【龔成問答信箱】（Q22261-22280）

Q22261：

老師，市場太多負面消息，有時好影響我的投資決定。

老師想問邊幾個指標數據分析股票平定貴？
重要指標

龔成老師：

你集中睇「長遠企業價值」就得，有好多市場因素，對該企業的業務發展，是完全無影響的！

要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

------------------------------------------------

Q22262：

龔老師：想請問下最近823領展可以派息，可以選股或息，但換股價有待公佈。

其實點樣計，揀息還是揀股好？因我聽人講揀股會有增長力，所以一向66地鐵我都揀股，但佢會寫換股價係幾多。但今次領展無寫換股價，其實係咪會遲些補寫返呢？

謝謝回答

其實最主要係想問點樣計揀股還是揀息好呢？

龔成老師︰

其實揀息還是揀股，你可以睇翻佢個換股價，到底合不合理。現價計，領展(0823)在合理區中上部。

若此股有投資價值，換股價又合理，我地就可以考慮收股代息。(但若你係退休人士，需要用股息去支援生活支出，就任何時候都應選收現金股息。)

你要記住，我地做財富增值，就係將一直貶值現金，換成優質資產的過程。如果資產有質素或價格合理，我地就應該放棄現金，投入資產。

------------------------------------------------

Q22263：

老師你好，關於收息股方面其實我有個問題想請教下，係咪我諗錯左。

假設HKD$100,000買收息股

港股中國移動：HKD$46.70 HKD$3.29買到4手合共2,000 每年派息合共就HKD$6,580

美股可口可樂：USD$54.46 USD$1.66 買到236股 再打個7折 年派息USD$274 乘10倍都係HKD$2,740

咁係咪即係買收息股應該買港股？

謝謝

龔成老師︰

其實你可以簡單咁，比較佢地個股息率。現價計，中國移動(0941)股息率有6.7%，而可口可樂只有3%，明顯係中國移動股息率較為吸引。

但這個只能判斷，2隻股票，邊隻收息較多，但不代表邊個市場，收息股較吸引。

另外，你要考慮埋企業質素，有些企業股息率高，是因為佢潛在風險較大。所以，一隻股票5%息，同一隻股票8%息，有機會係投資值博率相約。

最後，你買入收息股時，唔好只係集中一隻，要分散幾隻有質素，而行業不同的收息股，去平衡風險，才算係理想。

以下是一些較有質素的收息股，你可以參考下。但收息股較適合近/已退休人士，若你較年青，應集中在增長型股票，咁會較好。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

------------------------------------------------

Q22264：

龔成老師，本人算係一個全職媽媽,35歲，由於先生負責全屋企開支同小朋友學費，我就做part time 賺取自己洗費同小朋友日用品，

但想投資增加財富，令小朋友有更好環境成長，但我係新手，未買過股票。

我而加有儲蓄30萬，另外22年第4季一份儲蓄保險供滿，有多10萬，每月未能夠儲錢，最多只有$1000-1500

想了解下我可以點樣投資？有咩股票適合我呢類新手？另外想了解一下 3988是否適合供股，期待你回覆

龔成老師︰

以你35歲，可以選擇一些「平穩增值股」+「潛力股」作投資目標。中行(3988)係收息股，增長力欠奉，以你年紀，唔係太合適。

雖然每月可儲資金不多，但我都建議你照做月供，去養成一個定期儲資產習慣。你可以每月先用$1000儲蓄，餘下就先儲起架策略。

由於你投資知識不高，因此可較集中在平穩增長類股(甚至先集中在盈富基金)，至於潛力股，只宜小小注。此期間，你最好是努力提高投資知識，才慢慢增加翻潛力股比例。

大市現處於合理水平，那30萬資金和10萬保險，你可以先用10-15萬，以"分注"形式慢慢入貨。餘下資金，就等大跌市機會出現，才大力度掃貨，並長線投資。

如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q22265：

龔sir, 你好! 小弟今年四十四，未有家室， 近半年開始留意你專欄，覺得你的投資慨念好好，幾個月前開始接觸股票，年青時係月光族無咩儲蓄。

近幾年才積極儲錢，幾個月前開始月供小量股票和直接買入股票，組合有以下幾隻，希望龔sir可以給于一下意見，小弟萬分感激！

股票組合

月供 ：
0823($1000)
0939($1000)
0968($2000)

股票：1686、3067、0293、1310、3339

以上組合是否平均？

我希望幾年可以有比較明顯的財務增長，可以五十歲左右有些少資產，最後我想講我報讀左你的投資倍升股課程，到時可以和你見面!謝謝你!

