［今日寫呢啲］ 點算好？有乜點算好。葉念琛話齋，the best plan is no plan！

TLDR：港股廢，美股貴。不如日本股？「其實有啲又貴又廢」

＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

係喎，而家買埋日本股。喂香港8點開市喎，然後冬令美股就5點收。「咁你咪唔使瞓？」。傻啦，好多時我瞓到香港收市都未起身！

有啲人以為要「睇住個市」，係唔使的，至少我唔使。我做分析員早期，未有埃瘋，我甚至係股價都唔睇的。好似頭文字D定極速傳說咁，個儀錶板都拆埋！人要勁過車嘛！唔好畀個股價帶住你行。

不過而家買日本股就要早啲起身，因為香港2點就收市。

係喎，今日就買！買唔切就星期一買，唔得就星期二！唔爭在一兩日。但總之會買。名單都有埋，星期六Patreon專題會公開

都揀咗25隻，「但邊買得晒」，因為日本股要100股咁買，咁任天堂之類，40萬港股一手。「唔係冇40萬但唔會咁買」，雖然有ADR，所以咪要度下先．星期六Patreon專題會分析，但只係片面，25隻股呀，一隻寫100字你都嫌長啦。咁你計下100字，扣除公司名（中文日本英文）同埋冧把，仲有幾多隻字？

但真的，星期六Patreon就公開埋嗰25隻日本股。垃圾倉2.0（日本冇垃圾？），但不能每隻3000港紙

你見要講日本，證明其他嘢都冇乜好講。騰訊夠晒慘烈，但我係悲觀嘅樂觀者。2018插一半都係咁啦（今次都差不多），之後咪又升幾倍。「今次唔同」。刁，真係由2004年我做金融，每一次啲友都係咁講。

你話港股好差？今年不過跌6%，同美股歐股日本股梗係好差，但你話世界末日？大把更差嘅年份啦。奉旨要贏錢？

你話買科技股買國企指數唔止輸6%，刁，呢啲就你個人問題啦。你鍾意all in嘛，咪all blood，關人春事。我啲港股輸少過6%添，況且仲要有美股。「仲有ASML LVMH 愛馬士呢啲歐洲嘢」

至於騰訊會點？唔知，唔想知。我好奇怪點解你覺得自己會知。呢啲咪我早兩日寫文講，唔易睇得出嘅極度自大咯。點解你要覺得自己乜都有諗法？承認自己唔識，真係咁難（我日日都話自己唔識tech架，不過ASML日日新高）？好多嘢控制唔到，集中去睇啲你控制到嘅嘢吧。

恒大？答案一樣。爆唔爆煲？唔知，唔想知，關我乜事？點解你覺得自己知？

況且，「爆煲」都有好多種，死還死七孔流血還七孔流血，海航爆咗煲未？港航又爆咗煲未？國泰呢？你啲網友個個都話中國爆咗煲添。但我只知道上證指數而家升到今年高位（你冇睇錯）。

我搞呢個Patreon，最開心嘅，就係卒之可以唔使唔識扮識。講真的，返工或上電視就不能咁啦，點都要唔識扮識．講過啦，因為呢個世界係獎勵啲唔識扮識嘅人嘛，你條肥仔上電視隻鳩隻都話唔識，節目導演下次都搵第個啦。打工亦係，個客嚟問我老細嘢，佢梗係彈畀我（因為除咗佢睇嗰行，佢真係乜七都唔識），咁我答唔識，佢又覺得我廢啦。

咁我當然係玩唔識扮識—咁我先可以搵夠錢，脫離呢個遊戲嘛！我在Patreon就唔會同讀者咁虛偽！因為讀者真金白銀支持我嘛。你見好多人嚟問我邊隻邊隻點睇，我都答佢我唔知。

做乜去討論恒大？爆又點？你瞓身沽空港股？唔爆又點？你瞓身買？我又冇買恒大，又冇叫過你買，關我乜事？

咁至於你啲網友話骨牌效應呀乜乜，冇量化嘅，講乜都係廢話。我咪幫你計下數，Patreon有講。

但，畢菲特嘅名句，Ships will sail around the world, but the Flat Earth Society will flourish

邊鳩次唔係乜都講到骨牌效應，一間爆一百間爆然後核戰全球冚球鏟？蘇伊士運河塞咗架船又全球供應鏈中段，韓仔基金爆煲又銀行唔掂，負油價又頁岩氣公司爆煲銀行唔掂。我話你知銀行好撚掂，你顧掂自己先啦。

美股嘅，連跌4日嘛，但都未夠1%。Patreon入面有講，今年高位最多都係跌過4%，你可以睇下歷史上有幾多次係咁。係咪好事？你係fully invested 咪好事。但你話等調整等等等，咪你嘅事

