終於有啲時間同大家分享一下 Jayden B 出世後10日發生咩事 👉無一個阿媽係生完仔就會即刻識揍仔👈 我哋每日都在學習當中成長 #做咗人媽咪內心要強大 #長文慎入 • 產後住院所有事需靠自己 生完之後醫生話有個5蚊銀大嘅傷口需縫針、BB俾姑娘清潔過後就抱過黎肌膚接觸，有約1個鐘嘅時間抱住BB，📷影下相打下視像電話報下母子平安。然後我就比啲姑娘推去產後病房 — 8樓大房，由哩一刻開就分隔。過完床之後姑娘就同我拎晒要用嘅野放喺床頭櫃，由於過咗晚餐提供嘅時間，老公就喺便利店買咗啲野俾我食 (補給補給)，老公拎埋走佬袋👜啲野喺門口交收，佢就可以返屋企休息。食完野嘗試產後第一次小便，㩒鐘叫姑娘佢會俾個尿兜你喺床上痾，痾到半個兜嘅量確保排尿系統無問題，先可以慢慢落地。姑娘將BB👶🏻推返黎身邊，母乳姑娘會過黎教餵母乳嘅姿勢同點先叫正確，初嘗親餵🤱🏻讓阿B埋身食奶；另外開始手擠母乳刺激胸部分泌乳汁，先試用1ml針筒擠出 #黃金初乳，不過姑娘知我地未上奶都會同BB補飲奶粉或水奶。 • 種豆靜脈注射 因為早產咗少少嘅關係，阿仔雙手種唔到豆但比人吉到瘀晒，最後種咗落左腳💉，見到佢日日都要打抗生素、乙肝疫苗第一針及卡介苗、抽血驗肝功能等等… 😢簡直心都痛埋啊～ 到DAY 4 姑娘話今日終於唔洗再打針針可以拆咗粒豆喇！不過仲有好幾個問題要解決：左腳掌有輕微嘅馬蹄足內彎，出院後需要做物理治療一段時間；左耳聽力測試唔合格同埋要睇骨科… 放心！媽咪會同你一齊渡過每一個難關。 • 胎糞及尿液顏色反映身體狀況 第一日見到佢排出嘅胎糞💩由黑綠；於第3、4天後，完全排完胎糞以後，大便顏色會呈橙黃色或是黃色👏 證明你嘅用心，努力餵食係成功嘅！(觀察尿液濃咗，如濃茶或可樂咁嘅色；同埋啲屎屎變成灰白色等症狀，加上留意皮膚泛黃程度，需立刻送醫檢查。) • 新生嬰兒黃疸 滿心歡喜原先以為哩日(DAY 5)可以出院，點知兒科醫生睇完阿仔話黃疸膽紅素指數偏高需要即時轉去照燈，初為人母嘅我難忍同BB分離，更何況當時姑娘都答唔到我要照幾多日、要分隔幾多日？當佢問我叫我決定今日去或留時真係好掛住老公同屋企啲貓🐈，但又唔想掉底個仔一個喺醫院喎，心情好矛盾… 加上同房對面床開刀生都已經出得院，送佢出門口果下超心酸😔 但最後都選擇就繼續留院，到老公打視像電話黎，見到雞髀同西米係咁嗲個電話就忍唔住果種好想返屋企嘅情緒，喊咗出黎💧 話比自己聽：「我知道我要堅強 ，STAY STRONG，我可以的！」真係唔知可以為佢做啲咩，唯有默默地泵奶送去俾佢食啦～ 其後老公都出黎再補給物資、探我同去探阿B。由於只限1人入去探訪，哩個機會就俾爸爸探吧，始終我都見咗佢咁多日，爸爸就由佢出世果日到而家隔咗成4日先見到… 哩晚無咗室友同BB喺房，望住房個窗外落雨閃電⛈特別寂寞。 • 回家後又再照燈 住院咗6日，終於收到好消息🥰 可以同阿仔一齊出院返屋企喇！好興奮咁換晒出院衫辦出院手續，等埋老公過到黎再去果邊病房接埋Jayden B，返到去公公婆婆爺爺嫲嫲急不及待都即刻上晒黎睇BB (無人係黎睇我架囉…)。第二日陪月正式返工，不過隔日去健康院檢查完，又要即時去屯醫擺底佢照燈😢 到底幾時先可以退黃唔洗再照燈呢？