今次唔係分享病房經歷，而係上門探訪嘅經歷。#staycutewardsharing 話說最後呢兩個禮拜係出社康護理部（CNS），主要係有啲病人出院之後可能有啲問題需要繼續跟進，但佢地又可能唔方便出門/行動不便，就會refer CNS護士上門跟進呢啲case，例如係上門做傷口護理呀，睇下病人嘅糖尿病控制成點呀，幫啲病人分藥⋯到病人慢慢處理到啲問題，或者解決咗個問題（例如洗到個傷口好返喇），就會close file。出CNS好輕鬆，唔駛返shift唔駛喺病房，而係每日返八點放五點，上晝去啲病人屋企，下晝就喺centre做paperwork。返咗短短三日（琴日interview放假），我真心好鍾意呢個實習，唔單止睇咗好多野，仲比病房嘅感受深刻。 話說我實習嗰區主要係去啲舊式屋邨，當中好多都係好似幻愛嗰種「井型公屋」。平時間唔中都會去呢區，每次經過見到呢種屋邨，都覺得由下面望上去，由個「口」字望天空好靚，好有舊式香港嘅味道。望住一道道鐵閘、一個個單位，都會想像隔住木門裡面嘅空間住咗點樣嘅人呢？佢地過住點樣嘅生活呢？（sor，我成日都好想知其他人嘅生活係點🤣）短短呢三日，踏入一個又一個單位，同唔同嘅人共處一個狹小嘅空間，發現原來呢個城市裡面住咗各種各樣嘅人，每個故事都有好多辛酸，又有好多複雜嘅情感。 就好似我畫嘅呢幅畫入面嘅婆婆，佢嘅左邊面有個fungating wound（蕈狀併潰爛嘅癌症傷口，簡單啲咁講就係想像一個cancer腫瘤爆咗出皮膚生咗一大舊爛肉腫瘤，有少少似異型穿破人類身體出來嗰啲樣）。好似講到好恐怖，但你可以去google下，睇完啲相你就會發現事實上啲傷口真係咁恐怖。聽個姑娘講，半年前都只係一粒花生嘅size，半年後已經係我個拳頭咁大，仲要喺塊面度，真係難以想像婆婆嘅痛苦。所以佢都冇出過屋企門口，每日只係喺床上面用住尿片大小便，乖乖地等姑娘每日上來幫佢洗個傷口。洗呢啲傷口要好小心，因為佢成舊瘤都係爛肉，所以唔可以好似平時洗傷口咁用紗布抹/捽。姑娘會痴個膠袋喺下巴，再用針筒沖啲生理鹽水落個傷口咁樣洗，之後仲要好輕力咁印乾，因為如果一個唔小心大力少少，個傷口就好易會瘋狂流血。 望住呢個婆婆日復日地等姑娘拆開紗布，沖洗個大傷口，再蓋返紗布，再重複⋯⋯一個星期都難頂，仲要成半年都每日如是，就咁想像都痛苦。呢個婆婆大概已經冇咗生活，每日只係帶住個軀殼生存緊，加埋佢同個同住嘅阿仔關係好惡劣，有時佢會好激動用我聽唔明嘅鄉下話鬧佢個仔，鬧到好大聲個人都震晒咁⋯⋯ 我喺度諗，婆婆每日咁樣生存究竟有咩感覺呢？ 其實上門洗呢啲cancer傷口真係好普遍，有另一個婆婆係乳癌，但年紀太大所以都唔揀做手術，個腫瘤自然不停生呀生，左邊嘅乳房爆咗一大舊cancer組織出來，仲大舊過上面講嗰個婆婆塊面嗰舊，仲要再惡劣啲，散發住一種好強烈嘅異味。姑娘都話呢啲case都只係一直洗到個病人過身，因為已經冇野可以做，洗傷口只係希望令個傷口唔好發炎，但個腫瘤只會繼續爆出來，唔會因為洗傷口而好返。 木門嘅另一邊除咗住咗好多呢啲帶住極痛苦嘅傷口生存嘅病人，仲有雙目失明嘅獨居伯伯，每次上佢屋企移動過嘅枱枱凳凳凳都要搬返好，因為少少改動都會為伯伯帶來危險；有三十幾歲嘅夫婦同一個婆婆（個丈夫嘅媽媽）逼喺一個冇間房嘅單位裡面，呢對夫婦婚姻生活連一個房間、一啲私人空間都冇，仲要背負照顧記性好差好差嘅媽媽嘅重擔⋯⋯ 當然，都有一啲令我冇咁心酸嘅情景。 好深刻第一日上到一對老夫老妻屋企，主要係睇個婆婆糖尿病嘅情況，睇下佢飲食有冇節制，食藥有冇跟足。一路問婆婆有冇偷偷地食野，個婆婆都話冇，直到姑娘發現枱底地下有幾個大支裝葡萄適嘅吉樽，再追問之下，伯伯先至篤爆婆婆，話婆婆會半夜起身偷飲葡萄適。婆婆細細聲咁拍伯伯，話：「邊有日日飲！」伯伯又繼續爆：「佢呀日日都會去食西多士，食埋咁多糖精，又會食馬仔呀，每日都食架，話佢都唔聽，成日偷偷地食。我就來用籐條打佢pat pat架喇！」