公民黨立法會議員湯家驊及郭榮鏗，下周將隨大律師公會訪京，預期屆時將與全國人大法律委員會主任委員喬曉陽、基本法委員會主任李飛等會面；學聯、學民思潮、文化監暴、杏林覺醒等多個民間組織發表聯署聲明，不滿溫和泛民近日提出多項「疑似『轉軚條件』」，並質疑為何有泛民議員執意與李飛「密室會談」，促請泛民堅持承諾，否決「袋住先」方案。

港府將於明日公佈政改方案。

學民思潮、學聯、新婦女協進會、人民力量青年團，以及多個傘後組織如杏林覺醒、文化監暴、拾．念、傘下爸媽等共31個團體，聯署發表〈堅決否定方案 停止密室會談 勿中政改分化之計 — 別讓港人民主路毀於泛民議員一票！〉聲明。

在政務司司長林鄭月娥會見各派議員以後，我們目睹部份溫和泛民提出各種疑似「轉軚條件」，如聲言可考慮「白票守尾門」，並表示需視乎新方案具體內容而決定是否接受云云，而更讓我們憂心的是，部份泛民議員決意在政改方案公佈後旋即上京跟李飛會面，實在完全忽視與京官密室會談的惡果。

聲明要求泛民議員停止「流於形式」的密室會京，「勿中分化之計…令各方爭取民主的力量陷入無意義的內耗」。聲明強調，泛民議員不可忘記去年6月，近80萬市民投票要求公民提名的聲音，並對參與傘運的120萬人負責，堅持否決831框架方案的承諾。

養兵千日，用在一朝，亞爺吾放他一馬，2004 年湯大狀無得參選不特止，仲可能身敗名裂。小朋友問下泛民當年立法會侯選人啦，知的人好多好多, 現場有幾十人之多, 據聞大狀喊到亞媽吾認得。ps. 我不在場, 芒果佬, 燒山都不在。但毛、牛、陶、EE 等在, 私下問啦。

【聲明：讓我理想不再被出賣 — 請湯家驊撤回「排序複選制」方案】
http://on.fb.me/19SaypB

公民黨兩名立法會議員湯家驊、郭榮鏗，早前聯同公共專業聯盟莫乃光、梁繼昌提出「排序複選制」政改方案。兩人將於今明兩日隨同大律師公會訪京，據報道，郭榮鏗期望在晚宴上提出「排序複選制」及真普聯學者顧問團的三大方案，湯家驊更表示已透過「中間人」將方案轉達中央，初步反應正面，學民思潮強烈反對以上行徑。

我們認為在普及而平等的民主選舉中，香港市民應該擁有平等而一致的身份，就是可以行使均等政治權力的公民，各自表達個人的意志。所謂「四大界別」不過是對公民身份的多餘框架和限制，是不民主政制的落伍遺物。保留「四大界別」是「廣泛代表性」的定義之說法，不但極不尊重選民個體的意願，更是中央政府限制香港民主發展的語言遊戲，實在不應輕信。然而，湯家驊議員提出的「排序複選制」卻保留了「四大界別」，剝奪了香港市民的直接提名權，更延續了社會崗位間權力不平等的永劫。

過去一年，商討文化和公民授權的概念，廣受公眾認同，代表香港市民與中央協商、交流甚至談判的政改方案，應該由公民授權或公投得出，這一點已成市民共識。然而，湯家驊議員竟無視民間積極進行商討、公民教育，準備政治動員和公民抗命的努力，私下向中央推銷方案。此舉破壞了真普聯的七點共識，更打擊了香港市民以公民抗命手法爭取平等提名權、選舉權的決心。

我們一直相信民主不是由當權者賜予，而必需由我們自己爭取；而任何政改方案都應以廣大市民為受眾、為對象，而非單單面向中央。我們希望湯家驊議員撤回「排序複選制」方案，並停止以「中間人」方式與中央溝通，盡快站回人民的那邊，丟掉幻想，準備抗爭。

學民思潮
2013年10月30日

【背水一戰，呢場仗，許勝不許敗?】

我從來不是運動領袖，也不是政治明星，宏遠的答案我沒有，只是不知有幸還是不幸，在此時此刻，要為香港人爭一口氣。

「可以卑微如塵土，不可屈曲似蛆蟲」，今次嘅選舉，係法治同人治嘅對決，係民主同威權嘅對決，係真誠同謊言嘅對決。

我係區諾軒，我向全港市民發出一個邀請，3.11，用選票展示香港人嘅尊嚴。

#香港人心不死 #votethe1
__________________

多謝剛才有好多位朋友、前輩上嚟發言，回顧左我過去十年政治路上面嘅點點滴滴。

或者到今日，都仲有人會以為，區諾軒入到閘，民主派係港島就可以大安旨意。但事實係，對手半年前已經開始選舉工程，幾個月前係隧道口賣廣告，幾個月前將海報貼滿老人院，我只有個半月進行選舉工程，呢場絕對係一場硬仗。

諗返兩個月之前，我真係無諗過要踏上呢個台板，以候選人身份同大家見面。正因為政府無理DQ左6名民選議員，包括香港島嘅羅冠聰，後來再阻撓周庭參選，使盡橫手搶議席，先令我要臨危授命代表民主派披甲上陣。我要首先係度多謝各位支持我、幫我地助選既朋友！

