冇寫新嘢，又Po舊嘢～
————————————
【你的鼻環是如此的難以忘記～】

兩個問題：1.梁朝偉唱歌好唔好聽？2.梁朝偉戴鼻環好唔好睇？

1.瀟瀟灑灑的給我瀟灑的相機——吓？相機？相機點瀟灑法？
2.Oh I’m so sorry，不是「相機」是「上機」。這一句來自梁朝偉名曲《一生一心》。
3.唔知點解地，梁朝偉唱歌總是令我感到怪怪哋。像他第一首名曲《朦朧夜雨裡》，每逢唱Live，硬係覺得他入慢了半拍或四分一拍——總之就慢咗啲啦，但聽得多，又覺得，入慢咗又點啫？好大問題咩？冇計，因為唱的是偉仔。我自細就鍾意偉仔——全因《新紮師兄》的杰仔。我不知怎樣形容當年《新紮師兄》給我的震撼，而我萬料不到，梁朝偉唱歌給我的震撼，竟然是《新紮師兄》的十二萬倍。
4.嗱嗱嗱我唔似其他人咁，覺得梁朝偉唱歌難聽，我只是覺得怪，一種好難形容的怪，一種愈聽下去會慢慢習慣甚至迷上的怪。
5.怎樣才算唱歌好聽？曾幾何時，有人把喉核好似有靈性咁識得郁上郁落，視為唱歌好聽的附帶表象；也有人認為，唱歌稱得上好聽的歌手，就是無論聽錄音帶 / 黑膠 / CD抑或現場，佢把聲都要一樣。以上，一概被統稱為唱功。
6.那麼梁朝偉肯定冇乜唱功。我好似從未見過他唱歌時喉核會生性地郁上郁落。而聽他唱現場，又同錄音室版本唔多同（例如唱《朦朧夜雨裡》硬係好似入慢咗）。
7.離奇是他在上世紀90年代出過多張專輯。不計1993年的粵語精選《難以忘記的你》，同年就先有張國語大碟《一天一點愛戀》（係呀，一個被認為唱廣東歌都唱不好的人竟然挑戰國語歌）；跟住，1994年，《重慶森林》上映那一年，直情出夠三隻你歎，《一生一心》、《為情所困》、《日與夜》（《一生一心》是EP）。而自小就鍾意偉仔的我，自然三隻買晒！尤其愛《一生一心》和《為情所困》——歌暫且不說，單是封套已經無可抗拒！《一生一心》上的朝偉大頭，幾執頭髮在有點偏色的情況下，有意無意間垂在他雙眼之間，心心眼！《為情所困》，不玩大頭，玩一格格電影菲林，格內除了他，還有周嘉玲——兩位就像在重演《重慶》中的激情，心心心心眼！我可以好大膽咁講：即使以今時今日目光去看，這兩個封套依然經典，依然贏晒市面上九成廣東專輯封套（嗰九成簡直完全喪失美學觀念的核突嘔心示範）。
8.咁，啲歌呢？Well，歌曲本身，其實都是很典型的中慢板情歌套路，但全仗朝偉的深情和深情及深情，每一首，都被Add了無盡的深情Value，明明再直白再冇嘢的一句歌詞，由他去唱，定必化成情深的一句：《為情所困》的「這一生為情所困 / 只為當初妳的心太真」（你睇，強如朝偉都會為情所困！）；《一天一點愛戀》的「一天一點愛戀 / 一夜一點思念 / 給我一句真的誓言 / 讓我可以期待永遠」——把聲已夠深情，睇埋個MV，全程就咁影住朝偉獨坐木凳，Keep住把不羈的髮Fing來Fing去，有時又含吓條頸鏈……最後，望住你，甜笑，完。連性好AV的我也被打動。
9.要唱Live時，朝偉就以一身當年的我難以名狀的時裝風格示人（後來才知道源自Grunge），而最最最最最最最最最最最最勁的是：他．戴．鼻．環。今天回看，你或者會笑，但在當年，是多麼的出類拔萃驚世駭俗——連四大天王都冇個敢戴。可以說，90年代的朝偉以歌聲和衣著（別忘記他還有著裙！），創造了一個只有他自己才Carry到Handle到的歌手形象。前無古人，也應該後無來者。
10.回到一開頭兩個問題。1.好聽。好聽不基於喉核識唔識郁呢啲門面嘢，而在於看不見的感情，我們是聽人唱歌而不是聽Machine唱歌。2.好睇——肯定比你同我以及大部分男歌手戴得好睇。

