雖然這篇國中會考範圍2022鄉民發文沒有被收入到精華區:在國中會考範圍2022這個話題中,我們另外找到其它相關的精選爆讚文章
在 國中會考範圍2022產品中有4篇Facebook貼文,粉絲數超過23萬的網紅龔成,也在其Facebook貼文中提到, 【龔成問答信箱】(Q19661-Q19680) Q19661: Hello~龔成老師,我見咁多人問你問題,我都想問吓 我而家32歲,全職樂手/音樂導師,由18歲開始我就醉心於打鼓。我每月平均薪金係$20000,扣除家用,其餘嘅錢(3-4k)我都放在音樂進修&器材上,基本上係月光族,沒有儲過錢。...
國中會考範圍2022 在 龔成 Facebook 的精選貼文
【龔成問答信箱】(Q19661-Q19680)
Q19661:
Hello~龔成老師,我見咁多人問你問題,我都想問吓
我而家32歲,全職樂手/音樂導師,由18歲開始我就醉心於打鼓。我每月平均薪金係$20000,扣除家用,其餘嘅錢(3-4k)我都放在音樂進修&器材上,基本上係月光族,沒有儲過錢。
我讀左你課程,原因係:
70%想成為世界級樂手,需要錢~
30%學識理財為退休預備。
咁我現在有睇你嘅書、巴菲特嘅書、投資知識.....去預備上堂。
想問下:我有咩仲可以準備?
上堂時,我應該專注邊一part去幫助自己?
龔成老師:
我相信你日後,都會放大部分時間在音樂事業,而理財投資方面,未必能放太多時間,所以,你應該學習一些,相對不用花太多時間的投資模式。
上堂之前,你可以睇《股票勝經》作準備。
上堂時,當然全面學習好重要,因為整個課程是一體的,而對你來說,一些較簡單,或日後不用花太多時間的投資策略,會對你較重要。
課程頭3堂都是較適合你的部分,你要盡力留心,到之後的課堂,如選股、企業估值、年報、企業質素分析,你當然要盡力聽,但在日後應用上,如果你日後投放分析股票的時間不多,這方面就未必是你的主力。
我相信,你集中時間發展音樂,對你會較好,而股票方面,就用不太複雜的策略進行就得。
------------------------------------------------
Q19662:
想問下老師當年點知比亞迪有潛力,而且可以手持十年,例如好似2018瑞星科技
我朋友108入左現在跌到45,佢都手持左幾年,而且現在股市又經常受中國大陸的決策影響
真的不知道如何找到一隻穩陣有潛力的股票然後長渣
龔成老師:
當我地分析時,要睇一些較長遠的因素,如果只停在「這刻」的情況,就永遠不能找到10倍股。
首先你要想想,比亞迪(1211)在2008年已推出電動車,但反應不好,甚麼原因令車主卻步?原因是信心及配套,下一步你要想想,這些因是是否可解決?
比亞迪電池起家,多年來投入發展的資金好大,當技術不斷進步,普及是遲早的問題。即是佢的潛力度,只是時間問題。
至於瑞聲(2018),其實都不差,但不是高增長股,佢雖然都有光學技術,但聲學技術方面較強,你試想想,你用手機,對聲音方面的追求有多大,你會否願意為高音質而比多幾千蚊?
相反,消費者對鏡頭就有較大的追求,質素,數量,不斷向上。所以你見到舜宇光學科技(2382)有一定的質素。
------------------------------------------------
Q19663:
龔sir,我對於你果句“股市係行先市場“好深刻,但吾太明背後大道理,可吾可以解釋下?同點樣應該落個股做例子呢?感謝
我理解例如而家有隻股上升好多,因股票係行先市場為前提?我kick住左
龔成老師:
其實無絕對的,但根據過往的經驗,好多時,股市都比經濟,行前6-18個月不等。
這是由於股市現時的股票價格,是反映市場預期之後的企業情況,例如2020年3月,肺炎因素令全球股市大跌,當刻的經濟未有問題,點解會大跌?
就是市場預期經濟將會差,企業盈利弱,所以股價跌,這是反映「將來」的。
到2020年尾,股市已比3年月上升好多,但2020年尾的經濟比3月時差,點解會升?
