#gfmurmur9248 同現任已經一齊左一段時間，我地都好愛惜對方。佢係個好男仔，外在同內在條件都好好。我地都唔介意對方有拍過拖，因為以前嘅事無得改變。而且我地都比對方足夠安全感同信任，所以從來都唔會偷偷地check對方手機。 而我同ex係和平分手嘅。我好清楚佢無揾第二個，因為我肯定佢係個專一嘅人，而且佢會po story/佢d frd po story我會知道佢響邊，我亦唔會要求佢定時定候話我知響邊同邊個一齊，因為我對自己同對佢都有信心。但佢真係太忙，忙到我地每日講野唔多過10個msg，得'早晨，陣間去xx，翻緊屋企，早抖' ，更加唔好講見面，一個月見得一次面。明明響同一個城市，但我覺得自己好似long d咁。即使再忙，都可以一個禮拜至少揾一晚同我傾下計，分享下佢果日發生左咩開心唔開心嘅小事啊嘛？我雖然知道佢忙緊咩，但我完全唔知道佢每日生活過成點，有無受委屈，有無好笑嘅on9野等等，每次問起都係話'無咩特別，我攰喇瞓先，你都早d瞓啦' 然後無再online。我覺得自己好唔了解佢，亦都想嘗試理解佢，所以我有講過呢個問題。 我自問自己唔痴身，我亦唔想阻住佢做野，所以我平時唔會煩佢，但太耐唔傾計會掛住佢，所以成日想揾日好好見下面相處下，但佢真係無日得閒。其實我都忙，只係我每晚都期待緊果一兩句'我沖涼喇，我瞓喇，早抖'。佢咩都好，只係我響佢心目中佔嘅比重太少。鍾意還鍾意，只係果種鍾意，唔足以令佢肯抽少少時間比我同我講下野。可能係我當時要求太多掛，不過我始終唔明佢當時點諗。 後來我放低左佢，隔左一段時間先同現任一齊。但前排我響街上撞翻ex同佢d frd，我無同佢打招呼，但佢d frd好明顯有見到我。果晚佢wts我同我講野，一開始話 '今日我d frd話見到妳，sorry我今日認唔出妳，因為大家都戴住口罩，所以無打到招呼。妳近排點？' 同佢傾左幾句之後，知道佢原來同我分手後一直無拍拖，而我亦都相信佢無講大話，因為我知道佢真係未準備好分自己嘅時間比另一半。佢話佢一直以黎都好後悔，當時無好好珍惜我。我唔知佢係出於未放低我想翻撻，定純粹想坦白自己當時點諗而咁講。其實無論有現任定無現任都好，我好清楚我同佢都無可能一齊翻。我唔知係咩原因，但我唔會亦唔想再同佢有感情上嘅交集。所以我話我已經有男朋友，叫佢放心，以後會有人好好照顧我，叫佢好好顧掂自己先。至少呢一刻，我係真心想佢以後揾個更加適合佢更加願意遷就佢體諒佢嘅好女仔。而佢都祝福我要stay sweet。自此以後，我地就無再聯絡過，只係時不時會見到fb/sc/ig提醒我地之間同月同日發生過嘅事。 但係我呢段時間不停發夢夢見佢。唔係春夢，夢入面係我同佢行街食飯果d好普通嘅互動，但個感覺好sweet，好似翻翻去以前仲係情侶咁。每次夢醒左都會覺得對現任好愧疚，明明我已經放低左佢咁耐，點解再見翻面會令我不斷諗起以前d回憶。甚至我經過一d地方，見到一d事物，聽到似曾相識嘅話，都會不自覺諗起以前同佢經歷過嘅野。但即使佢想復合，我都會拒絕，因為我好清楚我地已經翻唔到轉頭。不過近排成日諗起呢d事，我都覺得好內疚，我好似控制唔到自己咁。點算好？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig