［舊年社運1.0時，咩股票跑出？］歷史多數都唔重覆，不過總好過乜都唔睇。呢度就同你睇返，舊年所謂「反送中跌市」時，有咩股票跑出。

1. TL；DR—分別睇咗舊年5月頭至8月中，同埋舊年7月頭至8月中，恒指同國企指數成份股，咩股票跑出？主要都係啲中資非出口股。阿媽係女人都要驗一驗嘅，你話係就係咩。

2. 好啦，上個post都有講。固然都係齋估（有乜唔係？但世界上有樣嘢叫educated guess）．星期五跌1350點大家知啦，但睇啲成份股走勢，似乎似係擔心香港局勢，多過中美關係惡化2.0。你見跌得最多係香港地產股，驚反送中社運重演，定驚人人移民走人樓價跌？中資股反而跌得較少—而仲要人民幣係大跌嘅（唔知同國安法有冇關，可能有，可能冇，唔知）

3. 咁我地即管睇下，舊年社運時個小跌浪，有乜股跑出，乜股跑輸

4. 不過當中有少少難度。貿易戰在2018年拖低港股，應該多人同意。但2019年社運係咪真係拖低？就未必咁多人同意。但唔緊要，當住係先。

5. 舊年（2019）恒指其實5月頭高位開始跌，跌到5月尾反彈，然後6月開始爆出社運，但6月係反彈的。到7月牛皮到月尾，然後又急跌到8月中嘅低位先定。9月中至10月中又跌一浸，但都冇穿8月中個底。10月中後仲係咁升添。你可以大約睇下個圖

6. 所以都有啲難計邊段先係「社運跌浪」，亦都見到其實唔太明顯，有一段係5月已經大跌。

7. 盡人事，簡單起見，我預備晒兩個情況，四張圖。舊年5月頭至8月中，舊年7月頭至8月中，恒指國指。自己睇圖。

8. 首先，邊一段都好，個跌浪都唔夠15%，冇中美貿易戰咁勁。事實2019全年高位回落最低位都冇20%，其實舊年波幅好低。

9. 先睇長啲嘅，舊年5月頭至8月中。跑出嘅，清一色係中資股。中國生物製藥啦（1177），蒙牛（2319）啦，中國天然氣（384）啦，仲有講中美貿易戰個post提過嘅粵海投資（270）啦，安踏（2020）啦，華潤燃氣（1193）啦。香港堆公用股要跌，但都冇指數跌咁多。

10. 如果睇舊年7月頭至8月中呢，其實都係嗰啲嘢，畢竟個時間唔係爭咁遠。循例double check下

11. 結論？睇晒兩個post，如果係中美關係惡化3.0 4.0 5.0，就睇本地公用股同大陸非出口股。如果係社運3.0 4.0呢，就睇大陸非出口股。其實好似either way都係睇啲大股非出口股好啲，你發現成日重覆嘅，都係嗰幾味，粵海投資（270）啦，安踏（2020）啦，華潤燃氣（1193），蒙牛（2319）之類。唔係叫你去買呀下，唔好輸錢又出嚟話人老點你。係呀拎住支槍迫你買呀可？

12. 又，講過了，基於種種原因，自己倉位呀買乜呀等等，未能公開，事實買乜亦受好多限制，都係啲悶嘅大路嘢，指數基金之類。不過事實又係講乜都talk is cheap，行動最實則。真的，等於埃汾個人Facebook經常恥笑台灣呢樣嗰樣，但我一樣申請移民去，咁呢個行動已經勝過任何嘢。同樣地，一向我都申報，自住樓一層，未供滿，但隨時可以贖回。並冇其他，冇海外樓。但要買當然買得起供得起（咩呀，利寶唔係樓呀？龍床盤唔係盤呀？），但我只係諗過，冇去做。咁亦睇到我睇法係乜。