龔成老師：

你現時的方向正確，利用投資優質股，長期月供，去達至財富增值效果，你現時月供的股票，都有質素，可長線。

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。

而長遠，會慢慢穩定的，不過，增長力不強。你44歲，財富有基本增長力，因此收息股類別不用太多。

至於現時持股，除了國泰（0293）外，其他都可長線。國泰的質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

另外，如果你想組合有較好的增長，可以減少投資收息股，如香港寬頻（1310），比例不宜太多。

具體的投資配置，你可以到上完堂先進行，股票班見！

------------------------------------------------

Q22266：

龔SIR，你好。學無先後，達者為先！同是80後，我40出頭，十幾年前股票損手15萬，被蛇咬之後就無接觸股票。但通脹既紅流，錢只係儲蓄，真係輸通脤。

我見股巿都漸穩。都開始睇藍籌，而唔再搏細價股，因為唔係日日睇！

我覺得1177中生物製藥有實力入了8手平均價7.1，之後就見到龔SIR你既POST，想你俾意見。另外，我會入10手1398招商，我見你亦推薦！

以下係我既背景：

月入4萬，月儲五千；

唔會郁動既現金有100百萬

20萬會投資，3萬iBond未沽走，股票現有8手1177；想入10手1398招商；我覺得自己都可承受風險，餘下想買一些有潛力炒得上既股票。

所以求教龔SIR。

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。

佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

現價合理區中上部，有貨可持有，分注或月供可以，這股可以長線持有的。你可以買入，但唔好太急。

另一隻是招商銀行嗎？號碼是（3968）。這股有質素。

雖然佢在規模上，不及4大內銀，但過往的生意與盈利增長不差，以增長力來說，這股不差。

雖然佢股息率不算高，但以質素及增長力未說，這股在行業裡算不差。現價大約在合理區頂位，有長線投資價值。

你長遠要建立「組合」，並長線持有。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

$20萬，暫時可動用$10萬。不要太急入貨，至於每月儲到$5000，可以進行月供股票。可考慮：

平穩增長股：潛力股
7：3
（如果你投資實力較強，可增加潛力股比例）

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q22267：

龔成老師，家父退休後有400萬現金，想問問怎樣穩定每月平均有2萬息收用作生活費？謝謝你解答

龔成老師︰

你可以將這$400萬，分成5部分。

第一部分投資收息股，你可以建立一個收息股組合，你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、富豪產業（1881）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，以備不時之需。同時，若投資市場大跌，你也可以考慮買到更多的收息股，因股息率會進一步上升。

你可以將$500萬資金，平衡地分配在上述的項目上，對你來說是最好平衡風險，同時有穩定的現金流。

只要你拉平均，大約有6%左右，就可以達至每月2萬現金流。

------------------------------------------------

Q22268：

老師，你好﹗最近FOLLOW你的FB，有些問題想請教你。

我從去年開始月供股票，分別領展3000，2800/3000，建銀1000，交通1000，另外有些其他的，陽光房託15000股，阿里巴巴100股，中銀3000股，電訊盈科3000股，香港電訊1000股，

我需要重新整理自己現有的股票分佈嗎？

如果可以的話，我希望能在5至10年退休

非常感謝老師

龔成老師︰

能否5-10年後退休，其實你睇翻你退休後，每月開支大約多少，再比對你現時投資5-10年後回報，才可以得出一個明確答案。

例如你希望5-10年後每月有2萬蚊現金流，以股息率6%計，你需要本金400萬。若你投資可以累積到這400萬，你5-10年後退休，係無問題。

我假設投資回報有8%（連股息再投資），你每月投資$8000 + 19萬股票，5-10年後，分別會增值至大約85萬和170萬。你可以就著這個預計結果，去調整你投資方案。

你現時月供計劃和持股，都係可以。電訊盈科(0008)都有質素，但負債較大，不要持有太多。

若你覺得現時增值金額，未達到你退休要求。你可以加大月供金額，同時加入一些有增長力股票，去增升增長速度。

但當你接近退休之年，這些增長股，就要慢慢換成風險較低的收息股，去為你退休生活作準備。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

------------------------------------------------

Q22269：

龔成老師你好，我就快21歲，係親戚嘅教導下呢年接觸左股票，現時有買：

9988 @255
6690 @28.4
1810 @29.5

我想問現時這些投資可行或宜加注或作調整嗎？

以及想請教理財計劃，我宜家係全職大學生，有時1個月儲到大約$5000一個月，想知有冇建議嘅投資方向推廌，例如老師提到嘅盈富基金或者其他投資工具？

現時資產大約十萬，希望25歲至少有五十萬。好多謝老師花時間回答我嘅問題，唔該晒

龔成老師︰

你現時買的股票，都係有質素和適合你。但阿里(9988)和小米(1810)你買入價有點貴。

小米(1810)現時仲係略貴，回多1,2成才好考慮加注。而阿里(9988)現價在合理區中上部，若你現時持貨不多，現價可加一小注。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你21歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$2500做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

但由於你資金不多，為免令個股月供成本過高，我建議你先集中供指數基金。到你踏出社會，有較多收入和投資經驗時，才加入其他股票。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$5000 + 10萬持股，5年後大約會增值至52萬，故這樣安排相信很大機會達至你的財務目標。

我建議你唔用這個做最終目標，由於你年輕，財政負擔較細。你應盡力儲蓄去投資，將來有工作時，最好用一半人工，去做投資增值，咁會較理想。

現時你要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

------------------------------------------------

Q22270：

龔成，你好。我真心希望想你幫幫我，我煩左好耐，我岩岩做左一個錯既決定。

就係放棄左居屋，雖然只得381呎一房，但我都無要到，但係而家好後悔，因為抽居屋唔係咁容易抽中。

現況：

-我38歲
-我同我太太穩定收入
-兩個加埋$40,000
-現儲$900,000
-住公屋
-不懂投資
-想換大d單位

成哥，我而家應該點做，先可以儲多d錢上車，我怕我再儲都追唔到樓價。

但我再唔買樓就怕就之後更加唔洗買？

求龔成哥救我，謝謝你

成哥，請問買樓5部曲，有冇link，謝謝你

龔成老師︰

已經放棄左的居屋，就算了，唔好再諗。你現時要做，就係努力為資金增值，為將來置業做好準備。

以你情況，可以投資「平穏增長股」和「潛力股」，去累積置業資金（這刻，集中力量，做好「增值」先）。你每月5成儲蓄做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有90萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

到你累積到一定資金，足夠你支付首期之餘，都可以保留若干優質股做增值，就可以實行置業大計。

以下是電子書連結

《5年買樓4部曲》
https://www.enrichculture.com/products/9789888599448

------------------------------------------------

Q22271：

你好，是禁的...我現在收入14500(未扣MPF)，保險卡數倉租大約7000元，食玩大約1500一個月，有30000元現金

我想學習投資，目標是創造被動收入，想請教你，我現在可以做什麼?

我最終目標是置業自住加收租，我知這想頭有點大....

龔成老師︰

你可以選擇一些「平穩增值股」+「潛力股」作投資目標，去累積你置業的資金。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於潛力股有一定風險，你現時投資知識不高，可較集中在平穩增長類股。此期間，你最好是努力提高投資知識，才慢慢加入其他股票。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

假設投資回報有10%（連股息再投資），你每月投資$6000 + 3萬現金，5年後大約會增值至50萬。

你可以用此作參考，去調整你長線月供計劃。

------------------------------------------------

Q22272：

老師您好，追蹤了一段時間你的文章，有些問題想請教：

我的家庭就夫妻2人，40歲左右，沒有小孩，也沒打算生，已有物業，沒有負債。

月薪2人10萬左右。定存現金600萬，關於投資的想法都是保守的，所以都是定存，去年開始定存利率很低，才開始看其他投資方法，看了很多投資資料才驚覺定存其實是不行的。

除了600萬現金，之後將會繼承3棟物業，應該有2000萬市值。因為沒有經濟壓力，所以也沒有關注投資，但最近計畫2年左右半退休，收入應該會減半，大概5萬左右。

現在開始打算投資股票，希望被動收入有6萬，5%以上回報。

目前月供：
2800 10000/月
823 8000/月
2638 10000/月
778 10000/月
（剛開始一個月而已，建議怎麼調整嗎？）
除了月供外，持有一點點股票：
939 6000股
1398 10000股
9988 100股
剛開始入手，不敢買太多

請問有什麼配置建議呢？

其實是不是收息股已經足夠應付退休？

很想去香港報名上您的班,但是人在澳門,疫情關係沒辦法過去，希望之後能有機會。

現在比較不知道怎麼掌握股票應該入手的適當價格，所以目選擇了幾個股票做月供，但是600萬都分批放月供也有點難配置。

不喜歡每天盯著股票市場，所以你的中長期投資理念比較適合我。謝謝您。

龔成老師︰

由於你日後會承繼多個物業，因此在整個財富角度上，會集中在物業部分，因此，你應該將之後的財富配置，加強翻在股票類。

特別是現時澳門樓的租金回報率好低，如果從現金流的角度考慮，同一筆資金，投資收息股，得到的現金流會較好。

其實我地進行財富配置，「平衡」是很重要的，物業、股票、現金，以及其他收息工具。

而我地投資優質股，就係投資企業，只要係有質素，佢就會自然成長。由於我地唔係炒差價，而係想享受佢長線價值，因此係無必要成日睇個市。

如果你希望每月有6萬蚊現金流，以股息率5%計，你需要本金1440萬。

你現時現金和月供，相信到2年後退休時，也不會增值到1440萬。但由於你有一定物業係手，你將佢地放租，相信要做到每月6萬被動現金流，係唔難。

現時你應先著手創建一個股票組合，為退休作準備。

你持股和月供計劃都可以，到你退休一年前左右，慢慢將所有增長型股票，換成收息股，去支援你退休生活。

現時大市只在合理區，你每月資金唔好用晒，要留有部份，等大跌機會。另外，你600萬現金，可以先動用100-200萬，以分注模式，慢慢買入指數基金和收息股。

餘下資金，就等有明顯回調，才慢慢分段加注。

目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

(你可睇下我本《50穩健收息股》當中仲有好多)

