I see what you did there, #李卓斌 @cheukpan_lee #墮落花 #九廣鐵路 #九鐵廣告

【影視】只限廣東話電影 MOVIE6全民票選電影大獎投票開始 近排戲院重開，大家終於可以入場睇戲，相信唔少人都會選擇支持一下港產片。而除咗入場之外，大家依家仲有多個方法支持港產片，就係已經黎到第四屆嘅《MOVIE6全民票選電影大獎》啦！賽制仲講到參賽電影必須以廣東話為主要對白添！ 《MOVIE6全民票選電影大獎》將會以全民票選嘅方式，選出最佳男女配角、最佳男女主角、最佳導演、最佳電影及最佳電影海報共七個獎，另外為咗支持港產片生力軍，亦會為所有新演員及新導演頒發嘉許獎座。所有入圍電影都必須係於2020年1月1日至12月31日、曾喺香港公開售票上映至少八場、以廣東話對為主嘅新電影——實際上符合呢個條件嘅電影只有21部，當中包括《幻愛》、《金都》、《叔．叔》、《麥路人》、《乜代宗師》、《聖荷西謀殺案》、《墮落花》等電影。 票選將會分為兩個階段，即日起到3月23日係投票選出每個獎項嘅五強，3月26日到4月8日就係五強中選出得獎者。最終結果會於4月9日公佈。有興趣嘅觀眾們可以去官網投票，撳幾個掣就搞掂架啦。 https://voting-2021.hkmovie6.com/#/ #電影 #香港 #港產片 #廣東話

【#2020終極大檢閱】入場總共看了89套戲 （ref. 【2012年：26套】【2013年：33套】【2014年：49套】【2015年：39套】【2016年：44套】【2017年：80套】【2018年：70套】【2019年：106套】） . 今年係特別嘅一年... 89套，其實比想像中多了。 × 一來戲院合共關門幾個月，幾咁多戲無如期上映。尤其睇少咗好多唔蝕得嘅大片，但我發覺，無得睇戲果排唔知點解個心境好寧靜，每星期多咗時間做其他事唔使某啲戲一上畫就趕去戲院，只要大家一齊仆街唔係得我冇得睇就ok... 二來自己有大單嘢搞非常之忙碌，即使有優先場邀請都唔係套套去。俾著以前狗屎垃圾都睇，真係慳咗好多中伏時間同精神，但係又失去好多唔小心睇到好戲嘅機會。 . × 咁都喺戲院睇咗89套，算係咁啦。呢堆戲，又有得再拆細，其實得82套係新片，另外7套重映。戲院無計可施、無片可放唯有重推舊片，當中大大大部份都係經典，成日都講我自己真係錯過咗好多經典好戲，呢一年係好好機會去欣賞返呢啲巔峰佳作增進下自己修養。 . × 至於【電影狂人】喺呢年有咩做過呢... 係冇乜嘅。專頁LIKE數我已經置諸不理了，浮雲，算啦。有陣時好認真出post都冇乜reach，求其講兩句嘢又可以好反應，捉摸唔到。唯一唯一令我好開心嘅係搞過幾次live效果都唔錯，最正係年中《打天下》Viu劇，台前幕後入晒嚟傾計，好勁好勁始料不及。而IG果邊都係諗起就出下，始終水份太多冇乜成就感。但【狂氏電影綜合症候群】果邊，一切都比想像中順利，熱鬧，每日都有起碼多10人入group，應該去到一月就可以破5000了～～ 好多人提醒要預備定下一個聚腳點，明白嘅，進行緊 進行緊，老嘢要學習新平台都真係要啲時間呀... . 呢個係2020大檢閱第一個post，之後會有 版主年度五強、女版主推介 以及強行單方面頒發各神怪獎項之類。大家俾啲時間我，等太耐就留言提下我唔好走數... . 白頭山：火山浩劫。1917：逆戰救兵。李察朱維爾：驚世疑案。小婦人。幻愛。乜代宗師。深海異獸。哪吒之魔童降世。肥龍過江。首相失憶了。變雀特工。家有囍事2020。猛禽暴隊：解瘋小丑女。我的筍盤男友。怪醫 D 老篤。Baby 復仇記。翻牆熱氣球。BB 駕到。獸頭救兵。瘋狂紳士幫。超音鼠大電影。叛譯同謀。下半場。隱形客。極地守護犬。4x4瘋鎖。倖存者。半職業特工隊。江湖無難事。對不起，錯過你。獵逃生死戰。無痛斷捨離。喋血戰士。醫生速遞。魔髮精靈：唱遊大世界。極樂品種。數碼暴龍 Last Evolution 絆。火口的二人。我的英雄學院劇場版：英雄新世紀。孤城淚。墮落花。那一夜：母親是殺人犯。迷途花生醬。飢俄人妻。熱帶雨。暖男花店。金都。睇你幾時死！。日間演奏會散場時。熟女愛漫遊。希特拉偷走我的粉紅兔。½的魔法。死因無可疑。我老細係天后。福島50死士。緣來客運站。無名勳章。無定向喪心老友記。超能復仇。屍殺半島。最後的情書。新異變人。打噴嚏。天能。顫．役．前。逃出立法院。麥路人。聖荷西謀殺案。奪冠。逆權選美。八佰。怪誕黑巫后。屠．姐上錯身。戀愛假期無限LOOP。怪胎。無間行者之生死潛行。金剛川。無聲。阿索的故事。一秒拳王。消失的情人節。熱血合唱團。22世紀殺人網絡。夜半歌聲。12夜。星光伴我飛。阿基拉。末代皇帝溥儀。現代啟示錄