然後，不經不覺美股見底都一年半，標指低位升咗100%。但你話已經過籠？咁Patreon入面有話你知，一個牛市可以升幾耐，同埋可以升幾多

幾時都話，人太過短視，無限放大咗呢刻嘅波幅，但又睇唔到長遠嘅走勢。

最後，兩隻美股。講明先。冇！叫！你！買！ 我都冇買。咪到時輸咗錢又嚟嘈（雖然就算我叫你買，輸咗錢都唔使嚟嘈的，因為我好似冇拎支槍指住你，亦冇因為你買嘢要有佣收）

先講LuluLemon，應該好多人知個故事。我都好早知間公司，香港未開已知，仲要係個阿叔話我知的。咁而家梗係易估，個個WFH嘛，啲瑜珈褲 六七舊水一條，食水極深。剛剛個業績勁爆，一出業績升10%

但有時又唔係咁簡單啦。彼德林治呢套「生活搵投資點子」嘅東西，而家難咗好多，因為資訊太發達。

特別潮牌，好睇唔好食，你睇Under Armor 而家股價只係高位一半，A&F亦都係。LuluLemon過去5年升500%，但今年其實大幅跑輸大市。點去捉？Patreon入面講了

Accenture嘅，近排被爆料有個好正點嘅業務（雖然唔係咩秘密），幫啲科企執屎，好好搵的。唔通科企啲工程師自己執咩，又總不能請啲南亞仔做全職畀佢地同啲工程師一齊在飯堂食壽司嘛。聽落冇乜技術含量，都係搵啲南亞仔，但，你又諗下在科企嘅角度，畀多啲錢唔緊要，但最緊要做得好睇，唔好有手尾，所以你細公司好難拎到生意。另外，雖然唔係火箭數學，但你要搞掂成班南亞仔，唔好爆鑊，都真係唔係咁易。

有幾好賺？就Patreon講了
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

與餓的距離跟泰國一樣遠😭
海這端我思念的心好糾結!!
日夜不開勳都是因為想念~~

今天想要來點泰式料理
👉那就來份泰式打拋雞雞拌麵
那個打拋那個辣真是正點!!!!!
困在台灣的泰粉感動流淚😭
還以為我真的回到了Thailand😍
#我愛泰味
#像極了泰國
#裝一下總可以吧
#偽出國
#泰國解鎖
#泰式打拋雞拌麵
#日韓泰異國美食
#7eleventw

［50日升四成，果然有危有機］又係嗰句，大把人牛市都未賺到四成啦。仲拗乜鬼熊市反彈定真係牛市？當然係data mining，但好過啲友mine都mine唔到齋吹唔做

1. 上個post講咗香港。5月22 號講到世界末日嘅嘢，7日唔夠已經收復返晒。

2. 同一道理，唔止講香港。你睇美國？又乜乜又物物，幾千萬人失業，N咁多人死，幾次熔斷，幾次史上最大跌幅，失業率狂升，GDP講緊跌三四成。3月尾我同人講「真係大鑊得過金融海嘯？」，呢度（係！甚至係呢度）啲十年唔出聲嘅屌到我七彩，話今次唔同喎，好多人死喎（https://bit.ly/2U7zibt）。

3. 係呀，真係好多人死。AND？

4. 最近呢50日（正係見底後嘅50日），標普指數反彈40%，係史上最強嘅50日升幅。果然「今次唔同」，「今次好大鑊」—沽空嗰啲。

5. 當然啲網友唔使擔心，因為佢地只會口講，唔會走去拎三百蚊去沽空。哪怕係買過三百蚊嘅，下次都冇咁大聲。因為在茶餐廳睇波嘅阿叔最醒，所有調動都係完美的。

6. 「升咗咁多咁仲有幾多水位?」「係呀，貴咗好多，升咗40%你先追，就梗係大啲風險。咁你3月又嚟屌我？」

7. 你見我攻擊啲淡友，其實不然。市場幾時都有人睇好有人睇淡，況且正係咁先有交易，先有流動性。你睇每一tick嘅股票交易，每一tick嘅外幣交易，都係有人睇好有人睇淡先有交易。否則港交所而家300蚊，你覺得值400蚊，我又覺得值400蚊，人人都覺得值400蚊，就唔會有trade．

8. 結論？永遠都係Greed and Fear．升嗰時又升過籠，跌又跌過籠。公司都係嗰間。以香港為例，得罪講句，有冇國安法，騰訊會賺多咗賺少咗幾十億？定中移動要多啲開支去捉人？

9. 哦，信心。咁你而家咪睇到，市場個信心係點咯。市場係由咩人話事？係你啲網友？埃汾唔係大戶，唔係基金經理。但至少同行外人比，我會比較知佢地諗乜，睇乜。

10. 咁你話，唔係喎，肺炎咁封城，酒店真係賺少咗。係會的，唔止賺少，分分鐘執笠爆煲添　—所以3月咪跌到七彩咯。但唔係到你而家先仲去諗，喂，酒店會爆煲喎，沽空佢先。股價反映消息同預期，極快。

