🇭🇰旺角區 _______________________________________________________ 呢間日式放題相信MK搵開食嘅都一定識， 平日5:30-7:30入座只需要$198一位， 個人會建議選擇2小時自由價$228 咁就無局限嘆到過百款任攞任食日泰中韓款式。 全層二樓行來行去出去攞野飲野食😆 座位空間感闊落，疫情期間二人坐四人座位， 手機掃二維碼落單就唔驚成日漏單。 講野食之前，講d 笑話你聽先， 隔離果檯有個叔叔嬸嬸，叔叔點完野食行開左， 野食到個嬸嬸起勢話無叫過d 野食🤦🏻‍♂️ 店員O左咀都算啦， 佢用最平價錢食7點前離座時段， 店員禮貌地講時間夠啦， 叔叔大大聲回覆：咁走唔到點算呀？ 真係唔止O咀咁簡單，隔離幾檯都望住佢... 但最重要係店員仍好有禮貌解釋比佢聽放題程序， 其EQ強度值得一讚。 一座落位應該同大家一樣， 落好哂刺身壽司後就去食物自助區八一八先， 🍶飲品有唔少選擇，竟然有埋清酒、梅酒、提子燒酒! (連小朋友都裝到黎飲🤭🤣🙈) 🧃各款果汁任飲任裝，熱茶咖啡奶茶任裝， 當然少不了罐裝飲品雪櫃多達數十款。 🥗沙律吧款式相當齊全，十數款任選配搭， 西瓜哈蜜瓜火龍果任食，重有埋Candy Corner岩哂小朋友。 🦐凍海鮮有凍蝦，青口，螺肉， 炸物有小丸子同春卷咖哩角， 熱食有幾款，當中最吸睛係新加款蒸倉魚， 鐘意食嘅的確值回票價。 🐟最期待嘅刺身任食出場， 特大牡丹蝦、甜蝦、赤貝、帶子、三文魚、 鯛魚、希靈魚、象拔蚌、蠑螺、北寄具等 新鮮美觀，叫左兩Round已經夠哂滿足。 🍣超過廿款壽司款司包括特式壽司、 火炙壽司、軍艦、卷物。 手卷三款：海膽手卷、三文魚親子手卷、蟹膏蟹肉手卷。 串燒羊架牛舌燒菠蘿必食， 其他必食還有芝麻雞翅、汁燒牛柳粒、 西京燒銀雪魚、蒜蓉粉絲扇貝及蒲燒鰻魚。 呢d 已經食到小編好滿足， 如果都係唔夠飽還有牛肉鍋、烏冬拉麵比你飽硬咁走。 甜品有雪糕、雪條、豆腐花，木糠蛋糕、奶凍，蛋糕、布甸， 最後梗係嘆埋個每人一客嘅movenpick 同Haagendazs 雪糕， 滿足飽肚完餐，網頁睇返哂點過嘅order,有無漏單一目了然👏 ______________________________________________________ 👅美味: 8/10 😮驚喜: 8/10 ✨環境: 8/10 💆‍♂️服務: 7/10 💡性價: 9/10 🐽飽肚: 9/10 💫回頭: 8/10 👍推薦: 8/10 🔍餐廳: #樂天大喜屋 🏠地區: #sharefood2you_旺角 🍽菜式: #sharefood2you_放題 💸價錢: $228 each 2 小時任食(未加一) 📍地址: 旺角彌敦道593-601號創興廣場2樓 ⏰時間: 12:00 - 15:00、17:30 - 20:15、20:30 - 23:15 MON-SUN _______________________________________________________ #sharefood2you #食評 #旺角美食 #香港美食 #日式放題 Disclaimer: ALL opinions are 100% Honest 相片經燈光處理攝影， 與現場光線可能有所偏差。

好難得入去元朗搵朋友食飯 我哋就想搵一間舒服又好食嘅餐廳談下心 「 野川拉麵の深燒食堂 」 見到門口咁開陽 而且播着流行好Hit的韓國歌 二話不說就入咗去試吓 入面嘅環境佈置好色彩繽紛 大大個電視播放着韓國MV 而且餐牌上的食物選擇非常多 價錢仲好經濟實惠 我哋一口氣叫咗差不多20多款美食 ⊰⊹════════════════⊹⊱ ✎ 食後感 ：✨ 「 #刺身 」 有我最鍾意嘅咁甘蝦及活赤貝刺身 當中的甘蝦每一隻都大大隻 食落去鮮甜無比 「 #壽司 」 包括有鰻魚、鮮帶子、三文魚籽、赤蝦及三文魚壽司 而且壽司仲有半價優惠好抵食 三文魚籽壽司的口感爆棚 爆漿三文魚籽令到我口裏魚油四溢 食落去更添口感 「 #燒物 」 呢隻 #鮑魚 好抵食只係$18 而且我order嘅時候係最後一隻了 外皮燒得有點香脆 食落去好有咬口 而 #大頭蝦 有我手板咁大隻 食落去蝦肉爽口彈牙 #燒黑豚肉五花腩 金黃色的五花腩邊 配以黑椒等調味料 食落去半肥瘦口感好Juicy 仲有我最鍾意食嘅 #香草羊仔架 燒得很香 而且一啲都唔騷 肉質還很鮮嫩呢👏🏻 「 #極上牛肉讚岐手打烏冬」 配以豬骨湯底的讚岐烏冬 飲一啖很濃郁的豬骨味道 而且牛肉肉味濃郁 手打烏冬仲好入味添 食咗實在太多美食不能盡錄 食到我哋捧住個肚出門口 非常滿足 最後埋單都只係$800多 食得好飽肚又豐富 下次一定會再encore食過！ ———————————————————— 📍 #野川拉麵の深燒食堂 地址: 元朗又新街40-48號榮豐大廈地下B號舖 🔹🔸🔹🔸🔹🔸🔹🔸🔹🔸🔹🔸🔹🔸 #元朗美食 #元朗好去處 #香港美食 #食好西 #肥真為食 #為食Tata #tachoi #hkinfluencer #influencer #influencers #hkfoodie #hkfood #CoolHKG

