【投資都要做功課？】

人生要做各式各樣嘅功課，好似大學開sem揀科、見工前要了解下公司背景、買樓前要決定邊區同埋budget……至於MPF投資組合，都唔係話揀就求其揀㗎！

MPF屬於長線投資，揀基金組合時就要考慮以下幾點：
1. 了解自己嘅個人承受風險能力，影響因素包括投資期、投資取向及其他退休儲蓄等；
2. 充分了解唔同MPF基金嘅特性，確保揀選嘅基金係能夠切合你個人需要同投資目標；
3. 了解基金條款，特別係保證基金嘅保證條款如鎖定期等

做好功課就可以避免做錯決定喇！

#滾續達人 #邊個係潛力股 #唔好亂聽人講 #做下功課咪知 #揀啱先可以做長線投資

＜誰說長大了就能隨便花錢？＞

小時候沒有錢，想買零食又或是玩具也要求父母，
可惜的是父母大多不會應承，因為在他們眼中每分每毫也是錢，不容隨便浪費在不應該使用的地方。

「長大後，我一定要賺很多錢，這樣我就能隨便買玩具和零食！」

小學畢業，升上中學，青春期的少男少女開始注重打扮，想買名牌的時裝也只能求父母，可惜的是父母大多不會應承，因為在他們眼中穿甚麼衣服也沒兩樣，一百元的衣服和一百元三件的衣服也同樣是衣服而已，不必使用多三倍的金錢去買。

「長大後，我一定要賺很多錢，這樣我就能隨便買名牌！」

中學畢業，升上大學，開始有空餘時間打工，
你得到了人身第一個一萬元，你在考慮，該先買名牌運動鞋還是該去吃貴價餐廳，還是說先去買一直想買的貴價玩具好了？

最後，你決定三件事同時進行，你很滿足，很快樂，雖然辛苦得來的錢花得七七八八，可是你沒有後悔，也沒有半點疑慮。

不過，sem break 的時候，當每個人也到外地旅行時，你才發現原來之前賺下來的錢根本不夠，想去旅行也只能求父母贊助，可惜的是父母大多不會應承，因為在他們眼中去旅行是小事，反正他們一生也沒有去多少次旅行，回大陸旅行也沒差多少。

「長大後，我一定要賺很多錢，這樣我就能隨便去旅行！」

大學畢業了，你找到一份穩定的工作，雖然沒有賺到很多錢，可是每個月也有不少的金錢可以儲到銀行作備用資金，方便自己隨時去買玩具、買名牌、去高級餐廳和去旅行，你每次看到銀行的可用結餘不停增加的時候就很幸福，就好像看到無數的小願望在櫃員機的螢幕一樣。

直到某天，你終於儲了一大筆錢，正當你準備花錢的時候，
才發現，原來那一刻你已經不敢用，因為那一筆錢，你其實已經當作是買樓的基金，又或是準備有突發事情時應急用。

人，長大了；
錢，賺到了；
可是卻不敢再亂花錢了，這代表我們真的成為大人了嗎？

就好似當年的父母一樣，覺得玩具、名牌也只是奢侈，旅行更是不必要的，
誰說長大了就能隨便花錢呢？

大概這種想法，只是像「長大了就會有王子接走自己」一樣，從來也只是哄小孩，令他們乖乖的成長的一種說法而已。

人，不該為金錢而勞碌的，我可是真的這樣想，可是卻不能這樣做。

Facebook: www.facebook.com/iam800yearpromise
Tumblr : promiseof8.tumblr.com
Instagram : promiseof8

#八輩子的約定　#八輩子　#成長　#香港　#金錢 #人生 #工作 #玩具 #名牌
#萬惡的金錢

《開不了口讓她知道　之　「阿媽，我想搬出來住...」》
　
作為一個資深窮L，又來到一個月無限呻吟N次嘅環節。大家都「知我是個無法買樓的人」，我已經放棄喺香港買樓呢個狂想，降低要求，想搬出來住。
　
實不相瞞，由細到大我都幾羨慕長腿叔叔個個茱迪阿伯特，因為佢由讀大學開始，就可以搬出來住。上次去海浪公園，見到安安佳佳，真係好妒忌，雖然佢地日日都要辛勞地畀人觀賞，但忙完一日，安安佳佳都有獨立嘅空間，思考人生。喺香港，又係土地供應嘅問題，大學必宿都只得一個sem，畢業後搵一份「養自己都養唔掂」嘅人工，搬出來住更加「唔洗旨意」。
----------------------------------------------------
　
終於又過左幾年，的起心肝講：「阿媽，我想搬出來住...」
　
●　「同friend 夾租，不如留喺屋企住啦...」
單靠我份「養自己都養唔掂」嘅人工，而家嘅租金，唔係租籠屋，就一定要同friend 夾租。阿媽就會問返你：「同人住點解唔同阿媽住」，雖然我個人長期都好似食左誠實豆沙包咁誠實，但「我唔想同你住」呢句同啟動盗墓迷城隻木乃伊一樣危險，最後都冇講到出口。後來我諗「我唔想同你住」唔係個主因，其實「我想要私人空間思考人生」先係個主因。
　
●　未買樓之前租樓，咪更加買唔到樓
「用半份糧來換私人空間同自由國度，你個廢青真係好奢侈。你D廢青唔捱得，又只顧享受，未買樓之前租樓，咪更加買唔到樓。」聽到呢度，會含淚羨慕Form5 就讀唔成書，去M記做收銀，後來輪到公屋嘅老表。又其實，而家租唔租，都影響唔到我將來買樓，因為我「知我是個無法買樓的人」。「結婚先好搬出去啦」，我就係想喺「從此被困」前獨居，我唔想成世人都「群居」。
　
●　「群居」先可以減低生活成本？
從經濟角度，「群居」減低生活成本嘅講法好合理。但紫禁城咁大，每個妃嬪一個宮都會嘈交嘈到殺人滅口，可想而知，好多人共處喺同一個空間嘅「群居」模式，危險性係偏高至甚高。點解香港咁多家庭慘案同凶宅？我相信「群居」同「逼得太緊」都係主因。
　
----------------------------------------------------
盤算如何同阿媽開口，總發覺理據不足「開不了口」，依舊係土地供應問題。上一輩埋怨我地好依賴，我反而覺得上一輩好怕我地「唔依賴」。阿媽話：「唔識照顧自己點搬出去住」，其實我唔搬出去住，點學識照顧自己？又係一個有雞先定有蛋先嘅問題。
　
朋友話：「買到樓你阿媽就會支持你搬出去架啦。」，咁我咪即係呢世都唔使旨意搬出去？

懶人包?

1. 不應該胡亂走堂 0:21
2. 不應該盲目跟風 1:57
3. 不應該忘記舊朋友 3:54
4. 不應該忽略家人和另一半 5:57
5. 不應該勉強催谷自己 8:32
-------------------------------------------------------------------------------------------------------
九月，又去到開SEM既季節。
因為自己係大學生涯都有不少經歷，都受過唔少人既幫忙。
所以係哩條片，我會分享大學新鮮人不應該做的五件事，
而Antonia就會分享大學新鮮人應該做的五件事。
希望大家會喜歡我既分享。

時間有限，未必可以將所有野都講哂，
希望大家可以係下面留言分享一下你既睇法~

Instagram: https://www.instagram.com/cheryllpy/

#大學#大學五件事 #大學新鮮人 #給大學生的建議

Special thanks to cameraman Wyc@Major in Travelling

#粵語Youtuber #CherryVDO
-------------------------------------------------------------------------------------------------------
Music credit:
朋友仔 - Twins
最後晚餐 - Supper Moment