今年好矚目的消暑活動 #盛夏森林 ，周圍都見到佢哋廣告，集玩水💦、美食🍉、音樂🎵於一身，呢個暑假點都要去玩先似放緊暑假！ 詳細介紹🔻 https://bit.ly/3k32Ftw 除咗可以拎住支水槍亂咁射🔫，有幾個大水桶放喺度隨時俾人refill，仲有高拋滑梯，哥哥玩到超興奮，芊芊見少人排就不停來回玩咗好多次，見佢不停撻落水超攪笑～ 仲有泰山吊索、百米競技賽，呢兩個就唔駛點濕身又好好玩。最壓軸係百米滑水梯，哥哥越級挑戰，爬上幾層樓咁高的高台，滑落過百米的滑水道，佢仲話一D都唔驚㖭⚡️ 全個水動樂園區定時噴水同你降溫，不過就算噴唔中你，旁邊D 細路都會唔理你係邊個，都會射向你～ 玩夠癲夠就可以去嘆嘆場內啤酒美食🍺，到咗黃昏時段，仲會有森林派對，DJ現場打碟，好似去咗台灣個D 大型派對巿集超好氣氛～⛱ 《盛夏森林 Splash N' Forest》 📍地址 元朗大棠有機生態園區內 🗓日期時間 2021年7月2日開始至10月逢五、六、日(15:00-22:00)；註：水動區至21:00 🎟購票 https://www.klook.com/zh-HK/activity/58096-splashnforest-hong-kong-2021 🌎網址 https://www.splashnforest.com/ #玩水 #滑梯 #充氣 #超熱 #消暑 #射水 #大飲 #大食 #啤酒

聽到大棠，大家可能只知道佢係熱門的睇紅葉地方，其實佢旁邊有個「#大棠有機生態園」(又稱 #大棠荔枝山莊)，地方大，有得睇動植物又有得玩，而且入場費唔貴，係一個很不錯的親子好去處。 一入到去已經見到好多不同既蔬果植物，可以同小朋友一邊講解，而第一樣見到嘅動物就係鴕鳥，距離都幾近，小朋友見到都好興奮。 荷花池一帶景色都很優美，而且難得見到天鵝，仲有好多鯉魚，可以用1格活動卷買魚糧餵魚。 呢度仲有馬術學校，可以參觀馬房丶餵馬同騎馬，不過馬房有特定開放時間，想騎馬的話就要留意。 小朋友最愛睇動物，呢度嘅動物村絕對可以滿足到小朋友，有羊丶野豬丶兔仔丶孔雀丶火雞等等，小朋友可以餵羊仔也樂透了，而且嗰度有羊BB可以喺圍欄自由出入，小朋友可以超近距離跟牠們接觸。 仲有不同的遊樂設施： ✨滑草：刺激好玩，可以選擇租借成人或小童滑板，亨亨玩到唔捨得走 ✨繩網陣：考考小朋友的膽量及身手，不過都幾高，太細嘅小朋友就未必啱，旁邊仲有千秋及搖搖馬 ✨兒童遊樂場：有滑梯丶繩網及不同的障礙 呢度有✨充氣彈彈床 及 ✨單車，本身睇相仲有得整手工丶撈金魚，不過呢日就見唔到。 提提大家，我當日去嘅時候係平日，餐廳就只提供一款公仔麵 (印象中好似餐蛋麵)，想食其他嘢的話可以喺詢問處嗰度問佢哋拎張茶餐廳外賣紙叫外賣，食物就會送到餐廳位置。 呢度仲有得摘士多啤梨🍓，不過其實睇晒玩晒所有嘢都已經用咗半日時間，留返下次再去！ 💰費用： 入場費 $50 入場費+套票 $130 套票包四格自選活動，可用來兌換不同活動如騎馬丶單車丶魚糧等。 三歲以下免費入場 ⏰開放時間： 9:00am-6:00pm 📍如何前往： http://ttlv.hk/projects/location/ P.S. 