風頭火勢去了日本，由於時常在網上看見鄰國国民，好喜歡破壞塗污香港人的繪馬，於是就刻意在神社找找望望...... 鄰国，強啊，沒有令我失望，隨手都可以找到一塊被玻璃心破壞的繪馬 傻豬，我不會嬲，冷笑一下劣行，心痛一下繪馬Dirty了，就沒了 做事高低，總有人看在眼，這種心態，無需我說三道四，大把人指住你笑，嘻嘻💋 . 📸 高品質攝影師 @tcravisw . #歡迎睇我Story睇睇鄰国的劣行

50年不變馬照跑舞照跳......而家得返一個選項☹️熱烈地彈琴熱烈地唱排隊去跟大媽學跳舞🤡 馬會又真係會為咗一個痴線佬取消成晚賽事！十億以上投注額唔計，點樣對其他馬主練馬師騎師交代？ 累街坊人神共憤!真係咩顏色嘅都萬衆一心都齊嬲豬~ 好心佢遲啲先報名出賽啦 ,較啱十一賽馬日， 到時先取消，性價比高好多🤡🤡🤣 仲有如果佢夠膽再報名出賽咁就真係要改名啦~叫做"害群之馬"🙄 老老實實我唔係黃唔係藍但係都好憎呢條痴線佬癲佬！ 根本條友就喺度搞亂檔，完全唔係為件事好! 痴線，癲，喪加心理變態！ 就算你收柯打做嘢，同化分化邊緣化文革2.0......都有好多演繹方法，偏偏佢就揀咗一種最低級最黑人憎嘅方法，佢唔係冇腦就係變態嘅~好肯定！ 睇返往積符合国情，如果到咗風波平息嘅一日，呢類痴線佬應該係第一個畀阿爺革扯嘅😎 順帶一提: 藍絲或者扮藍絲嗰班，你唔係諗住嚟緊禮拜六真係出嚟清潔香港實質幫呢條痴線佬搞亂檔滿足佢嘅一己癲慾啩？ 到時佢真係又搵啲著黑衫嘅招呼你，唔覺意打親你，咁你搵幾多車馬費都補唔返啦！ 愛国唔係咁樣表達嘅！你應該係去天安門中南海或者上去春晚唱吓歌跳下舞Fing吓旗仔宣示吓你嘅愛國国情懷😎 認真嘅！如果你自命係深藍嘅庶民，但係連阿爺真正要啲乜你都唔知？咁真係會令到十幾億人落淚！ 利申：其實我真係唔係好買馬嘅！最多得閒Seafood痕 買吓啲打籐王熊呀熊阿比卡超啲friend嗰啲🤡因為我覺得佢畀比買波兇險十萬倍，性價比極低😂 但我鍾意睇跑馬仔~

到日本旅行，一眾shopping怪最常遇到嘅煩惱事：過重！ 個人食到過重就梗係驚，但行李過重就仲驚，因為會被罰錢嘛，亞洲地區如泰國，返香港行李過重收費好平，但日本卻係非一般嘅亞洲地區，返黎過重都罰得幾金下！有冇諗過其實可以郵寄部份行李返香港？雖然日本郵費一啲都唔平*，但點都平過俾航空公司罰**。 喺日本寄野返香港，需要填寄件人資料(日本地址、日本電話)，如果有朋友喺日本住，可填朋友嘅資料，但如果冇有關資料呢？咁我自己就會填酒店***地址及電話。填表時，係需要表明，如果郵件打回頭要點處理，我通常都會填「丟棄」，因為如果冇真正可以收件嘅日本回郵地址，根本打回頭都唔會收得返。所以大家要記住！寄嘅野一定唔好係貴重野！擔心寄失？如果真係好擔心會寄失，咁就唔好寄喇，因為如果冇回郵地址，你根本係唔會收得返！不過我當年喺日本搬返香港時，寄左50箱野，一箱都冇寄失過，一直以黎自己亦從未試過寄失或打回頭！不過咩都有“萬一”，如果真係驚，就唔好寄喇，冇百份百保証咖！ 寄野嘅箱可以喺郵局買(價錢見附圖)，非常實淨，亦可以自備紙箱，最好唔好一早張紙箱封口，因為職員有機會要檢查，最好等檢查後先完全封箱。 日本嘅郵局通常營業時間為： 星期一至五 0900-1700 https://map.japanpost.jp/smt/search/ 但有部份郵局星期六、日都會開，營業時間仲好長，有啲直情營業至 2400 https://www.post.japanpost.jp/shiten_search/ 日本寄外國(国際郵便)大致分四種： EMS、航空便、SAL便、船便 EMS：最貴亦最快，2-4日就到，不過真係超級貴，填嘅野又多，仲要買保險，所以唔建議，亦唔會教大家寄喇。 