13. 同樣地，其實舊post有講，重覆多次。貿易戰又好，反送中又好，肺炎環球大股災又好，埃汾都從冇減過倉，反而係有加。咁亦都代表咗我睇法。

14. 得閒而又有心情的話，如果有咩好大變動，都會通知大家。但其實近年我減倉，好似得兩三次：一次係2008金融海嘯輸仆街低位打靶（所以我深明此痛）。第二次係某次轉工，因為公司法規要求，被迫賣晒（所以做金融工係好煩的說）。第三次係在星展裸辭，一來費撚事畀存倉費益佢（哈哈），二來都現實地係要啲水腳，裸辭喎又預冇工開，又要供樓又要養埃汾太（其實唔難養，得閒食下米芝蓮一兩星就得），「同埋去咗成個月旅行」，咪沽晒嗰度啲股票（＊）　—結果係三次

（＊）反而在耆英畀人炒嗰次，都未使沽咁啲股票。有睇舊文嘅知，當其時我畀人豉椒炒魷，即日起身。份約就三個月通知，另外仲有嗰個月嘅糧，仲有年假少量，加埋廢老遣散費，仲有隨量意思意思法定賠償（即係頭先嗰堆）外醒多少少畀你，都一次拎左六個幾月人工。然後好似兩個月又返新工嘛。

———————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

［中美貿易戰1.0時，咩股票跑出？］歷史多數都唔重覆，不過總好過乜都唔睇。呢度就同你睇返，中美貿易戰由開打到第一階段和解時，有咩股票跑出。

1. TL；DR—分別睇咗18年3月21號至18年尾，以及18年3月21號至到20年1月16號。恒指同國企指數成份股，咩股票跑出？主要都係啲香港公用股，同中資非出口股。阿媽係女人都要驗一驗嘅，你話係就係咩。

2. OK，國安法。有人問恒指星期一會點喎，「應該會波動咯」「應該會開到市」（但，你點肯定？啲「但係如果不過撚」又會問，你點知唔會核戰？）。其實我到而家都唔明，問嘅到底期望乜嘢答案，就算我答咗佢又會點？原諒我個人就係咁直，但我實在好怕啲友問呢啲嘢。自己用個腦啦。

3. 「問下啫使唔使咁惡呀？」但你煩到我阻浪費我時間嘛。「當然如果收費專欄讀者問乜都得」。但我經驗係收費專欄啲讀者先冇咁煩，正如我成日引嗰句：In life, as in sports, the boos always come from the cheap seats。幾時都係買平飛嘅最撚大聲。

4. 好啦，國安法甚麼，恒指單日跌1350點，的確可以稱得上「暴跌」，Less than 1% event（咁就梗係，由歷史數據計啦，係架，「但係如果不過撚」話齋，可能之後日日跌90%架，你點知唔會？）。當然股票唔會話你知點解跌，但因為呢個事件，都幾肯定。咁當然啦，冇得100%架，唔好又問我「你點知係」。我覺得係就係，你唔同意我諗法覺得我弱智嘅，睇嚟把托？

5. 之後會點？點知。特別係咁大嘅政治事件，亦唔知呀侵侵嘅強烈反應有幾強烈。

6. 不過啦喎，又睇下之前嘅情況。係架，歷史未必重覆架，網友話齋睇歷史有用歷史學家發達嘛（goodest logic），係未必次次一樣架，好多時都唔同添。「你點知今次都係？」。唔知架。下次有約你食飯，記住問佢「你點知間嘢唔會執」「你點知下星期唔會核爆」「你點知接電話訂位嗰個唔會寫錯」。係喎，咁多不明朗因素，點算？

7. 好啦，廢話講完一堆，睇返，以下四個圖（＊）。分別係18年3月21號至18年尾，以及18年3月21號至到20年1月16號。恒指，同埋國企指數成份股，十隻最強，同十隻最弱。2X2咪四個圖

8. 點解係18年3月21號？應該估到。嗰日就係中美貿易戰開打，咁兩個圖揀至到年尾，好簡單，因為方便，而且嗰年係大跌市。咁至於兩外兩張點解係去到20年1月16號？嗰日就叫做第一階段協議。

