【比聯繫匯率更強的貨幣制度】

香港自一九八三年實施聯繫匯率以來，對比亞洲各國貨幣升跌，港人已經習慣了港幣穩固的幣值，但可曾想過，世上有比聯繫匯率更強、更穩固的措施？

對，就是廢棄貨幣，直接使用美元！全球已有兩個國家做了最佳示範。

美元化制度（Dollarization System）是一個極端的、比聯繫匯率還要固若金湯的金融制度。在這種制度下，國家完全放棄了自己的貨幣，直接使用美元，通常於人民對中央銀行完全失去信心，也不期望中央銀行將來會變好的情況下產生。由於拉丁美洲出現經濟危機，厄瓜多爾和薩爾瓦多於二○○一年實行了美元化，危地馬拉也於二○○一年把美元定為法定貨幣，但它仍然保留本國貨幣，還有阿根廷、墨西哥等國家正積極準備推行美元化。這種制度的缺點，就是沒有了自己獨立的利率和匯率政策以適應國內情況，但優點仍然比缺點多。

這是「if you can't beat them，join them」的最佳實施。我在本國貨幣（披索）屬於弱勢的阿根廷旅遊時，深受其苦，阿根廷披索兌美金的黑市價、官價相差五成至一倍，在銀行換錢虧大本，在黑市換錢又有危險，根本令遊客無所適從（大家可以參考我在《十天敢動假期：阿根廷、南極》中撰寫的「披索血淚史」）。

厄瓜多爾在二○○一年的金融海嘯中，乾脆取締了一夜間貶值三倍的本國貨幣披索，宣佈以美元為惟一法定貨幣！只有硬幣由厄國央行獨立製造。

如此坦白赤裸地向美元投降，對遊客的三大好處是不必擔心黑市差價、省卻了兌換外幣的麻煩，數學不佳的購物狂，更不必拿手機出來換算半天。壞處嗎？就是少了一樣特色紀念品吧！小如烏拉圭、北韓，大如意大利里拉、法國法郎，其紙幣設計、印刷都十分精美，是我的收藏品之一。

@東周刊eastweek.com.hk 光明旅樂892期

【鮮花盛開的運河】
　　尋夢？撐一支長篙，向鮮花盛開處漫溯，滿載一船彩虹，在色彩斑斕裏放歌。

　　運河上放歌的是墨西哥的阿米哥，五人一組，身穿傳統鬥牛服，白襯衫花領帶緊身西裝，帥氣的黑色緊身長褲上盡是金屬飾物，還有銀皮帶閃閃發光。一個小提琴手、一個小號手，還有兩個結他手，以及一個主音歌手，不用咪高峰，在船頭上引亢高歌。

　　那河畔的金柳，是夕陽中的新娘，波光裏的艷影，蕩漾的都是花船。阿茲達克幾百年前的人造運河仍如黑綢般滑溜，兩岸浮島樹木參天，一支長長的竹篙，撐起滿天的花船，飄到鮮花盛開的河上，磕磕碰碰，爭奇鬥艷。

　　那榆蔭下的一潭，不是清泉，是天上虹。揉碎在浮藻間，沉澱着彩虹似的夢。這夢怎麼這麼的短暫，這船怎麼這麼的花俏？船底是鵝黃，船舷是鮮紅，桌椅也是蔚藍鮮黃，船蓬是翠綠，還有一道又一道彩虹式的船廊，令運河森林都失色。赤橙黃綠熒光綠，偏偏沒有黑白灰！

　　我今天要放歌，不必用悄悄的笙簫。彈起我的西班牙結他，空氣只有歡樂節奏。蜂鳥也為我和唱，歌唱Viva Mexico！這裏是世界文化遺產、墨西哥城水鄉「霍奇米爾科」（Xochimilco）。「霍奇米爾科」在印第安語中意為「播種鮮花的土地」，運河縱橫，上面飄有幾百艘花船供遊人玩樂，五百披索（二百零九港元）租一小時。還有不少商販花船賣玉米、公仔、飾物、手信，如一個水上超級市場，小販很斯文，無人高聲喧嘩，河上飄揚的盡是結他歌聲。比威尼斯便宜很多，五人樂團唱五首歌索價一千披索（港幣四百一十八元），唱完分錢，原來分得最多的是歌手，最可憐的是結他手，只有一百二十披索（港幣五十元）！

@頭條日報 專欄：https://hd.stheadline.com/news/columns/221/20200306/839175/專欄-非誠勿遊-鮮花盛開的運河