現時盈富(2800)和上述收息股，已在合理區，可以開始分注入貨。分注模式，可以係將資金分成多注，每跌10%就加注。或者類似月供模式，每隔一段時間就入一次貨。

係你選股時，記得留意組合平衡性。個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

現時疫情，所以暫時停左澳門班，等疫情穏定翻之後，我會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

------------------------------------------------

Q22273：

你好，龔Sir～本人38 以往都是月光族較遲起步理財，早兩三年開始留意你的fanpage，讀過80後百萬富翁及財務自由行二書並開始積極儲蓄理財。

未來兩年打算置業組織家庭，想問下現有投資組合有無需要調整以及往後投資方向～

現持有約30萬現金. 股票約25萬

月入4萬中，每月可儲16000其中 8000月供4隻股票各2000 (已供15期）

股票持貨如下：

1972 - 1000
1038 - 1000
1830 - 4000

月供
0003
0066
1928
1211
1177

謝謝你～！

補充一下，1830 同 1211(月供)，兩隻都上升超過一倍！(23x% & 12x%)

都是多得阿Sir先有此成績！～

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你現時38歲計，你現時月供和持股，都係可以。未來你5-10年，大約用這個比重配置(潛力股佔3-4成)，基本上就可以。但到你再年長些，就要開始慢慢下調潛力股比例，去平衡風險。

如果想組合再平穏D，可以加入指數基金，去提高組合平衡性。

但留意，現時比亞迪(1211)偏貴，暫時唔好月供住，等回到$180左右，才再開始。你可以考慮暫時用ＧＸ中國電車基金（2845）代替。

現時每月餘下儲蓄和30萬現金，可以等大市有明顯回調，才出手掃貨。

比亞迪(1211)和完美醫療（1830）現價都偏貴，但都係有質素，你照長線持有較好。但月供金額，少少好了，始終現價貴。

到你要組織家庭和置業，前半年左右，就要慢慢沽出需要套現的部份，唔好等到你動用時，才去一次過沽貨，以減少價值波動所造成的風險。

------------------------------------------------

Q22274：

我35歲，月入35K，有大概80萬現金，想買樓，但做壓力測試只可買450萬樓，想住近家人，想買自住，但可能三年後移民。

所以有機會三年後賣或租出去，我宜家買樓合適嗎？謝謝你

龔成老師：

坦白講，如果你打算幾年內移民，現時買香港樓未必適合你，始終買賣會鎖死資金，以及你日後在其他地方管理會較煩，同時你移民初期，都要多少少流動資金在手。

建議你現時持有現金，以及部分投資，投資流動性較高的投資類別，例如股票，最好是較穩健的類別，股價波動唔好太大的，令你在移民前後更易在資金上有彈性。

------------------------------------------------

Q22275：

你好，龔成，可否分析2866 中遠海運同1266? 西王特鋼？

2866 40000 股，$1 買入
持貨兩年，有息收，1266 55000 股，0.5 買入

是否要減持？
非常感謝你！

龔成老師：

中遠海發（2866）主要從事提供船舶租賃，集裝箱租賃和融資租賃服務；集裝箱供應服務；股權或債務投資和保險經紀服務，以及物流服務及其他雜項服務。

業務會較受經濟週期影響，同時賺錢能力唔算好強。經濟好轉後對o佢有正面作用，不過並不是高增長類。

投資價值都有，但就唔值得佔組合比例太多，現價合理，未算，只要你不是持有過多，可長線。

西王特鋼（1266）主要從事製造特鋼，產品包括主要用於建築及基建項目的普通鋼產品，以及特鋼產品，亦從事鐵礦粉、球團礦、鋼坯及焦炭等商品貿易，以及銷售鋼渣、蒸汽及電力等副產品。