9. 首先睇返18年3月21號至18年尾。恒指國指都係大跌，近20%。咩股份跑出？都大約估到，咪啲本地公用股，同埋中資非出口股。唔做美國生意咪唔受影響，兼且啲資金走入嚟。

10. 香港就係領展（823），中電（2），煤氣（3）之類。大陸就中移動（941），中電信（728），鐵塔（788），華潤燃氣（1193）之類。全部都算係有啲息派下，公用股，防守性高。太古（19），華潤置地（1109），蒙牛（2319）等都不錯。不過最勁嘅，係粵海投資（270），東江水？

11. 如果睇18年3月21號至到20年1月16號呢？當然有少少唔同，但大原則都不變。期間恒指國企指數都係要跌嘅，但大約10%（因為19年指數升返大約10%）。大贏家變咗安踏（2020），斷估鬼佬唔會著（除咗贊助嗰幾件）。華潤燃氣（1193），蒙牛（2319）亦升唔少。內房咩華潤置地（1109）龍湖（960）融創（1918）之類亦強。當然上一段講鐵塔（788），粵海投資（270），領展（823），煤氣（3）之類都在指數十大。

12. 係喎，歷史未必重覆架，可能星期一升三萬點呢，「你點知唔會」？

13. 不過認真，what if 個今次聚焦唔係中美關係惡化，而係香港嘅情況呢？你問我我覺得比較似的。你見星期五，跌得最多係啲香港地產股，反而中資股跌得相對少啲。所以可能覺得唔係驚貿易戰2.0/3.0，而係反送中2.0？

14. 咁就要留返下個post講了。黃昏後出。

（＊）For some reason你發現我極少出多過一個圖嘅post，有嘅會擺在medium。首先本人主要都係賣文唔賣相，即使係金融嘅圖。另外，讀者睇起上嚟亦唔方便。三來，好似多圖嘅post自然就會reach又低share 又低，而本專頁係靠呢啲搵食嘅。所以多圖嘅文我會在medium寫—但最後發現medium嘅文又好似自然就會reach又低share 又低 -所以索性medium都唔寫。然後，好跳躍咁跳去一個結論：咁你明點解Facebook 股價又創新高啦。仲唔明？睇多次成段嘢。

———————
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。

最新一期的 Sea Voyager Monthly. 因為呢份野我星期六日都在公司. 寫於環球股市大幅波動後. 呢份寫得幾詳細下, 值得細讀 (自己讚自己). 簡單黎講我地認為種種迹象顯示只係調整, 唔係災難或咩熊市重臨. 兼且有比冧比大家撈底.

比冧把既條件係 1) 考慮高位跌得多既指數成份股 (冇計, 中小型股仲係冇運行). 但只係跌得高唔夠, 我地睇埋 2 ) 上星期一彈得多既股票. 點解係上星期一? 記得上星期一美國大插後, 香港低開, 但單日低拉回升不少. 我地就係睇果日邊啲股票彈. 如果只睇 1), 你會發現有啲野真係高位回得多, 但反彈冇份的. 計埋 2), 就睇到邊啲股票在下浪反彈有機會跑出先. 入面有5隻恒指成份股, 2隻國企指數成份股.

(主持:許文昌)
巴西奧運蝕本開鑼 / 昆明司機與泛亞 / 大新銀行(2356)股東特別大會見聞

(主持:許文昌)
任天堂Pokemon Go熱潮 / 德普(3823)和楓葉(1317)大跌 / 金沙(1928)走數醜聞和賭股風險

把花生留住，請付費支持：轉賬至滙豐銀行 023-280233-838，抬頭 HONG KONG INTERNET RADIO LIMITED
花生網頁: www.hkpeanut.com
FB專頁: https://www.facebook.com/hkpeanut/
(主持：雲圖、友加，嘉賓：Daniel Ho，Sky Sum)
第3節：美日議息後分析，下週市況