【 #那些年的港式情侶 - 扭阿媽買走音燈籠、通宵玩蠟燭！盤點最掛住嘅中秋回憶 】 中秋節翌日快樂！人大咗，你有幾耐無趁中秋節去海濱玩？ . 諗返起以前中秋節每次都覺得自己好不孝，一做完節就急都急唔切同阿媽講：「媽咪我同FD去海濱玩，得啦唔會好夜！」然後半夜三更阿媽打嚟鬧又唔願走：「其他同學都未走啦，又有通宵車！」然後索性玩到天光先返屋企... . 其實以前中秋真係好有氣氛！掛滿燈籠嘅屋邨、扭咗阿媽好耐先買到嘅走音卡通燈籠、偷玩蠟燭同看更展開嘅游擊戰、畀MK仔煲蠟燒到個頂黑咗嘅涼亭、總會撞到好多好多熟人嘅海濱同球場，甚至係老豆求其頂住檔先嘅碌柚燈籠... 無乜大型燈飾打卡位，但幾支蠟燭、一副啤牌（可能加多幾罐Jolly Shandy）都夠成班同學玩到夜深～ . 明明以前中秋凌晨都仲係勁多人玩燈籠蠟燭，近幾年見到愈嚟愈少人落街玩，直頭位都唔使霸... 其實今晚會掛住嘅除咗喺出去玩嘅回憶，更加有雖然仲有keep住電話，但無乜勇氣再打去約佢嘅勇氣嘅朋友仔，我好掛住你啊其實！！ . #細個點蠟燭仲要好驚辣親 #唔小心辣親都要扮無事發生 #其實痛到hihi #有無人都係咁 #集體回憶 #回憶 #情侶 #愛 #愛情 #語錄 #拍拖 #香港 #女朋友 #hkig #搞笑 #中秋節 #中秋 #海濱 #大埔 #燈飾 #燈籠 ＃煲蠟 . 睇咗笑完就算？不如科勞埋我哋啦！ 即Follow @hkstylecouple 收聽更多港式愛情趣事、一齊學識點樣愛❤️ 歡迎DM投稿戀愛趣事/愛情煩惱，我哋等緊你㗎😙！

【 #可能係最浪漫嘅中秋 - 人情味max！大埔街坊載巨型月球巡遊林村河】 噚晚如果你咁啱行過大埔海濱，應該會見到一個巨型藍月亮喺林村河上面飄下飄下，就好似有人將成個月球摘咗落嚟放落海咁。而橋上仲掛滿好多手繪燈籠，款款都唔同，但款款都係由市民親手畫，有小朋友畫嘅跳跳虎，亦有市民畫咗大埔佢嘅地圖上去～ 唔少街坊都覺得好靚，紛紛停低留影，有一家大細，有成班fd落去睇，亦不乏一對對恩愛嘅公公婆婆拖住手「賞月」。中秋氣氛濃烈到，令小編覺得自己好似返返去中學雞嗰陣，同成班同學出去海濱玩咁～ . 但當你以為咁大型嘅佈置應該係機構安排就錯晒喇！因為其實咁靚嘅燈飾，係由前議員連桷璋同一班大埔街坊自發諗出嚟。無後台、無budget，只係想畀大家一個特別嘅中秋節，街坊們就自己班咗兩隻獨木舟同一個巨型月亮氣球，用接力形式拉住隻氣球巡遊成條林村河，全程單靠人力慢慢划住隻艇前進.... 而夜晚大概10點幾就要開始收返起晒所有嘢，因為怕落雨，又怕違反限聚令。 . 「咁其實辛苦，點解仲要搞啊？」連桷璋就提到因為佢覺得，林村河係最有大埔特色，而每逢中秋亦係最靚，仲好難得有一班街坊都咁覺得，最後夾手夾腳完成呢件事。小編剩係想講一句，真係好有心，其他中秋燈飾再靚，都唔及呢份人情味咁甜，何況人地出面都係整緊啲紙紮奈何橋咋！ . 最後有網民都不忘嘴賤本色，表示喺呢份人情味同咁靚嘅燈飾下，第一次覺得林村河都唔係咁臭... well，其實香港人中秋去海濱，不嬲臭都一樣玩得咁開心，傳說中嘅臭你又... 無論你今年喺唔喺香港，都祝你中秋節快樂啊香港人！！！ . #大埔有連仔真好 #呢條摘月亮落黎嘅橋又真係幾浪漫 #小編以前有幸住過大埔 #真係覺得份人情味係唔同的 #感動 #情侶 #愛 #愛情 #語錄 #拍拖 #香港 #女朋友 #hkig #搞笑 #中秋節 #中秋 #海濱 #大埔 #燈飾訂製 . 睇咗笑完就算QAQ？不如科勞埋我哋啦！ 即Follow @hkstylecouple 收聽更多港式愛情趣事、一齊學識點樣愛❤️ 歡迎DM投稿戀愛趣事/愛情煩惱，我哋等緊你㗎😙！

【 港味自慢 ── 世界養生組織 】 先旨聲明，今次文章的標題擺明玩食字 ── 「自慢」是日文「じまん」，跟「慢」完全無關，意思是自己讚自己，賣花讚花香，值得驕傲，假如出街食飯見到日式料理餐廳，招牌寫有「味自慢」，就是老闆都於店內推出的菜式信心滿滿。那麼「港味自慢」又是怎箇一回事？其實解作「香港人細味獨自慢活」的意思，那是myTV SUPER全新原創節目《世界養生組織》的中心思想，是繼《超齡打工假期》（2014）、兩輯《Do姐去Shopping》（2015／2017）、《晚間看地球》（2019）和《Testing Menu》（2021）後，監製周子妮的最新作品，旨在帶出身處「無法出走」的疫情時空裏，香港人怎樣可以找到療癒的方法？ _ 老實講，好多人都以為最出名的「Made in Hong Kong土產」是樓貴，人多，不不不！是單字一個「快」，此字並非單純形容對於所有事情從開始到結束的推進速度，還帶有「不能慢」的潛台詞。不是嗎？香港人彷彿就是一班永遠不能夠「慢」的族群，與其說「不能慢」，更準確是「冇資格慢」！因為你慢了，就趕不上社會步伐，行路要快、做嘢要快、食飯要快、睇劇要快，就連借錢都要「特快批核」，真係反晒白眼：唔該唔好咁黐綫啦！ _ 所以《世界養生組織》的製作團隊想嘗試在講求「黐鬼綫速度」的電視業界裏，推出一個「慢到冇朋友」的節目，還要找陳自瑤和黃翠如主持，帶住觀眾在港九新界尋找養生之道，從內到外增強抵抗力。兩位主持首集去到大埔慈山寺體驗山林療癒、行禪、茶襌，感受生活中應有的「慢活」，透過五感活在當下，視、聽、觸、嗅、味，最直接自然的感受，卻是都巿人最常忽略的環節。 _ 且慢，翠如加YoYo？慢活？養生？非常沒說服力吧？！黃翠如自從由有線電視轉投大台之後，最初主力與洪永城複製舊東家招數 ── 環遊世界拍攝旅遊節目，足跡遍佈全球，到後來主力拍劇，女一作品接二連三，「0628｣（清晨6時至翌日凌晨4時）通告習以為常，手停口就停，怎可以慢？Yoyo又如何？自從《那些我愛過的人》（2020）後演技開始受人注意，加上《萬千星輝頒獎典禮》的「黑面事件」成為網絡熱話，緊接在《好聲好戲》及《識貨》又獲冠軍，令入行20年的她再度人氣急升，另一方面她又積極經營個人YouTube頻道，工作量之大可想而知，花無白日紅，怎能夠慢？興許如此，監製決定邀請同樣患有「不能慢重症」的雙姝上陣，透過節目，促使她們學習放慢腳步感受人生，嘗試引起觀眾共鳴。 _ 其中一幕，由山林療癒陪伴員歐仲南陪伴下，翠如跟Yoyo學習行路……「行禪」才對。 _ 「平時如果喺街度咁行路，畀人鬧呀！」陳自瑤說。「行禪」就感受自己步伐，由提腿到向前踏步，一字記之若「慢」，對香港人而言，難度有十粒星。相信搭港鐵或行商場的朋友都一定試過，只要唔覺意進入扶手電梯左邊，莫講話企定定，只要你行慢些少，恭喜您獲得連串「嘖」聲，繼而就會抵受不住後方的壓力而飛快向前行。（利申：本人確實會嫌別人行路太慢，朋友則投訴我行路太快。） _ 周三（9月15日）凌晨，蘋果公司（Apple Inc.）主席Tim Cook在新產品發布會上，對於應用程式「Apple Fitness+」著墨不少，將運動課程、時間表、身心狀況等資料變成數據，希望方便繁忙的都市人更有效率地做運動。作為其中一家全球重要巨企，Apple此舉說明「保健」和「養生」乃世界潮流，因為有利可圖，產品才推陳出新，但問心這些不是能夠從大自然唾手可得嗎？真的需要花錢擁有？ _ 說穿了，那是另一種的「活受罪」。香港人有句俗語 ── 「慘過死」，說出口的通常都是四肢健全，沒病沒痛，甚至頗有經濟能力、生活富足的人，事關忙著搵錢工作、「辛苦得嚟為供樓」而每天要營營役役的「不能慢重症病人」，什麼視、聽、觸、嗅、味覺早已淪為「急促」的附屬品，享受生活？講笑咩！所以節目中提及的「活在當下」才是香港人最需要學習和掌握的事，懂得在適當的時候放慢腳步。回歸自然，那種療效只有親身體驗過的人才會明白，幾年前我的情緒曾經出現問題，需要看心理輔導，而其中一個救活我的，就是大自然，無論去行山、露營，這位從來神隱的「山先生」總是不介意接收我散發出來的負能量，而且不收分毫，過程中你只能集中精神享受當下環境、應付眼前的難關，如果嫌這些都太過Hardcore，也可以像翠如和Yoyo那樣，簡單的熊抱大樹或者赤腳在草地上走，作為上一步的喘息，亦為迎接下一步作準備。 _ 當然，養生是一回事，拍節目介紹養生又是另一回事，《世界養生組織》意念雖新，但執行上似乎充滿旅遊綜藝節目的影子，無法成功透過畫面帶出安靜的感覺（幾年前香港電台的《好想藝術》做得到），結果有些時候Yoyo太似背稿，顯得不自然，我會懷疑，到底拍攝時Yoyo有沒有用心感受？有些部份則太拖拉，塞車開Tab睇真係會瞓著。今時今日拍節目真的要求做足功課，瞓身投入，如果要讓觀眾看得舒服，有想「Join埋一份」的衝動，台前幕後先要理解養生的獨有節奏和氣息，「搣甩」拍緊節目的意識，才能夠吸引觀眾有動力追看下去。 _ 《世界養生組織》： ＊第一集免費試睇，共13集，逢周二更新。 _ （18092021） _ #游大東影視筆記 #游大東 #世界養生組織 #黃翠如 #陳自瑤 #慈山寺 #mytvsuper #18092021 @mytvsuper