【深夜】《魔女宅急便》琪琪長大了 日本女星「小芝風花」
相信當年有勇氣睇過《魔女宅急便》真人版嘅朋友，都只會記得套戲啲特技同剪接有幾咁「崩壞」，反而對飾演主角琪琪嘅「小芝風花」就冇太多印象。事隔多年，昔日嘅琪琪已經長大成亭亭玉立嘅美少女，演藝事業蒸蒸日上，近年更踩過界推出寫真集。
今年24歲嘅「...
【深夜】《魔女宅急便》琪琪長大了 日本女星「小芝風花」
相信當年有勇氣睇過《魔女宅急便》真人版嘅朋友，都只會記得套戲啲特技同剪接有幾咁「崩壞」，反而對飾演主角琪琪嘅「小芝風花」就冇太多印象。事隔多年，昔日嘅琪琪已經長大成亭亭玉立嘅美少女，演藝事業蒸蒸日上，近年更踩過界推出寫真集。
今年24歲嘅「小芝風花」從小學三年級已經學習花式溜冰，曾經喺關西地區中小學生比賽獲得第8名，衫初諗住大個成為一名溜冰選手，並擔任教練教小朋友溜冰，但就因為有次睇到著名花式溜冰選手淺田真央嘅電視廣告，令佢都憧憬可以出現喺電視上，於是喺2011年就走咗去參加經紀公司「奧斯卡傳播」選試活動，溜冰選手夢想亦無疾而終，隔年就孖住前輩武井咲出演日劇《無法呼吸的夏天》正式出道。
之後就係主演為人熟悉嘅《魔女宅急便》真人版電影，亦因為套戲而獲得「日本電影藍絲帶最佳新人獎」以及「日本電影影評人大獎新進女演員獎」，自此就多咗機會出演N套日劇。
本身拍開日劇嘅「小芝風花」，近年轉走成熟性感路線，喺2019年推出第二本個人寫真集《F》，遠赴陽光與海灘嘅沖繩取景，著上Bikini展示不為人知嘅性感一面，索爆得嚟又好有女友Feel，唔知你又係咪都睇到有啲心動呢？
#深夜系列
