【@girlstyle.mag 】胡杏兒老公被嘲「世紀軟飯王」霸氣反擊！ .
 現年 41 歲的胡杏兒近日宣布誕下第三個寶貝仔李奕宏，一家五口的家庭生活幸福美滿！不過近日就有網民在李乘德（Philip）的社交媒體留言直指：「你真係世紀軟飯王，犀利過袁偉豪。日日喺度湊仔玩樂，老婆就生仔前後都要喺大陸辛苦拍戲。陰功。慘過生仔機器，又要生又要為生活拚搏。你間酒吧去咗邊？」而掀起熱議！ . 胡杏兒與老公李乘德於2015年結婚，當時胡杏兒正處於事業高峰期，外界對於作風低調的李乘德多以「女尊男卑」來形容。不過胡杏兒就懶理閒言閒語，婚後專心造人，極速為李家開枝散葉！ . 婚前曾被指女尊男卑！婚後變女主外男主內？ 雖然胡杏兒一度為了專心照顧家庭而淡出演藝圈，不過近年就開始密密北上搵銀，在內地闖出人氣後更甚至常駐大陸發展，就連去年懷孕期間也不惜留在內地工作，僅在產子時回港，剛剛坐滿月又再次北上復工，相當勤力搵奶粉錢！早前就有指胡杏兒為了令細仔能喝到母乳，所以特意將冰鮮人奶空運回港，在Liam的百日宴時，更只能透過視像通話來拍攝全家福。而這則網友的留言，相信就是看到胡杏兒近年即使挺著大肚子亦需要往返兩地工作，相反老公 Philip 則不時在 instagram 大曬湊仔日常而惹起閒言。 . 網民推測胡杏兒復出原因？ 早前 Philip 的酒吧因為受到疫情及限聚令影響，生意大受打擊。早前他更公開控訴業主「1蚊租金也不減」令生意難做！而當時胡杏兒就恰好「復出」宣布出演 ViuTV 新劇《熟女強人》以及頻頻回大陸參演綜藝。有網民就推斷，或許是因為 Philip 的生意經營困難，才令胡杏兒出山搵真銀養家，變成「女主外，男主內」！ . 被嘲世紀軟飯王！李乘德霸氣反擊：多謝關心 不過其實 Philip 的來頭亦不少，從倫敦回流香港發展的他不但收購了一間跨國集團的獵頭公司，更投資酒吧業，絕對是「百足咁多爪」！ . 而受到網民攻擊的 Philip 亦不甘示弱霸氣回覆網民：「多謝關心。可能你唔知，本人用心做嘢做咗幾十年。現在有幾間公司，條隊唔算好大，得幾十人。但托賴，今年的生意唔錯，可以畀到少少時間我陪小朋友。家庭和小朋友係最重要。希望你都會明白，酒吧仍然喺度，多謝關心。得閒落去飲杯嘢。我請。祝你健康開心快樂。」似乎對網民的指控相當不解，火藥味十足！而胡杏兒亦都力撐老公，發英文千字文還擊：「其實他現在真的可以隨時不工作，不過他一直以來也很努力賺錢養家，亦已經建立起相當成功的事業。」胡杏兒更大讚老公在工作之餘亦願意為孩子付出時間，也很感激老公讓她有空間在在事業上打拼！ . 胡杏兒家庭來頭不小？ 據網路的資料顯示，雖然胡杏兒的出身不算相當富裕，不過她的童年經歷亦都成就了胡杏兒的獨立！胡爸爸原來曾經任職香港警察，令胡杏兒享有到外國讀書的津貼，到北愛爾蘭完成六年中學，再獲得香港科技大學取錄！而大家姐胡可兒學歷亦不少，現在更是港大兼職助理講師及浸大兼職講師，老公原來更是現任九龍西立法會議員及民建聯黨員鄭泳舜。 . 如今事業、家庭兩得意的胡杏兒，復出也許真的是「為興趣」？大家又點睇呢～ . #女生gossip熱話 . ✨ GirlStyle 女生日常 App ✨正式登陸 App Store 及 Google Play 📱 想隨時接收最新美妝時尚資訊及女生人氣熱話⁉️ 立即Click入@girlstyle.mag Bio連結下載！🤳🏼 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