今次嘅選舉，好多人都覺得選舉氣氛麻麻。有傳媒連選舉論壇都唔搞，到今日，我地仍然無科學嘅民調數字。但係大家問心，歸根究底，係因為對政治局勢充滿無力，大家搵唔到香港前路點走，以致我地逃避，唔想面對。

唔知道大家身邊有無朋友係咁，我有好多同學2014年，佢就係金鐘個邊紮營，甚至龍和道個晚，就係我隔離條路食警棍。但係雨傘運動過去左，有人專心做生意、有人走左去幫公司上市、有人專心做公務員、做老師，佢地話，一見到政治新聞，就想熄電視；見到立法會包圍主席台，寧願望番手機覆whatsapp；佢地會黎添馬公園，不過係為左捉精靈，參加英國文化節，睇藝術品，多過黎遊行。有錢，有時間，寧願去旅行透下氣。

你問我做民陣召集人個年係咩感想，就係每次遊行都深深感受到，呢種無力，呢種迷惘，已經變成每一個參與雨傘嘅人，甚至係每一個香港人嘅共同經驗。我真係好想同問在場既傳媒朋友，點解成日要訪問梁愛詩、范徐麗泰、饒戈平，佢地次次出黎電視，日日都踐踏香港人既尊嚴。范太話，若果覺得大陸破壞一國兩制，請香港人移民去台灣；饒戈平話，23條立法沒有討論餘地。佢地代唔代表到香港人呀？

大家將心比己，我好明白大家嘅感受。喺香港生活，本來就係一件好壓抑嘅事，有人會話，咁樣叫做休養生息，有人會鬧唔繼續參與就係港豬，背叛左雨傘運動。但係坦白講，一個充滿無力感，好似無方向嘅政治氣氛，覺得攰，想休息，其實並唔係啲咩可恥嘅事。

但係你問我，係咪代表香港人已經死心，我會話唔係，我仍然對香港人充滿信心。每次遊行，我仍然見番好多雨傘運動既臉孔，佢地未必次次出現，但係敘會之間，仍然感受到佢地對香港著緊；今次選舉，你，同你同你，我認識既、唔認識既，都真切地體會到你地既支持。

我地香港人，即使喺無力，壓抑，仍然會抵抗不公義，捍衛自己嘅價值。大家睇睇林榮基；大律師公會；海麗邨既工友；去到最近九巴工潮，車長話：「我第一個企出嚟，第一個係罰我先……每一樣嘢都係要犧牲。」我想大家比Ｄ掌聲佢地。

佢地嘅出現話俾我哋聽，我地點燈，就有光。我哋未必即刻見到明確嘅方向，但我哋緊守崗位同專業，我哋一定會走出呢種無力嘅狀態，為香港嘅民主運動，為我哋嘅社會公義，揾到新嘅出路同希望。我地點燈，就有光。呢個亦係點解，我係今次選舉強調，重建民主運動組織力量，係我當選後既重要方向。

有好多人問，點解我揀喺呢度開我嘅造勢大會，原因好簡單，十年前既依一度，就正正係皇后碼頭抗爭既發源地，而皇后碼頭抗爭就係我既政治啟蒙。

經歷專權政府既發展，依度雖然被拆卸，但無論係天星皇后，定係雨傘運動，呢度都象徵緊有一班勇敢嘅香港人，願意為我哋嘅城市獻身，抵抗警察嘅暴力。

我相信，我對呢度嘅意義係唔會輕易改變，有人恪守自己既專業，係法律界、金融界、學術界，頂住人濫權；有人參選法團，頂住利益集團。我地每一個人堅持既陣地，就係香港精神！

今日集會，叫做黑夜點燈，香港人心不死。即使我哋因為睇唔到出路而覺得無力，我哋並無選擇放棄香港。面對黑夜，爭一口氣，點一盞燈，我哋依然會默默守護彼此，去點亮包圍我哋嘅黑暗。

依家嘅北京，依家嘅政府，依家嘅權貴，就係想抹殺我哋城市嘅希望。佢哋要將一代人嘅政治權利搶走，要將抗爭者收入監牢。佢哋嘅目的，就係要香港人死左呢條心佢。我問大家一次，大家會唔會因為咁而死心呀？

今次選舉，我將自己既所有既未來都押上黎，因為我對香港市民有信心，「原本我唔需要選，所以我更加要贏。」慢必話：「原本你唔需要投票，所以311，大家更加要出來投票！」

今次選舉，我地背水一戰，呢場仗，許勝不許敗。政府要我哋死心，我地唔單止要贏，更加要用最強大民意，話番比政權聽，DQ周庭，係錯嘅！DQ羅冠聰，係錯嘅！DQ候選人，無論係本土派定係自決派，都係違反國際公約！

「可以卑微如塵土，不可屈曲似蛆蟲」今次嘅選舉，係法治同人治嘅對決，係民主同威權嘅對決，係真誠同謊言嘅對決。我係區諾軒，我而家向全港市民發出一個邀請，有請各位一齊同我一齊，係未來呢個星期邀請身邊既人投票，311，齊投票，守護制度公義，民主派四席全贏，多謝各位！