啱啱見到佢喺Facebook話馬房及彈床暫時關閉，敬請留意！ @ttlvhk #大棠 #元朗 #元朗好去處 #兒童遊樂場 #摘士多啤梨 #動物園 #騎馬 #單車 #滑草 #四月媽媽手記 #hkmami #hkkids #hkblogger #親子好去處 #香港好去處 #週末好去處 #香港媽媽 #hkkol #親子blogger #hkmom #香港媽咪 #wearehkkid #sohappy💛💟

前排去睇紅葉🍁, 沿途見到大棠 #有機生態園「#恐龍冒險王國」既poster, QB已經話想去! 因為住得近, 上星期見天氣唔錯就即興去玩. 以前去生態園係摘士多啤梨🍓, 摘菠羅🍍, 騎馬仔🐴, BBQ; 近年多左冰雕睇❄️, 今年仲可以睇埋恐龍🦖添, 仲玩埋充氣彈床同攤位遊戲,真係可以玩足一日! 好玩Check Point📍~ #5隻大型機械恐龍 一入場, 首先見到係巨型機械 #暴龍, QB初時仲話人扮既, 洗乜驚喎😎... 點知, 隻恐龍係裝左Sensor架, 有人行埋去, 佢就會吼叫! 嚇到QB三魂唔見七拍😫, 之後仲有隻真人版恐龍, 佢嚇到唔敢落地, 抱到我好實😜! 同塲仲有 #三角龍, #劍龍, #翼龍, #長頸龍, 絕對迫真! #15個超大型充氣遊樂設施 包括考驗小朋友靈活度的「挑戰亞馬遜」、考身手的「22米障礙挑戰」及必玩的波波池; 亦有成人可參與的「迷宮挑戰」、「特色充氣 war game 場」、「人肉保齡球」及「充氣卓球」充氣設施係QB至愛, 真係彈個不亦樂乎! #恐龍王國冰雪館 無機會去過白色聖誕, 又想體零下10度既感覺, 可以入冰雪館. 有好多彩色恐龍造型冰雕外, 仲有「聖誕老人村」及「荷蘭小鎮」, 同埋長達21米的 #冰雕滑梯, 超刺激! 入冰雪館會有保暖衣物供應, 不過留一陣已經凍到震, 真係過足癮! #25米花牆 超靚打卡位🌸, 襯定靚衫靚pose, 隨便影都好靚架📸! #攤位遊戲贏禮品 十多個遊戲攤位，亦設有足球對戰機、籃球機、拍拍機、夾公仔機及水槍機等讓你玩到夠. 自問無技術又無乜中奬運, 都好容易擲中左幾隻恐龍公仔. 但最勁係QB, 擲波波中左大奬🎊, 捧住大暴龍🦖返屋企! 最後我地集齊晒一套恐龍公仔返屋企, 收獲豐富! 「恐龍冒險王國」詳情： 日期: 2018 年月12月14日(星期五)至2019年2月10日(星期六) 時間: 早上9時至下午6時 (星期一至日) 地點: 元朗大棠「有機生態園」 票價 HKD 120 包門票、《恐龍冒險王國》代幣6個及大棠有機生態園門票 HKD 80 包門票及《恐龍冒險王國》代幣6個 HKD 690 包4張門券，包括VIP襟章及禮品套裝(數量有限) 交通 大會將提供免費穿梭巴士往返「朗屏西鐵站」(近B1出口)及《恐龍冒險王國》 (逢星期六, 日及公眾假期 9am-6pm) @hkdinokingdom #hkdinokingdom #hkpark #dinosaur #icehouse #假日好去處 #朗屏西鐵站 #大奬都中到要比個冧把黎買MarkSix #中左大奬即好威威豬既樣 #玩到熄燈先肯走 #下次摘士多啤梨同菠蘿