航空便：即係寄飛機，都快，3-6日，不過都係好鬼貴，我自己就好少寄。 SAL便：廉航飛機，唔係任何國家適用，香港可以。快過寄船，平過寄飛機，但唔肯定要幾耐，通常半個月至一個月左右。 船便：最最最慢，最快都要三星期，分分鐘成個月都唔定，不過就最平，我自己就次次都係寄船，因為一定唔趕又唔貴重嘅先會拎去寄。其他趕用趕著嘅，就梗係跟自己寄艙行李啦！ 以1kg物件為例，由東京寄至香港價錢分別約為： EMS ¥2100 航空便 ¥2050 SAL ¥1800 船便 ¥1600 不能寄： 易碎品(玻璃、瓷器⋯等）、液體、易燃品(煙花、爆竹、彈藥)、壓縮氣體(殺蟲水、hair spary⋯)、易燃液體/氣體、炭、火柴、漂白水、有毒品(殺蟲劑、農藥⋯)、放射性物質、電芯、水銀、磁石、engine、含酒精飲料、spray罐、指甲油、酒精含量超過24%的防曬護膚品、酒精含量超過24%的頭髮用品、電子煙、電話電池、香水 唔可以寄嘅野其實係非常多，而間間郵局嘅職員檢查鬆緊不同，有啲真係會逐件物件check，所以大家寄野最好唔好太多種類，例如一百円店買嗰啲濕碎野就最好唔好寄喇，較嚴謹嘅郵局職員會逐件check，唔肯定時又要逐件向上司請示。最好係成箱都係衫，或者成箱都係公仔，總之同一箱寄同類嘅野就最好！ *亞洲郵費一般都好平，但日本唔係計入亞洲區嘅價錢，而係同歐美郵費睇齊，要留意呀！ 寄到返香港都有野必須留意呀!!!!! 香港郵局以前派件，派到收件人地址如果冇人收件，可免費安排再次派送，但依家如果要再派就要收費 https://www.hongkongpost.hk/tc/mail_redelivery/index.html 所以大家要留意填寫收件地址時，最好填個辦工時間一定有人收件嘅地址。 如果真係派到黎冇人收，郵局會留底一張卡喺信箱通知你要去郵局取件，如果一段日子都唔去取件，郵局會收取額外儲存費用(逐日計)，如果太耐都唔去郵局認領郵件，就會打回頭返日本咖喇!! **航空公司寄艙行李，每over 1kg，罰款約為20美元 ***記得只寫酒店地址，唔好寫酒店名，因為如果郵局職員見你填嘅回郵地址係酒店，未必會俾你寄。 圖： ① 寄件人姓名 ② 寄件人地址 (日本) ③ postal code 每個日本地址都會有個postal code，例如： 169-0072 東京都新宿區大久保 「169-0072」👈🏼呢個就係postal code ④ 電話號碼(日本) ⑤ 收件人姓名 ⑥ 收件人地址 ⑦ 收件人電話號碼 ⑧ 香港 ㊀ 郵寄物品資料，填英文就可以，例如： Clothes, bag, shoe … ㊁ 件數 ㊂ 價錢 ㊃ 總價錢 ㊄ 寄件日期 ㊅ 簽名 郵局=郵便局 請車我到最近的郵局= 一番近い郵便局へ行ってください ^^寄野一兩個人就夠，唔好太多人阻住人哋辦公 ^^寄野時一袋二袋就梗，pack野時盡量唔好阻人哋太多位，保持安靜，細細聲講野 ^^寄完野剩返啲紙袋、包裝、垃圾等等，要自己拎返走 ^^時刻considerate，做個文明旅客 #大家睇完喜歡或覺得有用就俾個like #唔嫌麻煩仲會幫手share更感激萬分 #大家幫手like下share下係發帖者嘅出post原動力 #有其他日本野化妝野想知 #歡迎留言 #請留言唔好inbox #日本 #自遊行 #旅行 #東京 #大阪 #北海道 #札榥 #九州 #福岡