【龔成問答信箱】（Q22401-Q22420）

Q22401：

Hello 依家溫緊進階班第5堂 notes 你話如果附屬公司多而且比較接近50％ or 小數股東股益較大 個純利率會扭曲左

想問下幾多間附屬公司先為之多。同樣 小數股東股益點樣先為之大 例如佔左總盈利既某個%就叫大？

龔成老師︰

我地要估這個調整，主要係因為當集團對附屬公司持股，較接近50%時，即附屬公司盈利中，有不少比重非有集團所有，令計算出來的純利率出現偏差。

所以，我地有時係會唔扣"非控股權益"，直接用盈利(而非股東應佔溢利)去除營業額，去計算純利率。

但我地唔需要一見到"非控股權益"有數字，就去做這個調整。因為有時個數字好細，當你調整後，發現純利率其實無明顯變化。

所以，你預"非控股權益"大於"盈利"10%，我地才會對純利率進行調整，令佢數字更能反映真實情況。

------------------------------------------------

Q22402：

你好請教1928，見佢近期弱左，如靠債去還債，賺到的利潤都會被利息蠶食。

派一次中期息都要10億美元，好難想像何時內可以做到。

還未計續牌等政治風險，以你的專業分析點解可以對此企業有咁堅定信心？


龔成老何：

金沙（1928）風險度的確增加左，但投資者分析時，不要將中短期因素太過放大，其實只要澳門疫情穩定翻少少，其實就無事。

睇翻上半年，金沙中期經調整物業EBITDA 2.34億美元，銀娛都是EBITDA有正數的，反映如果唔計會計因素，佢是有錢賺的，除非疫情惡化，否則，佢無問題，而我地從投資，是投資企業的長期，不用將當刻的短期因素太過放大，同時佢持有的資產好有價值，要融資都十分容易。

至於政治因素，的確有少少，但如果從「澳門政府想那些博企續牌的角度」，就是金沙、銀娛，這是從就業、澳門發展等的角度去分析。

------------------------------------------------

Q22403：

你好。想問9926同2878點睇，9926跟人買跌左十元。點算，唉。守唔守好

龔成老師：

康方生物（9926）你預佢上落會較大，不宜持有太多。

主要從事生物製藥業務，專注於腫瘤學及免疫學治療領域。

佢候選藥物例如有ＡＫ１０４：適應症包括子宮頸癌、肝細胞癌、食管鱗狀細胞瘤、胃癌、非小細胞肺癌、黑色素瘤、晚期實體瘤、外周Ｔ細胞淋巴瘤；預計於２０２１年下半年在中國提交治療子宮頸癌的首次ＮＤＡ（新藥申請／生物製品許可申請），及開始在美國進行治療晚期或轉移性實體瘤的Ｉｂ／ＩＩ期臨床試驗，以
及聯合治療實體瘤的試驗。

這企業現時是投資期，回報要慢慢先見到，不過，這股估值十分難。因為無實在的收入與盈利進行計算。

只可以話，風險較高，是有危有機的類別。投資注碼一定不能大。

如果持貨，小注，長線，不是不可。投資得就一定長線，等佢長期回報。

如黑持貨多，宜減。

晶門半導體（2878）都算有長線投資價值，佢係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉。行業需求對佢是利好的。

這企業質素未算好高，因為技術未算好強，這股如果持貨不過多，都可守住先。

------------------------------------------------

Q22404：

我想請教你
2869在11元買入
1313 在 9.9買入需止蝕嗎？

我知3319/1313是優質股可以守，2869是優質股嗎？
多謝阿sir解告令我心態有改變

龔成老師：

綠城服務（2869）仍算有質素的。佢為中國高端住宅物業服務供應商，提供以下三類服務：

（１）物業管理服務：包括保安服務、保潔及園藝服務，以及物業維修及保養服務。

（２）顧問諮詢服務：包括在建物業服務（示範單位管理服務及建築工地保安服務）及管理諮詢服務（於項目設計及開發階段提供物業開發諮詢服務，以及於物業交付後提供各種物業管理諮詢服務）。

（３）園區增值服務：包括園區產品及服務（購物協助、拎包入住服務、交通服務、文化教育服務、房屋返租與置換服務及二手房交易的經紀服務）、家居生活服務（物業維修及保養、家政服務、保健及娛樂），以及園區空間服務（出租廣告空間，並提供廣告設計、製作及出版服務）。

過往發展不差，業務有增長，現價合理區中上部。

這股都可以守，但你預佢中短期會有少少波動。

至於另外兩股，都可持有。但你較集中在內地地產相關行業，小心行業集中風險。

------------------------------------------------

Q22405：

如果我40歲，加按d錢出嚟投資會唔會有風險？謝謝你的意見

龔成老師︰

以你年齡可承受的風險程度(以你年紀，建議總負債，最多只可以佔總資產6成)，加上現時仍處低息期，加按是沒有問題的。

關鍵是加按後，將資金買入其他資產，創造更高的回報，由於加按是要支付利息的，所以新資產產生的利息回報一定要比加按的利率高，這樣才值得做。

最好有比較明顯的息差回報，這樣才能抵銷加按後，加大負債為你所帶來的風險。因此，你加按前，最好先計劃如何分配新資金，如何平衡風險，怎樣說服自己獲得理想的回報，即是有充分的理由，而非為加按而按。

若是投資於股市，相信中低風險會較合適，公用股、內銀股、收息股、房託等，都可考慮，策略為長期的增值及收息，期望股息回報大於加按利息，這樣就值得做。但絕不建議炒賣等方式投入股市。

------------------------------------------------

Q22406：

到目前為止，我們現住的村屋政府還沒有任何收地計劃。估計還可以起碼多住十年八載。我想得到一些資料關於鄰近地區政府收地價、土地私人買賣價錢等資料，

從而比較一下地主開出的價錢是否合理。請問以上資料可以從哪裏得知呢？謝謝你的幫忙！祝生活愉快！

除了以上住屋問題之外，從二月至今，已分段買入以下股票合共約200,000。(之前打算用1,000,000投資，其中500,000分注入市及月供股票；

其餘500,000手持現金等大跌市才大力度掃貨)，請問暫時這個股票組合是否合適我？分注買入速度又是否過急呢？

66 - 43.50 （12.3%）
1658 - 5.70 （9.6%）
1928 - 29.20 （13.2%）
1972 - 22.90 （12.9%）

2800 - 27.80 （7.8%)
3067 - 17.60 （19.9%)
9633 - 56.80 (12.8%)
9988 - 198 (11.2%)

另外，月供股票方面也開始了兩個月。分別月供以下股票。月供股票因為剛開始，未有計算在以上。

2800 - $3000
27 - $2000
66 - $1000

請問以上我的股票組合是否潛力股方面佔約40%太多呢？之後再分注買入的資金，我會偏向平穩增長股及收息股。請問龔sir有什麼股票建議加入我的組合呢？

以上問題太多，不好意思。希望得到你的抽空回覆。祝身體健康，生活愉快！

龔成老師︰

你可以去田土廳和地政總署，可以睇到交易金額和一些補償計算資料，你可以用來參考。

你現時持股和月供計劃，大致上係可以。但安碩恒生科技(3067)和阿里巴巴(9988)係潛力股，這類股票以你48歲，最多佔2成左右好了。

未來時間，就正如你所講，要偏向平穩增長股及收息股，去慢慢拉低翻潛力股比例，以免風險過高。以下都是一些合適選擇，現價都合理，你可以參考下。

但緊記唔好偏重個別企/行業，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

現時你投入了1/5資金，這個比例係可以。當再出現多10-15%左右回調，就可以再加下一注。而另外50萬，但等大跌市出現，才分注入貨。

------------------------------------------------

Q22407：

1) 龔sir , 想問一問關於美股TLRY , 持有半年虧損接近40% , 應繼續持有還是止損，能幫手分析一下嗎

2) 龔sir, 6993 係米仲可以持有 ,仲可以守

龔成老師︰

1) Tilray Inc (TLRY)從事是一家從事製藥業務的公司。該公司是一家向藥品分銷商供應大麻產品的供應商。

大麻股過往曾是熱炒對象，過去一年波幅好大，由$5至到$67。上市後，更曾經升至$300，可見這隻股票，有一定投機味道。

我自己無仔細研究過大麻行業和相關股份，但從佢財務數據睇，上市後收入係有明顯上升，但依然未能達至收支平衡。

因此，此股現價不少部份，係來自投資者對"將來"的睇去。只要未來前景稍有偏離，你預佢會有較大幅調整。

此股唔係話無投資價值，但確定性較高，只宜小小注。

2) 藍月亮（6993）不是劣質，但最新業績令人失望，由於上市前的數據幾靚，因此，有可能佢上市前執靚盤數，這亦是我對新股/半新股有保留的原因。

佢最新的中期虧損約$4400萬元，去年同期純利約$3億元。虧損主因是市場上，其他平台出現過剩的較低價產品，導致佢定價策略及產品在市場上的價格體系受到干擾。

為統一產品在市場上的定價，佢向其客戶提供若干折扣以穩定產品的市場價格，此類折扣對其於上半年的毛利率產生約9%的負面影響。

相信中短期未必強，但長遠，其實又不算好差，佢成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一。

整體有質素，不過之前貴，現價算是合理區中上部，如果你小注持有都可以。

------------------------------------------------

Q22408：

龔老師你好，我想聽一下老師的意見.本人可承受高風險。

1. 持有1257，20,000股平均價3.4。現價掉到2.77左右，應否繼續持有或減持?

2. 持有1448，6,000股平均價7.02。現價7.42應否增持?

還是增加其它平衡增長股?

