【#狂迷投稿】 《挑戰者1號》 文： 謝信的藝文空間
— 「導演厲害在將個原本咁悲涼的地方拍到咁歡樂」 —
－－－－－－－－－－－－－－－
我懷疑，有幾多人想活喺真實嘅人生
.
大約半年前睇過一本書，作者係集中營倖存者，本書講到佢當時嘅生活，其中一段印象好深，係講有一晚佢訓訓下覺突然聽到人大叫，係淒厲果隻，佢即彈起，一望先發現原來對面床條友發惡夢，下意識本來打算去叫醒佢果下，先發覺佢地嘅現實咪仲惡過惡夢...
.
我諗，電影最大共鳴個位其實係一開頭，男主角仲係個平庸玩家而現實亦係個廢柴，呢段相信係好多人嘅寫照，到佢走上左主線劇情，喺遊戲度做左英雄，現實亦搖身一變成為大贏家，對普通觀眾如你我，呢啲先係超現實。
.
你諗下，戲入面嘅世界設定係後末日時期，除左大財團努力去維繫嘅電子世界以外，人類一切嘅建設都化為烏有，連資源都去到無嘢好爭嘅地步，所以人人先會投入唯一尚令你感到呼吸心跳嘅虛擬世界，但導演就厲害在將個原本咁悲涼嘅地方拍到咁歡樂，咁我當然知電影改編自2011年嘅小說，而小說嘅原意都只係為左將7080年代嘅軟文化，包括遊戲、電影、音樂一次過「晒冷」喺讀者面前。
.
只不過虛同實喺故事入面嘅重量呢點係無變，講到呢個現實，如果作為觀眾去睇至少應該有三個：第一係戲入面嘅現實，即係2045年嘅世界；第二係戲入面嘅虛擬，即係遊戲裡面，當中主角有提到其時大家除左食痾訓，其餘生活都喺「綠洲」；第三係觀眾嘅現實，即係2018年嘅今日。
.
雖然話成書果時係2011年，作者係FF緊34年後嘅世界，但到改編成電影嘅今日的確又離2045近左7年。好多時一本科幻小說嘅想像往往對人類嘅未來有個導向，或者預警，睇番小說入面嘅背景設定，其實同今日嘅距離真係唔遠。
.
想講嘅係，我地唔知個世界係咪有日真係好似咁，當太空科技嘅發展去到樽頸，地球應有盡無，我地走唔出太空又無方舟，虛擬就會成為唯一出口。
.
毫無疑問，呢部絕對係年度最重要電影，幾多人由小說問世開始就引頸待盼喺銀幕上呈現嘅一日，作者同導演攜手俾左個機會俾全球人集體回憶，剩係呢個創舉已經可以申請健力士，紀錄亦定必載入史冊，不過喺當前(末日鐘時間為距離午夜前兩分鐘)嘅今日，我更想知喺俾全人類懷緬我地7080嘅光輝歲月背後，對2018年呢個現實嘅存在意義。
.
希望大家唔會以為咁講係對小說同電影嘅諷刺，現實係即使我地唔係逢周二周四先走出「綠洲」，一星期七日都喺度默默耕耘，但又幫到呢個離末日唔遠嘅世界啲乜，戲入面最後嘅信息似話緊：
.
「好喇，夠鐘喇，回味完好繼續當下嘅生活當下嘅工作喇。」但我懷疑，有幾多人想活喺真實嘅人生。
.
↑ 多謝投稿！有嘢想講，都歡迎各位投稿分享你嘅睇法～↑
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
#挑戰者1號 Warner Bros. Pictures

【#狂迷投稿《今晚打喪屍》】
===========================
－你保護咗啲咩？ －
===========================
文： 謝信的藝文空間

其實一睇完戲就已經想即刻寫啲嘢
因為入面果句你保護左啲咩
完場後一直喺個腦度不停Loop住
但揸起支筆果下驟覺有心無力
可能因為果時心情真係百般滋味
.
單就電影而論
失焦無疑係部戲一大特色/詬病
所以好多人睇完第一下覺得好亂好唔連戲好耐人尋味不知所謂
.
無可厚非，電影整體予人感覺真係麻麻地什至算叫爛，所以有言論話係浪費左演員，而且坊間亦會容易將救殭清道夫引作比較，於是更見失色
.
但電影並非一無可取
.
我記得余兒在今晚打喪屍小說2中一個角色有句話：我做導演嘅，乜嘢戲都會睇，不過最中意都係喪屍片，cult片，而霧地異煞都算係近代嘅代表作
(唔知霧片係咩真係要睇下，最近仲出埋電視版)
.
總之同霧片一樣，電影有個主題就係恐懼
所以片頭段動畫係雙龍俠其中一個變唔到身到片尾駁番佢克服恐懼變身成功拯救地球，而卡通正帶出張繼聰同白只嘅夢想係做英雄保衞地球
.
普通人好似你同我，對成為英雄少不免都有種浪漫嘅想像，但當現實真係有機會俾我地去做，又係咪個個都拋得開恐懼？
然後，我醒起Dear Jane有首歌啲歌詞好表達到套戲