（戴鼻環相在留言。）

【#4X相識 影展】1969《燒肉粽》X 2019《燒肉粽 2019》
　
首度看到片單時，相當納悶六十年後的創作者又會如何連結一代人之後的故事，卻怎麼樣也沒料到，蔡淑臻這一場與父親分不清夢境與現實、分不清回憶與當下的戲，讓人瞬間紅了眼眶，巧妙地運用前世今生，串起 60 晚期的台語通俗劇與今日社會屢見不鮮的家庭困境，陳定寧導演以極為高明也扣人心弦的算命過程，從父親雨夜裡獨行的身影，瞬間將觀眾吸入辛奇導演那苦情而悲慘的《燒肉粽》黑白時空。
　
郭金發的歌聲相信多數人皆不陌生，但 1969 年同名電影上映時，劇中版本其實是由劉福助與僅僅 11 歲的陳淑樺所演唱，反應戰後台灣經濟貧困狀況的知名歌曲至今仍未曾消失，成為大眾對消逝時代的一塊記憶歲片。《燒肉粽》故事源自當年一起社會風波，單親父親帶著兩個年幼的子女以及一個還在襁褓中的嬰兒獨自生活，爸爸好不容易謀得一個穩定工作，卻不幸受傷骨折，屋漏偏逢連夜雨的他們靠著好心鄰居伸出援手，以及兩名早熟懂事的孩子瞞著父親設法賺錢才撐過最艱困的時候，但隨著爸爸從醫院返家，尚未痊癒的手依然無法從事勞力工作，因此也只能暫時打打零工貼補家用，沒有太多選擇，一日，卻意外在自家附近深夜巷弄裡，撞見年幼女兒也正在沿街叫賣燒肉粽，讓人萬般不捨。
　
此場放映，藍祖蔚老師與《毋甘願的台灣電影史》的作者蘇致亨也來到影廳舉辦映後座談，就電影的時代背景與歷史意義延伸討論，深覺獲益良多。他們介紹道，以現在的目光來看，辛奇依然為一個超越時代的導演，從戰後就開始投入台語作品的多樣創作，光是 1969 這一年就拍出十二部電影，然而那時卻已面臨了台語片的末期，該年是黑白台語片與彩色國語片的黃金交叉點，其一在於政府只獎勵拍攝彩色國語片，台語片無法獲得補助、外銷機會、日片發行配額，其二在於全球電影技術的轉型讓黑白底片難以取得，也因此台語電影逐漸消失。而上映時打著「台語最動人家庭倫理香豔刺激大悲劇」的《燒肉粽》一開始取名為《脫褲風波》，來自於拍攝前一年發生的社會新聞「高雄法官脫褲事件」，當事人各執一詞，也在當時掀起不小的輿論熱潮，但由於電影檢查處不允許如此有礙善良風俗的片名，才更改為後來台灣觀眾並不陌生的《燒肉粽》。
　
本片一開始嚴格來講有些許裸露鏡頭，但在光影的巧妙運用間其實根本看不出是裸露或有穿著衣物，蘇致亨於書中提到，早期許多片商也刻意將片名取的帶有情色感，為的是希望吸引有興趣的客群前來觀賞，顯現出類型上的混雜，讓台語電影與異色電影幾乎劃上等號，也引起當時議員的撻伐，因此教育部明令：「今後不准使用鄙俗的地方俚語做為片名，應改用國語名稱，同時不准以『成人電影』等字樣誇張宣傳，以求台語片的淨化」，卻相對忽略了這些創作者之中也出現了思想前衛、注重影像藝術也具有革命性的導演，例如辛奇與其《危險的青春》。
　
《燒肉粽》一類皆大歡喜的結局都給人輕輕放下之感，你會看見六十年前說故事之人有突破的一面，也有保守的一面，無孔不入的父權思維仍處處滲透當時的藝術創作之中，如實反應我們共同走過的進步歷程，觀念會變，時代會轉型，但父女關係卻足以穿越時間與空間而存在，而延續，更不禁為之動容。如果近期有時間，也請別錯過「4X相識」接下來的全台巡迴場次，台北、台中、高雄、嘉義、台南與花蓮皆有放映計畫，看一看屬於我們台灣電影的修復成果，主動開啟不同世代之間的對話，詳細資訊可以參考 國家電影中心 Taiwan Film Institute 專頁。

2017-10-06 Metro Daily Hong Kong《都市日報》

享受音樂 無懼上落
#蘇永康 甘心做期權

蘇永康過往予人的形象是愛玩、喜歡夜蒲的大男孩，但原來經歷第二段婚姻的他，早已修心養性，悟出如何成為一個大男人的道理，明言「八九十後的小朋友有好大進步空間」的他，更有一套培育小孩的哲學，甚至希望兒子將來可以「當兵」。Prof J形容「堅離地」的蘇永康就如股票期權，每逢觸及人生低位，看似快要跌穿「行使價」的時候，都會出現一首金曲，以槓桿效應將他的事業再度推上高峰，亦為他的支持者帶來驚喜。

