明天就係放 jupas 的日子 先祝等緊的朋友直入 A1 收到 offer 後，興奮之餘 大家就記住睇清楚各間院校的指示 應該幾時去報到、幾時交錢、幾時開學、幾時買書之類 上到大學唔同中學 唔會再有什麼班主任，您有問題就要自己問翻相關的部門 好多野要自己去做多幾步，無咩人會 guide 住您 當然，而家有上網好過我地當年好多 有咩鑊氣都可以上網搵到前人的經驗 多多少少都有 d reference 雖然如此，但事實都係要自己積極D去面對各種挑戰 而呢 d 挑戰的確係令一個人成熟得最快的方法 如果您會住宿舍，又更加多事要獨立去面對 自己的起居飲食，從前嚮屋企，可能飲食都會隨便D 因為您阿媽會幫您執手尾，得閒煲下湯俾您飲 但住宿舍後，您會發現慢慢唔敢亂食野 因為無得成日飲到您阿媽的湯 您會發現亂食野的鑊氣太大 以前可能屋企D野亂咁放，有人幫您執您會覺得無所謂 出左去住宿舍，您試下將自己的野亂放公家地方 結論就係物件會不翼而飛 我唔清楚而家，我以前中大宿舍有個 common area 裡面有個雪櫃，傳說話只要您放食物入去 10分鐘佢就會唔見左 我地直頭覺得雪櫃後面係有另一隻門 唔係無理由每次都可以咁快就俾人偷左D食物 我地私下諗過，找出誰是兇手的方法 將一個落左瀉藥的食物放入去 今晚邊個嚮廁所肚痾，果個就係兇手 當然大家都知，講係興高采烈，做就係無人去做 大家最終就係 common area 唔敢放私人野 連洗衫都要校定 timer 提自己收衫 但呢個都係一個好的訓練，大家日後會慢慢變得有手尾 上到大學，我覺得又無咩必要一定要埋堆 但自己個人好口D，禮貌D，自然度度都會有人幫 上到大學係另一個階段 把握呢幾年學多D野，事實上出左黎做野 您係唔多時間再吸收太多的知識 所以把握呢幾年的時間，今自己的知識、內涵大大提高 日後出黎搵食都可以多三兩種技能旁身 尤其而家時代變得太快 快有唔好的地方，就係令未來充滿不確定性 但快好的地方係，通常於變化中，年輕人突圍的機率總比中年人多 以前可能想再上一層樓，要面對好多 "老屎忽" 的阻撓 但而家變化多了、平台多了，年輕人有料的話，的確機會比幾十年前多 但大前題係有料的年輕人 把握時間令自己有料啦，加油﹗ 今晚本來都想做個直播陪下大家 但非常抱歉，今晚我同牛牛都有工作 無時間開直播，遲下等大家忙完再同大家直播吹水啦 最後都係果句︰祝各位明天直入A1