「慶幸還尚有 世上有 尚要打低的怪獸
原是我 已做了成人太久
付上這刻的所有 沒有空想得太透
人大了 際遇裡何曾失守
我不懂得深究」

最後想引余兒在小說中一段話：
摧毀是那麼容易，讓人措手不及，今晚打喪屍裡，一夜之間，邪魔鬼怪空群而出，香港成了妖獸都市。我本想寫一個戲謔怪誕的故事，但料不到現實離奇過小說...生於斯長於斯，沒有人會揀等死，自行了斷和自己變埋喪屍咬人，沒有一個人棄城...人與人之間的愛和緊密聯繫，就是唯一的救贖
.
有人說電影賣太多溫情，根本不是打喪屍不虛幻一點不過癮
但現實離奇過電影，生於亂世面臨末日
仍然值得我們至死也定必要保守的
除了良心和與人之間的感情
還有什麼？

#我唔知邊個世界係真邊個係假但係勇於面對自己嘅恐懼就係英雄
#DearJane羽毛鱗刺
=
↑↑↑↑ 多謝投稿！有嘢想講，都歡迎各位投稿分享你嘅睇法～～ ↑↑↑↑
=－=－=－=－=－=－=－=－=－=－=－=－=－=－=－=－=－=
【#Nj評《今晚打喪屍》】
► http://bit.ly/2tEo9Tr
－小平反：唔係要大讚，但冇你哋講到咁垃圾！－
=－=－=－=－=－=－=－=－=－=－=－=－=－=－=－=－=－=
*追蹤instagram【 madman.movie 】有你著數！
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
。
今晚打喪屍 #今晚打喪屍
Cherry Ngan 顏卓靈 張繼聰 Louis Cheung 白只
余兒 王敏奕Venus Wong Edko Films Ltd. 安樂影片 #顏卓靈 #張繼聰 #白只 #王敏奕 #余兒 #吳家麗 #萬梓良 創造館 Yusuke Hatano 波多野裕介 - Composer 作曲家 朱凌凌 JUICYNING

[國際政治錄音室] 英倫搖滾樂隊Muse的國際觀

英倫搖滾樂隊Muse正進行亞洲巡迴演出，剛到過香港，而不少Muse的樂迷都有相當國際視野，因為他們歌曲政治社會意識之包羅萬象，在當代樂團中，恐怕無出其右。

Muse不少曲詞都出自主音兼結他手、鍵盤手Matt Bellamy，而他對各種陰謀論、超自然理論、末世預言，以至外星人、神學等都有濃厚興趣，加上有親人在伊拉克戰死，令他有一定反戰思想，自稱「左傾自由意志主義者」。這些素材，令Muse不再像剛出道時那樣，被批評為曲風過於近似Radiohead，帶詭異的政治性、社會性，反而成了他們的標籤。

以Muse最著名的歌曲《Time Is Running Out》為例，歌詞就充斥了對世界末日的想像，題材是冷戰時期的核軍備競賽。此曲的MV場境，居然是個雲集國際軍方高層的秘密會議，在MV尾升，軍官們開始歇斯底里地跳舞、爬行，重演了史丹利寇比力克（Stanley Kubrick）著名電影《Dr. Strangelove or: How I Learned to Stop Worrying and Love the Bomb》的一幕。《Dr. Strangelove》拍於1964年，是諷刺冷戰國際政局的黑色幽默喜劇，講述一個精神失常的美國空軍指揮官私下派遺一批戰機，飛赴蘇聯，準備投擲核彈；蘇聯立即警告美國，指其有「末日裝置」，一旦境內發生核爆，會自行啟動且無法終止，破壞力足以毁滅地球。最終美蘇聯手擊落戰機，但其中一架還是成功投出一顆核彈；末日即將降臨之際，前納綷德國人、現已為美國總統幕僚的Dr. Strangelove，提出冷戰版本的「諾亞方舟計劃」。雖然Muse成長的時代冷戰已終結，核戰彷彿又遙遠起來，但在陰謀論的世界，還是天天有狂人狂想，他們可以是金正恩、也可以是喬治布殊，這正和Bellamy的世界觀暗合。

Bellamy最關注「幕後黑手」一類陰謀論，而原來在不少英倫新一代眼中，「黑手」一般離不開美國政府，儘管英國首相貝利雅是近年最親美的英國領袖。2006年，Bellamy接受媒體訪問時，直指「9/11事件」是由「幕後黑手」操控，形容事件是「inside job」，指自己看過大量證據，都指向「9/11事件」在華府默許下發生，甚至可能是華府自導自演。他又提到，1990年代有一份由新保守主義人仕撰寫的「文件」「Project For The New America Century」（PNAC），裡面清楚寫道：「我們（美國）需要一樁珍珠港級別的事件，為我們侵略中東提供出師名義，」認為文件是喬治布殊的「9/11劇本」的主要參考。

