情義兩心知 一班人出嚟玩開開心心 返到去睇吓大家點樣po相 就知道邊個對你嘅感情先至係真 明明有幾張相 係影得幾好嘅 唔知點解 佢就係揀張更加＂可圈可點＂嘅 #壞過凱婷 #心機系列 @louischeung2013

💖辣呀！我回來了！但眼睛壞過...💕 - 每次大病初癒後我都會去食一些我的comfort food（病的時候唔食得果d)，今次當我剝了牙的特大傷口開始無咁痛時，我無去食KFC🤣我去左食傷心酸辣粉，慶祝我終於食得返嘢🥳 招牌口水雞同酸辣粉就不用多說啦，不過今次唔小心叫左皇牌餐（$75 + $5凍0茶），原來係加大口水雞，個餐有足足半隻口水雞+一個酸辣粉，份量有點把我嚇到😅 另外試左新嘢麻辣水煮肥牛餐（$60 +$3凍奶茶），配白飯，好大好紅的一碗，牛肉份量好多，仲有好多配料如芽菜寛粉等等，料係足嘅，整體味道好濃，真係要送飯至得，就咁食偏咸。 蒜泥白肉 （加配小食價$32） 酸辣土豆絲（加配小食價$18） 成餐都係辣🤣🤣🤣yeah，但每種辣都係唔同嘅，有酸辣、蒜辣、口水辣、水煮辣..食返過去幾星期嘅量。 最後仲買咗樽傷心酸辣油～～～ 好大一樽！送麵啱哂😋 ———— ✅ #nee_eat_yuenlong 傷心酸辣粉 (裕景坊) (元朗) 元朗裕景坊16號祥發大廈地下 - ㊙️唉，眼睛壞過凱婷 其實我最想係食佢新出嘅烤魚，見到$79/位烤魚放題又有d興趣睇下咩質素。但唔知點解我會睇到佢係星期一至五only，所以無點。直至人流漸多，我發現枱枱都食緊烤魚.......先發現自己睇錯，唉，傷心。 . . . #傷心酸辣粉 #元朗美食 #水煮牛

- 0942 〔家庭關係〕絲 20 - 我出世就係原罪？ - 交代背景，我係一夜情得嚟嘅一個細路 所以我唔知我老豆係邊個 而細細個都係跟婆婆同埋同母異父嘅哥哥住 我仲有兩個同母異父嘅細佬妹 - 好細個嘅時候老母有喺我屋企住過 但成日走咗出去唔番嚟 我嗰時喊住敲佢房門好想見到佢 係，細個個時係好想痴住佢 - 妹妹喺我8 歲嗰陣出世 嗰時覺得我做家姐好開心 或者呢個惡夢嘅開始 細妹開始大個同埋細佬出世嘅時候 老母開始唔會喺出面認我做女，只會認細妹做女 曾經細佬妹老豆老母連埋我出去食飯 有時都會覺得我好似賓賓咁 我想叫老母，佢即刻話我好煩，又喺度噓我 有趣嘅係其實細佬妹都叫我家姐 但唔知我係佢哋老母生，亦唔知點解咁叫 我唔明點解老母要咁做，喺出面唔認我同哥哥 佢剩係話：「有個人生咗兩個仔女 喺出面會話係自己姨甥，就係咁就一世㗎啦」 講到自己有道理咁，我真係r 撚晒頭 - 老母就算係認細嗰兩個做仔女 宜家都唔係同佢哋住 又話同佢老豆只有親情，一啲愛都冇 就光明正大咁喺出面同第二個男人一齊住 - 越大個自己越唔鋸 老母會叫我唔好痴細佬妹度，會教壞佢哋 又話我洗佢哋腦，講到痴我會令佢哋曳 我想講，就算我再曳都好 由細到大我最多都係懶，唔係凱婷啲frd 冇曳到要學壞做mk，點解佢要咁講我？ 呢樣嘢令我好不爽，完全覺得佢詆毁我 我細細個佢已經冇湊我，佢憑乜嘢可以咁話我？ - 有次間接知道佢叫妹妹唔好俾人知佢哋唔係一齊住 可能老母想俾人覺得佢有一個健全家庭 我就覺得點解老母要塑造到自己係好老母咁？ 我就wts 妹妹講唔好俾人覺得你老母有好好咁湊你啦 但係細妹就同返老母講🤦🏻‍♀️ 不過有講過我會認 呢件事就引申到同老母開戰 我用咗啲好毒嘅說話鬧佢宣洩心中多年不滿 鬧完之後佢剩係話「遠離佢個女」 亦都由呢刻開始我真係唔撚再認佢係我邊個 我覺得根本唔駛放佢在眼內，想佢有報應 呢件事之後，我同妹妹講我係佢老母個女 同埋老母唔認我 妹妹都只係話覺得我好慘 冇啦，但至少佢點都要知 之後都冇再同佢老母講我講啲咩 - 宜家想帶妹妹去主題公園玩 本身約好咗，後尾佢老母唔俾 又講到佢老豆唔想佢同我一齊 但佢老豆有搵我，話我道歉就得 道歉？點解要我道歉？ 我知我就算嬲老母都唔可以講得咁毒 但錯嗰個唔係我，最錯係點解佢要生我出嚟？ 唔生我出嚟我就唔駛受呢啲痛苦 佢以前話唔生我就睇唔到呢個花花世界 但呢個世界再花都好 要俾個生我嘅人唔要我，我寧願唔喺世上好過 我道歉？呢刻我做唔到 我都知我做法係幾幼稚，但係我冇地方抒發呢啲情緒 我講出嚟都冇人明咁，唯有9up 完俾大家話下我啦 多謝大家睇完呢篇嘢🥲 圖：了不起的女孩 #SorryFor1999 #純發洩 #純9Up #真人真事 #長文注意