因為股市而反映,預期2021、2022年,經濟會好轉,所以先行反映。
至於超前的時間,無絕對的,只是市場以一個可見將來,能分析的時間去推算到時的經濟與企業情況。
------------------------------------------------
Q19664:
你好 龔sir有件事請教下你,我公司岩岩攞左政府百份百擔保貸款160萬,我地用左黎萬買儀器,同10萬比左中介費。連其他雜費餘80萬左右。
佢係160萬 利息2.75 還款期5年。
咁依家中介果邊同我地講 可以攞多個SME 大概可以攞到300-400萬 年息6% 5年還款期。
咁我同合伙人都有意思想利用呢筆錢去投資買層物業主要用黎收租之後3年又賣出咁。
不過我想個既係當中我要留意有咩風險?
我要計d咩數?
未來5年既供款?
龔成老師:
現時的物業,租金回報率其實唔高,你收租根本唔夠比利息,你這樣會創造了「負現金流」的項目。
加上無人知3年後樓市是否一定上,你這動作的「風險與回報」唔算吸引,即是值博率唔足夠。
除非你好有理據,樓市會上升多過20%,否則,唔能夠對消你的利息及風險。
------------------------------------------------
Q19665:
老師,我想請教你一下我現在狀況,我一家四口,我家庭主婦,短期唔會做嘢,一個出年讀k1,一個9個月大。
我老公工作,收入約3萬,現金約20萬,股票400股領展,1000盈富,500股中芯,5000股中國中車,我想5年後買樓,請問我應該點樣投資或如有計劃理財??謝謝
家用$8000
我$12000
老公$10000
龔成老師:
如果目標是5年買樓,以你的情況,可以投資平穩增長股,加小部分潛力股。
現時的股票,可持有。
至於現時的$20萬,暫時動用$10萬,慢慢買入股票,餘下$10萬就等機會
另外,要盡力每月都儲到D錢,投資股票增值。
你可以考慮盈富(2800)。
另外再加:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
潛力股可考慮:安碩恆生科技ETF(3067),不過注碼較少,以及慢慢入。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q19666:
龔sir 我想請教如果我想係我組合入面加一隻新能源股,例如信義光能或者信義能源,邊一隻會比較好,定係仲有其他會好過2隻呢?
我依家組合有1762,6988,6993
所以依家物色緊多1、2隻股,一直留意緊1177希望番番去合理價左右先考慮入貨 金莎亦係我留意緊既,自己大約想30蚊左右入 全部都係希望,另外仲想問呀sir
如果啲價位貴,你係咪唔會考慮,但個隻係優質股既話?
又麻煩到係啦,我就黎睇完你第三本書啦
龔成老師:
信義玻璃(0868)會較穩定,同時相對無咁貴。
這股在《50優質潛力股》中,一直是其中一隻潛力股,無論在2016年版,還是最新的版本。可見,這股有長線投資的價值,這類股有貨可一直持有。
當然,近年股價上升了不少,股價是唯一的風險,業務則仍是長期睇好,市場長遠發展正面。
現價大約在合理區頂,如投資,這刻唔建議大注。
萬咖壹聯(1762)質素唔算高。另外兩隻可以。
其實你最重要建立一個組合,要長期,要平衡,你要分析自己想組合各類股的比例如何,如果想潛力較多,就加中生(1177),合理區頂,想平穩,就金沙(1928),現價合理。
好,保持進步!
------------------------------------------------
Q19667:
老師 860 力世紀 投唔投資得過?都係買一手
覺得佢幾有潛力 電動車應該係嚟緊趨勢
醫藥科技有無邊隻推介?
龔成老師:
力世紀(0860)其實好難分析,因為佢一直處於年年虧損的狀態,而我地對這類股好有戒心。
我地只可以對佢的前景作「想象」,無人知真正的價值有幾多,股價一定會大上大落。見佢之前有做個十合一之類動作,這類股票要小心。
整體而言,此股好難分析佢價值,投資風險唔細。你如果真的想投資,當小注博下好了。
至於醫藥,其實好多唔同類別,要睇下你要那方向,中生(1177)都可考慮。
------------------------------------------------
Q19668:
請教老師,旅遊、酒店等等股票你認為邊幾間可取為優質股、潛力股?幾時投資合適?
縱橫遊8069如何?謝謝您!
龔成老師:
金沙(1928)、銀娛(0027)會較為穩健,風險較少,現價仍合理。
縱橫遊控股(8069)風險較高。
業務非常波動,過往持續出理虧損,其實投資價值不高,因為佢就算疫情之前,都是虧損的。所以本身質素已唔高。
------------------------------------------------
Q19669:
早晨龔sir,想同小朋友儲多d錢 佢而家5歲 儲左3萬幾蚊,想買d穩健增長型既股票(收成年期約13年左右)
請問是否應選擇盈富?