龔成老師︰

1) 中國光大綠色環保（1257）其實本質不差。

睇翻佢的業務情況，長遠發展其實是一個大方向，但佢近年負債有所上升，加上市場擔心佢之後的增長力有所減慢，因此對這股的評價減少左。的確，負債與發展持續性，是這股的風險因素。

長遠來說，這股仍是有投資價值。但不建議太過大注，始終都有風險，同時可能仍會弱一段時期。你明白這些風險，你照長線持有係可以。

當然，若你持股佔組合較多的話，我比較建議你沽出少少，去平衡翻個風險，咁會較好。

2) 福壽園(1448)有質素，現價算合理區頂，如果你現貨佔組合比重不多，或者資金較充裕，現價可以再加小小注。

否則，你等佢回多10%左右，才再加注會較好。

以下增長股，都適合你30歲年紀，你可以參考下。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22409：

真的衷心感謝，讓我瞓吾著幾日不斷思考過去錯在哪！同時，我並非抗拒買股票，亦十分認同你價值投資的方法。

我從不同category 選了一些之前心儀的和你推薦的選一至两隻，想把台灣現金調回來建立一個組合，比D意見？

銀行-滙豐/恆生/中銀3988（但PE 4倍不到，好似鬼鬼哋）/citibank
地產 - 恒基/新世界/置富
科網-阿里/騰訊/MSFT
手機-小米/舜宇/瑞聲
網絡-電盈/香港電訊/移動

電車-比亞迪/中國電車/雅廸
公共-地鐵
醫療-和黃醫藥/平安好醫生
零售-佐丹奴/六福/周大福
休閒-金沙/銀河
指數或基金-2800或3086華夏納指

建倉用80至100萬，留150萬現金等。

有點長，抱歉！

老實講，我清楚年齡影響可承擔的投資風險，只是希望在還有生產力（10-12年）間，除完成兩個小朋友在外地讀完書和以後照顧到自己已滿足了！

龔成老師︰

以你48歲年紀，我唔建議太進取。你可以用恒基(0012)、地鐵(0066)、金沙(1928)/銀娛(0027)、六福(0590)/周大福(1929)、指數基金作為核心，為組合提供平穏增值能力。

之後，再配以一些收息股，好似滙豐/恆生/中銀3988、置富(0778)、佐丹奴(0709)。

中行(3988)和一些內銀股，你會發現地市盈率都係好低。因為市場覺得佢地壞帳潛在風險大，所以市場唔會比佢地個市盈率太高。

最後，若果你想個增長力強少少，可以加入一些潛力股，例如阿里(9988)、騰訊(0700)、比亞迪(1211 - 但現價偏貴，可先用2845代替)。但由於潛力股風險較高，總額不要高於組合2成。

現時大市只在合理水平，先用80至100萬建倉，再另留150萬現金等大跌市機會，係可以。

若你想加快增值速度(但會承受較高風險)，你可以調高少少潛力股和平穏增長股比重。

否則，你這個年紀，我建議按潛力股/平穏增長股/收息股(20/40/40)的比例，會較穏當。

------------------------------------------------

Q22410：

龔成老師, 你好~ 本人35歲, 月入2萬幾, 60萬左右, 買了以下股票~ 月儲萬五至2萬左右~

買了以下股票, 但一直持續跌勢, 雖然以下股票都是有質素的, 但.. 某些股票仍需要賣出先止蝕嗎? 謝謝!

另外, 怎樣可以增加財富呢.. 因有可能10年後便跟小朋友去外國讀書, 相信在外國對於我來說, 不易搵工作… 買那些股票是比較隱陣呢, 謝謝!

700 騰訊 買入: $616 x 400 (現價約: $537)
1211 比亞迪 買入 $157 x 500 (現價約: $218.
388 港交所 買入: $437.5 x 200 (現價約: $531.5)
2800 盈富 買入: $28.43 x 3000 (現價約: $27.72)
3690 美團 買入: $290.30 X 200 (現價約: $268.80)

9988 阿里巴巴 買入: $223.8 X 100 (現價約: $202.60)
1398 工商銀行 買入: $5.33 X 3000 (現價約: $4.39)
1810 小米集團 買入: $24.75 X 400 (現價約: $26.
1972 太古地產 買入 $23.10 X 400 (現價約: $22.95)

1177 中國生物製藥 買入 $7.44 X 1000 (現價約: $6.99)
3067 安碩 買入: $17.12 X 300 (現價約: $15.28)
2638 港燈 SS 買入: $7.61 X 500 (現價約: $7.80)
3088 華夏恆生 買入: $10.34 X 200 (現價約: $9.22)

龔成老師︰

你現時持股都係有質素，你唔好太比個買入價或者大市氣氛影響，令你做出錯誤決定。緊記只要係有質素，長線投資價無轉壞，就算股價下跌，我地都應該照持有。

由於你尚有10年時間，用以上股票去增值，都係可以。

但有個較大問題，你而家太偏重左係潛力股(0700, 1211, 0388, 3690, 9988, 1810, 1177, 3067, 3088)，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

但你唔需要減持任何股票，只要未來時間，加大翻平穏增長股部份，令組合慢慢回復平衡，咁就可以。

平穏增長股：指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

但到10年後，你要移居外國，你可能會需要穏定現金流，去支援生活，多於財富增值。

那時候，你可以將部份股票，慢慢換成收息股，用股息收入，去減輕你生活負擔。至於比重多少，你就按自己實際情況而定。

------------------------------------------------

Q22411：

龔 sir 您好！又要打擾您！有關一些資產問題希望您可提供一些意見。

本人有一層剛供完的樓，由於預計子女在未來五至八年後會移居外國 （他們已有當地護照），所以我希望在當地置業。但由於疫情關係，

暫時不能往來外地親自考察當地不同區域的環境，而我又不想只靠海外agent 隔山買牛，所以暫時對於將要付出的金額只有很初步的概念。

現在問題是，我應否在此期間先翻按現在的居所，先keep 錢向手，再等時機去用這筆錢於海外買樓（根據疫情，有機會我要兩年左右才真正落實買到，

甚或如果到時樓價因大量移民而飛升, 海外置業計劃亦可能泡湯）

另一考慮是，我自己工作的房屋津貼將會屆滿，人工也已經到了max, 所以翻按的還款能力會降低，我應否take risk 仍然去翻按 （因市場常有消息指高息時代很快重臨）

不好意思，可能說得有些亂。盼龔sir 比D意見

龔成老師︰

你2個問題，都係建基於一些假設性結果(外地樓價大升/環球息口大升)，但這些結果，到底會否成真，幾時會成真，無人會知。

我地係投資時，係唔應該用"估"去做策略。我地係因應現時情況，平衡各方利弊，去找出一個較可行方向。

由於你子女尚有5-8年才會移民當地，有一定時間。你而一刻其實唔需要急住買當地物，除非你好有信心，長線當地升幅，一定會跑嬴香港樓，咁就另作別論。

至於翻按，你就要一直支付利息開支成本。但你又未知幾時先買外國樓。如果到時外國樓升幅不多，可能這筆錢跟本用不上，你就白比利息。

我建議你先計劃清楚，如果你擔心到時賣左香港樓，都唔足夠你買外國樓。你可以把握這5-8年，用優質股去增值財富，令自己有更多資金可以動用，減少到時的不確定性。

------------------------------------------------

Q22412：

老師，我上了堂， 計算了00698 通達之估價為

市盈率9-12
保守盈利預測0.05
市值股價約$0.45-0.6

不知道為什麼，00698的估價跌了很多，我之前已經減持了很多，上堂後覺得此公司不優質，但還有少量貨，不知道如何處理剩下少量貨，約40000 股，請老師指導

龔成老師︰

佢過往市盈率大約係9-10.5倍，但由於佢質素唔係咁高，我會再打折扣，下調至6-8倍左右。

而每股盈利，可以用佢過去10年平均，大約HKD0.09。

合理價︰HKD0.54 - 0.72。

但要留意，通達集團（0698），只是不過不失。

佢主要從事電器產品（包括手機、手提電腦及其他電器產品）零部件生產；為電子產品及電器提供金屬外殼及其他五金部件；及提供塑膠機頂盒及生產體育產品。

現價計係偏平，但由於質素只係一般，唔值得持有太多，勉強可長線。若40000股只係佔你成個組合，一個好低的比重，你照持有係可以。否則，當有反彈，就要再沽多少少。

------------------------------------------------

Q22413：

老師,其實etf回報係唔係理應回報多過投資個股? 我見差唔多全部etf股價都係步步向上,好似無邊d係大起大落 或者 長線向下? 想問下呢個係ETF特性?

問題二. 想請問下一我地係咪應該買ETF好過買個股? 一般人理應唔會下下買中倍升股,但係etf就基本上股價係一直向上? 長線好小跌?

