【《視點31》盧覓雪VS朱庭萱 】 _ 自ViuTV節目《ERROR自肥企画》於月中播出後，將兩台電視大戰和本地追星熱潮的討論度推向高峰。就此，港台電視部公共事務組製作的《視點31》，周二（25/5）邀請資深傳媒人兼電台節目主持盧覓雪（Michelle）以及曾經在網上笑指MIRROR「呢啲樣旺角大把」的朱庭萱（玻璃朱）同場討論，主題為「娛樂為甚麼？」讓二人就本港電視台以「造星」名義發掘新人和綜藝節目製作策略及宗旨發表意見。節目原定直播出街，惟製作團隊周一（24/5）臨時收到管理層通知，指辯論會改為錄播，並僅於今晚播出的《視點31》裏播出7分鐘剪輯版，盧覓雪完成錄影後，於電視大廈外接受訪問時坦言，對於港台今次的處理手法有點不滿。「尋晚先至通知（直播）呢件事唔得，對我同埋對港台員工嚟講，都有欠一個公道。」 _ 完成《視點31》錄影後，盧覓雪與朱庭萱於大約下午四時許步出廣播道電視大廈，對於節目的討論，雙方都認為彼此在理性基礎下討論，並不如外界想像般會出現「二人在錄影廠內互扯頭髮」的畫面，「頭先嘅（討論）內容，係圍繞而家多咗人談論電視節目，好似有個Trend（潮流）出咗嚟，其實都係MIRROR同ERROR效應啫，因為有一班人好鍾意追捧呢班𡃁仔，就係咁啫，我覺得同TVB根本完全冇關係。」 _ 不過盧覓雪指，錄影去到最後部份，跟朱庭萱的分歧較大，討論亦較激烈，未知道節目播出的7分鐘版本會含其中。「其實如果理性討論，有啲嘢大家都有個共識嘅，爭拗都係喺某一啲位上面。當然Bonnie嘅角度係，佢想講佢啲藝人朋友因為（政治）黃藍嘅問題喺網絡有好多欺凌，但呢一點，我同佢就有一個比較大嘅分歧，嗰度（討論）相對會比較激烈啲，而嗰一段其實喺個尾嗰度（出現），頭個7分鐘係未問到呢個部份。」 _ 《視點31》團隊原本安排盧覓雪和朱庭萱於今午三時半開始討論，並透過節目的fb專頁直播出街，旨在引起更多網民留意和參與，不過及至晚上7時半，盧覓雪收到節目團隊通知，指管理層臨時要求將討論環節改為錄播，她對此頗為不滿。「佢哋通知我，話今日冇得做Live，會改為播7分鐘（剪輯版），喺嗰個Moment其實我可以拒絕出席，因為你約我嘅時候係做Live，我對做Live有興趣，首先佢哋呢啲節目已經要事先上報，攞批文，話我哋要做呢個題目，有啲咩嘉賓，會傾啲乜，即係點會去到尋晚先至通知我哋呢件事唔得呢？對我同埋港台員工都有欠公道，喺呢個港台需要更多支持嘅時候，我更加要支持，所以喺咁多無理嘅情況下，我都決定繼續出席。」朱庭萱周一（24/5）也在自己的fb專頁表示，對突如其來的新安排感到不滿：「唔做live會唔會又俾人剪頭剪尾。大家睇唔到最公平嘅一面。」 _ 回到討論部份，開始時，主持彭德章先着雙方就「娛樂節目的社會責任」發表意見。盧覓雪認為娛樂節目的主要目的就是「娛樂」，硬加「社會責任」實在多餘。「可能有啲人會覺得低俗，我係睇《歡樂今宵》嗰一代大嘅，咁嗰時都會有：『嗱，呢啲危險動作家庭觀眾就唔好學喇，佢哋經過長期訓練㗎！』呢類家長式嘅警告已經做咗，甚至有啲節目嘅播映時間特登放喺夜啲嘅時段，叫做寬鬆少少嘅時間區域，本身嗰啲（節目）已經做晒體檢囉喎，做晒體檢都話唔得？咁我就覺得過份苛刻囉！」朱庭萱亦認同娛樂與社會責任兩者沒有關係，但內容若有危險動作，亦會觀觀眾帶來負面影響，不能沒有底綫。「有些事情危險和過了底線，我們就應該守住。」 _ 至於藝人和電視台的政治取向，二人見解亦不同。朱庭萱：「自從反修例風波開始，就扣咗TVB係藍喇，ViuTV就係黃嘅，點解呢？有人覺得TVB就一定係親中嘅，而ViuTV就係香港人嘅，其實點解會扣呢啲咁嘅帽子，我當一啲TVB藝人，佢哋冇表態，冇顏色甚至冇立場嘅，佢只係想做好自己份工，但一句『你係TVB，不了，我要打壓你！』甚至搵TVB落廣告，網上有一啲欺凌『嗱，大家記住喇，呢個牌子我哋去畀嬲嬲啦，跟住我哋就去投訴喇，例如食肆我哋去報食環我哋去杯葛！』不斷喺度鬧鬧鬧，結果我聽返TVB廣告部啲同事講，每一次落廣告，個個之後唔敢返轉頭，因為不斷收到呢啲騷擾。」故她不建議藝人表態，因為立場如何都注定會失去了另一邊觀眾。她又解釋為何撐警。「點解我要表態？嗰個環境點解我要撐警或者叫做藍啦，因為驚人太少喇，覺得唔出嚟撐佢哋就好可憐！」 _ 惟盧覓雪認為是觀點角度問題。「你講打壓呢，其實雙方面都承受緊嘅，所謂黃同藍，學佢（朱庭萱）話齋，你都唔知佢係黃定藍，不過有人話佢係黃，有人話佢係藍，呢個世界其實可以返轉頭去諗嘅，唔落廣告，唔支持你我要嬲嬲豬你，黃嘅其實一樣係受到打壓嘛！」她認為除《大公報》和《文匯報》外，應以中性角度看所有媒體。「TVB點解被指藍？因為有一大班玻璃朱嘅藝人朋友撐警，仲唔係藍？加上無綫新聞取向、台風同高層言論，咪會有黃藍分別囉！」 _ 觀眾何時才可以看到足本版討論？據了解，《視點31》團隊已於周三晚（26/5）大約22:45將足本片段於fb專頁上架。 _ （26052021） _ #游大東影視筆記 #游大東 #港台電視31 #香港電台 #視點31 #盧覓雪 #朱庭萱 #彭德章 #error自肥企画 #MIRROR #ERROR #TVB #viutv #26052021 #反修例

#十年之約 #有何感想？ #衍生劇情報 【權力遊戲十周年 與 衍生劇情報】 ● #改變美劇生態的十年 2011年4月美劇版 《權力遊戲 Game of Thrones 》 第一季第一集 Winter Is Coming 在有線電視HBO頻道播出 。 十年間《權力遊戲 Game of Thrones 》 徹底改變美劇生態，踏入2021年4月權力遊戲播出十週年，雖然本傳劇集已經在2019年留下不盡令粉絲如意的結局篇，但此亦無損劇集本身的傳奇性。 當然，大眾也期望有朝一日可以重拍結局(起碼要等Martin太叔將小說先完成吧！)。 但其實衍生劇計劃已經如箭在弦！權力遊戲世界將會繼續擴張(前傳)。 ●衍生劇 《血龍狂舞House of the Dragon 》 原本於17年公報的五個衍生劇計劃最終只餘下 《血龍狂舞House of the Dragon》繼續實行，預計於2022年上架，不過開拍日期則推遲到今年4月，要如期上架實在未有把握！ 《血龍狂舞House of the Dragon》是根據前傳小說《Fire & Blood》改編，故事背景設定在《權力遊戲》本傳300年前Targaryen家族衰敗之始的「血龍狂舞Dance of the Dragons」內戰中，是Targaryen皇朝中期一次最血腥的內戰，起源於Viserys 一世的長女Rhaenyra 公主與長子Aegon 二世王子爭奪鐵王座繼承權的戰爭。 大戰過後絕大部份Targaryen家族成員都在內戰中死去，大多數的龍也在爭鬥中被殺，因而才有本傳巨龍成為傳說的情況。 男星Paddy Considine(The Outsider)將會飾演王帝Viserys 一世，Matt Smith (11th Doctor Who)則出演Daemon 親王，是Rhaenyra公主的叔叔和第二任丈夫。是一位老練的戰士，曾主導血龍狂舞之戰。 ● 三部新計劃的衍生劇！ 今年3月，傳媒報導Martin大叔與HBO簽下五年的新合約，並改編三部衍生劇分別暫名為《9 Voyages》、《Flea Bottom》及《10,000 Ships》。 《9 Voyages》主要講述航海家Corlys Velaryon外號「海蛇」的故事，他是「海蛇號」的船長，勇敢無畏，富冒險精神，是一位偉大的航海家和水手，曾經探索了東方很多維斯特洛人從未至之海域和土地。在血龍狂舞內戰期間，他擔任Rhaenyra女王的女王之手，因此兩劇或有機會存進行聯動。 《Flea Bottom》就以君臨城的貧民窟「Flea Bottom」(一譯“跳蝨窩”)為背景，內裡妓院、酒館遍佈，龍蛇混雜，暫時未知故事內容但估計同屬前傳性質。 《10,000 Ships》的背景則設定在《權力遊戲》的一千年前，講述戰士女王Nymeria(Arya的冰原狼取名參考自她)帶領東方城邦Rhoynars的倖存者，從Essos大陸出發征服位於維斯特洛最南端的Dorne(冬恩)的故事！ 上面三個計劃均在籌備階段，未到選角公報也不要有太大期待！ ●2023舞台劇登場 另外，權力遊戲的舞台劇版亦籌備當中，個版權及故事應以小說版為本，電視版演員出現機會不大。 ●相關粵語網台節目 香港人談𝕲𝖆𝖒𝖊 𝖔𝖋 𝕿𝖍𝖗𝖔𝖓𝖊𝖘: https://www.youtube.com/playlist?list=PLGZHN-myPnTH8curH8ZofHgDyi9iNxX7V ～～～  美劇癮  ～～～ ★美劇癮3.0: Patreon戶口啟動 ★ https://www.patreon.com/meikeknin ★美劇癮Youtube ★ https://youtube.com/c/%E7%BE%8E%E5%8A%87%E7%99%AEmeikeknin ★MeWe Page★ 美劇癮 歐美娛樂網台節目 MeWe 2.0 https://mewe.com/p/tvdramaaddict