業務有點波動，過往盈利的上落較大，有時會出現虧損，反映企業對成本較敏感，未能將成本有效轉嫁比買家。企業質素唔算高。建議你減持。

------------------------------------------------

Q22276：

1651 津上機床中國

想問問你意見, 難得有隻100分出現係老師你比的價值投資網

龔成老師：

津上機床中國（1651）這股不差的。

佢主要以ＴＳＵＧＡＭＩ品牌從事製造及銷售數控高精密機床，產品劃分為五大類別，包括精密自動車床、精密刀塔車床、精密加工中心、精密磨床及精密滾絲機。機床是指能利用切削、磨削或其他成型方法生產所需材料、形狀及尺寸的工件的機器。

佢的客戶包括ＩＴ及電子產品、汽車、醫療器材、氣動部件製造及工程機械行業的製造商，並於浙江省平湖市設有生產廠房。

其實網站的評分，我地不用追求100分，因為60分以上已是有質素，無論佢是80分定100分，我都認為可以值得延伸分析，但我不會一定認為100分最優質，因為這個評分分，只是基於財務數據，我地仍要睇佢的業務。

例如津上機床中國，雖然財務數據不差，股現價合理，但由於規模唔算好大，因此不宜投資大多。另外，你要深入少少分析行業結構，佢的競爭力，先決定是否投資。

------------------------------------------------

Q22277：

龔sir你好。本人現持有股票如下：

3800×[email protected]
0857×[email protected]
3303×[email protected]

我手頭現金有10萬，希望你可以俾d意見我。 我都係最近幾個月先開始接觸到你，跟住睇緊你嘅書覺得知識慢慢增長緊好開心，真係好後悔冇早啲認識到你。

到依家先開始慢慢知道咩叫真正嘅投資

我先前因為投資知識唔多係全無分析做功課既情況下走去跟買入3800..持有一個月左右就停牌見佢條數一路都出唔到連核數師都換埋到依家所以都幾擔心，

想問下覺得佢有無機會 復牌，而復牌之後我假設佢股價即時大跌咁我仲應唔應該持有？

另外想問一下覺得3303可唔可以長期持有等佢增長？ 因為我睇佢公司年報見到佢近幾年公司業務開始慢慢轉型後近兩年好似開始轉好，希望你可以幫我分析一下畀啲意見

另外再想問下3918金界同1448福壽園近期股價分別下跌不少至7.24同7.5附近水平， 你覺得現階段可以開始收集嗎？ 定抑或應該持有現金再等大跌市？

期待你嘅解答，多謝你老師

龔成老師︰

保利協鑫能源(3800)比較麻煩，現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

巨濤海洋石油服務（3303）主要從事向石油天然氣行業及其它能源和煉化行業提供裝備製造、工程及綜合服務，以及向造船行業提供技術支援服務。

規模細，每年的盈利十分少，投資價值唔高，但由於市場久不久有炒作，因此股價上落大，但從基本面分析，又唔算好有投資值博率。

中石油(0857)都算有質素，但這始終是商品企業，產品沒有差異性，只能賺取合理的利潤，不算是最高質的類別，投資價值中等，這類股不宜持有太多。

石油是商品，當中沒有差異性，佢地要將石油賣出，只能跟國際油價，這令佢處於被動狀態，沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由價佢會比較受油價影響，自主能力不強，加上油價中短期可以好波動。長遠增長力只屬中等。這類股票，不宜持有太多。

金界(3918)有質素，現價算係合理區中間，可分注儲貨。你預這股股價較為波動，不過都有長線投資的價值，分注投資可以。另外由於市場新興，在注碼上不能投資得過多。

福壽園(1448)現價在合理區頂，無貨可以先小注。

現時大市只在合理區，你10萬資金最多可以用多少少，餘下應留待大跌市，才出手入平貨。

------------------------------------------------

Q22278：

龔sir,有人說股票係美國上市，再來香港上市的股票是不會大升，是否無稽之談
如百度

龔成老師：

應該咁講，如果新股上市，佢是無在其他地方上市，當在香港上市時，如果市場認為佢好有質素，就會有短期供求失衡，短期股價就可能大升（但之後有可能大跌）

但如果佢本身已在其他地方上市，供求就不會失衡，股價就較難有短期的大升

------------------------------------------------

Q22279：

老師，有時候覺得個市，真係好唔穩定

6618呢個可持有嗎？

之前係190買了9988，只買了一手

龔成老師：

唔好理股市短期走勢、穩唔穩定，無意思，最重要睇「企業長期業務、價值」

京東健康（6618）有質素，這股可長線。

其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但由於估值難，不確定性大，暫時合理區頂至略貴，所以如投資，小注都可以。當然回翻1成更有值博率。

這股如本身有貨，可長線。

阿里（9988）有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。這股可以長線投資的。預佢現價約合理區中間。