謝謝你的寶貴意見

龔成老師︰

1) 唔一定，因為ETF係一籃子優質企業，可以係追蹤一個股票市場、一個行業、或者特定產品(如黃金)。

以盈富(2800)這隻較為人所熟識的ETF為例，佢係追蹤恆生指數，等同買入58間優質企業。

但當中有潛力股，有平穏增長股，也收息股。若你用當中的比亞迪(1211)為例，佢近2年一定係跑嬴盈富(2800)。

但如果你用中國人壽(2628)做比較，佢就明顯係跑輸恆指。所以，ETF唔一定係跑嬴個股。只係佢較有風險分散能力，令個整體回報相對穏定。

2) 如果你係初階投資者，不懂選股，但又睇好個別市場，ETF就會係一個唔錯選擇。

因為佢係一籃子股票，就算當中有些股票，表現未如理想，但只要大市或者相關行業係正面發展，你都會享受到成果。這就是分散風險，有利之處。

當然，如果你係買中一隻較具潛力的企業，升幅係有權優於ETF。但若投資個股時，你選擇錯誤，係可以大市/行業升，但你個隻跌。

------------------------------------------------

Q22414：

龔成 我係你fans 有買你啲書 亦曾經係你股票班學生 不過喺度好想同你講聲對唔住 我覺得自己好似辜負咗你咁 因為你當初教嗰套信念我無好好記住

搞到依家由賺錢變倒輸 初初我齋買港股都好哋哋 後尾學人買美股 賺咗少少之後就開始心雄 再玩埋沽空 結果依家輸到損手爛腳 我好嬲我自己

當初嫌你嗰套賺錢慢 於是就不知不覺好似走咗入賭場咁 仲要唔識走 越賭越大 到依家諗返轉頭 原來你一路教嗰套先係最穩陣 雖然唔會一夜致富

但最終一定有收成 依家我down得好緊要

近排工作 前途 甚至依家股市 無一樣嘢順利 好似時不與我咁 唔知點樣走出呢個困局…

龔成老師︰

其實，有唔少人都會因為短炒成功幾次，就會心雄，只後走上短炒之路。這就是點解我成日Q&A度提讀者，以前做證券行個陣，見短炒個班，可能會短期賺，但長遠都係輸晒架原因。

我地投資要成功，除了要學好一套投資方法外，經驗、自律性和心理素質，都係同樣重要。

有些人，本身心理素質好穏定，可以好好地操作個長線投資計劃。有些人，要好像你有一樣，要有所經歷才會明白。但重點係，這2種人最終都會走到財務自由之路。原因是，他們都"學懂"了。

你現時才34歲，依然很年青，只要你現時開始用正確方法，去創造你財富增值組合，係一D都唔遲。

而且，你比其他人經歷更多，對未來操作"真正"大升大跌市時，你心理上優勢，係會更加明顯，這都對你長線投資有利。

所以，你現時要做，就係收拾心情，做你應該做的事，一切自然慢慢會好。加油!!!

------------------------------------------------

Q22415：

老師，我手持幾隻蟹貨，可唔可以strong hold 牙？

3692 $33.1 2000 shares
2160 $16.7 5000 shares
1913 $55.5 500 shares
873 $24.7 3000 shares

謝謝

龔成老師︰

持有與否，你要睇翻企業本身有無質素。如果無，就算唔係蟹貨，係賺緊錢，都要減持，甚至係沽出。

微創心通醫療科技（2160）和翰森製藥（3692）不確定性較高，近期中央相關政策，令佢地風險高左，故暫時不要再加注。

普拉達（1913）有質素的。

佢係全球時裝及奢侈品集團之一，透過Ｐｒａｄａ、Ｍｉｕ　Ｍｉｕ、Ｃｈｕｒｃｈ’ｓ　及Ｃａｒ　Ｓｈｏｅ品牌，從事設計、生產、推廣及銷售高級皮具用品、成衣及鞋履，以及透過特許協議提供眼鏡及香水。

有一定的品牌價值，但都較受經濟週期情況，你預佢中短期都會較波動，這股有長線投資的價值。

世茂服務（0873）由世茂集團（0813）分拆上市，業務有（１）物業管理服務（２）社區增值服務（３）非業主增值服務。

睇翻佢過往的財務數據，基本上都正面，業務不差同時有增長力，不過上市年期不算耐，因此參考價值會減。

股價上落較大，要注意風險。這股都有質素，有長線投資價值。

------------------------------------------------

Q22416：

龔sir, 睇而家個勢6088同788前景如何。6088坐緊3.48，788坐緊1.44

1858之前40入跌到20放埋一邊冇理到 點知前排彈咗一彈上30 好後悔冇溝 係咪繼續坐吓等

龔成老師︰

唔好用買入價，去決定是否持有一隻股票。我地要睇的是企業質素，只要佢有長線投資價值，中短期帳面虧損，唔係咁重要。

IT HON TENG（6088）質素中等，雖然都有投資價值，但企業不是最高質之列，因為企業的賺錢能力始終唔算好強，每件產品賺錢唔多。

同時業績有回落情況，不過，這股始終不是無質素，但預期長遠的增長力只是中等。若你持貨不多，可以守。

中國鐵塔（0788）質素無大變，但你預佢增長潛力同幾年前相比，會係弱左。整體而言，都有長線投資價值。

春立醫療（1858）長遠有發展的，但本身佢股價和盈利，都係較大上大落。你現貨照持有，只要唔係佔組合太重比例，咁就可以。

------------------------------------------------

Q22417：

老師點睇1024快手？佢差唔多每曰都跌，有投資價值嗎？現價$142是否仲係貴既水平？

問題2，另外今個月開始每月會買1手你書中介紹的潛力股1833（平安好醫生），用老師上堂教的估值計是合理價，現價吸引，會持續1年至2年買入，佢升到咩價位應該停買？

想問請如何操作？老師又覺得e家1833是處於咩水平？

龔成老師︰

1) 快手(1024)之前貴，現價開始合理，大致在合理區中上至頂。近期受大市和中央政策風險所影響，有較大回調，但本質上無太大轉變，有貨可照持有。

2) 平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間位。

但好波動，你每月買1手，去平均個價格，係可以。但此股始終不確定性較高，不宜佔組合太多。

如果一個月買一手，會令佢佔你組合比例過重。你可以更改為月供，或者隔開多少少，例如每2,3個月才買一手，去平衡。

------------------------------------------------

Q22418：

龔sir，我有個理財問題想請教你，我手上有兩個物業出租，一個已經供完每月收租金$11500.00，

另一個仲有20幾年要供，每月租金收入$12500.00，租金可以cover供款和物業管理費等支出。

我的問題係我自己住的單位是租的，每月扣除租金收入後還需要付$20500.00。

我上完你初階股票班後一直思考，我係咪應該把手頭上兩個出租物業賣出，先幫自己買入一個自住用的物業來減底支出呢？

謝謝！

龔成老師︰

其實都唔一定，因為香港買賣樓宇成本唔細，你這個變動，可能要用你唔少錢。你可以主要考慮翻，邊個方法可以令你有更在資金空出，作投資增值之用。

如果你現時置業，反而令你每月投資優質股資金少左，其實係成個配置角度，就未必值得咁做。

當然，長線計你照好都持有一個適合自己長線生活需要的物業，但唔需要過急去進行。

你現時持有2個物業，若都有一定質素，你可以照持有，用佢地來資產追資產，平衡樓市波動的影響。

另一邊，你繼續用優質股去增值，到你可以做到買自住樓之餘，又可以保留一定優質股(最好可保留一間收租物業)，才去出手買自住樓都未遲。

------------------------------------------------

Q22419：

1) 也想請問你1093, 《50值博倍升股》中亦提及此股能穩中求勝，請問此股的便宜區是多少？

2) 1297的便宜區是多少？

3) 你的著作《50值博倍升股》中提及1181是穩中求勝之選，請問此股的便宜區是多少？

4) 《50值博倍升股》中提及1458成功打開了一片藍海，請問此股的便宜區在哪？

5) 《50值博倍升股》中提及1373是穩中求勝之選，請問此股的便宜區是多少？

6)《50值博倍升股》中提及868是穩中求勝之選，請問此股的便宜區是多少？

7) 讀完仍的《50值博倍升股了》，但發現很多股票已升了很多，如果現時從書本中選一隻，你會選哪一隻？

8) 想問根據過往數據，本港樓市平均每年會上升多少？（樓價、租金分別上升多少？）我已在書中找到了。

9) 想問現有哪隻優質潛力股已跌至便宜區？

龔成老師︰

1) 石藥集團(1093)現價算合理區上部，要平宜區，要有好大幅回調，接近回一半才到。

2) 中國擎天軟件（1297）規模較細，以及行業存有風險。此股較難做個穏當估值，如你想投資，現價都有投資價值﹐但要控制注碼。

3) 唐宮中國(1181)現價計，你預回多3,4成，會開始到初步平宜區。

4) 周黑鴨(1458)雖然近期回落唔少，但都仲係偏貴，你預佢真係有好大跌幅，去有機會進入平宜區。

同埋，其股都有一定風險，不宜大注。

5) 國際家居零售（1373）你預跌在多2,3成，才算係初步平宜區。

6) 信義玻璃（0868）過往一段時間，累積了不少升幅，就算合理區，都要有一個明顯大回調才會到。所以，暫時唔好入市住。如果真係想入，最好用月供去儲貨。

7) 我會選中生(1177)和信義光能(0968)，2隻雖然只在合理區上部，但本身質素較高。故在當中，值博率會係較好的2隻。

但由於現價唔平，只宜小注，等有明顯回調，才正式入市。

8) 過往數據，你可以作為一個參考。但更重要，你應著眼面前轉變、房屋政策、樓市供求問題。未來預期，香港中短期房屋都係維持供不應求。

再加上，近年多國政府都用量化寬鬆政策去救市，令市場資金大量增加。所以，可預見的將來，樓價都會維持上升。

9) 沒有，其實高質素的潛力股，極少跌到平宜區。所以你唔好諗住平宜區先入，要係合理區就開始分注，如果唔係，好機會錯失入市機會。

------------------------------------------------

Q22420：

老師，我睇返中國銀行和中銀香港每年既股息增長率，中國銀行既股息增長比較快，而家中國銀行呢個價位股息有8厘，如果股息再增長股價必定有影響，那投資中國比行不是比中銀香港好嗎？