在現實世界，PNAC是在1997年成立、至2006年解散的美國外交智庫，確由新保守主義人仕組成，以「推動美國的全球領導地位」為宗旨，相信「美國若能成為全球霸權，對本土和全世界都是最好的結果」；而PNAC早在克林頓時期已經聯署公開信，建議華府取締伊拉克薩達姆政權，只是未有主張恐怖襲擊自己那麼誇張而已。聯署始創該智庫的25人當中，有至少10人後來加入了小布殊政府，包括副總統切尼（Dick Cheney）、國防部長拉姆斯菲爾德（Donald Rumsfeld）、副部長沃爾福威茨（Paul Wolfowitz）等，換言之，PNAC也主導了小布殊政府的外交和軍事策略。相信美國政府陰謀論，就成為Muse這隊英倫樂隊的重要理論基礎；他們另一首作品《United States of Eurasia》，講述美國需要歐亞能源，據Bellamy本人解釋，「理論基礎」更是著名國際關係學者、曾任卡特總統國家安全顧問的布熱津斯基（Zbigniew Brzezinski）的名作《大棋局》！儘Bellamy本人在2009年接受《Rolling Stone》雜誌訪問時，又反口指自己不相信「9/11事件」是「inside job」，但相信只是不希望捲入微觀政治、以免被政客利用的頭盔而已。

2009年，Muse推出大碟《Resistance》，Bellamy提到主打歌曲《Uprising》表達了自己的政治見解，這次靈感來自美國作家John Perkins的暢銷書《一個經濟殺手的自述》。Perkins在書中解釋所謂「經濟殺手」（Economic hit men，EHMs）是一群領受跨國企業、國際基金組織豐厚薪水，運用各種政治和經濟手段操控第三世界的專業人仕，而這些跨國企業、組織由華府在背後操控，分擔華府不方便出面處理的任務。如是者，第三世界國家在接受財政顧問服務、經濟援助的同時，也淪為美國的經濟附庸。Perkins指，在美國政府和跨國企業串謀的龐大利益複合體底下，全球各地響應着美國的「經濟帝國主義」，而全書其實就是Perkins的告解，因為他早年就在美國一家經濟顧問公司當「經濟殺手」。此書出版後大為暢銷，也惹來不少批評，例如《華盛頓郵報》專欄作者Sebastian Mallaby指此書充斥大量能令大眾入勝的陰謀論，但其實毫無根據，更指Perkins對環球金融的認知基本上是「一場夢」。此書涉及的「經濟帝國主義」、幕後黑手陰謀論，又符合Bellamy的口味，他曾說的金權政治的「議員說客」（lobbyists）對政客以至整個政治制度的影響力過大，「當人握有愈大的權力時，總會對公眾的意見置諸不理」。說話似曾相識，因為這張大碟開宗明義還要向George Orwell的經典政治諷刺小說《1984》致敬。Bellamy平日愛讀哪種書，清晰不過。

冷戰終結後，另一個世界末日想像源於虛擬世界的崛起，不少流行文化作品都描述機械取代人類、統治地球等人類文化沒落的想像，這也是Muse那杯茶。2015年6月，Muse推出第七張大碟《Drones》，早在一年前，Bellamy已在Twitter預告，這張大碟會以「第三次世界大戰」作為題材，一個核心訊息，是以機械、電腦程式主導的新型戰爭。Bellamy後來接受訪問，直言美國使用無人機投入戰爭（主要針對也門的反恐），對他來說是末日先兆：「當人們開始接受將生殺大權交由電腦執行，就進入了《未來戰士2》的世界。這件事相當嚇人，但大眾似乎未有意識到這個問題」。這個主旋律，成了最新大碟的政治基調。

事實上，幾乎一半以上的Muse的歌曲，都有一定政治意識，例如《Survival》、《Knights of Cydonia》等，不過近年Bellamy多次表示不希望歌曲被「政治化」抽水，暗示他的歌詞比單純的「抗爭主題曲」更有內涵，不是簡單直白的左翼世界所能輕易涵蓋。因此，Muse既得到大量左翼青年的忠實支持，又能打入其他群組，甚至對被其批判的對象而言，從歌曲也得到神秘學的快感，這不得不說是Muse同時兼顧社會化與商業化的最高境界。

麥日凰 星期日生活 Sunday Mingpao 2015年11月1日

延伸閱讀：《Sunday Bloody Sunday》
https://www.facebook.com/…/a.963611110339…/1036436089723874/