做音樂就好像是經歷一趟旅程 有驚險，有平穩 ， 在大家的眼中 只會用成績去評定 但很多很多只有當事人先知道 當事人自身的經歷 當事人需要堅持的勇氣 當事人遇上迷失的方向 當事人受過幾多的嘲諷 只有當事人自己 無論甜酸苦辣 最後當事人都覺得是值得的。 感動的是我身邊的戰友逐一找到方向 巨聲的舞台成就我們緣份 希望在樂壇逐一跟大家相遇 我唔會同你講，我睇到眼濕濕 更唔會俾你知，因為你地，我更會衝，更會珍惜。 #Repost @sophykayeewong with @repostapp. ・・・ 《我和音樂》 自巨聲以來，一段日子。偶爾會有些有心人打聽我的消息問問「依你仲有無唱歌，依做咩消失左，你做律師啦都應該呵，都好呀咁叻⋯」 或許我在正廿四歲的月份，和大家親密分享一下我的心路。 沒簽無綫，是個人決定，因為我想真切地做音樂。沒有父母壓力，只是純粹的唔想。簡單如當時十七歲的我就簡單地沒有簽了。不是另謀高就，只是想每日被音樂包圍，到現在我心存感恩遇到公仔箱的賞識，令我有機會認識大家，但賴著少許天資的奇幻的閃光亦只有那半年。我想法很簡單，亦如玩具反斗城懶地硬頸的細路一個，任性出發 — 我只想素淨地做歌手。 沒有簽約，是個人迷失。電視合約問題，其實回看都是意義。十九歲去地球唱片試音，年輕氣盛唱幾首比賽飲歌，滿滿的自信換來AnR一句「你唱歌好好，但沒有個人風格」。二十歲朋友介紹約見高層，我說「目標是擁有王嘉儀的聲音的音樂」，他說「但你寫啲歌好悶」。二十一歲遇到大碼頭說傾簽約，食兩餐飯後我寄出了稚嫩的demo，他電話到「阿囡，我地唔會做依d音樂嫁，cover幾首依家既歌再腥黎啦」。迷失，是別人眼中唱歌好叻的我被擊沈。但擊沈後迷惘，迷惘後便是喚醒，慶幸。 沒有出歌，是不夠道行。到底我想唱得如大家認同的歌手，還是繼續沿途找尋可以唱得出什麼音樂：或者到上個月我仍存一絲猶豫，因為後者好難。 由小到大，我幸福，每天處身溺愛歡呼中成長，所以認為唱得好聽標準是大家給我掌聲的原因，讀得一百分是香港欣賞我的原因。久而久之，我恃著天資沈醉認同，因而沒有時間、沒有意識面對自己是誰，或未來的自己想要什麼。直到一零年紐西蘭exchange，六個月的白天黑夜都是唱歌，眼看身邊同年紀的人都會寫歌jam歌。沒有技巧卻深刻，很快樂很好聽。 沒有放棄，是趙增熹。 早在紐西蘭旅程之前，熹鼓勵我寫自己的歌：「我唔識，一粒音都寫唔到」 寫到歌但得一段亂黎的音，熹送我他自己的電子琴，教我淘寶平平地都買到器材：「我唔識，電腦好煩又悶，點都編唔到demo」 做到短短地demo但歌詞一舊舊，熹介紹耀輝給我，再結識他愛徒（而現在成了好友）王樂儀：「我唔識，廣東話寫歌都寫唔到」熹話「一齊寫囉，一齊work」 做好曲詞但熹編完歌我又唔鐘意，便由我周圍找朋友亂黎，但他總會識趣遲半個鐘到再在我們找到方向後出手，重點講兩句拯救場面：「我唔識，譜都唔識睇，個個musician 都勁過我點監製」 錄好樂器但要花幾個鐘揀take剪接我呻悶，熹任我搞，入來笑笑口「係咁嫁啦，依家都叫識揀自己鍾意嘅野」：哦，原來簡單如「揀自己鍾意嘅嘢」亦可以是監製 彈琴八級但錄樂器時chord譜都唔識睇，死靠耳朵，熹叫我做十場舞台劇琴手。於是他在漆黑的後台站在我琴位正後方的身位看我彈《洋蔥》，就這樣站足了十場 。「我唔識，我隻手冇咁大跨咁多音」我埋怨，因為心底其實想在燈光下表演，為何要我坐在冰冷的角落坐三個鐘。結果彈十場，九場彈錯，熹卻說「好叻啦，唔錯呀」哦，情感投入更重要； 入錄音室唱但唱不出感情（我怕得很，怕在人前流露脆弱。）糾結，唱幾個月唱不好，熹直接坐外面彈琴，叫我自己喜歡唱時就唱，落簾熄燈，結果唱極唱不出框框：「我唔識，我都唔鐘意係人面前話人知我唔開心，點解抽離咁唱唔可以係真實地表達情緒姐？」又喊又盛式自欺欺人：捌扭硬頸，自尊心重但又脆弱：熹叫engineer出去，坐下談了又談開解我一整個鐘。 生日晚上send了whatsapp 給我。 當我迷惑時，熹說：有啲野，唔係幾時做都得；當你行遠左，想行番番轉頭做番自己都做唔到⋯ 言商來說，幾年過後，他只是得到了幾首沒保證賣錢的歌，但我卻得到了許多 — 從音樂過程中，我找到能面對自己的生活態度和有靈魂的生存方式。 （寫寫下，心路變成感謝卡一張⋯ ） 只想分享：踏實或者好老土，或者一點也不醒目⋯ 但找完一萬個借口後，認清自己的路向，內心是真的會更寬闊和熱暖，你身邊也會存在默默提點你的知音 。此刻音樂裡滿滿都是感恩，喜愛和相信。 祝福，共勉 X S