同埋我想問如果我想查返中銀香港10年前既股價可以係邊到查詢？

同我想問通漲對阿里巴巴，騰訊，香港中華煤氣，同中銀香港會唔會有影響，我照你推介已買入呢四隻股票，之後仲想入d香港電訊同置富

龔成老師︰

我地唔可以單憑派息增長力，就去判斷一個企業情況。無錯，當中行(3988)股息再上調，有機會令股價再上。但

但始終中行(3988)本身已經好大間，加上佢業務上發展比中銀香港(2388)細，故增長力預期會較弱。

以你3X歲年紀，應該集中係財富增長上，故中銀香港(2388)會較為適合。

至於你想睇10年前股價，你可以去YAHOO財經，或者睇各個財經網的圖表，都會有。

阿里巴巴(9988)，騰訊(0700)，香港中華煤氣(0003)，同中銀香港(2388)都係有質素的企業，長線都會跑嬴通漲，你長線持有就可以。

至於指數基金都係適合你，但香港電訊(6823)只係收息股，增長力不高，不太適合你這個年紀。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q22021-Q22040）

Q22021：

上了你的初班，我已明白唔好追逐平貴，而是睇企業的質素。

但因我太過集中，特別是669，而上次大升時，無把握沽貨，到大跌市，我真有d驚，所以問問咩價位沽貨比較合適，我持有一定比例。

你教的內容真係好有質素，深入淺出，但至於我，我覺得透過實際操作比較易上心，或許這就是我需要活學活用，不停用同一方法去理一些事，然後才能進步。

就好似小孩寫字，一點一筆一畫，做線條練習先。

因為當時我仲未掌握到平貴的計算法，所以有此一問。

龔成老師︰

其實，我係地係決定買入一隻股時，會考慮到佢質素、當時平貴水平、是否適合自己和組合配置等因素，去下決定。

但當買入後，我地著眼點，就會只放係質素和組合平衡性上。

創科實業（0669）有質素，有品牌，有銷售網絡，長遠有發展，這股值得長線投資。

但由於佢已佔你組合不少，個別企業和行業，不要佔組合15%和30%以上，否則會有過度集中性風險。

因此，就算現時係任何價格，你都應該開始分段沽出部份持股，去平衡這個風險。

此股現價已略貴，你已可以分段沽出部份持股。但緊記係分段，調整唔好一次過做，以減低股價波動造成之影響。

------------------------------------------------

Q22022：

早晨老師 18年開始學你投資理財...現已進賬了少許需然離目標還有很遠 不過會用長線投資方法繼續

現在月供緊 2800（$4000）0066（$3000）0012（$2000）

以上組合須要更改嗎？

另持有︰
700 700股
0066 1000股

現金150萬 希望等大跌市入貨 不過等了很久。本人和先生月入約70k 供樓11k 扣除所有開支月儲30k

我現金放在戶口用按揭戶口有2厘 但係好似有啲浪費 我想問如何令資產增值會快些？

另外700越跌越低 我平均價$601.5 應該繼續溝貨定可繼續持有 可否比些意見呀

龔成老師︰

你月供組合都可以，但以你們每月可以儲$30000計，建議再加大多少少月供供款，至每月$15000。

而新加資金，可以投入一些潛力股，去加大你個組合的增長潛力。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

現時大市只係合理水平，現金佔比重大約3-5成。餘下資金，就等大跌市出現，才加大力度掃貨。

雖然放係度等，好似浪費左一些投資時間。但由我地唔知幾時會出現機會，故必需保留一些流動性高的資產，去把握這些時間。

現時騰訊（0700）在合理區，你本身持資佔近組合全部，比重過高。就算再跌，你都唔好再加注，因為只會增加你過度集中性風險。

記住，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

------------------------------------------------

Q22023：

Hello啊Sir，其實我報左你股票班，不過都想盡早比你睇下我現有既Profile同埋我既諗法正確與否？

1. 我應將中國鐵塔換至港交所嗎？因為我見啊Sir你極力推薦。而如果本身我未有費，第一注應幾錢左右入呢？

2. 5月見比亞迪回落了不少，在$142左右開始月供，但現在又回升了，那我應該停止月供嗎？

3. 我目標每年額外投放$100萬至組合，我的策略應該是如何？

4. 阿里巴巴雖然已佔組合約12%，但我見潛力股黎講佢既值博率幾高，我應再在那個價位入市。

5. 福壽園我只得少量貨(佔組合3.01%左右)，我應在那個價位再加注呢？

6. 最後，就是啊Sir你覺得現有組合對於年紀30歲左右的我可以嗎？

問題多，麻煩哂啊Sir你

現有股票組合

優質股:
1. 煤氣x3,000@$14.5
2. 銀娛x1,000@$52.25
3. 港鐵x3,204@$38.93
4. 領展x2,137@$62.83
5. 金沙x5,322@$28.78
6. 盈富x2,[email protected]

-潛力股
1. 鐵塔x90,[email protected]
2. 小米x5,400@$25.89
3. 舜宇x600@$135.9
4. 雅生活x3,250@$31.92
5. 中生製藥x12,[email protected]
6. 福壽園x6,000@$7.67, 4.96%
7. 阿里巴巴[email protected]
8. 3067x4,900@$18.78

龔成老師︰

1) 港交所(0388)有質素，你預回多1,2成才到合理區頂，才可分注。而中國鐵塔(0788)都質素，但增長力就弱左，長線持有價值依然係有，只係無以往增長咁快。

如果你想部份，換至港交所(0388)係可以。但建議都保留部份，畢竟此股都係有投資價值。

2) 比亞迪(1211)現價略貴，如果你已經儲到一定貨，你可以停一停。但若果你持貨只有好少，你暫時可以照供，但只可小注。

3) 以現價計，大市算係合理區，你可以先將50萬，分注買入「平穏增長股」 + 「潛力股」。餘下一半，就等大跌市機會。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於「潛力股」係一定波動性，以你30歲計，大約佔組合5成左右。若你經驗較淺，只宜投資約3成比重。

你現時持股，過半數係「潛力股」類。因此，新資金應優先投入「平穏增長股」，去平衡翻個組合。

4) 阿里(9988)有質素，你預每回10-15%，就可以加注。但你要留意，再優質股票，都不可以過量持有(個別企業﹐不可超過組合15%)。否則，會有過度集中性風險。

5) 福壽園(14488)現價合理，可以加多少少。之後都是，每回10-15%就再加注。

6) 現有組合過於進取，因為潛力股佔比重偏高。當然，你還年輕，想進取點係可以，但你要明白當中風險。

最理想，潛力股係維持3-5成左右，會較穏當。

股票班見!

------------------------------------------------

Q22024：

老師，想問下京東物流同攜程。 呢2隻股票分別前者系43.3 買入， 後者是303.6買入。 兩隻都只是買了一手。 請問現價是否繼續持有？

本身睇好呢2隻股票，但買完就系咁跌。

是否未跌出5%就放番止蝕？

龔成老師︰

記住，不要用自己的買入價作為何時沽出的指標，也不要以回本後沽貨作為策略，同時，更加不要抱著「賺了多少就沽貨」這心態去投資。

坊間經常用買入價作為何時沽出的標指，這是極度錯誤的。沽出是基於這股已偏貴，又或沒有前景，質素有問題，而絕非由買入價決定。

因此，若你分析該企業的前景一般，就可沽出。

京東物流（2618）都有質素的。

京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務，從倉儲到配送，從製造端到終端客戶，涵蓋普通和特殊物品。

根據一些調查報告，按總收入計，這企業係中國最大的一體化供應鏈物流服務商。

2018、2019 及 2020 年，京東物流營收分別為人民幣 379 億元、人民幣 498 億元和人民幣 734 億元。

京東物流於 2018、2019 及 2020 年產生的虧損淨額分別為人民幣 28 億元，人民幣 22 億元及人民幣 40 億元，不過，如果扣除一些非現金流的開支，又未算太差。

佢表示，上市集資所得，部分將用於升級和擴展該企業的物流網絡；部分將用於開發與供應鏈解決方案和物流服務相關的先進技術。

企業有優勢的，長遠發展正面，但中短期股價未必有好強的表現，這股都有投資價值，但現階段未必值得大額投資。

攜程集團（9961）有質素。

佢係全球領先的一站式旅行平台，可提供一套完整的旅行產品、服務及差異化的旅行內容。

用戶可以通過平台進行任何類型的旅行預訂，從目的地內活動、週末短假及短途旅行，到跨境旅遊及商務旅遊。

產品及服務組合涵蓋經濟、高端、定制化及精品產品。集團經營一系列品牌，包括攜程(Ctrip)、去哪兒(Qunar)、Trip.com及天巡(Skyscanner)。

根據報告，以商品交易總額（或 GMV）口徑統計，佢係過去10年內一直為中國最大的在線旅行平台，近年更為全球最大的在線旅行平台。

財務數據方面，收入都有不差的增長，但盈利就比較波動，有時會出現虧損，反映企業仍處於投資期。

這企業有獨特性，長遠有投資價值，但估值難，未能確定這刻的平貴度。只可以話，潛力度是有的，但預期股價都會波動，因此投資要控制注碼。這股宜長線，等企業成長。

由於這2隻股票，你都係得1手。我建議你超長線持有，咁就可以。同時間，你要明白這2隻股票，都係有一定不確定性，若你資金唔算充裕的話，暫時不要考慮加注。

------------------------------------------------

Q22025：

老師，我在分析3 號煤氣，我留意到公司在2020 年的收入及毛利都比2019年高，但盈利就大幅下跌。

查看損益表及附註發現，對比2019 年，2020年在 " 投資（虧損）／收益淨額 " 一項有數目變化，而該變化是來自 "上市證券" 的虧損。

我想問:

1. 從何得知這些虧損及盈利是否一次性?

2. 有考慮有代表盈利時，是否不需要計算此項?

3. 在那裡可以看到 " 國際金融中心投資物業之重估減值" 的數值?