11. 當然要低位撈到高位走到，近乎不可能，否則發咗達。但都係嗰句，至少你做到唔好高位追低位打靶。謙卑啲，唔好當自己乜都識。覺得唔叻嘅（好似我咁），咪月供指數，或者買大公司Buy and Hold 咯

12. 係呀，有風險架。落街買飯都有風險，點算？做愛都有風險，生物老師好認真咁同我地講，唔做咪冇風險。

13. 但幸好我地嘅祖先，並冇因為「有風險」而唔做愛。有嗰啲悲觀基因嘅，咁多年演化後，應該係絶晒種。

14. 咁做乜仲有啲乜都好似好悲觀嘅人，仲未絶種？舊文第17點講過了。嗰啲人只係口不對心，或者虛偽。覺得港紙爆煲嘅，做乜唔搵老細安排美金一折出糧？覺得星期六核爆嘅，仲約人下星期食飯？即係睇好股市嘅，當然要買（例如埃汾）。咁，覺得爆煲嘅，點解唔沽空？Skin in the game 嘛，套戲咁正，點解Nicole Kidman自己唔剝衫，而去點Meg Ryan 去剝（https://bit.ly/2Y2uXHL）？

15. 在金融市場打滾多年，我做過出份糧嘅從業員，自己炒過，投資過，開過班教人，寫過文，做過分析員。肯定嘅係，金融市場最迷人嘅地方，係錯咗會有代價。當然有大有細。出份糧做從業員，睇錯冇事嘅。公司做刁拿，炒錯一兩次，都冇事嘅，公司錢之嘛（長期當然就會畀人炒魷）。但自己落場買嘅（炒又好投資又好），最現實，睇錯，會輸錢嘛。No room for 鳩up

16. 所以啲友係唔會落場的。因為一落場就會prove them 柒，仲會輸錢。企定定指手劃腳就最好。升就阿爺托市咋下星期就跌挑升千幾點你出嚟認屎認屁CFA好叻呀分析員好叻呀買咗樓好叻呀識寫文好叻呀？跌就拿我都一早預咗啦等啲財演仲唱好害人不過我自己冇沽架因為我唔重視物質咯唔似你咁撚市儈所以寶寶一早乜都知但寶寶不說。

17. 其實如果咁就滿足嘅，個人都幾易快樂的。可惜我都係鍾意有幾億身家多啲。

18. 係呀，真係有風險架。你點知下星期唔會解放軍屠城？係喎，有可能架。但其實如果咁諗嘅，根本過去23年你都唔會買任何香港樓香港股票。然後你今日就會好幸福？

19. 當然你23年嚟一路買美股嘅，就梗係叻。但根本嗰啲人就係唔會咁做的。因為可能會核戰架嘛！你點保證唔會？係有咁嘅風險架喎。

20. 事實係喎，咁你點判斷呢啲風險有幾大？又唔係教科書嘅畸屎。搵日再寫文，但教你一個好簡單嘅法則：你睇下講嗰條友，嘅track record，同埋睇佢係咩人咯。茶餐廳阿叔咁撚好波嘅，做乜美斯仲可以呃飯食？

21. 你嘅人生，除咗你嘅基因外，就係你一連串決定嘅後果。成撚日做錯決定嘅人，係睇得到的。你身邊係咪總有啲去到邊度都係畀同事針對嘅人？係咪有啲總係遇到賤男嘅女仔朋友？或者總係遇上仆街港女嘅男仔朋友？總係有原因的。點解你成日畀人中出即飛？因為你唔叫佢用套咯。點解你成撚日畀女呃錢？因為你畀錢佢咯。

22. 都仲未講，金融資產（股樓金匯都係），仲有一樣最難搞嘅地方，就係價格。

23. 呢度嘅讀者見我寫好多次，應該都知基本法則：業績冇所謂好定差，只有好過預期定差過預期。明白呢樣嘢，就知道點解有時啲公司業績勁爆都照跌，或者盈利大跌都照升。

24. 呢個想法可以推而廣之去到其他嘢。例如都寫過好多次，之前你見美國啲失業救濟數據，好恐怖的—但就正係最恐怖嗰個星期股市見底。之後再幾百萬幾百萬，又如何？失業救濟4月勁升，但股市3月就狂瀉啦！唔會等你出數先。正如你而家先講第二季經濟會點差點差，who cares？3月嘅環球股災咪就係反映咗第二季經濟點差點差。而家係睇緊第三季點反彈（所以，如果呢排有線索見到個反彈會太冇力，可能就會跌架啦）

25. 啲咩內幕，去到你都知，仲會係乜內幕？乜都反映晒啦。咁點會有價值？真係要等政府宣佈你先知失業率高？要等國泰出業績你先知蝕錢？

26. Bonus：話埋你知，以往咁多次，50日升到兩成以上嘅，好多時都係大牛市嘅開始，打後6個月12個月都仲有不錯升幅

27. 係喎，歷史之嘛，唔一定重覆架。包生仔咩。有風險架，唔好買丫。不過其實唔買都係有風險。根本做人就有風險。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。