當這個世界以我們的人工，地位，權力，富有的程度作為快樂指標的時候，到底快樂的真諦是什麼呢？ 為何一個遠在不丹的國度，不是以GDP作為指標，而是以國民幸福指數作為快樂指標，為何一個不發達的國家卻如此快樂？ * * 不丹有一坐全世界十大的佛寺—虎穴寺，是不丹最神聖的佛教寺廟。虎穴寺的路程全程都係上斜，位於海拔3,100 懸崖上， 虎穴寺的險要，你行完全程就明白什麼叫「不入虎穴，焉得虎子」。 我本身行山都係廢，導遊評估過我們的情況後，決定凌晨五點集合，早上六點開始行山。在清晨的迷霧裡，前路亦看不清，只看到導遊不斷前行的背影。 * 我在背後跟着導遊，每一次上斜坡，我都氣喘如牛，明顯就是體力不及。 我：「呢度都幾靚，不如我地停低影相？」 * 導遊：「你2 分鐘前先影完相，個風景都係一樣喎。」 * 我：「你唔明啦，香港人要take a rest，係唔會直接講出嚟，我地會講how about we take a photo。」 * 我邊氣喘如牛，邊問着心中最好奇的問題：「但對不丹人嚟講，到底咩係快樂？」* 他：「 快樂就係我們有一大片的樹林，雖然我地唔富有，但我地可以自給自足。即使國家對外開放，但我地會保護我地環境和文化，免於其受傷害。我們有自己的精神信仰，整個國家都不殺生，所有肉類都由印度進口。」 * 我：「但不丹面對很多作為一個現代化進程所產生的問題，例如年青人的失業問題，酗酒，性開放，鄉城遷移，仲有價值觀的改變。」 * 他：「係，政府已經作出不同的方案去解決問題，為鄉村提供農業的新技術，以減少鄉城遷移，在各地設立condom 售買機，減少性開放的影響。」 * 我：「但方案有用嗎？」 他：「有用，而且即使幾難，我地都會盡量減現代化對我們環境和文化的傷害。」 我：「你快唔快樂？」 * 他想了一下：「快樂。你看一看我們剛剛經過曲折離奇的斜坡，又再望一望出面壯麗的景觀，不丹是一個好peaceful 的地方，快樂是來自於peaceful and no wars。呢度空氣好pure，我地心境係平靜。」 我：「所以快樂是滿足於自己所有？」 他：「你見到一個又一個的笑容，他們快樂不是因為得到的多，而是因為珍惜他們所有，他們的心境才會平靜。當你心情煩躁的時候，記住no worry and no hurry。」 我：「如果你問我宜家快唔快樂？我一定答唔洗行山就最快樂🤨」 就這樣我們邊行邊停，行過700 級樓梯，經過三個半鐘的苦行，終於到達虎穴寺。 當然我唔會告訴你我未行山就問定有無直升機可以救登山者出去。當我知道直升機只會觀察，唔會救人果時，我成個人sad 左，結論係點都要靠自己行出去。 當然我唔會告訴你我一入不丹境內，其實一直都有高山反應，頭痛，嘔心，失眠，呼吸加速，最擔心就是身體的狀況影響登山。 雖然不丹樹林覆蓋率有70%，正常應該不會有高山反應，但就是出現了，幸好情況慢慢好轉。 當然我唔會告訴你我行一分鐘斜坡，就唔係好頂得住，我不停話不如we take 10 second rest。 當然我唔會告訴你我體能差，體力又唔夠，但都要逼自己每次最多只可以休息30 second，怕休息太耐會耽誤行程。 當然我唔會告訴你我行完700 級樓梯之後，我連跨門檻都要扶住門先跨得穩。 當然我唔會告訴你我有多感恩果日無落雨，如果泥濘地仲要落雨，我一定跌倒。 當然我唔會告訴你我成功登山果刻，果種喜悅真係難以形容。 當然我不會告訴你登山真係好辛苦，亦唔會告訴你我拜完三次五體投地之後，起身都企唔穩，但身邊圍住好多僧人，有啲望住我O 嘴。 當然亦唔會告訴你我五體投地之後，飲左橙色的聖水，他們說是世界上最pure water，但個味道一啲都唔似水，味道好奇怪。 當然我亦唔會告訴你呢度好多蒼蠅，可以同時有10 幾隻蒼蠅圍住一個僧人飛。 當然我唔會告訴你隻馬係我身邊泥濘地跑過，將啲泥彈到我地身上。 當然我唔會告訴你我不停踩泥漿，成對鞋都係泥漿，有啲仲入左鞋入面。 當你看到一張又一張絕美的風景相，當然不可能了解當中的辛苦，亦不能了解即使我多累，亦從來沒有想過放棄，心中只有一個念頭，就是快上快落，希望下雨前可以下到山。 曾經我對不丹的興趣不大，應該每日都係參觀寺廟同寺廟，但我估唔到遇到一個MK 導遊，令我對不丹的看法，不再是停留於快樂的一面，還有更多的社會問題。 他們快樂，不代表他們沒有面對重要的社會問題，每一個國家都有它們自身的問題，但更重要是你的心態有否調節。一個只裝有半杯水的杯，我們只關注個杯還有一半才滿，但不丹人卻感恩有半杯水，至少可以即時解渴。 我們比不丹人擁有更多，但我們不知足；他們比我們擁有的少，但他們卻懂珍惜自己擁有。快樂沒有short cut，亦不是你想就可以，而是當你真正明白快樂的真諦時，當你內心無比的平靜時，你才感到真正的快樂。 回到香港後，我有點想念不丹的平靜，想念在寺廟中慢行邊聽着梵音，但心中卻是無比的平靜。我去過很多地方，但從沒有一個地方帶給我這個感覺。 你們苦腦着為何你遇到的機會比其他人少，但想深一層只要你的能力夠強，其他人總能在茫茫人海中發現你的存在，對嗎？ 做得不好，那就再努力一點； 人際關係差，那就笑多一點； 不夠漂亮，那就變美一點。 但記住no worry and no hurry，因為只要你願意

國民幸福指數：🌟🌟🌟🌟🌟 #netherlands #streetphotography