------------------------------------------------

Q22280：

龔sir, 有一個居住問題想請教一下你。我自小已經跟家人居住在村屋(向地主租地，自行建成合法的住屋，要交牌費、差餉)。

最近業主加租，另外他又向我們提出賣地。

我們居住的地方XXX，鄰近古洞北。

居住在這裏幾十年已有感情，本應買地是最佳方法，但由於涉及資金大，我們租地面積大，屋外範圍大（可種花、種菜）但住屋面積只有約600尺左右，儲蓄不夠支付地價。

就以上情況，想請教一下龔sir應怎辦？

應該繼續以租地形式續租或是買地分期付款呢？以上問題跟股票沒有關係，麻煩到你不好意思啊！

龔成老師︰

本身購買村屋，係比買一般樓宇為複雜，當中有機會出現法律問題，故風險會較高。

而且，我都唔清楚，到底政府最尾會有什麼價錢，去收回這個村屋用地。若政府要收購，好大機會都係幾年內架事，即係你都係住多幾年，有無必要大費周章，去承受這風險。

這刻，我先建議你找更多資料，例如附近村的情況，無論是收地，成交價等，你要用「市場」的角度去分析，唔好比「業主開的價」影響。另外，建議你找一些地產經紀，取得更多資訊。

如果你預期這個地，長線都會被回收，而你又覺得租金不合理。我建議你把握這個機會，開始物悉其他更適合你"長線"生活的物業，會較有利。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

我嘅身體一向都唔好
加上我經常捱夜夜瞓
令到成個人好濕熱煩躁
真係要開始養生一下
今次我就去到位於佐敦
「 #普門堂pumentong 」 @pumentong 體驗
集 排毒 x 修身 x 養生 一身的
【 708薰蒸療程🧖🏻‍♀️ 】
透過 佈滿日本708電氣石的養生鼎
通過全身施以蒸、烤
令肌膚、孔竅、俞穴吸收負離子及遠紅外線的刺激
同時通過排、調、補、起到調節五臟六腑
促進機體新陳代謝
排除深層汗液及體內毒素
達到滋養津液、濡潤肌膚及調節微循環🔄功效

708負離子養生鼎的深層排汗：
當人的身體在甕中受到瘟熱蒸氣循環熏蒸及負離子、遠紅外線、脈衝磁場等相關能量的作用，體內溫度也隨之上升到40度以上。此時大小汗腺被充分打開，體內深層汗液從散開的汗腺排出，可以深層流汗。

⊰⊹════════════════⊹⊱
✎ 蒸後感 ：✨

在熏蒸之前先做一個中醫咨詢
再由醫師診斷身體情況決定熏蒸時間
最後建議我大約蒸3️⃣0️⃣分鐘
熏蒸過程期間職員態度殷勤親切
因應我哋個人需要調校溫度🌡
還會不時入房睇吓客人嘅情況

坐在好有氣派的電氣石蒸氣鼎內
通過蒸氣補充體內負離子
增強細胞活性
提高人體自然養分的吸收能力
期間需要配合飲用負離子水
去維持體內平衡

蒸薰完之後成個人感覺輕飄飄💃🏻
就連我有失眠嘅問題都可以解決到
即晚瞓得好林、好快入睡💤
好神奇😱！

職員更提醒我們在熏蒸後要飲多啲水
補充身體流失咗嘅水份💦
仲要即刻抹乾晒啲汗同埋唔可以即時沖涼
免得冷親🌬
最後我哋仲可以喺一個好舒適嘅環境下享受花茶
整個過程實在太舒適了
下次一定會再嚟試吓其他養生療程

✨溫馨提示✨
記得食少少野先去蒸薰☺️

==============================
地址：九龍佐敦道13-15號（佐敦地鐵站B1出口）
電話：2332 0880
==============================
💎關於 「 普門堂 」
🌐 Website : www.pumentong.com.hk
🌐 Instagram : https://www.instagram.com/pumentong/?utm_medium=copy_link
🌐 Facebook : https://www.facebook.com/PUMENTONG/

🔸🔹🔸🔹🔸🔹🔸🔹🔸🔹🔸🔹🔸
#普門堂 #PumenTong #尚治養生 #綜合養生療程 #708薰蒸 #美評家Tachoi #tachoi #hkbeauty #beautykol #hkinfluencer #beautyinfluencer

下一個暴雨，新竹市抵擋得住嗎？
　
最近中國河南省遭暴雨侵襲，鄭州等城市洪水災情慘重，地鐵淹大水、車輛泡在隧道裡，造成許多人罹難或失蹤，網路上引起一片暴雨預警系統與應變措施的討論聲量。
　
新竹市雖然沒有捷運或地下街，但仍有 16 個易淹水的車行地下道。為探究相關的智慧防汛設備及應變措施，今天我和同仁到新竹市災害應變中心了解實際運作的情形。
　
#災害應變中心是如何判斷未來幾天在新竹市可能發生強降雨呢？　

