//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //

咁既然開得個頭，好自然要埋番個尾……個問題係如果要我逐個逐個政棍品評，咁就真係寫到天光都未寫完，所以只揀重點黎講：

一、首先一如所料，因為我「飯民狙擊手」嘅形象太深入民心，幾乎所有人都以為上面十個政客KOL，唯一建制派任志剛係我無咁憎嘅人──咁當然係錯！

但我憎任志剛，並唔係佢奶共咁簡單，而係響佢做金管局總裁時，根本就係極之無能，卻被班目不識丁嘅市民捧到上天。唔好剩係講中共篡改歷史，根本香港人對於當日金融風暴發生咩事都係烏下烏下。

事實就係，當日任志剛面對索羅斯狙擊港股，只係識「任一招」不定推高拆息，結果搞到股市雪崩式暴跌，幾多香港人一夜之間無咗大半副身家。只可惜當時香港班垃圾會議員無分建制飯民，對於金融知識係=0，只有詹培忠發生咩事，「食砒霜杜老虎」就係當時名句。

日後任志剛同佢班金管局走狗仲講到當年打擊炒家有幾勁，事實卻係根本唔關佢地才能事，只係曾蔭權問准咗中共，可以動用財政儲備入場托市──即係比著你有無限課金打大陸果啲無腦手遊，搵著個小學雞都打得贏大鱷啦！

之後遇著雷曼事件任志剛扮哂置身事外，但其實作為金管局總裁監管市場不力根本係要負上全責；然後仲未提無啦啦開咗間與民爭利但卻無實際作用嘅「按揭證券公司」、年年袋八百幾萬天價年薪外匯基金投資卻比起出面基金成效差一大截……其實響作為「飯民狙擊手」之前，我應該係以「任志剛狙擊手」自居，而同而家一樣，當年班蠢蛋港豬又係將任志剛當神咁拜，每次我出文屌七佢都係會比人圍剿。

不過去到而家任志剛全力奶共，係咁講埋啲反智言論，就大家都知道佢真面目啦：真係連「上市企業賺咗錢係有責任派股息比股東」咁on9都講得出口，時間再次證明我係對的，只係香港人唔好話記唔記得我當日點樣屌過任志剛，就連任志剛做過咩衰嘢都唔記得鳥。

二、另外有竟然會諗到我無咁憎涂謹申，就真係令我R哂頭。或者香港人都真係慣咗「無乜人講句壞話就即係佢係好人」，咁就真係好可悲。事實上涂謹申唔單止同其他飯民政棍一樣，成日唔開會唔投票得閒又會倒戈幫下政府護航，大家可以自己網上炒下，佢作為民主黨保安事務發言人，仲係一直以來最支持擴張警權嘅飯民成員。

由反對擴大解放軍軍權去到最後突然180度轉軚支持、對於勇武義士被判暴動罪大叫「合適！合適！」呢啲我都廢事再提，但好少人知道，其實當日梁耀忠棄甲曳兵事件本來可以避免，因為涂謹申本來就係全立法會資歷最深嘅議員，如果唔係佢沽名釣譽走去選個一定贏唔倒嘅垃圾會主席的話，就係由佢負責趕梁君彥出場了！

當日如果涂謹申真係有啲自覺作為「最資深立法會議員」嘅戰略意義，佢根本就唔應該選呢個主席位，梁君彥可以偷雞過骨做倒垃圾會主席DQ梁游，涂謹申根本響呢件事上面係要承擔番相當責任──只係班蠢撚黃屍點會識得呢啲議事程序，所以梁耀忠黑狗固然當災，涂謹申呢隻白狗卻施施然走甩，呢個世界就係咁唔公平。

三、即係其實如果你係我Medium長期讀者都會知道，其實響而家立法會入面我只係服兩個人，一個係陳志全、另一個係朱凱迪，因為全體飯民入面，就只有佢兩個做倒盡量出席所有會議，絕大多數投票堅定不移咁投反對票，仲要無時無刻諗方法去搞抗爭。所以點解我話如果有30個陳志全／朱凱迪選倒入立法會，會比起選倒36個莫乃光入去更有用。

無錯，朱凱迪當然響好多政策取向同我南轅北轍，佢下面班左膠Friend成日都攻擊本土勇武派，但對於一個真心盡好議員責任搞抗爭嘅左翼，先有資格比我用「兄弟爬山、各自努力」去形容：喂大佬，你班深黃傻粉9噏呢句嘢之前，有無睇下你撐果條友究竟有無爬過座山架？

然後仲要朱凱迪響無乜聲張嘅情況下，將自己三份二人工捐出去請多幾個議助黎做實事，再加上同佢對過嘴，發覺佢講嘢真係有啲腦唔係單純左膠，所以先會響上面十個政棍KOL入面，算係無咁憎嘅一個。

但有一樣嘢我係始終好難原諒慢必同朱凱迪，就係佢對佢啲所謂「同路人」太溫吞。喂明明佢地係知道呢班飯民各懷鬼胎，時刻諗住出賣香港市民賣埋個屎忽比政府，又有唔止一次因為佢地偷懶同扯後腿，搞到好多抗爭機會無疾而終架喎，然而一講到呢樣嘢，佢地就含糊其辭和稀泥，由得呢班飯民大懶蟲同賣屎忽鬼繼續賣港偷懶，然後一到選舉就叫人含撚投票。

就舉最近一次財委會臨時撥款表決做例子，朱凱迪好感慨咁話：「民主派雖不夠票力挽狂瀾，但也史無前例地投下反對票」喂大佬呀！原來4年一屆立法會去到尾聲，今次先係第一次所有飯民齊哂腳，無人走票跳去棄權或者贊成，齊心全投預算案臨時撥款反對票？（唔該幫我查查，我印象中甚至係近12年、甚至回歸以來都未試過齊人投反對……）咁你地之前做緊啲乜撚嘢？

