#gfmurmur6032(part1) Ps 超長文 我係一個天蠍座女仔，佢係雙子座男。大家都一直係同學，唔熟，直到4月幾5月exam，大家成班一齊開始溫書先開始熟絡。同佢一齊溫書，食飯，散步，我發現佢身上有我冇既天真，樂觀，有多嘢我苦惱左好耐，佢一句就解決左我既煩惱，亦都令我覺得佢好charming。佢成日話自己宅，但係又好sporty。(其實我仲宅過佢，仲係一個隱形既8年韓飯，暑假除左中午同阿媽食飯跟著送佢返工，我就直接返屋企睇劇/睇書/去圖書館睇書睇到閉館)因為我地個科多男仔，我有問題唔識就會問人，佢個日就會唔出聲，嬲足成日。我之後經我個fd提點下之後，唔識就問佢先，我數學吸收得慢，佢又會慢慢解俾我聽，到佢真係唔識，我先問佢，話禁我可唔可以問其他人？考試到尾，我地兩個用電腦睇動漫，有其他同科同學一齊搭枱坐溫書，佢會不自覺地挨好近我，但係個時其實有好多位，人地坐我地對面，唔係隔離。(其實我個下真係個心跳得好快。。。但係又扮冇嘢😑) 重點佢連我既飲食習慣都記得。。。正常朋友都未必記得拉，雖然我閨蜜就知。我懷疑我幾時m黎佢都知。。。 之後我有次探佢口風，問佢點解之前個段情過左禁耐仲未搵過新女友既？佢既意思係話:前個段太深刻，ex改變左我好多習慣(eg:飲食習慣)，到依家都未改得返。禁其實我就冇咩所謂，如果呢個習慣令你舒服，令你開心既，禁唔改又有咩所謂？例如:飲凍嘢禁，飲完會覺得身心舒暢既，禁點解要改？ 禁exam 完左，大家都冇返學，禁都有間中whatsapp下，因為我習慣 sem break 就去做運動，做運動冇伴又係好悶，禁我咪搵下啲有運動細胞既同學一齊囉，禁我地兩個做完運動都坐係度傾計，跟著一齊食飯，食完飯佢就會帶我去散步。。。 之後有一次我要借ielts 既書，禁自己公共圖書館張卡借爆左，係我個區相關既書又唔多，佢個區會多啲，禁我有次就同佢約好左係佢屋企附近既圖書館幫我借書。我係圖書館等左佢3個鐘，佢一句whatsapp我閉館前黎唔切拉，我到閉館都借唔到書，我白手就禁返左屋企(係九龍東返到新界西)。之後我就足足成個幾月到開學都冇搵佢(個下真心有啲嬲😑) 禁開左學禁耐，我又冇特登避佢，係大家冇一班夾，上堂唔會見到。禁跟著有次想問佢啲ielts試真實情況，因為最近佢考過2次，而我又就黎第一次考。跟著佢同我講佢阿媽叫佢考全7😳。真心。。。考一次ielts要成$2000，我考一次係阿媽俾錢都覺得肉赤，你仲考2次，仲要全7，如果唔係出國留學，邊洗全7呀，香港都係overall6.5姐。我估佢就要出國既。一係就佢暪住我，一係就阿媽全權負責，得呢個可能性。 跟著近呢半個月，佢就好主動揾我，會主動同我傾計，我個日係學校電腦打緊功課，大家趕緊deadline 既時候，我feel到佢係我後面望左我好耐，之後我隔離同學行開一陣有位坐，佢又坐過黎望我打咩。之後我有日我上上下堂走左去影印，去print 合約簽名send返俾人，去confirm 留學住既apartment 拉。之後佢唔知點解就成個人彈出黎😥真係嚇鬼死我，我冇同任何同學提起我下學期就會去外國讀書，跟著禁我咪扮得好自然囉，佢問我做咩，我話簽合約囉，之後有頁合格簽錯名，走去printer到再印過，佢就望住我份約，我好sure個份約既地址要係好熟個個國家先知係邊，因為淨係寫省名，街名姐。 個晚佢突然間whatsapp我😱(識過禁耐得我主動whatsapp佢) 叫我聽日陪佢去揾老師。。。突然做咩拉我落水。禁我個下唔知痴咩線心軟咪應承佢陪佢去。跟著第二日佢一早收到老師電郵，我落堂佢係直接打電話話已經收到電郵，但係文件格式錯左，開唔到，返學校整，仲話等埋我一齊搭車。。。禁我個日落左堂要去葵青有嘢做，禁唔順路禁就拒絕左佢。到我去到葵青食緊飯既時候，佢就打黎，問我係邊，我咪答佢係葵青食緊飯，佢話:禁我好冇過黎掃街呢？你食左幾耐？我話:下😳我岩岩開始食，但係已經食左半碟拉喎。佢話:禁我好冇過黎揾你呢🤔。。。(跟著就係佢係度選擇困難症，而我成功勸到佢唔洗黎揾我既對話) -- #hkig #couple #murmur