#香港限定 #高清可以點睇 #4K無可能 #SnyderCut 《Zack Snyder's Justice League 查導版 正義聯盟 》 開播前你要知道的六件事！ #如何正版高清收看 ⚫ 點睇到 Now TV 有HBO 頻道的用戶可以透過HBO go 登入 而 Now E 用戶可透過App內HBO GO 分區收看及點播！(有中文字幕) NOW E App 只需$99/月 (優惠$79)可收看包括 HBO Go 的節目。 https://www.nowe.com/promotion/entertainment_combo_plus ⚫ 幾時睇到 香港時間 3月18日 下午3點！ 但如使用Now E App 的HBO Go 分區收看及點播，不排除有機會網絡塞車！如果鐵粉請假收看或晚上網絡高峰期收看，要有一定心理準備！ ⚫ 六節全部上架？ 六節有乜分別？ 6部片長4小時1分28秒 ，將會同日上架。 但因為制式問題上架片長時間可能略為不同！ 1 - Don't Count on It, Batman 2 - The Age of Heroes 兩段各約30分鐘 3 - Beloved Mother, Beloved Son 4 - Change Machine 兩段約共2小時20屬主要劇情！ 5 - All the King's Horses 6 - Something Darker 兩段各約25分鐘 據說有75%內容都是影迷前所未見的劇情，會走更黑暗的風格，更符合粉絲的期望。但亦有消息指故事主線與原版相似，外加劇情都屬支線性質。 ⚫ 高清點睇到！ ( #直接總結:畫質唔好有期望，4K要等Blu-ray) HBO Go 可以用手機及ipad收看，而Android可以用Google Chromecast 投射到電視收看，但IOS則因為最近出現技術問題未能投射到AppleTV上(感謝癮友報料)。畫質方面電視上應該只有720p - 1080p 之間。 美劇癮會建議你 使用電腦/Mac 開Browser(建議 Edge) 觀看及用 HDMI 接電視上觀看，基本可保證有 1080p 或以上的畫質！此方法應是最接近高清而且最為相宜。 ⚫如何用正版高清重溫 原版(Joss Whedon劇院版) 正義聯盟 作出比較！ 不小有心人希望重看原版(劇院版)以預備與查導版作出比對，但Netflix , HBO go 的原版 已經下架，除DVD外有什麼方法呢？ 大家其實可到 HMVOD Hmv Digital Group 收看！ 己證實試用期能看到，但需使用點數(試用期間有60點，觀看需20點) https://hmvod.com.hk/#/MovieIpMoble?programGuid=3a8f32e1-2968-43a4-971a-df6dbd56a439 ⚫黑白版本 暫時未有傳說中的黑白版本，要等官方進一步公報！ ⚫ #美劇癮YoutubeLive公告 美劇癮將會聯同 #YPR大王 將會於18日晚上7點 及 11點進行！ #PreWatchLive 及 #AfterWatchLive 同&迫大家一齊睇查導版 正義聯盟！一齊讚or吐槽 一代 神作or黑歷史誕生！ ～～～ #美劇癮MeWe ～～～ ★美劇癮3.0: Patreon戶口啟動 ★ https://www.patreon.com/meikeknin ★美劇癮Youtube ★ https://www.youtube.com/c/美劇癮歐美娛樂網台評論節目 ★MeWe Page★ 美劇癮 歐美娛樂網台節目 MeWe 2.0 https://mewe.com/p/tvdramaaddict