好啦，今日真係唔講職工盟，講下「成就解鎖」！

我呢個星期首先俾傳銷界KOL、時代之星Q仔鬧過左膠，然後被職工盟粉絲鬧右翼，再被泛民打成本土派，然後職工盟杜振豪話我係大公文匯，咳... 話真的一語成讖，我真係上左文匯報，但又被文匯報標籤左做獨派。

喂呀... 幾時到話我同個德國佬結婚所以係納粹呀？（笑）

我嬲完了，依家睇返覺得好好笑，搞左一大輪，該來的媒體沒來，平時我成日鬧的卻不請自來，仲印足一版全彩，我真是哭笑不得。

其實，我覺得好榮幸，我諗全香港都真係無邊個page可以齊集師奶（分享煮飯食譜）、中產（飲飲食食去旅行）、腐女同志（生活日常小品系列）、文青（博物館巡禮）、然後無論熱血系、本土派、建制派、泛民一樣有人在我這裡留言，但又好俾面我，不在我這裡打架。

我呢個page都真係得天獨厚，我知，我講野未必句句岩聽，畢竟順得哥情失嫂意，我當我個專頁係酒吧，你岩傾咪坐低吹兩句，唔岩咪轉個圈，好快又有新文可以傾，好隨便的。當然，落到酒吧自然就係我主場，你想撩我傾計嘅，注意自己談吐就是了。

唔講咁多，我拿拿臨去同呀媽解釋返我無投共，不然我怕佢買機票飛黎倫敦打我手板！

最後，也謝謝這位不知名的記者讀者，你叫得出我英文名，也證明你跟我很久了，不論你的立場與政見，我也感謝你的追蹤。

#共產黨最開心
#其實人妻先生最開心
#吹水吹到上報仲唔開心
#最緊要好玩

大家黎睇有冇自己個名啦！
http://pdf.wenweipo.com/2018/01/14/a06-0114.pdf

職工盟真係人材濟濟

好多謝職工盟幹事杜振豪出文回應連日事件，而在意料之中，除了指斥質問者為「蒼蠅」、「虱子」，還順道打作大公文匯。但全文當中，我還是沒看到任何財務報告、基金章則，還是職工盟秘書長上篇文章的「非常樂意回應」方法就是指斥對方為「蒼蠅」、「虱子」？你們有特別的回應技巧哦！

好啦，不打口水仗，我們說認真的。

首先，我諗你真係休息得唔係好夠，「總數得三幾十萬港紙的罷工基金」？你唔好嚇我呀！你個罷工基金在2017年8月31日有42萬，海麗村事件餘額係22萬，即係你個基金有64萬。我唔知道一個幹事要幾唔上心先可以講到得「三幾十萬」，你係想講六十幾萬呀嘛？啲高官答唔到粟米肉粒飯幾錢，我明，因為佢地唔會食亦唔會在意。但要是你真如你所講地「司其職」，麻煩你先記住自己條數。

其次，不是我強行要把你們比作外國工運組織，而是你們派過來的熱情粉絲叫我「係英國罷工基金都係呢種運作方法」，我先幫你用英國的工會黎做比較架，依家你又唔愛我比較啦？做咩呀？你愛呀？你愛要出聲先得架，你愛我比較，你唔愛我當然唔比較啦！無理由你話愛我唔比較，你唔愛我又去比較架嘛！大家講道理丫嘛！拿，我數三聲，你話愛唔愛啦喎。

哎… 我果然好唐僧，又果然真係好似一隻蒼蠅咁煩。

不過咁，我覺得拎大工會黎比，又真係唔係幾好，咁我又幫你搵左另一個工會，好細架，新加坡Shell公司的工會，全新加坡shell的員工都係3100人左右，但係呢，佢地個工會個年報同財務報告都擺左上網，仲有成六十頁咁多，似乎擺唔擺上網，其實唔關規模事嘅。

我知，將你地同一間新加坡公司的工會比又太勉強呀嘛？無問題，我幫你又搵左另一間工會，係員工人數只有1300人的Batelco公司的工會，呢間公司喺一個叫巴林(Bahrain)嘅中東國家，全國人口得一百四十萬，係香港1/6左右，但佢地呢個蚊型工會竟然都可以將報告放上網任人查，雖然只係好肉酸的一頁，但起碼叫做有嘛。

比上不足，比下也不如，咁點算呀？如果連一個在巴林小工會的標準也達不到，唔止民間籌款，連工運都可以休矣。

其實增加透明度呢件事有幾難？個個都話我淨係講，又唔教你點做。好，我教囉！首先，轉發我呢篇文俾你個IT同事，之後叫佢去搵會計同秘書問佢拎返份會計報告同會議紀錄同基金章則，擺落Scanner，插電掣，按開始，然後翻頁，再按開始，再翻頁，再按開始，直至全部scan完，再上載到官網，得左。如果你咁做左，你就係全港第一而唯一一個有對外公開財政狀況的工會，你的一小步，工運一大步。你自己都識得在註1寫「在囚抗爭者支援基金」將每年公開收支啦，點解大家都係職工盟的基金但一個公開到，而罷工基金公開唔到？

其實呢，那幾個基金咁樣俾你開名講左出黎，仲要左一句不要拉他們落水，右一句千萬不要連同他們一起攻擊，我差點分不到曲直，你點人名之前有冇問過人地制唔制？如果我唔駛收拾心情準備去法國松露節，我一定會掘落去呢幾個基金，看看內裡有否任何問題，到時真係多謝你唔少。但另一方面戰線拉大，你受到的火力自然下降，還能增加硬著頭皮參戰的強力盟軍，倒是個如意算盤。