【 @girlstyle.mag 】2021情人節外賣 . 2021情人節快到了，因應疫情想避免外出的話，Home Staycation叫外擇就是最佳選擇！以下就精選了一系列高質的酒店、餐廳情人節外賣，讓你和戀人安在家中都能嘆精緻下午茶、西餐、中菜、壽司刺身等！ . 1. ALTO 外賣自取情人節四道菜套餐 包括煙燻鱈魚炸丸子配他他醬及豬肉炸丸子配蛋黃醬；炸鴨腿西瓜沙律配甜汁；牛柳配牛脂馬鈴薯及胡椒汁；烤比目魚、虎蝦配番紅花馬鈴薯及龍蝦汁；甜品則是白朱古力意式奶凍、覆盆子及白蘭地餅卷。 . 價錢：$888（兩位）
 供應時間：2月12日（星期五）至2月15日（星期一） 查詢預訂：（852） 2603 7181或電郵到[email protected]
 地址：銅鑼灣登龍街18號V Point 31樓 . 2. 帝京軒情人節六道菜中式晚宴 以新鮮食材炮製多道甜蜜粵式佳餚，包括芥末蒟蒻遼參‧西斑牙紅袍蝦餃‧玫瑰鵝肝金錢雞、香檳煎北海道帆立貝、金箔花膠酸辣龍蝦羹、燒汁咱家豆腐鮑魚盒、珊瑚玉簪竹笙雪燕和桂花蜜酒釀小丸子‧荷花梅酒牡丹酥，每位包精選意大利氣酒乙杯。 . 價錢：HK$638/每位 (兩位起)，2天或之前預訂並繳付可享85折優惠
 供應時間：2月1日至14日
 12:00 – 21:00 
電話：(852) 2622 6161 
地址：九龍太子道西193號帝京酒店3樓 
. 3.. 香港君悅酒店 茶園情人節外賣下午茶 包括白桃啫喱茉莉茶杏仁蛋糕、櫻花櫻桃撻、藍莓紫羅蘭花芝士蛋糕、蛋沙律煙肉漢堡、鵝肝慕絲大黃酥、朱古力杏仁糖等，配香港君悅酒店特選茶。 . 價錢：HK$438 （兩位用）
 供應時間：每天中午 12 時至下午 5 時
 只供外賣自取，須最少一天中午12時前預訂。 
. 4. Three on Canton 外賣下午茶 Three on Canton餅廚匠心炮製11款精緻下午茶美點。滋味鹹點甜品包括香焗蘑菇酥、去皮車厘茄配香草忌廉、吞拿魚卷及迷你芝士植物肉漢堡、軟芝士慕絲忌廉蛋糕、菠蘿熱情果蛋糕、芒果蜜柑撻等。 . 價錢：HK$568 (供2位用) 須於在Three on Canton領取前1天預訂，並完成確認及付款。 地址 : 九龍尖沙咀廣東道13號海港城港威酒店 3 樓 
WhatsApp 即時預訂: +852 5217 6428 . 5.千両極上刺身賀歲盛 包括三文魚、三文魚腩、吞拿魚、大吞拿魚腩、珍寶帶子、珍寶赤海蝦、油甘魚、三文魚籽、黑飛魚籽、海膽及鱈場蟹，將精選美饌帶回家中享用，締造五星級的美好時光。 . 訂購優惠價：千両會員$567；一般客戶$648
 可於網上訂購平台https://order.sen-ryo.com.hk/訂購，並於全線千両分店外賣自取 . 6.The Ritz-Carlton浪漫烤肉套餐 經典二人套餐 包括帶子天使麵一份、烤菲力牛排配薯蓉及烤雜菜一份，以及心型甜品一份 . 價錢：HK $1,499 須於指定提貨/送貨日期前24小時(一天)下午五時前預訂及全額付款。 預訂及查詢：+852 2263 2160或電郵至 [email protected] . 7. Arbor四道菜外賣菜單 米芝蓮二星高級餐廳Arbor四道菜外賣菜單涵蓋兩款前菜、主菜及甜品，包括「栗子濃湯」、「龍蝦拉麵」、以法國乳鴿、鴨肝、羊肚菌及黑松露等矜貴食材入饌的「乳鴿鴨肝批」和用64%黑朱古力、日本凸頂柑及蜜餞薑製成的「生薑朱古力蛋糕」。 . 價錢：兩位HK$2,500（或HK$3,800四位） 預訂電話 +852 3185 8388 預訂Whatsapp +852 5695 8471 地址 中環皇后大道中80號H Queen’s 25樓 #女生美食情報 . 【GirlStyle Club 隆重登場 】 立即入會獨家免費贏取豐富禮品💕 . 關智斌【活在當下】 Cover story vol.11 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover