【葵芳新開火鍋放題🍲】 #阿祖食盡葵芳 咁耐以嚟都冇食過一鍋堂，之去用佢個app book位一直book唔到😂見新都會廣場開咗分店，決定去試試！平日去到、遠處已經滿滿人群，想食幾得早一兩個鐘撳飛拎位。環境非常大同新淨，阿祖4個人去，坐得都算闊落唔逼。見網上評價好壞參半，主要針對服務，究竟又係點？ 。 🤍 沒有立場資訊 💁🏻‍♀️ #阿祖_火鍋店 。 💕價錢 以下係平日晚市價格！分為A/B/C三個套餐，分別在於肉嘅種類、質素及配料款式，由$158 - $258不等。揀咗特選安格斯牛B餐，19:00前離座$198、期後$238，都係任食120分鐘。 。 💕湯底 湯底選擇幾多18款揀，入坐前職員就會叫你揀定，送湯時間比較慢。特別嘅有櫻花蝦湯、藥膳湯、檳城喇沙湯、沙參肉竹鯊魚骨湯、期間限定嘅忌廉周打蜆湯、蕃茄牛尾湯。鴛鴦鍋另加$50！餐牌寫到所有湯底以新鮮豬骨熬製而成，最揀咗「蕃茄牛肉鍋🍅」，唔係好濃郁蕃茄味薄弱，普通咗少少 。 💕小食前菜 好欣賞呢度多款特色小食前菜，部份QR code落單，部份自己出去攞。阿祖試咗滷豬手、鳳爪、豬耳、凍蝦、麻辣三寶，全部質素屬於中上，特別係豬手同最正嘅麻辣三寶🌶麻辣三寶分別係魚腐、鴨血同豬皮，索晒麻辣汁精華！另外咸蛋黃炸魚皮也不錯，夠曬多蛋黃魚皮香脆，但始終放咗喺自助位置，有少少淋 。 💕肉類 肉類用QR code落單，B餐牛肉包括：美國安格斯牛板健、封門柳、牛利心托、安格斯牛肉、牛胸爽🐮上枱時見色水一般般，但食落肉質都夠滑，唔會太薄切。最回本必定係封門柳，肉冇咁肥雪花均勻。其他肉類包括西班牙橄欖飼豬肉、紐西蘭羊卷肉、雞肉等，豬肉相對冇咁高質 。 💕海鮮 海鮮種類亦多元化，包括手串生猛海蝦、韓式BB八爪魚、沙白蜆、珍珠貝、花膠、白鱔鯇魚片、帆立貝等。海蝦值得食多幾round，肉質頗爽彈，但間唔中一兩隻有啲霉🦐花膠、BB八爪魚亦不錯，前者夠曬大塊、喺湯底煲耐咗仲有啲膠質感；後者坊間較少見，幾新鮮🐙可惜沙白蜆部分有沙 。 💕火鍋配料 部份普通嘅火鍋配料/蔬菜就自己出去攞，精緻啲嘅就QR code落單。款式多都眼花撩亂，質素阿祖幾滿意，比較特別同好食有手作珍寶蝦丸、手打蝦滑墨魚滑、蟹籽蝦膠釀冬菇、自家鮮蝦雲吞、酥肉、竹笙等。基本上每樣食1件就飽咗😂唯一有意見就係自助區好大霧，大到跟本睇唔清啲食物，有啲做多咗 。 💕甜品飲品 甜品有雪糕機自己唧，但冇topping可以加，亦冇雪條雪糕杯、蛋糕仔等攞。當日係牛乳雪糕，有啲似牛奶糖嘅味幾好食，冰感較重。飲品都係罐裝汽水、飲品為主，仲有啲自家樽裝茶，味道就普通 。 💕服務 網上評論呢間服務參差，例如一開始冇講QR code落單、漏單等等。可能經過提點、除咗門口店員態度一般般外，其他感覺都不錯，亦有提落單方法～Order咗幾次、大約一兩款食物會漏單。去到夠鐘時店員會係咁催促，不過咁多人等位都正常嘅 。 📍一鍋堂 葵芳興芳路223號新都會廣場6樓601-610號舖 荃灣眾安街55號大鴻輝(荃灣)中心11樓 旺角豉油街60-104號XX Arcade東翼2樓 ⭐️人均消費：$238 +1 。 #joeiefoodie #hkfoodie #麻甩祖吃貨日常 #麻甩女子祖 #hkfoodie #hkeat #hkig #hkfood #hkgirl #葵芳美食 #觀塘美食 #荃灣角美食 #旺角美食 #一鍋堂 #火鍋放題