- 0557 〔感情意見〕巴 25 - 唔係發夢！係事實啊！ - 我同A 係公司識 半年前佢加入咗我地公司，做咗我嘅teammate 我比佢高grade，所以成日都有機會同佢合作，教佢做野 雖然佢係新人，但係好快就同大家打成一片，有傾有講，我對佢嘅印象都幾深刻 之後嘅日子，一路同佢合作 發現佢係一個好聰明又好願意主動學習嘅女仔 而且佢好識得去舒緩緊張嘅工作氣氛 見到同事攰個時佢會send message 講加油打氣 有佢嘅地方，就會出現笑聲 好多上司同同事都大讚佢為人同嘅工作表現 但係因為佢新，唔慣成日OT 嘅生活 所以都會成日打喊勞同釣魚，之後又會以笑遮醜咁，好可愛 因為咁我就慢慢留意佢，對佢有啲好感 當然A 呢種爽朗嘅性格會吸引到好多男同學追求 但係佢話唔太想同公司嘅人拍拖，怕惹是非，大派好人卡 我都心酸咗一下，我係咪都冇機會呢 - 因為工作關係，有一次我同A，跟埋manager 同另外一個女同事去東京公幹四日三夜 A 未去過日本，所以一直都好興奮，好似小學生去學校旅行咁 但見佢第一晚做完野返酒店訓完好似冇訓過咁 佢就話上網睇日本有好多靈異野，好驚自己一個係酒店房訓 （公司安排一人一間房），所以一直訓唔著 佢，就係咁特別同咁可愛 第二晚A 搵個女同事陪佢訓 但個女同事嘅男朋友黎咗日本搵佢，所以冇辦法陪A A 就唯有退而求其次問我可唔可以陪佢陪到佢訓著為止 唔洗一齊訓，到佢訓著咗我就可以走 大好機會我當然應承啦，可以一齊訓喎，我緊係又興奮又緊張！ - 個晚我就去咗佢間房，佢著住悠閑服好可愛，我個心都跳得好快 我地傾傾下計佢就訓著咗 我望住佢訓著咗嘅佢望咗好耐，由坐係度高炒咁望，到慢慢訓係佢隔離咁望 唔知係我晏晝飲咗杯咖啡定我唔捨得呢日就咁完結 去到半夜我都一直訓唔著，個心又卜卜咁跳 我伸手摸佢頭髮同面珠 佢突然擇一擇醒咗，擘開咗半隻眼，矇矇瓏瓏咁同我對望 有人話兩個人對望短短七秒就會產生曖昧感 我望住A，一秒都即刻愛意爆發 我忍唔住錫咗佢個咀一啖 佢好似笑咗一笑然後好快又訓著咗 係，佢真係好易訓著，無論搭車定訓教都係 而我由一開頭個心就黎爆炸，慢慢變得平靜，慢慢訓著咗 - 第三日係假期，女同事就同男朋友去二人世界 而manager 都去咗探朋友，得返我同A 兩個人去觀光 雖然我地尋晚都算錫過，但A 好似冇咩特別咁，同平時一樣咁活潑 夜晚我帶咗佢去睇佢想去嘅東京鐵塔 我諗緊好唔好襯依加表白，或者呢一刻我地嘅關係就可以改變 但係我仲猶豫緊嘅時候... 「你可唔可以攬下我阿？」A 突然問 「下？！」我個心就黎比佢搞到負荷唔到 「如果唔得就算啦。我只係想感受下呢個咁浪漫嘅氣氛...」 我輕輕咁攬住佢，佢嘅高度岩岩好係我心口，非常適合 我比佢突如其來嘅要求嚇親，但我又好開心可以親近佢 好想表白但又擔心如果表白咗而佢拒絕嘅話會好尷尬 最後我決定放棄，好好享受呢一刻同佢相擁 過咗一陣，佢推開咗我，指住我個心笑咗一下，同我講咗句多謝，佢感受到好溫暖 其實，如果可以，我想攬你一世 - 個晚係酒店，佢一路執行李一路同我傾計 「我尋晚發咗個好奇怪嘅夢，我夢見你偷偷地錫咗我一啖 你話係咪好奇怪！哈哈」 WTF？﹗佢係真發夢定扮晒野架其實？！ 定係試緊我？！ 點解可以好自然咁講出黎？！難為我嚇到飛起... 