龔成老師︰

1) 其實這部份，是一些集團持有的金融工具，其帳面價值的變化。

這部份基本上，每年都係會出現，唔算係一次性因素。但由於當中部份只係帳面值變化(有點似物業重估)，故這個項目，不用睇得太重。

2) 對，要調整。

因為佢主要受市場影響，令佢每年數字都好波動。只要你拿較長期數據作參考，就可以將這個部份，對分析盈利所造成的偏差淡化。

3) 你將年報中(P.6-7)，"集團稅後溢利（未計集團所佔國際金融中心投資物業之重估減值）為港幣64億8千4百萬元" ，

減去"計入該投資物業重估減值後，本年度集團股東應佔稅後溢利為港幣60億零7百萬元"，就會知道大約個重估數字是多少。

------------------------------------------------

Q22026：

龔sir，你好！我最近看了你那本《財務自由行》，明白持有越多資產越有利，借取越多現金越有利，本人最近思考如何實踐。

本人情況：租住朋友一間三房物業，月租$7000，有一層第一城物業放租。雖然本人是銀行職員，尚未使用員工優惠，享用低息高貸款額。現在面對以下兩選擇：

1. 繼續租住朋友屋及放租第一城，但儲了很多現金，又沒有名額買第二層資產，但細單位升值潛力高，又可以盡快財務自由。

2. 賣出第一城，用公司員工優惠，買入更大單位自住，可實踐借取越多現金越有利，但大單位升值潛力較細。

謝謝龔sir

龔成老師︰

我較建議用方法1，因為香港買賣物業成本，都比較高。一來一回，會唔見左好多錢。而且，你現時朋友屋租金好平。可以為你節省更多現金流，去進行投資增值。

除非你個單位質素好差，租金回報率好弱，否則你照放租，用"以租養樓"的模式。

再用現有資金，去投資優質股增值，集中以股票，作為財富增值的核心。之後，如果日後有人名，才再思考怎樣用你員工優惠，去加入第二個物業，咁會較好。

------------------------------------------------

Q22027：

老師，想問問你對於保單融資的意見

龔成老師︰

保單融資，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

而且，回報和利率都係不保證。因此，最終回報未必是預期中咁理想，你要明白這個風險。

其實比較建議，"保險"只用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22028：

老師，A股隻002352順豐.買唔買得過？

龔成老師︰

順豐控股 (002352.SZ)為內地快遞物流綜合服務的提供商，主要提供倉儲管理、銷售預測、大數據分析和結算管理等綜合物流服務。

此股有質素，集團在內地有領先規模。在電商近年高速發展下，集團長遠發展正面。

但此股現價不平，過往佢股票波動都比較大。此股有投資價值，但現時值博率唔算高，同時要控制注碼。

------------------------------------------------

Q22029：

龔SIR, 你好呀,又要請教你供股既問題喇, 因為我老公唔識股票, 所以佢係每月比5K我供股, 我就幫佢供緊3K 2800 + 2K 66, 黎緊佢可以再加多3K, 呢3K放響邊類股票好呢?

我係用自己個中銀AC同佢一齊供既, 成個AC供緊既野如下,

2800 6K 我地一人一半
66 4K 我地一人一半
823 2K 我自己
1810 1.5K 我自己
1211 1.5K 我自己

佢果3K好唔好放去2隻科技股 , 每隻1.5呢? 你認為將佢放埋入1810 同1211好定再揀過2隻幫佢供會好D呢? THX

龔成老師︰

你現時計劃，已經係可以。

由於現大市只在合理區，你唔好每月全部儲蓄都動，要留有部份，等大跌市機會，才出手入平貨。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

而盈富(2800)係不受此限，因為它是一個包含58間優質企業的基金，這些企業來自不同行業。因此，盈富(2800)就算在組合中佔較大比重，都唔會造成過度集中性風險。

你現時組合，領展(0823)和港鐵(0066 - 算半隻地產股)都係地產相關行業，雖然都尚在合格水平，未有超過標準。

但未來有機會再加新股票，就要先避開地產相關行業，以免有過度集中性風險。

------------------------------------------------

Q22030：

龔成老師你好，我係你股票班舊生。小妹今年28歲，月入九萬可存6-6.5萬，有車，無家庭負擔。

3年前上完股票班開始投資，多數係月供股票以及少量低位買入。85萬成本賺左60萬左右，真係衷心多謝您。

有個問題想請教下。

較早前購入1750萬物業樓花（建期），套現左部分股票，支付左訂金，印花稅及律師樓雜費等，用左240萬。

樓花期2年，家人承諾會幫忙支付部分首期（還剩樓價40%）。我都希望在2年內盡量存錢，希望可以達到270-300萬，上會前分擔部分首期。

本身月供24k，分別係

12 @3000
27@3000
66@3000
788@2500

1177@2500
1810@2000
2388@3000
2800@5000

另外套現後宜家剩翻股票如下，大約63萬

66/691股 @42
590/1000股@16.7
788/15000股@1.17
1177/8500股@7.3
1211/2100股@41.5

美股15萬左右，現金35萬

想問下應該加大月供計畫金額，定係存現金好。

龔成老師︰

你現時持股和月供計劃，都係適合你的。

以你每月可儲6-6.5萬計，你應該再加大少少個月供金額，去到每月可儲資金一半。

假設投資回報有10%（連股息再投資），你每月投資$60000 + 現有資產(約115萬)，2年後大約會增值至280-290萬。

但問題是，2年係一個好短架時間。就算再優質的股票，中短期都會出現波動，影響你最終回報，你要明白這個風險。

因此，你加大的月供部份，我建議集中係收息股類。而餘下資金，除非大市有明顯回調，否則不要出手。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)

當然，如果你想再穏陣D，唔想2年後太多變數。這個新增月供部份，可以由收息股，更改為定期。同時間本身月供組合，都可以將部份股票轉為收息股。

但這樣，你個組合增長性，就會減弱左，你要從風險與回報間，取個平衡點。

------------------------------------------------

Q22031：

老師你好，自從認識到你的Facebook後，開始看你的書籍，了解自己的習慣，比較適合月供股票，目前31歲。

目前已經開始月供半年左右。在整個組合中，盈富4000 ，比亞迪3000 ，海螺3000 ，中電3000 ，騰訊3000 ，安踏2000。

1）個人希望以穩定為主，慢慢累積財富，少量投資增值股。目前組合需要調整嗎？符合我的年齡？

2）當中海螺水泥，目前虧損比較多，長遠水泥股發展老師的看法是如何？需要先暫停月供還是繼續？

謝謝老師指導。

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你31歲，應以增值為主。你現時月供組合，都係有質素的股票，大致都適合你年紀。

但有2點要留意，中電(0002)主要係收息，增長力唔高，唔係太適合你年紀。(當然，你想個組合穏陣少少，留佢係度都可以。)

比亞迪(1211)有質素，但現價略貴。暫時不宜月供太大注，最好暫時將供款，下調至$1500-2000，到佢回到$17X左右，才慢慢大加。

現時大市只在合理區，每月資金唔好盡用。最好留有部份，等大跌市出現時，可以用來掃貨。

2) 安徽海螺（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。

現價勉強合理的，但要留意盈利有潛在波動。

你要明白一個概念，我地持有一隻股票與否，關鍵位是企業質素、前景，不要被買入價(或者買入成本)影響。買入價只是一個心理因素，如果企業核心因素未被影響，我地係唔需要理，照持有就可以。

------------------------------------------------

Q22032：

龔成老師你好，本人剛結婚，現有有關買樓一事想請教。

我和老公三十頭，二人月入共十一萬、冇計劃要小朋友，打算過多十年移民外地。老公買左土瓜灣一手私樓自住(300呎)，打算日後過了禁售期再售出圖利。

我們現金約有一百萬，外幣一百萬(之前唔識投資，只會買外幣放銀行但冇息)。但其實賣出後我們還有自住需要，所以我在想以下那個方法比較好

1) 要否以我的名再買一層居屋/二手私樓自住，等待大約十年後移民外地前再賣出。如果買第二間，啟德跑道的一手樓花好定大圍二手居屋會易點升值呢?

2) 定係用買第二層樓的首期來投資股票會更好?但我們都不太懂買股

3) 定係現在用土瓜灣一手私樓換另一間大點的私樓會更有升值空間?

另外，我在$249買左1手9988, 你覺得現在@205可再買點嗎?謝謝老師

龔成老師︰

其實香港買賣物業成本唔細，加上你們之後都會移民(相信不會保留本地物業)。除非現有物業非常不適合你們需要，或者質素好差，長線計無乜升值能力，否則唔建議沽出換樓。

反而，你用現有資金，去買入一些優質股作增值，咁會較好。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你3X歲，應以增值為主，建議你用「平穏增長股」 + 「潛力股」作組合，去創造一個增值平台。

你可以用每月空閒資金，做月供股票。每月先用5成儲蓄做月供。其餘先儲起，用一邊月供一邊儲蓄的策略。

由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

現時大市只是合理區，你現有萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於外幣，唔係一個好的增值渠道。貨幣係可以無限印制，長線只會一直貶值。除非你有明確用途，否則應換回港元，去做投資。