最後留咗一晚，隔日就收到電話話Jayden指數降返可以出院，又要出去接佢出院，連日都奔波勞碌，媽媽心都累埋～ • 夜晚才是作戰狀態 基本上BB出院後返到屋企嘅日子，全部時間都係俾晒BB～ 想擠啲時間黎做自己野真係有啲難道(除非你有工人姐姐)，餵夜奶係新手父母必經之路，日間盡量爭取時間休息，有咩就交比陪月處理，正所謂「佢訓 你就要訓」😴💤 先可以唞足精神準備夜晚嘅作戰！ 照顧初生嬰兒係會攰啲，但都係值得嘅～ 最緊要有另一半 @donlaukt 同你並肩作戰 各位新手父母 共勉之💪 #新手媽媽 #新手爸媽 #香港媽媽 #孕婦日記 #孕媽媽 #36週1日 #早產 #baby #babyboy #BB來了 #出世 #生產日 #生仔 #母子平安 #生產紀錄 #種豆 #黃疸 #生理性黃疸 #初生b #新生兒 #jaydenb成長記

【#TBT #冷知識重溫系列︱#大便的不同顏色】 有些事情每天發生，令大家也開始思考麻木，不再想為甚麼，就好像為甚麼大家的排泄物是啡色一樣。 在正常情況下，糞便是啡色，原因是因為膽汁。膽汁原本是墨綠色，在食物被消化的過程中，肝臟產生的膽汁會被排入十二指腸，幫助消化和吸收脂肪。膽汁經過一連串的化學反應，在消化系統經過細菌分解而變成金黃褐色或啡色，因此糞便的顏色會呈現出這種顏色。 那其他顏色又有甚麼東西要注意？ 灰白色： 反映身體缺乏膽汁，有機會存在膽管阻塞問題，需要求醫。 綠色： 是正常情況，一般會在進食大量綠葉蔬菜（如菠菜）後出現，不需要擔心。 黑色： 最常見於上消化道出血，血經過胃酸的作用後變成黑色，與大便一齊排出，需要儘早求醫。若進食含有黑色素的食物，出現短暫黑便則不屬問題。 紅色： 出血位置與黑色大便不同，有機會是下消化道出血或是內痔出血，大便時有疼痛感覺和大量出血的話，就需要儘早求醫。 如果只是由於進食鐵片或特定食物後短暫出現其他顏色是沒大問題的，但如果是持續出現，有機會是胃腸系統出血，需要使用內窺鏡進行緊急評估。 大多數人認為大便又臭又噁心，一拉完趕緊擦擦屁股，沖廁完事。但排洩物是身體發出的訊號之一，幫助了解腸道健康。下次上完大號，記得不妨回頭看看！ ------------------------ ◆ 每日分享冷知識 ◆ 網站：https://www.beginneros.com/ ◆ Facebook：Beginneros ------------------------⠀ #冷知識 #香港 #hongkong

#寶寶課堂 點樣從BB大便判斷是否生病？💩 蘋果仔想同大家分享幾個小貼士~輕鬆解決疑問！💡 ——————————————— BB糞便嘅顏色➕狀態會隨著年齡增長、攝取食物的種類以及腸道菌數量改變有所不同。 正常糞便可能會是咖啡色、土黃色和墨綠色。💩 初生BB嘅便便常會出現白色脂肪顆粒，而10個月至1歲大孩子的便便則可能摻雜未消化的食物殘渣。 呢啲都係正常現象。一般而言，孩子開始攝取副食品後，糞便的形狀才會比較完整。 孩子生病時便便有可能變稀、變水、發出酸味、摻雜黏液； 顏色也可能會變成灰白色、紅色（鮮紅、暗紅或磚紅）、如柏油般的黑色。 ⚠️當孩子的便便出現這些顏色時，父母便要諮詢醫生意見。 ——————————————— 覺得以上內容幫到手請俾個like🥰 同share比朋友仔啦🗣