同鐘意食韓燒嘅朋友慶生，成日都驚唔夠食，然後勁貴埋單，自認係食肉獸嘅潮友可以試試呢度大大件嘅牛肉雜錦或豬肉雜錦，門口成日企爆哂人就知道呢度質素唔錯！ 旺角總店就比較逼少少，如果多人坐長枱會好啲，想食嘅潮友可以打去book咗果幾張枱先，大埔嘅新店就應該好啲，空間感強啲！每張櫈下面都可以打開個蓋放入個人衣物以防吸味，呢度嘅抽油煙系統麻麻地食完係會有油煙味🙈！店內嘅牆上有幾幅Graffiti，仲有狂播嘅k-pop，係幾型嘅！ PND一坐低，店員先拎嚟麥茶同兩款醬汁、生菜同3款前菜，包括泡菜、醃海帶同芽菜，全部都可以無限任添，PND當然最鐘意醃海帶啦！酸酸地好開胃！泡菜爐邊蛋就首輪免費，之後就$18/一次！ 因為人多，又想食多幾款，所以就點咁什錦牛肉($338/450g)（2-3人份量）、什錦豬肉同帶子$128/4件！（潮友話呢度豬皮麻麻） 什錦牛肉拎到嚟好墮手，有醃牛排骨、牛肋肉、M6、牛肩胛肉同牛舌！估唔到，呢度嘅m6和牛用料都幾靚，煎到啱啱熟，脆脆地，好嫩口！牛排骨醃得好入味，而且夠長一塊，又夠薄身；牛肋肉嘅雪花比較多，燒熟後嘅肉汁仍然好豐富！點點韓式大醬，包生菜食就啱哂喇！同埋呢度係用長型斜鐵板，燒完一塊肉可以用生菜抹走啲油，咁就唔使驚啲油浸住肉食啦！😳 仲有PND最愛嘅原隻魷魚($88)，成隻魷魚都好新鮮，肉質富彈性，口感柔軟，點醬油食就最啱！ OPPA韓國燒肉店 星期一至日 17:00-02:00 @旺角洗衣街117號建煌華廈地下 @大埔舊墟直街4-20號美新大廈地下B2舖 電話：23812193（唔好walk in，要book） 鳴謝潮友 Ca子生日 #PND旺角 #PND韓國菜 #PND燒烤 #pnd大埔