阿里巴巴(9988)適合你年紀，現價合理，加上和你上一注有一定距離，故現價加1注係可以。

------------------------------------------------

Q22033：

午安，龔成，經常有留意你頻道，所以入左小米和中生製藥，小米27時入了一萬股，中生製藥在8.6時入了三萬股，但一直唔明為什麼業績好，公司有潛力，

但股價一直下跌，這幾日還連續開八連陰，現在還有廿萬現金，應再補貨，後續應如何部署

龔成老師︰

我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。

你唔好用股價升跌，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。

但如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。

你現時持有這2隻股票，都係有質素的潛力股。若你係年青至中年人士，這類潛力股，你照持有就可以。

但我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

未來時間，現分散投資多幾隻不同行業股票，去平衡風險。

現時大市只在合理區，未到好平，不宜盡用資金。餘下廿萬現金就先儲下，等大跌市動用。

------------------------------------------------

Q22034：

你好 龔成老師！由2018年開始幫家人（現時50歲）投資幾隻房產信托基金-主要收息 由於當時投資知識不足 所以組合比例分配的唔好

而且投資的幾隻現時都跌左好多 最近幾個月開始認真閲讀老師的幾本書同專頁 開始對股票組合有少少頭緒並作出調整 在此萬分感激老師！

有以下問題想請教老師︰

家人年紀約50 預計5-10年後退休，有醫療保險 強積金約50萬 ，現金30萬

現持有股票：

越秀房產信托基金 11000股 平均價$5.23
置富產業信托2000股 平均價$8.93
匯賢產業信托 23729股 平均價人民幣2.64
煤氣 1000股 $11.38
香港電訊 4000股 平均$10.82
粵海 4000股 平均$11.77

6月開始月供$3000盈富基金 $2000港鐵 $2000金沙

每月可儲現金$6000

1.請問以上組合比例適當嗎？有需要再調整嗎？

2.房產信托越秀同匯賢質素如何？ 應繼續持有或趁低增持嗎？ 因為87001 自疫情開始就跌近半 一直都上唔返去維持人民幣1.76左右 本來打算收息 但現時賺息蝕價

以往一直選擇以股代息增持 但現時擔心這股質素已改變 請問係暫時受大環境經濟影響定真係質素變差 唔會再上返去？

3.若果越秀上返買入價 應該賣出再增持置富嗎？

另外請問呢個年紀小注加入3067適合嗎？股價幾多係便宜至合理？

粵海 煤氣現價係合理區 到幾多先係便宜？
感激老師解答！

龔成老師︰

1) 以上月供組合和資金分配，都係可以。但這組合，不是用至退休。

由於你家人開始要為退休準備，你要慢慢將一些收息股，換入月供組合中。到退休時，收息股都應佔100%。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時房託和部份股票，都有超標情況。你要用新資金，慢慢將個比例拉翻平衡。

2) 匯賢產業信託（87001）雖然是不錯的房託，但這房託比其他房託有點特別，可長線持有收息的。

匯賢現時主要資產：包括於2011年收購的北京東方廣場之零售、寫字樓及服務式公寓業務；以及兩家酒店（北京東方君悅大酒店及瀋陽麗都索菲特酒店）。

加外有新增投資，於2015年才收購的重慶大都會東方廣場。

但要留意，根據北京市人民政府於2006年6月26日發出的國有土地使用證（京市東港澳臺國用（2006出）第10128號），該發展項目總土地面積為7萬7千平方米的土地使用權已授予北京東方廣場公司作綜合用途，到期日為2049年4月21日。

從整體及本質上，這房託是不錯的，適合長線投資。雖然有上述所講的潛在風險，但高股息率，可說能抵償當中風險，同時反映部分物業有「到期」因素。

簡單來說，就是佢的股價，會慢慢長期向下，因為有些資產會到期。不過，如果佢餘下的資產在這段時間增值，咁股價就不會向下。

簡單而言，越秀(0405)和匯賢(87001)都係可以持有。由於你目的係用來收息，你係唔洗太在意個股票變動。

3) 你可以將部份換碼，現價計置富(0778)值博率係高少少。同時間，你都可以將2隻股票比例，變得更平衡。

50歲以上，我唔建議買安碩恒生科技(3067)，因為波動性太大。若真係好想買，都係好小注好了。

粵海(0270)和煤氣(0003)現價合理，你預回多1,2成，才開始算係初步平宜區。

------------------------------------------------

Q22035：

老師您好:本人今年50, 因為做得唔開心, 所以打算辭職, 進入半退休。我持有:

1. 現金$400萬
2. 公積金$200萬
3. 股票$80萬, 包括:
a. 1398: 100000股
b. 808: 20000股
c. 435: 10000股
d. 0006: 2000股
e. 1038: 1000股

4. 自住物業: 未供完, 每月供5千。

除工行, 都係近排買入, 會再分注買入。

辭職後收入大減, 希望透過投資維持每月20-30K收入 (包括供樓支出)。

龔成老師︰

如果你希望8年後每月有2-3萬蚊現金流，以股息率6%計，你需要本金400-600萬。

以你現時資產規模，是可以做到你的目標。

現有持股，你長線持有就可以。你可以再將這$400萬現金，分成4部分。

第一部分投資收息股，你可以建立一個收息股組合，你可考慮港燈(2638)、香港電訊(6823)、工行(1398)、建行(0939)、置富(0778)、陽光(0435)等，大多有5%股息或以上(你可睇下我本《50穩健收息股》當中仲有好多)。

你可以用"分注"形式，慢慢儲貨。平均的投資這些股，除了可以得到穩健的收息收，同時可有效的分散風險。這部分可佔你財富$100萬-$200萬。這些股票唔洗理佢股價波動，只要一直持有收息就可以。

但由於工行(1398)已經佔你組合很大比重，暫時不要加注。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

但要留意，銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。另外，你亦可投資銀行低風險類的產品，你可自行到銀行了解下，總之是「低風險，持續現金流」的。

第四，持有現金，這可以為你的後盾，以備不時之選。同時可以等投資機會。

你可以將資金，平衡地分配在上述的項目上，對你來說是最好平衡風險，同時有穩定的現金流。

------------------------------------------------

Q22036：

龔sir 你好, 我今年31歲發覺自己儲錢好慢+投資初哥, 股票比例輸多 想請教你投資方法同&意見

我月入HKD20,000, 每月可儲HKD8,000左右

現持有以下資產

Cash :HKD85,000
股票 : 9988 (291.55買入) X 400 股
941 (48.5買入) X 500股
1928 (35.6買入) X 800股

Q1: 9988見你話佢潛力都大 但我好高位入左, 有需要止蝕/加注 由得佢擺住先 ?

Q2. 941 同1928 值得長期持有/加注/ 咩位就要放呢?

Q3. 小米可以入手嗎?

Q4. 另外, 想請教我呢個年齡有咩投資方法/組合可以儲錢有效率啲. 我見你推介供股為主

多謝您的解答

龔成老師︰

1) 阿里巴巴(9988)係有質素的潛力股，你買入價係貴左，但此股有增長潛力。當企業盈利上升，佢股價再回向上，你照長線持有就可以。

但由於佢已經佔你組合，一個好高架比重。就算股價再回調，你都唔好再加注。

2) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你31歲，應以增值為主，建議你用「平穏增長股」 + 「潛力股」作組合，去創造一個增值平台。

阿里巴巴(9988)和金沙(1928)都適合你，但中移動(0941)只係收息股，增長力好一般，唔適合你。但你只係有1手，照持有都得，就唔好再加注。

3) 小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多1-2成更有投資值博率。或者月供都得。

4) 你現時無投資知識和經驗，對企業估值，點去定平貴未必會太了解。所以你先利用月供模式，去做增值，可以減低買貴貨風險，對你而言會較理想。

目標係一些「平穏增長股」 + 「潛力股」，現在你每月先用5成儲蓄，即$4000做月供。其餘先儲起，用一邊月供一邊儲蓄的策略。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

大市現處於合理水平，那8.5萬現金和每月儲蓄，就等大跌市機會出現，才大力度掃貨，並長線投資。

------------------------------------------------

Q22037：

龔成老師你好！本人34歲，月入20000，月儲2500，因過往實在缺乏規劃理財，零投資經驗，單純地以為買了份儲蓄保險就足夠（供25年,每月1200），

於是便成為月光族了，因最近結識女朋友，當開始為未來籌劃時，實在十分旁惶，驚覺一切已太遲！想向你請教一下，如果我想3年內儲20萬，我該如何做呢？萬分感激！！

龔成老師︰

其實34歲，未算遲，只要你用正確方法去做財富增值，一樣可以有唔錯效果。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

其實"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

現時份儲蓄保險，若已供了一定時間，我建議你保留會較好。但就最好不要再加大這方面投入，以免拖低財富增長力度。

你34歲，應以增值為主，建議你用「平穏增長股」 + 「潛力股」作組合，去創造一個增值平台。

由於你係初學者，對企業估值，點去定平貴未必太了解。我建議你先利用月供模式，去建立一個股票組合，以減低買貴貨風險。

現在你每月先用$1500做月供，其餘$1000先儲起，用一邊月供一邊儲蓄的策略。

餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$2500，3年後大約會增值至10萬。故要達成目標，你最少要加大供款1倍。

而且3年唔係一個長時間，最終回報有機會受股市波動所影響，你要明白這個風險。

------------------------------------------------

Q22038：

老師你好,本人現在收入不穩定, 有大概九萬幾現金, 市值十一萬港股加美股.另外有一小型saving account, 再加五萬六左右在基金投資.

現在有一創富難題:

想盡快儲首期買到一層650萬或以下的樓來投資

如果想創造穩定被動收入來供樓, 唔駛驚自己收入唔穩定供唔到樓.