仲有呀，今次投撚完反對票，去到西九大白象撥款，呢班垃圾政棍又立刻走去缺席嘅缺席、幫政府護航嘅護航啦？朱凱迪，容忍你身邊嘅飯民作惡，呢啲都係平庸之惡嘅一種黎架！

Anyway，如果下屆朱凱迪仲有得出黎選立法會，我都會推薦大家投佢一票嘅，不過佢都九成被DQ架啦，因為中共應該知道，DQ一個朱凱迪，勝過十個尸位素餐嘅飯民政棍。

嘩寫寫下又變咗長篇大論，建制派果Part唯有等下次先寫埋，請請！

楊千嬅演唱會，最多人談論之一，係余文樂做嘉賓合唱《當我想起你》，同埋終於泊岸嘅Fisherman Lok對老婆公開唱《MR.》示愛。


忽然又令我諗起，《春嬌救志明》入面，春嬌喺地震後怪責張志明自己匿喺枱底不顧佢死活，而落得港女之名。


呢件事我冇記錯的話，可以話係彭浩翔嘅親身經歷。佢喺專欄寫過，某次到日本工作遇上地震，當時只有佢同一個日籍翻譯麻衣子小姐喺酒店房，彭浩翔嘗試叫佢一齊去枱底避難，但麻衣子嚇到郁都唔郁，於是彭浩翔就先走到枱底保命，因為佢認為如果天花真係冧落嚟，佢企喺旁邊除咗一齊死之外都幫唔上咩忙。結果地震結束後，麻衣子就好似春嬌責怪張志明一樣責怪佢。


我唔會覺得麻衣子港女，除咗因爲邏輯上你唔會話一個日本人係港女之外，更重要係因為據彭浩翔自首，佢匿喺枱底嗰時，一邊笑一邊拎部寶麗萊出嚟將麻衣子驚恐嘅樣影低咗⋯⋯


講返套戲，雖然我都認為春嬌反應過激，但我都唔會苛斥佢係港女。如果呢件事發生喺自己身上，話過春嬌港女嘅人，又真係絕對肯定自己唔會介意？


曾經睇過一套瑞典電影，香港譯做《愛情中的不可抗力》，電影講述一家四口原本開開心心去阿爾卑斯山滑雪場度假，喺室外餐廳歎住雪景食Lunch之際，突然望到遠處開始雪崩。


老公原本大安旨意，一邊拎住電話影相一邊話呢啲小雪崩係園區可以控制嘅範圍，叫老婆仔女唔使大驚小怪，一家人繼續坐低食飯。點知雪崩愈嚟愈近，眼見下一秒就會撲向餐廳，老公下意識拎起電話同手套就拔足狂奔，留低老婆攬住一對年幼嘅仔女喺原地大叫。


唔知好彩定唔好彩，原來嗰啲只係小型雪崩後翻起嘅雪霧，一啲危險都冇。餐廳所有人喺騷動後陸續返埋位坐低，而落荒而逃嘅老公扮到若無其事咁坐返埋位後，電影要討論嘅家庭觀念同性別意識等話題先真正展開。


如果你係嗰個老婆，你可以原諒（或姑且比較不批判地用「接受」）老公嘅反應嗎？


電影最後畀嘅其中一個答案，係一家四口為咗修補臨近分崩離析嘅關係，執意喺大風雪中上山，而老婆忽爾唔見咗，老公毫不猶豫地叫一對仔女留喺皚皚雪地，然後動身跑入能見度極低嘅風雪入面，好似超級英雄一樣，抱住老婆返嚟一對仔女身邊。一家人喺大風大雪中激動相擁，家庭嘅裂痕似乎已經癒合，但有趣嘅係，明明剛剛先畀老公用新娘抱嘅方式抱返嚟嘅老婆，皆大歡喜完就自己企起身，走入風雪中拎返剛才漏低咗嘅滑雪用具。


我好懷疑呢場英雄救美只係兩公婆夾定（或不謀而合）嘅大龍鳳，實際嘅問題就好似亞視咁——永遠都存在，但我哋總要搵一個理由，一個信念，一個下台階，令大家得以繼續走落去。


睇返《春嬌救志明》，春嬌因爲地震事件令內心對愛情嘅不安沸騰到最高點，濺到平時有啲抵死但今次有啲無辜嘅張志明一身一臉。佢話張志明幼稚，永遠長唔大，叫佢唔好以為好似以前咁扮下女人搞場大龍鳳就乜事都冇。


結果呢？張志明搵隊Band返嚟，喺大街大巷開台，改編五月天嘅《志明與春嬌》，然後當眾下跪求婚。


春嬌擔心同在意嘅問題其實由始至終都冇確實解決過，但喺張志明一如以往搞完一場大龍鳳之後，兩個人又好似搵到一個理由將呢台戲繼續演落去。或者比起《當我想起你》，志明同春嬌更適合唱：「原本應該一早戒了還是不捨得我的尼古丁」⋯⋯


當余文樂借千嬅個台對住新婚老婆唱《MR.》示愛，然後大家覺得好Sweet，你就會知道，其實好多人都係自己口中嘅港女，戲裡戲外，都只不過渴望有個人，肯為自己做一場永不落幕嘅大龍鳳而已。

[無綫][這個冬天不太冷] 我以為呢個係常識嚟，隨時會搞到雪崩㗎大佬！希望無人睇完個節目走去雪山試……

#無綫 #TVB #這個冬天不太冷 #阿拉斯加 #雪崩 #大叫