月供我見大家都要二三千 對我來講有點吃力
如入盈富 現價是否有點貴? 謝謝
龔成老師:
對,盈富(2800)是最好的選擇。如果可承受風險,就可同時月供小小安碩恒生科技(3067),但由於風險較高,如果你本身資金不是太多,就不建議。
暫時可考慮盈富,如果你現時金額不多,暫時儲下現金先,之後等有較多的現金,才開始每月供$3000,長期進行。現價合理的。
------------------------------------------------
Q19670:
龔sir,我入市4個月,每晚都學習相關知識,但還是人雲我雲的跟買,自己總是找不到方向原因,請求龔sir能指點一下!
龔成老師:
投資不能急的,我建議你睇《股票勝經》,當中有完整的投資概念。
你要記住,投資不是炒賣,是建立一個平衡、優質、適合你的組合,長期持有。如果你不懂選股,就由ETF開始,例如盈富(2800)、安碩恒生科技(3067),前者現價合理,後者合理區頂,你了解下先。
------------------------------------------------
Q19671:
老師,本人80後。月入8萬元。多年前因炒牛熊證輸身家,更欠下接近70萬債項。
現已金盤洗手。已全部清還債項。同時儲下20萬現金。年幾前20萬全數以40元買左融創中國
想請教應該點做?應該沽出再買回優質股嗎?
龔成老師︰
短炒唔係一個賺錢架方法,衍生工具更加係好難現,這都是經驗之談,唔好再用這個投資方法了。
融創中國(1918)雖然都有質素,但此股有一定風險。首先,中國樓市如果逆轉會有很大打擊,另外,這股的負債超高,無事就無事,有事大件事。
因此,投資這股不是不可,因為不是完全無質素,但你要明白背後的風險,同時明白這一定會令股價較波動。
但由於你組合只有融創,咁樣會有過份集中風險。個別企業唔應該佔組合15%以上,你要沽出大部份,換至其他股票,去令組合更平衡。
------------------------------------------------
Q19672:
老師,想問一問你意見。黎緊打算買入一個約500萬嘅單位,需要賣出股票嚟做首期,有以下選擇:
1. 賣出全數比亞廸約2500股,平均買入價約$44及動用少量現金
2. 全數保留比亞廸,但要賣出其餘全數股票,包括盈富,港鐵,金沙,莎莎,
潛力股如中生,栢能,天鴿,擎天,及動用8成現金
3. 賣出一半比亞廸,部分股票及少量現金
請問邊個選擇會較好?如選擇3,賣出邊幾隻會較好?多謝老師回答。
龔成老師︰
我地會因應佢地現時估值,長線質素和組合的平衡性,去決定沽貨策略。
簡單來說,你要思考「你想餘下的組合怎樣?」
你要設計一個優質,適合你,平衡的組合,不要被過往買入價、賺蝕數影響。
比亞廸(1211)好高質素,點都唔應該無貨係手。
你選項3),會比較合適。你持股中,栢能(1263)、天鴿互動(1980)、中國擎天軟件(1297)和莎莎(0178)質素上相比其他無咁優質,可以賣多少少。比亞迪貴,可賣少少。
------------------------------------------------
Q19673:
龔成老師 多謝你之前嘅意見 我依家一直月供緊小米同金沙 都有少少成績
見股價都升咗少少 想問下兩隻股票分別去到咩價位就應該停止月供?
(我知唔應該預測短期走勢,但我唔想股價貴都一路照供)
龔成老師︰
其實一隻股票有質素,一直維持月供,唔理個價格都可以。長線計,佢會自行拉平均左個價。
但有時個價去到異常地高,這時候可以增加現金比例,去減少或停止月供。
金沙(1928)和小米(1810)現時都在可月供範圍,而小米有一定潛力,雖然現價偏貴,只要月供金額不過量就無問題,因為要到超過熱水平,仍有距離。
------------------------------------------------
Q19674:
老師 剛開始上你的堂獲益良多 亦在調整投資心態
老師想请教買etf 同fund 選股原理也是一樣嗎?
想重新整理一下n年前買嘅fund 及强積金
再利用現金去投資
問題如下
以前嘅fund 應該揀水桶3
現金2M投資則20/40/40?