新竹市政府在四年前開始委託天氣風險公司提供相關的氣象預測數據，當發生颱風或是豪雨特報的時候，能夠更精準估算新竹市各區域的風速和降雨量等。

不過如果是鋒面的話就比較難估計時間，通常半小時前才有辦法確認。像是前年的 517 大雨就是鋒面造成，來得快又急。

#下爆雨時應變中心怎麼即時掌握各地積淹水的情況？

經過 517 的災害之後，新竹市爭取到中央的預算，已經在本市 50 個易淹水的地區建置感測器（包含 16 個車行地下道），能夠將該處的水位即時回傳到智慧防汛系統，如果水位超過警戒值就會立即啟動應變程序。

智慧防汛系統還整合了警察局的錄影監視系統，能夠即時觀看現場的積淹水畫面，並結合氣象局雨量預報資料、地形模型進行淹水深度和範圍即時分析與呈現。

透過系統，連區域排水的內外水位差和水閘門的開閉都能夠即使掌握，確實幫助很大。

局長說，在沒有智慧防汛系統之前，降雨量一旦十分鐘達 10 毫米時，消防同仁就必須出勤查看易淹水區域的水位高度，但瞬間強陣雨發生頻繁，同仁常常在抵達現場時發現尚未有積水的情形，造成人力和交通時間的成本耗費。

有了這套智慧防汛系統，不但大幅減少相關成本，也能夠即使作出相關的應變判斷。

#針對車行地下道除了即時監控外要如何避免人車泡在裡面？

目前本市 16 個車行地下道都有淹水感測設備、錄影監視器，有部分還建置了自動柵欄系統。

當地下道水位到達 15 公分時，入口處的警示燈會亮起，並有告示牌提醒民眾「地下道淹水，禁止進入」。當淹水水位達 30 公分時，地下道的閘門（單邊車道）就會降下來，同時警察也會到場指揮交通，避免駕駛人從對向車道闖入。

在抽水機正常運作的狀況下，每個地下道可以承受的時雨量約是 30 至 40 毫米，例如：太原地下道和全中興地下道，因為先天環境的關係，最高約可以承受 35 毫米的降雨量，而西大和光復地下道則可以承受 40 毫米。

因此，如果瞬間時雨量太大地下道還是會淹水，相關警示和設備主要是避免人身受到危險及避免財物損失。

#下大雨時民眾行經地下道要注意什麼？

如看到地下道有積淹水情況盡量改道，不得已請盡可能快速通過。當看到淹水警示時，已經相當危險，車子底盤較低的民眾，建議不要貿然進入。

當封閉閘門已經放下時，千萬千萬不能夠再硬闖。去年就曾發生有駕駛人從對向車道闖如，結果車子直接泡在水裡，還要出動消防人員搶救，實在很不應該。

很感謝局長及科長的詳細說明，學到不少相關知識，也終於有科技智慧城市的感覺。

#智慧防汛 #災害應變

中國河南發生不尋常的暴雨侵襲，目前已知3死；情況最嚴重的鄭州市，洪水氾濫癱瘓交通，部分地區出現不少汽車隨水漂流，地鐵系統也嚴重淹水，情況危急。

詳細新聞內容請見【公視新聞網】 https://news.pts.org.tw/article/536150

-
由台灣公共電視新聞部製播，提供每日正確、即時的新聞內容及多元觀點。

■ 按讚【公視新聞網FB】https://www.facebook.com/pnnpts
■ 訂閱【公視新聞網IG】https://www.instagram.com/pts.news/
■ 追蹤【公視新聞網TG】https://t.me/PTS_TW_NEWS

#公視新聞 #即時新聞

小時候都不會覺得有什麼，長大後才明白
❤每週都有新影片，趕快訂閱Chloe克蘿伊吧❤ https://goo.gl/ojbZgg
時常遊戲ID：藤原月音
★★★★鬼故系★★★★★
不曉得大家家裡是不是也會有這種情況發生？
突然聽到聲音，卻都沒有人？
但聽說有人叫你時不要回覆會比較好？

幫忙Chloe上CC字幕吧～
http://www.youtube.com/timedtext_cs_panel?tab=2&c=UCFYXVyowGjoVxyF0XSz5Uog