老師你會有甚麼建議?正在閱讀"80後"中不過還是想麻煩老師你, 真不好意思

龔成老師︰

有兩個方向，第一，你將物業出租，利用租金去供樓，但如果你造高成數按揭，有機會租金少過供款，就會出現負現金流，因此，如果你想較有保障，就不能以高按揭成數去進行這動作。

當然，這就要求你有較多首期，因此，你要在這方面，自己取平衡。

第二，如果你想創造被動收入去供樓，你只要將投資一些收息股，用佢地去創造現金流，咁就可以。

假設你每月要有2萬蚊現金流，以股息率6%計，你需要本金400萬。因此，你現時重點，就係要去累積這400萬。

但一般我地會建議讀者，運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

若你係年青至中年人的話，你現時應把握時間優勢，先做財富增值部份。除非你預買樓時，你年紀都已較近退休之年，你才好考慮原先被動收入的計劃。

至於儲置業資金，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

現時大市只是合理區，你現有9萬資金和每月所儲倒的資金，就等大市出現一定程度的下跌，才大力度掃貨，然後長線投資。

至於基金，你可以衡量基金的投資策略，所投資的資產類別、投資策略、風險程度、市場、費用成本、以及過往的表現(可以睇佢過往5-10年)。

如果整體係優於大市，你都可以投資。

------------------------------------------------

Q22039：

龔成，我想請教一下怎樣實現財務自由，夫婦二人打算明年帶小朋友移居英國。丈夫現已辭去工作，本人兼職收入約每月$8000，每月開資約兩萬。

打算用400萬元在英置業後，餘下資產應該投資甚麼可以製造每月30,000元的現金流呢？

資產：

香港有3個物業：

1.銀行估價480萬元，打算明年賣出用來購英國物業，現每月收租$13000)

2. 市場價約330萬，沒有按揭，現奶奶及老爺收租作生活費。

3. 市場價約330萬，有100萬按揭，收租可cover 供樓費用。

強積金：夫婦共100萬元（移居5年後獲取）

儲蓄保險：24萬本金

藝術品投資 : 現時價值大概 80萬

流動現金: $50萬

虛擬貨幣: $5萬

月供基金: 現價值約40萬，上月已提取其中20萬作為流動現金，並已申請延期供款，餘下20萬會滾存到20年後方可再次提取。

龔成老師︰

若你希望移居英國後，每月有3萬蚊現金流，以股息率6%計，你需要本金600萬。

你可以考慮將部份資產賣出，再轉換成收息股，去創造這筆現金流。例如部分原本無現金流類別的項目如藝術品投資，以及剩餘現金。

收息股︰你可考慮港燈（2638）、香港電訊（6823）、恆生（0011）、工行（1398）、置富（0778）、陽光（0435）、深高速（0548）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

但由於英國對股息，係會收取一定稅項，故實際回報會係低少少，你要自己了解翻。

英國稅制比香港複雜，你最好了解清楚。要沽出的資產，就盡早處理，以免受英國稅項影響，令你資產價值被打上折扣。

另外，你移居到一個新地方，生活不確定會大增。建議係投資同時，都留有一定現金，以備不時之需。

------------------------------------------------

Q22040：

龔SIR, 可不可以對我的股票 portfolio 比些意見? 以下大概總值三百多萬, 應該繼續持有, 還是套現買樓?

股票#(買入價)
3988 (3.20)
6 (42.7)
8(4.22)
883 (8.2)
17 (36)

19 (40)
1113(41)
1044 (55.5)
308(1.23)
52(17.)
175(29)

THANKS!

龔成老師︰

你現時持股，質素上都可以，算係一個平穏增長組合。若你係較中年人士，算適合。

香港中旅（0308）、中海油(0883)質素較中等，不宜持有太多。

若你係較年青人士，我建議你加入一些潛力股，去增升組合的增長能力。

潛力股：安碩恒生科技(3067)、阿里（9988）、 騰訊（0700）、港交所（0388）、舜宇光學（2382）、小米（1810）、中生製藥（1177）、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

至於是否置業，要睇你本身有無實際需要。若係自住樓，你可以套現，但緊記要嚴守"供得起"這個大原則。另外，在置業同時，必須確定尚有一定股票，可以保持增值，以免成個財富組合，偏重晒係物業上。

若你置業目的係為左投資，我就唔太建議。因為現時租金回報率，唔算好高。相比股市，值博率係較低。故暫時將資金投資優質股，會較好。

當然，你此期間找到旬盤，租金回報率高，升值潛力又唔錯，你都可以入市。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【還原「物業帶動鐵路」的歷史時空】 #永續港鐵霸權 #7月專研

港鐵霸權一大核心就是長期壟斷「鐵路上蓋物業發展權」，今時今日香港土地問題走到如斯局面，與經常被吹噓為「國際成功模式」的「鐵路加物業」(Rail + Property) 不無關係，但服務大眾的鐵路公司搖身一變成為追求利潤的發展商，絕對不是一夕間發生的合理事情。「鐵路上蓋物業」的原意又與今日有沒有變化? 是次研究專題將會透過回顧過上千頁有關香港地下鐵發展的英國解密檔案，還原70年代「物業帶動鐵路」發展模式的源起及原意，將有助進一步理解現時逐漸扭曲的港鐵發展形態。

▌構思初現：初期鐵路物業的背景與概念

「以地養鐵」更早可以在日本找到相類似發展模式 (Murakami, J., & Gregory, K. I.,2012)，然而最早「引進」香港的來源暫不可考。但從現有官方內部檔案中，可找到早於1970年交通諮詢委員會 (Transport Advisory Committee)提交的一份《集體運輸計劃總報告書》，報告中建議除了計劃興建已設計的4條鐵路路線，並分9期(nine distinct stages) 完成「理想」鐵路系統(preferred system)外，已有提及「發展上蓋物業」的構思。在報告提及鐵路系統的長期發展影響：

”Wherever subway systems have been built experience shows that property and land increase in value. This opens up the strong possibility that a part of the cost of providing station concourses could be met through arrangements which permit the private development of station superstructures and surrounds.”

當年報告所述，由於預視到鐵路系統的帶動下，當地物業及地價將會升值。因而報告提到有很大可能可以容許私人發展 (private development) 上蓋物業去補貼鐵路站的建設成本。值得注意的是，報告除了提出上蓋 (station superstructures)發展外，首次提到發展上蓋周邊 (surrounds) 的發展概念。可見，現時港鐵圈地/上蓋物業發展一早出現在早期鐵路系統構思之中。

70年代還有差點讓鐵路系統觸礁的財政艱難，更清晰定位鐵路中的「物業收益」有何功能。參考早期關於興建鐵路系統的英國解密檔案顯示，早於1972年，香港政府成立集體運輸臨時管理局(Mass Transit Railway Provisional Authority)，打算先行興建較全面、工程單一批予日資財團(Japanese consortium)的早期系統(initial system)，但後來石油危機爆發，日本經濟陷入危機，財團先是提出可否修訂興建成本價格上限由50億為60億，遭到管理局拒絕後則宣佈退出鐵路興建，檔案中可看到港英政府曾一度為此而與日資財團就賠償爭執，甚至有香港主要大班 (怡和除外) 都因財政理由反對繼續推展興建鐵路計劃。

當年港英內部評估1980年代交通系統會超負荷，即使鐵路系統已被日資延遲一年(have effectively delayed the MTR project for 12 months)，連帶物料通賬的財政問題，但卻認為必須「頂硬上」，調整鐵路系統的財政預算、規模以及未來發展方向，於是臨急推出後來實現的修正早期系統 (Modified Initial System)。在1975年一份關於修正早期系統行政局內部文件，港英將會排除必要鐵路系統以外的多餘支出 (eliminate all expenditures not strictly necessary for resultant simpler system)，不僅使整個鐵路規模「大縮水」，同時更建議以溢價債卷(Premium bond)作為融資措施，以及發展沿線上蓋物業(property development on lines)抵消(offset)財赤，皆為確保(safeguard)鐵路在任何情況下的財政可負擔性(the financial viability in any event)，讓減少後規模的總興建成本能夠保持於49億的水平。可見，當初「鐵路加物業」發展的概念是在財政大緊縮的特定歷史脈絡生成，目的為防止鐵路興建所帶來財政不穩定情況的其中一法。

▌立業辟地：港鐵上蓋四小龍

直到1975年，為了確保鐵路系統的財政可負擔性以及應急儲備，集體運輸臨時管理局向政府申請批出四個鐵路上蓋物業的綜合發展權(comprehensive development)。而當時行政局內部討論中，一份十分詳細記錄有關批予集體運輸臨時管理局四個上蓋發展權的行政局文件顯示，最早期物業上蓋發展的具體情況：

—九龍灣車廠上蓋物業(現時德福花園)：

當時除了作為首個利用鐵路車廠上蓋作物業發展的項目，而且亦成為物業上蓋住宅發展的先例，佔地165,800平方呎，打算興建大型屋苑，滿足18,000個人口的住宅需求。

—亞皆老站(即現今旺角站)上蓋物業(現時旺角中心第一期)：

首個非鐵路站上蓋作物業發展，只是相鄰於(adjacent to) 鐵路站，為首個利用鐵路通風樓(ventilation shaft)的物業發展。

—金鐘站上蓋物業(現時海富中心)：

佔地60,000平方呎的海富中心，當時金鐘站上蓋物業批地條例原來有列明非工業用途，包括興建酒店(non-industrial purposes which may include a hotel)。

—畢打/遮打站(即現今中環站)上蓋物業(Pedder/Chater)(現時環球中心)：

當時批中環商業靚地予鐵路公司的理據明顯為商業利益最大化(maximum exploitation of the commercial possibilities)，一來可以善用土地資源(物業建於鐵路站上蓋)，二來物業及鐵路站同時興建，可以減少工程興建時發展阻礙(development disturbance)。

其後地鐵公司分別與恆隆、合和、長實多間發展商共合發展上述四個上蓋物業，作為「鐵路加物業」發展模式的雛型，當時內部估計以上物業收入將會佔地鐵公司總收益的20%。當年批出九龍灣車廠上蓋物業上公頃的市區發展土地，整體政府部門都相當歡迎，認為可以平衡當區公屋主導的房屋格局，與及能夠為該區提供額外設施的機會，甚至具體要求屋苑內有至少10戶1車位的發展條件 (XCC(75)52)。此四幅最早批出的上蓋物業發展，從通風樓到車廠、由單一大廈到綜合發展，已是奠定了日後鐵路物業發展的主要選址方式與發展類型。

