫手，也趁現在還有些剩餘價值嘛。

有些媒體是附帶上市公司實體，最近聯交所流行DQ上市地位，而且DQ要求跟黃之鋒一樣，很不透明。近期就曾有一隻創業板媒體殼一易手賣殼給澳門大班後就遇上被DQ，結果新買家要折騰一輪搞重組。媒體是夕陽工業，不知何時會被DQ，雖然不是最主要原因，但能夠善價而沽總是好。

上面這些推理都很大路，近期有一些質性變化，改變了少少結論。

https://s.nextmedia.com/realtime/a.php…

======
加入渾水訂閲服務：
https://www.patreon.com/muddywaterfinance

芒向編輯部 2017年11月03日

主持: 馬來近, Raymond Wong, 加燦生, 義德台仰, 真BC, 許留山

第一節: 馬來近移民大馬資料補充 / 蘋果日報叫人移民泰國 大家要認清風險/Q仔講日本樓 講啲唔講啲/仲教人做黑工

第二節: 當英女皇係事頭婆純粹搞笑/黄之鋒大班之爭補遺/回應網友/加國崇尚皇室心態剖析/殖民地歷史仇恨雜談/白票黨凸顯泛民內部矛盾

第三節: 蘋果日報賣盤分析/高慧然也許不了解外國/香港人在外國犯毒賣淫成風/公屋封頂乃偽議題 實際推人去企理劏房

芒向編輯部 2017年11月03日

主持: 馬來近, Raymond Wong, 加燦生, 義德台仰, 真BC, 許留山

第一節: 馬來近移民大馬資料補充 / 蘋果日報叫人移民泰國 大家要認清風險/Q仔講日本樓 講啲唔講啲/仲教人做黑工

第二節: 當英女皇係事頭婆純粹搞笑/黄之鋒大班之爭補遺/回應網友/加國崇尚皇室心態剖析/殖民地歷史仇恨雜談/白票黨凸顯泛民內部矛盾

第三節: 蘋果日報賣盤分析/高慧然也許不了解外國/香港人在外國犯毒賣淫成風/公屋封頂乃偽議題 實際推人去企理劏房

芒向編輯部 2017年11月03日

主持: 馬來近, Raymond Wong, 加燦生, 義德台仰, 真BC, 許留山

第一節: 馬來近移民大馬資料補充 / 蘋果日報叫人移民泰國 大家要認清風險/Q仔講日本樓 講啲唔講啲/仲教人做黑工

第二節: 當英女皇係事頭婆純粹搞笑/黄之鋒大班之爭補遺/回應網友/加國崇尚皇室心態剖析/殖民地歷史仇恨雜談/白票黨凸顯泛民內部矛盾

第三節: 蘋果日報賣盤分析/高慧然也許不了解外國/香港人在外國犯毒賣淫成風/公屋封頂乃偽議題 實際推人去企理劏房