#ChitChat🌋 琴日同Sylvia食飯講起我喺學生入面所睇到嘅現象，佢叫我寫落嚟同大家講吓。都啱嘅，有時我想出聲講，但又怕同學hard feeling就唔講，不過學Sylvia話齋，有啲嘢同學做唔好，第日大學interview, 以致揾工都會自己受返。 - 做Vocabno呢段時間，見過嘅學生有好多，當然都有好多類型啦，其中一種分法就係有禮貌同相對冇禮貌嘅(衰啲講就係識得做人同唔係好識得做人)。唔知Vocabno對你哋係乜嘢呢，可能係一個有免費resources攞嘅地方？至於免費又係咩呢？係有人願意為你哋付出所以感恩，定因為免費所以唔稀罕呢？呢個就真係你嘅價值觀去點影響你嘅說話。 - 簡單到點樣攞resources都可以睇到一個人有冇禮貌，有啲同學inbox我哋係就咁放低個email address, 有啲係講低想要咩再留低email address, 有啲係講完會加句”thanks”, 最後就有啲係會講唔該/多謝，再加幾句喧寒問暖嘅。好簡單，你哋喺我角度諗吓頭兩類同學問我攞resources時，你會咩感受同會點反應？有時真係要分清楚「免費」唔代表「奉旨」同「冇成本」，反而係咪要欣賞吓我用幾個鐘去整理但唔攞去賣而係分享呢？有同學或者會講”Please send me the file.”, 個”please”字其實係咪可以replace”thank you”呢？其實就唔係嘅，佢係一種”request(要求)，仲好記得我細個嗰時叫菲僱姐姐幫我攞嘢講”Please...”, 冇講”thank you”, 俾阿媽鬧，從此我都好留意呢樣嘢，所以真係唔好再咁講啦，可以”Can you please...thanks!”或者更有禮貌嘅”Would you mind...thank you”。 至於第三四種同學我覺得冇咩分別，都係有禮貌嘅，要繼續保持呢種態度吖！當然啦，第四種係更有禮貌同窩心啦，個大前提係你。要。真。誠。咁。講！尤其呢兩年我自己都係傾向做第四種人，對下屬也好，對啲幫咗我手嘅人都好，關心吓人先叫人幫手永遠都俾人感覺好少少嘅，條氣都順啲嘅。 - 所以雖然我最後都share曬俾咁多位，但其實我覺得冇咁禮貌嗰啲，我係好小氣地遲啲先send嘅(朋友叫我直程咪理)。不過呢，以後最好都係將個email address同其他字可以分開send俾我，因為我copy and paste完仲要del返其他嘢哈哈哈，我真係好麻煩。😂 - ⭐️⭐️⭐️⭐️從此以後，問我哋攞resources又唔講唔該嗰啲，我決定好有型地一概不理，因為大大我今日已經講得好清楚我點睇，都覺得大家已經大個仔大個女，基本禮貌要做得到。💁🏿‍♂️ ///// 認同請俾讚。😂 #Vocabno #English #DSE #17DSE #2017DSE #18DSE #2018DSE #19DSE #2019DSE #Reading #Writing #Speaking #Wordoftheday #Vocabulary #Expression #Phrase #HKDSE #LiberalStudies #通識 #LS #Dsetips #Linguistics #語言學 #Morphology#英文考試系列