▌誰主上蓋物業？

這份行政局文件亦載有早期鐵路用地發展權的重要批地原則(principles to be adopted in respect to land grant to Mass Transmit Railway Corporation)，是還原物業上蓋發展歷史一份重要參照。文件清楚列出，上蓋物業不一定是地鐵公司「囊中物」，鐵路物業發展權是否批出，或批給誰，完全是政府「話事」 (the grant of comprehensive development rights on land affected by railway installations will be discretionary)。

文件亦同時指出，程序上地鐵公司需要先向政府申請(formally apply)批地，政府可以基於實際考慮 (practical consideration) 決定如何運用這些鐵路上蓋用地的發展潛力 (for government to decide on how to dispose of any development potential remaining in the land over and above its Mass Transit usage) 。換言之，港鐵的上蓋發展絕對可以由政府主導及決定，包括根據現時的實際考慮（公營房屋供應長期落後及不足）用作興建公屋，不一定用於與發展商合作興建私樓供港鐵公司利潤最大化。

▌物業收益應急而起

70年代尾，鐵路系統打算擴建至荃灣區。翻查1978年有關鐵路擴建荃灣(Mass Transit Railway extension to Tsuen Wan)的行政局文件顯示，當時除了提及車廠上蓋物業發展的選址爭議外，亦有提及港英對發展上蓋物業的財政原則。物業發展的收入原本並不用作補貼鐵路成本 (revenue from property development was not originally envisaged as being used as a means of financing the capital cost of the railway itself)，而是作為應急儲備及改善現金流(contingency reserve and to improve its cash flow)。而且更補充荃灣車廠上蓋物業發展的剩餘收入，可以用作應對以下4個應急情況：

—抵消「超支」建築成本(offset any excess construction costs)

—抵消收入財赤(offset any revenue deficiencies)

—加速還債(accelerate loan repayments)

—提早鐵路公司對港英政府的投資分股息的日子(bring forward the date when the Corporation begins to pay the Government as share holder on behalf of the public dividends on its investment)

可見，港英多次強調，鐵路上蓋物業收入為確保財政可負擔性(viability)及應急(contingency)，而非像現時政府愈來愈恆常化送地予港鐵興建私樓賺錢。

引述法國城市學者Aveline-Dubach整理地鐵公司至其後港鐵自1980至2016年收入可見，明顯看見90年代末東涌綫及其後的將軍澳線所帶動的物業發展收入比例愈來愈重，已經超越鐵路票務收入，現時每年物業收益足足佔港鐵總收入四成。可見，透過重現當初的批地原意，更能突顯漸走向扭曲的港鐵發展形態，形成尾大不掉之勢。

▌賣樓補車費：明言物業發展利潤補貼車費

港鐵不應用上蓋物業賺盡的討論，亦見於地下鐵路公司條例的立法階段的重要討論。一份1975年討論地下鐵路公司草案(Mass Transit Railway Corporation Bill)的行政局文件，提及鐵路公司需要按照審慎商業原則 (prudent commercial principles)。鐵路作為公共交通工具，不應最大化其投資回報 (maximize its return on investment)，只應賺取足夠(enough)收入作營運開支。

文件亦可見當年政府就發展上蓋物業項目的收益，會清晰公開回應指物業發展可為鐵路帶來的額外利潤，以維持一個「保守的車費政策」 (assist the railway by providing extra revenue to maintain a conservative fares policy）。比起今天已經與物業收益「脫勾」的「可加可減」車費制度，當日港英政府明顯認為物業收益有助更平宜的車費定價。

在40多年前的歷史時空，當初「鐵路加物業」發展模式跟現時已經不可同日而語，發展上蓋物業不論就其發展型態、財政狀況、規劃模式、補貼原意，明顯有其特定的歷史脈絡及原意。是次研究專題透過還原早期興建地鐵的歷史討論，帶出現時不斷被政府吹奏作為「國際級典範」—港鐵發展模式，並不是一套千秋萬世的發展方程式。

參考資料

1971 FCO 40 358 Construction of an underground railway system in Hong Kong

1975 FCO 40 658 Construction of an underground railway system in Hong Kong

1975 FCO 40 659 Construction of an underground railway system in Hong Kong

1975 FCO 40 660 Construction of an underground railway system in Hong Kong

1978 FCO 40 974 Construction of an underground railway system in Hong Kong

Aveline-Dubach, N., & Blandeau, G. (2019). The political economy of transit value capture: The changing business model of the MTRC in Hong Kong. Urban Studies, 56(16), 3415-3431.

Murakami, J., & Gregory, K. I. (2012). Transit value capture: New town codevelopment models and land market updates in Tokyo and Hong Kong. Value capture and land policies, 285-320.

研究自主 月捐撐起最新專研系列：https://liber-research.com/support-us/
FPS ID：5390547
HSBC PayMe 捐款支持：https://bit.ly/32aoOMn
戶口號碼：匯豐銀行 640-198305-001 (LIBER RESEARCH COMMUNITY (HK) COMPANY LIMITED)
義工招募：https://bit.ly/2SbbyT3

本集主題： #國立臺灣博物館 #土銀展示館建築與歷史

　　這次要再一次帶著聽眾朋友去逛博物館，邀請到館方解說員 #陳信鈞 來為大家介紹土銀展示館 的建築特色與歷史文化。

　　土銀展示館前身為日本勸業銀行臺北支店（分行）。日本勸業銀行於1923（大正12）年1月12日在臺北正式成立分行，以開墾、土木、水利及農業資金融通為主要業務，是當時唯一辦理不動產及拓殖金融的銀行。因融資業務拓展、經營範圍擴大，遂耗費鉅資於現址另建新廈，於1933（昭和8）年落成。二次世界大戰結束後，我國政府接收原日本勸業銀行在臺五處支店，於1946（民國35）年9月1日改組為公營的臺灣土地銀行，並以此地為土銀總行。

　　歷經多年使用、數度修繕改建，其內部空間已與1933年落成時大異其趣。1991（民國80）年5月24日，內政部指定本建築物為第三級古蹟（今臺北市市定古蹟）「勸業銀行舊廈」。至2005年「臺灣博物館系統計畫」在行政院、文建會的支持下成案，土地銀行遂與臺灣博物館合作，由臺博館負責古蹟修復及後續營運管理，並定位為「自然史博物館」。

　　從勸銀到土銀，這座厚實穩重的銀行建築物歷經70餘年歲月，在2009年底蛻變為博物館後，不但得以延續過往的榮光，更成為臺灣的金融史、經濟史、建築史、工藝史以及博物館發展的具體實證。


請大家支持，我全部六個粉絲頁
李基銘主持人粉絲頁：https://www.facebook.com/voh.lee
李基銘的亂亂分享粉絲頁：https://www.facebook.com/voh.happy
李基銘的影音頻道粉絲頁：https://www.facebook.com/voh.video
漢聲廣播電台「fb新鮮事」節目粉絲頁：https://www.facebook.com/voh.vhbn
漢聲廣播電台「快樂玩童軍」節目粉絲頁：https://www.facebook.com/voh.scout
漢聲廣播電台「生活有意思」節目粉絲頁：https://www.facebook.com/voh.life

台北市土銀展示館前身為日本勸業銀行臺北支店（分行）。日本勸業銀行於1923年1月12日在臺北正式成立分行，以開墾、土木、水利及農業資金融通為主要業務，是當時唯一辦理不動產及拓殖金融的銀行。因融資業務拓展、經營範圍擴大，遂耗費鉅資於現址另建新廈，於1933年落成。二次世界大戰結束後，我國政府接收原日本勸業銀行在臺五處支店，於1946年9月1日改組為公營的臺灣土地銀行，並以此地為土銀總行。歷經多年使用、數度修繕改建，其內部空間已與1933年落成時大異其趣。1991年5月24日，內政部指定本建築物為第三級古蹟（今臺北市市定古蹟）「勸業銀行舊廈」。至2005年「臺灣博物館系統計畫」在行政院、文建會的支持下成案，土地銀行遂與臺灣博物館合作，由臺博館負責古蹟修復及後續營運管理，並定位為「自然史博物館」。從勸銀到土銀，這座厚實穩重的銀行建築物歷經70餘年歲月，在2009年底蛻變為博物館後，不但得以延續過往的榮光，更成為臺灣的金融史、經濟史、建築史、工藝史以及博物館發展的具體實證。
台北探索館Discovery Center of Taipei位於台灣台北市。它除了在探尋台北市歷史文化的軌跡，了解現今台北的人文、社會及各項藝文生活資源外，另外也在使民眾了解台北市的重大公共建設發展及與國際交流互動的情形。該館目前位於台北市市政大樓門廳右側。早期是臺北市政府新聞處所屬的市政資料展示館，成立於1994年；而後於2000年做更新規劃，並予以重新定位，使其具有兼負社會教育及市政宣導雙重職責，並提供蒐藏、研究、展示、教育及休閒等功能，以推廣科技教育、歷史教育、藝術教育及市政建設成果。2002年5月，台北市政府市政會議通過將「市政資料展示館」更名為「台北探索館」；台北探索館於該年底正式完工啟用，號稱台灣第一座城市博物館。

更多新聞與互動請上：公視新聞網 http://news.pts.org.tw
PNN公視新聞議題中心 http://pnn.pts.org.tw
PNN 粉絲專頁 http://www.facebook.com/pnnpts.fanpage
PNN Youtube頻道 http://www.youtube.com/user/PNNPTS
PNN Justin.tv頻道 http://zh-tw.justin.tv/pnnpts