【@girlstyle.mag】Elkie莊錠欣宣佈與CUBE正式解約！ . 2016年以新成員身份加盟韓國女團CLC的香港成員Elkie（莊錠欣），在韓國出道至今已接近五年。除了歌手活動外，原本是演員的她更參演韓劇拍攝，發展甚好。但近日一份由內地律師行向CLC所屬公司CUBE娛樂提出解約的文件突然被傳出，Elkie將會退出CLC的傳言甚囂塵上。直到昨天（30/12），Elkie終於在社交平台上上載了三篇親筆信，分別以中、英、韓文三語向大眾交代去向。當中因為中文版本的手寫信以簡體字撰寫，而惹來粉絲的熱烈討論！ . 在韓國出道前已在香港以童星身份出演過不少劇集，例如《On Call 36小時II》、《仁心解碼II》等為人熟悉的劇集的Elkie，受到不少香港人的注目與支持，更曾被稱做「香港之光」。 . 而近日就突然傳出Elkie透過內地律師向所屬公司CUBE娛樂提出解約，內容大約指CUBE娛樂違反合約，包括除了以過版權稅收入外，四年來都從沒收到過關於演藝工作等收入的分成，在合約期間都是由公司先收取酬勞，但卻沒有公開及清楚高代所有細節，加上CUBE娛樂更曾經表明不會再支持CLC活動，因此提出解約。 . 消息一出即受到粉絲網民議論紛紛，直到昨天Elkie終於透過社交平台以三封中、英、韓語的手寫信向大家交代事件。她先是感謝粉絲們一路以來的支持：「快6年了，從一開始參加選拔出道跟你們見面，慢慢變熟悉，到現在，我們的愛已經是非常強大，非常珍貴的了。一直以來每一次的活動，每一個舞台，每一次專輯…… 都是想着你們我才能有足夠的力量去完成的。不光是這樣，在我偶爾無力的時候，我都是靠看你們給我寫的信跟信息去熬過的。」 . 她的話語中透出不少心聲與無奈：「可惜很多時候真的不是我想做就能夠出甚麼，一路走過來遇到過不少阻礙，很多時候真的很無能為力，也非常鬱悶。我希望送更多作品、驚喜給大家，但總是會有很多問題，導致我連為大家付出都做不到，真的讓我很傷心……想到一直等待着我的你們，就更難受了……」 . 文字間似乎已經透露了將會離開CUBE娛樂並有新發展：「到目前為止，我覺得我沒能做到一個稱職的藝人，起碼我並沒有很滿意我現在為你們做的一切。因此我覺得我不能再那樣下去，我想為我愛的人去做更多，我想讓大家一起去見證我的成長。這5年的留學經歷對我來說是非常寶貴的經驗，我希望接下來我可以好好運用它，做我想做的，做我能做得到的事情，走得更遠。」 . 最後她再一次向粉絲們道謝，並表示不會忘掉初心，繼續努力下去。另外，她亦有向CLC的成員表達感謝。 . 消息一出讓CLC的粉絲們都感到十分悲傷，紛紛表示不捨Elkie的離開。同時有網民留意到Elkie的中文版本手寫信中，是以繁、簡體字夾雜著來撰寫的，當中以簡體字居多，甚至乎連最後的署名「莊錠欣」都是以簡體字來寫。此舉隨即惹來網民的質疑，對於在香港出生的她，從小到大都是以繁體字來接受教育，卻以簡體撰寫文章表示理以理解。 . 而香港粉絲紛紛在底下留言表示失望：「有韓文有英文但係就冇繁體中文」、「點解寫簡體？」、「成篇簡體，讀得好辛苦嘅香港人揮手區」、「要往中國發展了？」、「點解土生土長香港人要寫簡體字？」、「人民幣真香～」 . 但亦有粉絲表示只要Elkie開始就足夠，希望大家不要再添加壓力給她：「尊重人地對於自己前途既選擇」、「都唔知大家係關心佢未來既發展定純粹加深佢既壓力？」、「多謝你鼓起勇氣」、「Elkie振作！！」 . 大家又有甚麼看法呢？ . #女生gossip熱話 . 【GirlStyle Club 隆重登場 】 立即入會獨家免費贏取豐富禮品💕 . 「女生．賞．聖誕」聖誕專頁🎄 https://bit.ly/3f6JhHy 👉 link in bio 👈 . 鍾嘉欣「關關難過 關關過」 Cover story vol.10 . FB: GirlStyle 女生日常 『 💌如果妳都有打卡靚相／情侶甜蜜照想同讀者分享 📷即刻 #girlstyleGirlStyle 女生日常 或tag我哋或inbox比小編！ 我哋會係女生日常嘅IG同大家分享💕 』 . #hkig #hkgirls #beauty #lyrics #hkiger #love#sisters #lovemygirls #hklife #hkboy#hkgirl #hkboys #hkgirls #852 #hkcouples#hkstore #hkonlineshop #hklover#mygirls

趁返工放飯，想分享病房小經歷。 話說最近病房收咗個韓國婆婆，佢剩係識講韓文，所以我地同佢都溝通唔到，剩係可以等佢個仔來探病嗰陣先可以同佢講英文，透過阿仔問婆婆問題。心水清嘅你應該會知道，最近因為疫情，每間醫院都冇得探病，所以呢個婆婆有得俾屋企人探係因為佢其實已經好ill，癌症擴散晒，屋企人都簽咗DNR（如果心跳停咗都唔會幫佢CPR）。 婆婆個樣長期都好憂鬱，又冇人可以同佢溝通到，所以每次我經過佢都會心諗：啊！！！點解我追咗咁多年星但韓文都唔識多句！如果我識韓文，可以同佢傾計就好喇！！！！ 我有次幫佢篤手指都有嘗試用英文同佢講野，點知佢剩係用一大堆我聽唔明嘅韓文應我，我只好放棄同佢交流。 去到今日夜晚，佢嘅屋企人探完佢走咗之後，我行過見到韓國婆婆兩隻手捉住個木製十字架。個木十字架係冇棱角、圓圓地嘅設計，好靚。我嗰刻即刻彈咗個諗法出來：我唔識講韓文，但我識畫畫！於是我畫咗個耶穌落張紙，寫咗句God bless you。之後又諗佢唔識睇英文點算，所以我再衝咗去廁所秒速用手機google translate「我唔識講韓文」同「God bless you」嘅韓文，再抄落張紙。 搞掂晒之後，我行去佢面前拍一拍佢，再俾張圖佢睇。佢指住幅畫，然後用韓文問咗我個問題，我估係問「張紙係唔係俾我架？」，我點頭，佢就接咗張紙。然後我再隊啲唔知啱唔啱嘅韓文俾佢睇，佢問我「妳係韓國人？」（呢句我聽得明🤣），我即刻搖頭再講句「No！」。佢再講咗句「多謝妳」（如果多謝我都唔識聽就真係唔駛再追韓星..），跟住佢就一直望住張紙。我行開一陣再返來，佢已經瞓着咗，但佢手上緊握住個十字架同幅畫。頂，唔係講笑，我望住呢個咁平靜安穩嘅畫面，差啲喊咗出來。 我知道當見到其他人面對疾病、危難，我地都冇咩可以做，呢一個小小嘅舉動比起佢身體所承受緊嘅痛楚真係顯得好渺小，但我相信佢嘅信仰、信念會一直支持住佢走人生最後呢一段路。至少嗰一刻，佢望住幅畫，感受到佢所相信嘅神同佢一齊，心裡面應該多咗少少暖流。 啊，又想喊，希望大家都健康、平安，好好珍惜身邊嘅人，珍惜每個表達愛嘅機會。 Btw，如果有正確韓文可以留言話我知，或者有其他正能量韓文都可以話我知，等我一陣放完飯/聽朝返工再寫俾婆婆。 再btw，今日有個姨姨病人問我係咪仲讀緊書，我話係，我再問佢係咪因為我個樣好細個，佢話：「妳好清純，與世無爭嘅感覺。」我心諗，得對眼都睇得出與世無爭，笑死我😹但我希望我繼續保持純粹想愛人、關心人嘅心～～～