Y=朱明銳
PJ=徐燦傑
S=蘇永康

Y：今日好開心，我同Prof J見到老友，恭喜先！
PJ：恭喜佢咩嘢先？
Y：新晉爸爸！
PJ：同埋出咗隻新碟！
S：多謝多謝！
Y：蘇永康都唔使多介紹啦，我哋等咗呢個訪問好耐喇！
S：我都等咗你哋嚟訪問我好耐啦！
Y：蘇永康以前係一個大男孩，鍾意玩、鍾意着靚衫，但有小朋友之後，真係時刻關心個小朋友……
S：大家知道，我經歷過第二段婚姻，會更加珍惜人與人之間嘅關係，而當有咗小朋友之後，更加感覺到人嘅責任重咗，但當然，用責任二字，負擔係沉重咗，正如李宗盛嘅《最近比較煩》，佢話家庭係一種最快樂嘅負擔，而家可以講，係我人生中最開心嘅階段。
PJ：我之前一直都有留意蘇永康嘅演出，最新呢隻碟，都好俾到真男人、家庭男嘅感覺，之前阿公(蘇永康)形象好似花弗啲。
S：以前係，但而家飲酒個Quota無咗，唔係醉嘅問題，而係第日會聲沙。
PJ：而家既然家庭為先，有無好好培訓小朋友第時接你衣砵先？
S：好多人話，小朋友兩三歲會知道佢開邊瓣，即係有咩天賦，暫時嚟睇，佢對音樂係唔抗拒嘅。視乎聽咩歌，聽陳百強，佢ok；聽草猛，佢又ok；聽我嘅歌呢，就開始眠㗎喇……
PJ：哈哈哈，呢個聽你提過。
S：聽Light jazz，又好似無乜大反應，總之就唔抗拒，但又咁講，我覺得永遠唔好將自己喜歡嘅套入去小朋友度。我自己媽咪好好嘅，到而家都仲係成日問要唔要參茶呀咁？反而我自己就好想個小朋友早啲出去飛，我覺得小朋友確係要有對翅膀去飛，其實我好想佢當兵，哈哈哈！因為而家啲八九十後，好似有好多改進空間咁……
PJ：點止改進空間，直頭係有排執啦！你隻新碟《Love From the Last Century》入面都係一啲舊歌嚟，好似《心債》、《對你愛不完》，都係翻唱別人的歌；而家好興重新灌錄以前嘅大碟，你未來會唔會考慮，例如經歷咗人生心態上嘅轉變之後，重新演繹一啲你之前嘅作品？
S：我又唔係太大興趣去翻唱自己啲歌，但係如果你翻查歷史，你會發覺我有鋪唱人哋歌曲嘅癮。Mark Lui(雷頌德)大家知道佢咩都試過晒，係第一次製作Hi-Fi碟，Wyman(黃偉文)好好，連Slogan都同我哋諗埋，叫「上世紀的情歌」。
PJ：阿公其實都係一位好識市場學嘅人嚟㗎喎，有無諗過做生意呢？
S：好多人都叫我去做Fashion，但內人正正就係做時裝嘅，咁我哋好清楚，時裝最重要唔係眼光，係計數，同埋力不到不為財嘛。至於市場學嘅計算係要嘅，例如去美國登台，西岸較喜歡國語歌、東岸仲係睇緊《壹號皇庭》，咁歌曲編配又要就返。
Y：Prof J你仲未用一隻股票來形容阿公喎……
S：我係仙股啩？
PJ：唔係！一定唔係！我覺得阿公似期權，低位啷住，好似阿公唔同年代都有金曲咁，例如《那誰》、《越問越傷心》，搵到自己位置。
S：呢個真係我成日希望做到嘅嘢來，我好喜歡「笑傲江湖」四個字。

貼地經濟小測驗
蘇永康係火星人？

每一次《娛樂 ‧ 經濟學》，我哋都會問受訪者幾個與理財及經濟有關的問題，看看藝人們的「離地指數」有多高。蘇永康在五條題目當中僅答中一條半，是因為題目太深，還是他已離地至火星？

Y：香港政府提供幾多年免費教育呢？
S：係咪9年？(答案：12年)
Y：自訂車牌最少要畀幾多錢？
S：三千蚊起跳啦！(答案：五千元)
Y：好！音樂題，再唔識就抵打啦！C.A.S.H.代表咩機構？
S：我淨係知幫我哋收錢……香港作曲作詞人協會！
(一半正確，準確答案為「香港作曲家及作詞家協會」)
PJ：你有小朋友㗎，你知道如果想帶小朋友去迪士尼，應該坐邊條綫？
S：東涌綫？(答案：迪士尼綫)
PJ：呢條你應該識，你新碟都有呢首歌，《朦朧夜雨裡》嘅作曲人係邊位？
S：鍾偉強！(正確)