#利尻觀光
日本名水+8小時長龍拉麵店

一個好細嘅離島，揸車行一圈一小時已搞掂！島嘅中間係「利尻山」(又稱利尻富士)，所有商店/住屋/酒店就係圍住呢個山嘅山腳而建。

呢度最出名嘅活動就係：行山！夏天、秋天當然最適合，但冬天一樣有專業嘅登山客！不過裝備就嚴重好多喇！

#沓形岬公園
要睇到最靚嘅利尻富士，就要去呢度喇，附近有個展望台，上埋去睇就相當清楚！不過如果當日大霧就未必睇到喇！同埋好大風記得要著有帽嘅風褸！

#夕日ヶ丘展望台
睇日落就要去呢度，不過要上段樓梯，都幾窄幾驚咖，要留意！

#オタトマリ沼 #白い恋人の丘
北海道數一數二有名嘅「白い恋人」，聽講話包裝上嘅山丘就係取材自呢度喇！而呢度仲係日本有名嘅求婚勝地！

我哋梗係冇咁好裝備，亦冇咁好體力學人登山啦！但都有行去好高嘅展望台，仲有去搵日本有名嘅泉水(山水)。日本名水百選第二位嘅「#甘露泉水」一定係最出名啦！但冬天積雪關係，我哋無辦法行到去泉水口，咁唯有搵其他利尻有名嘅泉水啦！（記得要自備水樽喇）

「#麗峰湧水」呢個最易搵，就喺馬路邊，經過一定見到！

「#長寿乃泉水」呢個明明上網見啲人話，喺「旅館雪國」隔離，會有個大牌寫住泉水位置，但我落車搵左成廿分鐘都搵唔到，皇天不負有心人！來回左幾次地氊式搜索後，終於發現喺間屋仔後面 (見附圖)！

唔知係咪因為「長寿」難搵啲，所以覺得清甜啲？好似好飲過麗峰🧐🧐🧐 夏天飲應該堅爽，冬天都過癮嘅 😛😛😛

冬天黎利尻真係無啖好食😢大部份餐廳冬天都唔開，就算開都只開到下午兩點。不過有一間拉麵店就喺日本全國都好知名，喺東京橫濱嘅分店，最高峰時要排8小時先食到！而利尻本店，日本人就封為「日本一来店困難」即「日本最難到達嘅店鋪」，咁遠黎一定要試啦（可況已冇乜選擇）😅

我哋11:10 黎到(鋪頭開11:30-14:00) 只得我哋一架車，到左開鋪前五六分鐘左右，就陸陸續續有車黎到，鋪頭一開就差不多坐滿！喺一個沓無人煙嘅地方黎講係幾誇！基本上我哋喺利尻一次過見最多人就係呢度！😳 咁究竟有幾好味呢？叉燒冇特別，蛋我整得好味過佢，但麵質與湯底就真係不得了！我哋叫左一個招牌嘅「焼き醤油らーめん」一個「辛味噌ラーメン」。呢度嘅湯底用左大量嘅利尻特產「*昆布」+豚骨+雞殻 淆成！極香極濃郁，配埋煮得剛好充滿彈性稍粗嘅麵身，美味しい！！

辛味噌味道good！比一般味噌稍濃，少少辣但唔算油，如果兩個人以上黎食，可以叫一個味噌一個醬油試試，如果只有一人黎，就叫返招牌嘅醬油拉麵，始終味噌會遮左原有利尻昆布嘅獨有風味。

*利尻昆布比一般昆布價值高約五倍

#日本旅行
#日本自由行 #道東 #道北 #道央 #稚内 #利尻 #日本の最北端 #拉麵 #名水 #泉水 #山水 #ラーメン #味樂 #味楽
#旅遊 #自遊行 #日本 #東京 #大阪 #北海道 #化妝 #化妝師 #JessUp #JessUpHK #2019JapJessup