清算名單是你立的，那是你的蘇州S，我這頭蒼蠅還是圍著你轉好了。

p.s. 因為此事，看到讀者人數這兩日暴增兩千，十分感謝。
再p.s. 你啲特意捐款捐左去003定010姐？

#肉先腐而後蟲生
#蒼蠅不會到乾淨的地方
#我係蒼蠅咁你係咩
#我係你就唔會比喻反方係蒼蠅
#那不是政治智慧的問題
#單純是智慧的問題
#你試下建制派話你地係蒼蠅
#仲唔典床典蓆要生要死大做文章

Shell工會的周年報告
https://ntuc.org.sg/…/Fi…/SSEUC%20Annual%20Report%202016.pdf
Batelco工會財務狀況
http://www.batelcotu.bh/news-news_read-231-0.html　

又打臉。由基金的餘額、所謂「工會細就無可能數目清楚公開」、拉其他人落水想分散攻擊力，無一不再被完全駁斥

其實一開頭認句錯，而唔係整張清算名單，件事就已經唔會有後續了。明明其身不正卻又死不認錯，才是後患無窮的根源，而不是「有蒼蠅搞你」

好多謝職工盟幹事杜振豪出文回應連日事件，而在意料之中，除了指斥質問者為「蒼蠅」、「虱子」，還順道打作大公文匯。但全文當中，我還是沒看到任何財務報告、基金章則，還是職工盟秘書長上篇文章的「非常樂意回應」方法就是指斥對方為「蒼蠅」、「虱子」？你們有特別的回應技巧哦！

好啦，不打口水仗，我們說認真的。

首先，我諗你真係休息得唔係好夠，「總數得三幾十萬港紙的罷工基金」？你唔好嚇我呀！你個罷工基金在2017年8月31日有42萬，海麗村事件餘額係22萬，即係你個基金有64萬。我唔知道一個幹事要幾唔上心先可以講到得「三幾十萬」，你係想講六十幾萬呀嘛？啲高官答唔到粟米肉粒飯幾錢，我明，因為佢地唔會食亦唔會在意。但要是你真如你所講地「司其職」，麻煩你先記住自己條數。

其次，不是我強行要把你們比作外國工運組織，而是你們派過來的熱情粉絲叫我「係英國罷工基金都係呢種運作方法」，我先幫你用英國的工會黎做比較架，依家你又唔愛我比較啦？做咩呀？你愛呀？你愛要出聲先得架，你愛我比較，你唔愛我當然唔比較啦！無理由你話愛我唔比較，你唔愛我又去比較架嘛！大家講道理丫嘛！拿，我數三聲，你話愛唔愛啦喎。

哎… 我果然好唐僧，又果然真係好似一隻蒼蠅咁煩。

不過咁，我覺得拎大工會黎比，又真係唔係幾好，咁我又幫你搵左另一個工會，好細架，新加坡Shell公司的工會，全新加坡shell的員工都係3100人左右，但係呢，佢地個工會個年報同財務報告都擺左上網，仲有成六十頁咁多，似乎擺唔擺上網，其實唔關規模事嘅。

我知，將你地同一間新加坡公司的工會比又太勉強呀嘛？無問題，我幫你又搵左另一間工會，係員工人數只有1300人的Batelco公司的工會，呢間公司喺一個叫巴林(Bahrain)嘅中東國家，全國人口得一百四十萬，係香港1/6左右，但佢地呢個蚊型工會竟然都可以將報告放上網任人查，雖然只係好肉酸的一頁，但起碼叫做有嘛。

比上不足，比下也不如，咁點算呀？如果連一個在巴林小工會的標準也達不到，唔止民間籌款，連工運都可以休矣。

其實增加透明度呢件事有幾難？個個都話我淨係講，又唔教你點做。好，我教囉！首先，轉發我呢篇文俾你個IT同事，之後叫佢去搵會計同秘書問佢拎返份會計報告同會議紀錄同基金章則，擺落Scanner，插電掣，按開始，然後翻頁，再按開始，再翻頁，再按開始，直至全部scan完，再上載到官網，得左。如果你咁做左，你就係全港第一而唯一一個有對外公開財政狀況的工會，你的一小步，工運一大步。你自己都識得在註1寫「在囚抗爭者支援基金」將每年公開收支啦，點解大家都係職工盟的基金但一個公開到，而罷工基金公開唔到？

其實呢，那幾個基金咁樣俾你開名講左出黎，仲要左一句不要拉他們落水，右一句千萬不要連同他們一起攻擊，我差點分不到曲直，你點人名之前有冇問過人地制唔制？如果我唔駛收拾心情準備去法國松露節，我一定會掘落去呢幾個基金，看看內裡有否任何問題，到時真係多謝你唔少。但另一方面戰線拉大，你受到的火力自然下降，還能增加硬著頭皮參戰的強力盟軍，倒是個如意算盤。

清算名單是你立的，那是你的蘇州S，我這頭蒼蠅還是圍著你轉好了。

p.s. 因為此事，看到讀者人數這兩日暴增兩千，十分感謝。
再p.s. 你啲特意捐款捐左去003定010姐？

#肉先腐而後蟲生
#蒼蠅不會到乾淨的地方
#我係蒼蠅咁你係咩
#我係你就唔會比喻反方係蒼蠅
#那不是政治智慧的問題
#單純是智慧的問題
#你試下建制派話你地係蒼蠅
#仲唔典床典蓆要生要死大做文章

Shell工會的周年報告
https://ntuc.org.sg/…/Fi…/SSEUC%20Annual%20Report%202016.pdf
Batelco工會財務狀況
http://www.batelcotu.bh/news-news_read-231-0.html