▉▉▉▉▉▉▉▉▉▉▉▉▉▉▉▉▉▉▉▉▉
●歡迎可可粉提問：
https://goo.gl/forms/BiKPbT4OCRyh61mm1

★Chloe 克蘿伊 Channel 的Facebook（即時發佈新消息）
https://www.facebook.com/HKTWChloeChannel/

★Chloe 克蘿伊 旋轉拍賣carousell 獎品小賣場
https://hk.carousell.com/chloe79527/

UFOキャッチャー claw machine
▉▉▉▉▉▉▉◣★Chloe推薦影片★◢▉▉▉▉▉▉▉

Switch 萊莎的鍊金工坊 典藏版
➔ https://www.youtube.com/watch?v=LpuTr3o2XrM

香港航空 商務艙比經濟艙還便宜！
➔ https://www.youtube.com/watch?v=KGhcP4IjVr8

日本夾娃娃機大師-Lovelive南小鳥
➔ https://www.youtube.com/watch?v=X7OOYhxu-Uo&t

香港旅遊-地鐵油麻地龍蝦泡飯！
➔ https://www.youtube.com/watch?v=lQWiDmrS-vc&t

日本旅遊-自由行Vlog 築地海鮮 台場夾娃娃
➔https://www.youtube.com/watch?v=KQ4F-YwcePM&feature

韓國旅遊-跟團 Vlog釜山
➔https://www.youtube.com/watch?v=DKLtnB4vF6s

300台扭蛋機！香港萬代 扭蛋祭
➔ https://www.youtube.com/watch?v=33iIjCbHlzc

淘寶開箱！買到21公斤重！
➔ https://www.youtube.com/watch?v=wo6uLWo0GQs&t

#鬼故系#入住鬼屋#地基主

因修訂《逃犯條例》而起的抗爭運動持續多月，居港智利人Lucas為了讓更多外國人了解香港的情況，於是走到示威現場進行英語直播，並不時為新聞直播做即時英文傳譯，「我經常講我哋要用多啲英文畀世界睇到(香港嘅事)，我哋至少都要同自己國家家人同朋友分享真相」。

居港七年　半年學識廣東話

居港七年的智利人Lucas(Lucas Patricio Peralta Furet)於16歲時到港當交流生，從此與香港結下不解之緣。為了融入香港，Lucas堅持學習廣東話：「嗰陣好多人都話我應該學普通話，但我嚟香港都唔係為學中文，我係嚟咗香港先決定要學廣東話，因為我覺得廣東話係香港人嘅母語，如果我真係想識朋友同打從心底明白佢哋就需要學廣東話啦。」

來港短短六個月，他就能以廣東話和別人溝通，全因他的努力：「我好鍾意睇周星馳，咁我可以睇佢嘅電影學習同練習，但我覺得最有用係，我同其他人講我唔識講英文，咁佢哋就會同我講廣東話。」Lucas其後更把自己學習廣東話的經歷放上Youtube分享。

不甘做旁觀者　英語直撃示威現埸

Lucas並非土生土長的香港人，但他比不少香港人更關心本地事，由2014年的雨傘革命，到2019年的反修例運動，他從沒有缺席。除參與示威遊行，Lucas更不時會在示威現場以英語進行直播，又自發在不同新聞平台直播配上即時英文傳譯，希望可以有更多人了解香港的情況。

不少人可能對一個「鬼佬」如此關心香港的事非常費解，但Lucas認為香港對自己有恩，不能對這個城市發生的事坐視不理：「即使我係外國人，但香港人好好，當我係呢個家嘅一分子，我覺得我唔可以咁衰，『好好呀，一直住係到，幾爽呀！』但一有事，『唔關我事，我係外國人』，好多外國人都係咁，佢哋好享受香港之前有嘅自由，但香港需要佢哋嘅時候，好多都走、好多都唔理，我覺得呢啲人好衰。」

無懼暴力　風雨中抱緊自由

四個月來，警方和示威者使用的武力程度都不斷升級，在示威現場做直播的記者和大眾，受傷或被捕機會都大大增加，但Lucas並不擔心：「我唔知點解覺得警察會對外國人比較克制，佢哋唔敢亂打外國人，可能佢哋(警察)唔知佢哋(外國人)嚟自咩國家，怕會有麻煩。」

當社會因為政見對立而撕裂，市民和家人、朋友因看法不同而「割席」的時候，Lucas就反而在壞事中找到好事：「雖然依家有好多嘢都唔好，有一啲好好嘅事我一定會永遠記得，特別係我哋一百萬、二百萬人一齊行，即使我之前覺得香港人好友善，都未見過佢哋咁團結。」

智利香港示威不斷　寄語港人保持信心

平行時空下，智利近日亦因為地鐵加價而引爆了潛藏的民怨，更演變成過百萬人上街的示威及警民衝突，智利總統最後決定全面改組內閣以平息民憤，但Lucas就認為智利和香港爆發示威遊行的原因是不同的，而智利亦早已經歷過香港現時發生的民主運動。作為半個香港人、半個智利人的他就寄語香港人：「雖然依家係好灰心、好唔開心同好驚，但係你要知道你哋係寫緊歷史，我會一直支持你哋，我哋都係呢個家嘅一分子。」

今集《港。故》用8分鐘，邀請大家傾聽一個「異鄉人」蛻變成香港人的故事。
-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube