詳情：www.newmonday.com.hk/791049
【#食住花生等睇戲】今次大埔真係有戲院喇！

#新Monday #嘉禾大埔 #大埔戲院 #嘉禾 #NM_海月

#看世界
【沒有戲院的戲院街】
喺大埔有條戲院街，聽講係因戰前已經喺度開業嘅大埔戲院而命名。不過後來已經被拆卸，而區內嘅戲院亦都一間間咁結業。依家大埔一間戲院都無呀！

要跨區睇戲嘅大埔影迷，幾時先可以再喺區內睇戲？

#padper #大埔 #戲院街 #戰前戲院 #跨區睇戲

《你有幾耐未睇過書？》
　
仲記唔記得誠品啱啱開張時，因為太多人嘅關係，搞到希慎要好似羅湖口岸咁實施人潮管制。秒秒鐘幾百萬上落嘅香港人，OT O 到幾乎引頸自盡，英皇現代個 D 補習社好似戲院開午夜場咁，10點我先見到D 靚仔補完習。開24小時嘅誠品，除左冇家可歸嘅露宿者去，係唔係真係有咁多人會去通宵達旦咁睇書？
　
上星期我去誠品，依然係大排長龍，不過唔係排隊睇書，而係排緊珍珠奶茶，誠品喺呢兩年成功由書店轉型變左貢茶。三層嘅書店，最多人聚集嘅唔係書區，而係「賣文具精品好似 LOG ON」個區。有人打書釘，不過好多人好似參觀博物館咁，「來又如風，離又如風」，以光速行完書店。
-----------------------------------------------------
　
對上一次拎起本書係幾時?
　
--> 我必須要自首，對上一本我完整地睇完嘅書，已經係《那夜凌晨，我坐上了旺角開往大埔的紅VAN》。有張圖配兩句情深說話嘅插圖書，我都有睇完嘅。
　
--> 放工會睇TBB，再唔係就HKTV，再唔係就DVD，影像易入口D。日頭我要對八個鐘以上嘅文字，返屋企再對字，就算飲七星開奶茶，都飽飽濟濟。
　
--> 呢D 都係藉口，我根本有「閱讀懶惰症」，自從有左網媒，我閱讀文字就主要係網上短文。甚至有時見到長文，我會好似人地減肥咁，「小食多餐」咁分幾次睇。
　
--> 呢個「閱讀懶惰症」發病嘅時間，應該係讀大學個時，其實我係讀英文同教育嘅，我從來冇成功追趕到文學 reading 嘅進度。無論係兒童文學嘅PETER PAN，比較文學嘅雷雨，英國文學嘅莎士比亞，甚至非洲文學嘅求雨詩歌，我都係睇唔哂。所以最後竟然成功一科又一科合格，畢業上台拎證書個刻，我真係好似拎諾貝爾和平獎咁開心。
-----------------------------------------------------
　
患上「閱讀懶惰症」嘅似乎唔只我一個…
　
--> 大家坦白D，書展趁墟個時，你買個D 書，有冇睇哂？係唔係好似細個買補充練習咁，買左最後都冇做？
　
--> 至少我而家搭車，只見到D 人不停碌個手機，好少見到有人拎住本書。咁我都係拎住個電話碌来碌去，呀媽話我：「一日到黑係咁擘來擘去個電話，如果你平時擘窗有咁勤力，防彈玻璃窗都比你擘穿啦！」
---------------------------------------------------------------------
　
「閱讀懶惰症」嘅朋友仔，而家有個睇書嘅機會啦…
　
講左咁耐，我其實係想推介個活動畀大家，中大 逢時書室 4月17日會有個讀書音樂會。利申，點解要特別推介，係因為我有個朋友仔，喺逢時書室搞緊好多活動，希望大家搵到睇書嘅樂趣。
　
唔悶架，悶我就唔推介，讀書音樂會帶大家一齊讀書，一齊聽歌，仲有表演單位Coff'。真係有效提升個人修養，又有益身心架。我唔hard sell 啦，詳情睇返條link 啦。
　
你一定問：「山長水又遠，去到中大，講到咁，你係唔係去先？」
　
嗯… 我係去呀。到時情緒高漲，跟住唱歌，唱得最大聲但麻麻地好聽個個，就係我啦。
　
逢時書室讀書音樂會：「如果不是你的子女」
https://m.facebook.com/…/a.54890874183247…/856336134423066/…