［亞太股已一早已經牛市！］是真的，不過香港冇份

1. 其實舊圖，但明顯呢兩日掛住海洋公園，咁搵啲收費專欄出過嘅文嚟充撐下節目表。係呀，一定係貼咗收費專欄先，唔會掉轉。當然太時間性嘅就唔會在呢邊重播了，另外仲有好多文係嗰邊有呢邊冇的。記得訂閱。

2. 如果用一般人講嘅牛市熊市（而我一向都唔會太care，原因詳述），高位跌兩成就熊，低位升兩成就牛。

3. 你冇睇錯，亞洲股市之前所謂「轉熊」，其實高位跌咗三成，而家就變咗牛市了。詳情可以睇返彭博嘅稿（https://bloom.bg/2WsmQF9）。睇嘅係MSCI亞洲，相對地公平嘅指數。由3月23嘅低位，去到四月尾，已經反彈20%。

4. 比較有趣嘅係，MSCI亞洲，其實差不多係最後一個「轉牛」嘅區域，落後於美國，歐洲，東南亞同拉丁美洲。但至少大中華股市，其實之前係跌得最少嘅。當然韓國或東南亞又係另一個景象。

5. 之前驚嘅，都係嗰幾味，其實但凡環球跌市，亞洲市場都係講嗰幾樣嘢。資本外逃，外勞匯款大跌（例如菲律賓同印尼），貨幣貶值，但好多公司賺本土貨幣債就美金，負擔大升。不過今次新嘅就係多咗，「經濟倚賴中國」。除咗進出口外，仲有旅遊業。但隨住疫情見減退，人人開始講重啟經濟，股市即時就反彈—從來都唔會等到真係冇個案先彈。

6. 另外可以留意下，各國走出熊市嘅次序，睇下有乜啟示。初步睇似乎都係跌得越勁就彈得越快。南韓3月尾已走出熊市，之後係菲律賓同印尼，泰國澳洲紐西蘭台灣印度越南。中國呢？根本冇入過熊市。

7. 當然了，風險幾時都存在。低位彈返兩成都好，其實年初至4月尾仲係跌緊14%，而亦見到月個volatility 仲係自雷曼之後嘅十年高位。

8. 一方面證明時機好重要，你年頭買同3月低位買已經兩回事。另一方面，唔想搞咁多嘢嘅，就真係一動不如一靜，切忌就低位打靶。

9. 拿，4月，恒指都彈成千點啦。唔算好多（5%不夠），但總好過你日日走去鬧匯控叫佢賠返啲息畀你，或者去炒期油ETF。

10. 至於最多人問嘅一個問題：點知係已經見底？點知係咪死貓彈？

11. 答案係，根本永遠都唔會知。但點解要執著呢啲嘢？唔知又點？你點知恒指唔會跌返去幾十年前嘅100點？你點知聽日唔會核爆？但你依然約人下星期食飯，對不？你點知有得食？你點知你唔會死，你又唔會死，間餐廳又唔會死？

12. （偽）科學啲講，至少美股，應該冇試過有一個熊市反彈係升到咁多（三成）。所以歷史數據絶對傾向係真見底。咁但堅持話「你點知今次唔會係第一次？」，或者「OK我信見底，但你點保證唔會再跌返兩成？」—SORRY，係冇得保證的。咁你慢慢等，等有人保證話你知「肯定見底」。而我到而家都見唔到有人可以保證恒指唔會跌到100點—「你點知聽日唔會核戰？」「你點保證聽日會開市？」

13. 直接啲講嘅，美股標普指數低位都升30%啦，Nasdaq升三成幾。熊市反彈？成撚日「你點知XXX」嗰啲友，根本連牛市都唔會坐到30%升浪啦。所以why bother？三成喎。正如蘋果一萬億美金市值都仲有人質疑人地套生意掂唔掂，「你點知下星期仲有人買？」

------------------------------
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

友善外勞，必須點滴做起
鄭文燦的外勞（外籍移工）對策

外籍勞工存在台灣，他們不只是工廠的工人，他們也需要購物、休閒和文化。有時候，我們看到火車站或者工業區附近，成為「外勞城市」，初次的感覺都是怪怪的。但是，細想一下，外勞是人，當然有許多需求。

有些外勞可以藉由教會得到精神上的紓解，例如菲勞的天主教會，印勞的清真寺，但是，這還不是全部。我們應該想辦法做得更多。

一、出版外勞版的地圖及交通標識。

二、興建移工公園，提供外勞休閒交友。

三、規劃東南亞商店街。

四、成立外勞生活服務中心。

五、興建菲律賓會館、印尼會館、越南會館、泰國會館。

六、勞動檢查處從嚴稽查外勞的勞動條件、安全衛生、食宿條件等。

七、成立「外勞學苑」，讓外勞學習本國語言及其他知識。

八、舉行外勞演講、歌唱及繪畫比賽。

九、協調銀行讓外勞可以儲蓄、匯款，讓外勞薪資所得可以累積。

十、為有效處理外勞脫逃事件，由警察、勞工及社會三局成立聯合小組。