婆婆不停叫伯伯唔好再講，伯伯就愈篤愈興起。望住佢地咁樣，我反而覺得好甜蜜。相處咗咁多年，雖然婆婆唔聽人勸咁唔節制，但伯伯一開始都冇爆婆婆啲衰野，直至姑娘自己發現先篤爆佢；篤爆佢嗰陣都唔係鬧婆婆，而係好似湊細路咁樣話要打婆婆patpat。好感受到佢地對話裡面散發出來嘅默契同愛意，都感受到伯伯對婆婆嘅寵愛。 仲有另一對公公婆婆，個伯伯啱啱裝咗心臟起搏器，所以姑娘上門跟進下佢心臟有冇咩唔舒服，同埋教佢初期要注意咩，飲食又要點樣調整。個婆婆坐喺隔離好少出聲，但佢會主動幫伯伯披件外套；姑娘教伯伯飲食習慣要點樣調整，婆婆都特別專注，又會問下問題。之後姑娘叫伯伯出走廊行俾佢睇，行完之後姑娘叫伯伯要行慢啲，伯伯講起佢每日都會同婆婆去散步：「我成日同佢散步，我都行喺前面，佢就mememormor，有時真係等到好忟！」但佢話就話忟，卻係帶住笑意。雖然一個行得好快，一個就鍾意慢慢行，但重要嘅係佢地願意遷就對方，唔會扔低對方。伯伯就算會忟，都會等婆婆；婆婆就算跟唔上伯伯，都會喺後面繼續追住伯伯。我諗喺好多令人心酸嘅人同事裡面，呢啲充滿愛嘅畫面都為我帶來好多温暖。 好啦，純粹想分享我呢幾日睇到嘅故事。希望大家都照顧好自己，重視自己嘅健康，唔好趁年輕就太任性🥺🥺雖然病痛呢啲野唔係我地控制，但做到就做啦！❤️

您是也是下面的族群嗎？ #好康在文末 #加班族 #應酬族 #爆肝族 #免疫不足 #日夜顛倒族 #陪你加班的秘密武器 #陪你熬夜的夥伴 偶爾跟老友們聚餐或殺青酒時總得來上好幾杯, 但在沒睡飽的情況下實在容易爆醉爆睡阿!! 好在有 #固力甘Glusecure 照顧起來!!! 喝酒前吃、試鏡前吃、如果宿醉後吃！ 吃了一陣子感受挺不錯的~ 仔細看了成分原來是這樣啊~ 他有3個專利 4大支撐： 1. 日本專利 幫解酒之類 抗氧化 肝機能調節 代謝啦. 2. 歐美專利複合型薑黃, 它是天然抗發炎的營養素,降低發炎反應. 3. 德國工藝萃取 硒, 遠離心血管疾病, 降低癌症發生率, 增強體力. 衛福部說 建議攝取55ug 4. 當然還有B群、肌醇、膽鹼、牛磺酸, 大家耳熟的成分 對抗 #社交 #應酬 各類酒精 先來兩粒！ 熬夜開播的實況主、拼命檢測的工程師！ 加班到晚還要晨會的上班族們，對自己的肝好一點吧～ #好康 #優惠碼「GSJBC」結帳時輸入!! 在領醫保健商城 https://shop.leadinmed.com/ 就享有７９折！優惠價！爆買起來！對自己好一點！ 偷偷說 @leadinmed 好像還有滿千免運唷～為了健康衝一波～ #固力甘 #領醫 #加班人生 #爆肝 #解酒 #提神

最近武漢肺炎肆虐，一直在尋找天然食品增強抵抗力，原來椰棗有非常多功效。椰棗是棕櫚科的植物，外型像椰子樹，果實像蜜棗。  益處 >>> 🤎 高纖：預防便秘、控制血糖水平 🤎 天然果糖：取代白糖膳食纖維等 🤎 糖分：提供能量 🤎 磷、鉀、鈣、鎂：保持骨骼健康 🤎 抗氧化物：預防心臟病、癌症、腦退化症、糖尿病 🤎 高鐵質：預防貧血 🤎 高鉀：調節血壓  我找到一款來自杜拜的椰棗蜜，@halalyeayea 除了有售賣支裝椰棗蜜，還有各類用椰棗蜜做的食品。我吃過他們的咖喱牛肉批和蛋撻，非常美味，原來是用椰棗蜜代替糖，比一般吃到的更健康 👍🏻 另外可以自製椰棗蜜水，每天喝一杯，我的鼻敏感都有改善👃🏻 一大支有超多用途，性價比極高～推薦給大家，任何年齡人士都適合  各位有興趣的朋友，只要出示我的 FB/IG post screen cap，就有優惠價 🔆 每支減免💲20  可以直接到店面購買，或WhatsApp ☎️ 90303323 訂購，詳情可直接向清真笑爺查詢，記住要出示我的post才會有折扣優惠❣️  📍銅鑼灣糖街15-23號銅鑼灣中心一樓110 舖 FB: https://www.facebook.com/halalyeayea/ IG: @halalyeayea