#頭條日報 #非誠勿遊 #項明生 #墨西哥 #十天敢動假期

［忽然一周：匯市篇］講明，不一定期專欄呀下，甚至有冇第二期都唔知。

從來唔信咩五窮六絶，但五月嘅主題當然係淡，仲有貿易戰。方便起見我由月頭計起（因為侵侵週末出推，我唔知計出前嘅星期五定出後嘅星期一好，懶）

人民幣急跌，預期之中啦。無論係主動（貨幣戰？貶值增加出口競爭力抵消關稅影響？）定被動（避險，資金走入美金），都唔令人意外。但其他貨幣呢？

以下呢個係彭博的圖，月頭至今所有外幣（相對於美金）嘅表現，很好。貨幣係所謂嘅Expanded major。只用Major就好似連韓圜都唔見，用Asian又會冇咗其他洲份。

同你睇下圖，睇下有乜得意嘢。

首先都好多人估到，升得最多嘅係日圓。唔見得因為貿易戰漁人得利（望下韓圜？）。主要都係因為避險。但凡大家京京，啲資金都係去晒買美金，美債（其實可能同一樣嘢），黃金（開始少啲），仲有日圓。仲有，第四位嘅，瑞士法郎，一樣都係避險貨幣。

人心虛怯，西瓜大邊，信美國佬，因為打得，好合理。資金一驚去晒美金美債，簡單易明。黃金，大家都知，世界通行，冇得印出嚟。但，做乜日圓瑞郎會係避險貨幣？好多人日日聽，但從來唔問點解。

其實，我都唔係好知。一個講法話日圓有大量嘅carry trade，好多人借嚟炒其他嘢，因為低息—但而家好多貨幣都低息喎。況且，瑞郎就唔低息啦？不過瑞士法郎係避險，就比較有理據。你諗下瑞士嘅歷史，中立國，瑞士央行亦都係比較獨立，比較正路，同埋印銀紙相當克制嘅（唔係唔印，只係冇咁狼）。

另外，留意第十位嘅，秘魯蘇 Sol。我都唔知係乜，冇去過。重點係乜？重點係，排第十嗰隻已經係跌，即係根本得九隻貨幣對美金係升，包埋quasi美金嘅港幣，同埋美金自己

In case 邊個咁好學又鍾意搞事嘅，會問做乜有USD，自己對自己唔係零咩？識得問嗰個應該幾醒。答案係：Total return，包埋息。美金存十日都有啲啲息。

跌得最多嘅，土耳其里拉。一向都係大波幅，況且近期玩DQ伊斯坦堡市長，立立亂，尤幸本人去嗰期就係匯率比較穩定嗰期（本人當年去拉脫維亞，換完錢，佢一晚貶值一成，佢老味）。
跌第二多嘅，瑞典克郎，寫過了。http://bit.ly/2vRhPb6　瑞典克朗跌至十幾年新低。同係北歐而唔用歐元嘅挪威都差不多。但同係北歐一樣唔用歐元嘅丹麥克朗就在十大升幅，實在冇咁簡單。

南美幾隻貨幣，最惡名昭彰嘅阿根廷披索，違約多過捧世界盃，好少少嘅墨西哥披索（聽過龍舌蘭危機冇？Tequila 是也），仲有哥倫比亞智利，都係有乜依稀就齊齊走頭嘅貨幣。

另外，紐紙澳紙當然成熟好多，但貿易戰梗係跌。因為主宰澳紙紐紙嘅最大因素，係大陸。是真的，特別係澳紙。鐵礦石嘛。

本頁成日講嘅韓圜（畀大家發現咗本人其實都幾鍾意去韓國），其實一早已經兩年幾三年新低，反而呢個月跌幅未算好大。有趣嘅係，明明只係隔離國家，兩個都係美國盟友，中國敵人，但啲走勢極唔同。而獨立嚟講，韓圜啲波幅相當之大。咁固然日本經濟規模大好多，但其實韓國經濟規模已經差不多係世界十大（嚇死未？），同俄羅斯差不多（係咪好誇呢？），大過西班牙澳洲之類—但貨幣嘅波幅，堪比其他東南亞，甚至南美國家，神奇。有機會再寫

有關秘魯Sol又補多句：嚴格嚟講，秘魯呢隻貨幣嘅名嚟自拉丁文。但應該唔少人都知，西班牙文嘅Sol 係太陽（飲啤酒咪知）。秘魯對上一隻貨幣叫做Inti，印加帝國嘅太陽神。唔好以為好耐之前呀，講緊係1985-1991嘅事。就梗係因為惡性通脹啦。85年之前？又係惡性通脹咯。咁85年之前用乜貨幣？都係Sol，所以就有新蘇同舊蘇，好似新台幣咁，但慢慢地就冇人再講新台幣啦。

最後講多句，唔知太陽神Inti係乜？睇波咪知。阿根廷烏拉圭國旗上面個太陽，有樣的，就係Inti。反而而家嘅秘魯旗冇咗Inti