我紅哂面咁問佢如果係真嘅會點，佢只係笑咗笑答唔知呢就上床訓 我好想同佢講唔係夢黎，係100% 事實，係因為我鍾意你先錫你阿！ 但又驚佢尷尬同嬲，所以我又忍住冇講到出口 呢樣事實到我搭飛機返香港為止都冇講出黎，仲一直擺係個心入面唔敢講 我真係好鍾意佢，但佢講過唔想同同事拍拖 我唔想因為咁而失去佢，或者連朋友都做唔到 - 一個月前，我搵到份新工，辭咗職，我諗係時候表白 但係偏偏呢排home office 我地好難見面 曾經有其他同事係group 約晚餐，佢又話要慳口罩唔想出黎 我好掛住佢，每分每秒都諗緊佢 好想同佢表白講清楚自己嘅心意，想話佢聽個晚唔係發夢係真架！ 我又想當面同佢講，唔想透過電話講 我地好快就唔係同事，會變成普通朋友關係，我係咪應該勇敢啲去馬？ 幾時係最好時機？我應該點做？ 懇求大家比啲意見我！ 圖﹕愛情的溫度 #SorryFor1999 #求意見 #長文注意

#saylittlesomething #分手總要在雨天 #張學友 . @yiulunjai 有人點歌比你 . “呀伯，我諗你見到呢兩個字就知我係邊個了，我冇想再打擾你既意思，只係想同你講少少野黎結束我對你呢三年既感情。。 你最近還好嗎？尚愛看少女漫畫嗎？ 最近近乎沒露面你有新對象嗎？ 👴🏿如果可以簡，我會想同你重新開始，唔會再亂估唔去溝通。 我好記得之前你叫我聽過兩首歌 一首係不再聯繫，另一首係你並不懂我。 -我和你不再聯繫，希望你不要介意，要怪就怪當初沒在一起，而你對現在比較滿意所以我留下來也沒有道理… 但我想比你既歌係“開始戀愛”亦都因為你，我中意左呢首歌。 -何事我會妒忌我會擔心魔鬼搶走你，何事我每次都不知不覺愈來愈想你，腦袋不停為你轉到企不起，我想你笑我想你跳我想識法術想留你… 仲有一首係“愛情怎麼喊停”。 入返正題。 其實我未同你一齊，我已經中意左你兩年有多。。從第一次見你已經中意左你，可能你唔會信太誇張😂個日你比左個紫色既手機觸控筆比佢，走個震我即刻問佢，可唔可以比我😂真係好白痴，我keep到而架。之後個日我返左屋企，我叫左“佢”開一個我同你同佢既三人gp…係好白痴，我唔知點同你溝通好。。成日見你fb好唔開心咁，我好想氹返你開心，所以以前我係wts sd過啲圖比你，想你笑想你開心，有冇成功有冇笑我唔知。 我地一齊過個半月，個段時間係我過得最開心既個半月，因為有你。好記得你最中意係街市食串燒，你最中意象拔蚌，之後你同個老闆講你電話號碼，淨係講左一次，我竟然記到今日😂📞_ _ 8 _ 6_ _ _ 本來想0830寫比你，講聲生日快樂既。。但我趕唔切sorry，係到同你補返聲，生日快樂😁 我見你最近都有中意既人，加油喔，我知道呢個人有你值得去中意既地方，唔好放棄知唔知。我係時候要放低對你呢三年既感情lu。 如果可以重遇，我只希望可以成為你既知己，因為知己比情人走得更遠😊一直可以留係你身邊，陪你釣魚陪你做你中意既野☺️但可惜…祝君好😌 希望唔會再發夢見到你，唔會再記起你電話號碼之後set返你偷睇你近況icon，唔會再偷偷上fb睇你近況。ps.我fb set左你係密友，所以有咩近況我會第一個收到😂 我諗夠了，對你的思念是一天又一天。真係夠了，我捨不得。 最後一次想念著你，最後一次再度記得，其實收埋對你既感情，我真係好辛苦，係時候放低了。私はあなたを愛して 再見伯伯👴🏿😌👋🏿” .