本人已經50+ 無業
希望老師比D意見
龔成老師︰
基金和ETF,選股大致跟一般股票相同,都係因應人生階段,去調整策略。以你年紀,都有增長需要,但策略上要保守些。
如果你基金集中晒係水桶3,會拖低左個增長力,可放一些在水桶2,因為你50歲、財富仍有增長力,不過你現時無業,就要保守翻少少,水桶2不能太多。另外,基金會有一定收費,長線用佢做增值,未必係一個理想做法。
現時,你可以較集中在平穏增長股,再配一些收息股,創造一個有增值之餘,又較平穏的組合。
現時大市只是合理區,你現有200萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
但由於你待業中,在投資前,必需儲起最少半年開支,咁會較穏當。
平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、長建(1038)。
收息股︰目標是5%、6%股息率 - 例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)。
------------------------------------------------
Q19675:
阿sir 請問點睇3333
06690
06993 黎緊既發展前景?
龔成老師︰
恒大(3333)有賺錢能力,但負債情況不理想,處於極高水平,令這企業存有風險。
對經濟好時,佢有賺錢能力。但經濟轉差,物業滯銷,資金鏈出現問題,後果可以好煩。
整體來說,這股都有質素,現價只算在合理區中上部。由於此股風險不少,若投資只能小注。
海爾智家(6690)和藍月亮(6993)都有質素,以佢地業務去分析,相信會有平穏增長,但唔係爆升型。
2隻股票都有投資價值,海爾智家現價都算合理,但負債不少,唔好太大注。
而藍月亮現價唔平,有貨可持有,但暫時唔好加注。
------------------------------------------------
Q19676:
sir, 請教你,近日我買了一些0941作長期,因為有股息收,這樣做對嗎?
因為我爸爸中風後,用錢很多並且不能損失。
我常常看你的文章學習。
龔成老師︰
中國移動(0941)是有質素的股票,不過規模太大,增長力不算強,但始終有優勢,長遠可以慢慢平穩增長。若你目標係收息,唔想股價有太大波動,這股可以。
現時的股息率有7%以上,算是合理區底部,有一定吸引力,可開始分注,慢慢入貨。
但我地投資唔可以只集中在個別股票,咁會有過度集中風險。萬一佢出問題,你成個組合都會受影響。故個別股票,最好佔少於組合15%。
以下係一些有質素架收息股,效果同中國移動一樣,都係收息為主,波動性低,你可以參考下。
目標係5-6%的股息率︰港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)
現時大市只在合理區,資金唔好盡用。最好留有部份,等大跌市出現時,才用來掃貨。
------------------------------------------------
Q19677:
Hello... 其實我未認識你之前 我都係亂聽人地講或者短炒 最後都係蝕左錢
但我同男朋友自從係2020年年中睇左好多關於你既投資方法 - 企業價值投資法
我地都跟左呢個方向投資 結果真係work架⋯⋯多謝你先!
但我有一個煩惱想問一問你既專業意見 因為一直都過唔到自己果關
我同男朋友兩個手頭上股票再加現金都有$90萬左右(係跟左你既方法投資 比起年中多左20%)
一直都想搬出黎住 俾首期其實都俾到 但男朋友一直好想買新樓 覺得舊樓好低投資價值 但新樓就要俾樓花 未收樓前又要供
其次就係 我地要賣哂手頭上既股票 all in先買到樓 最後俾哂其他費用 可能一舖清袋
所以我地決定租$12000既樓住住先
佢覺得一來我地手頭上既股票本金唔洗賣哂出去套現買樓 二來仲可以滾存多幾年 到時唔洗捱貴股票再入返(佢話佢都係參考過你既concept)
但我覺得草錢又慢左 同埋租樓又好唔抵
好想問一問我男朋友咁諗岩唔岩?租樓係咪錯誤決定?
定係可以買樓而唔租樓 白白幫人供樓?
謝謝
呢兩日就要決定係咪租樓 因為咁岩搵到一個靚裝修既租盤。個心又十五十六 好怕會後悔。
龔成老師︰
你男朋友想法,大致都正確。買入物業後,必需手上仲可以持有一定股票。同時,未來每月依然有額外現金流,去作投資,才算係理想。
其實這是一個平衡財富,以及增值的概念。
如果呢一刻因買樓,而要用盡財富,未來每月開支又只能持平,咁你地架財富增值就受到影響。
現時你地資金唔係咁多,我建議先用優質股去累積財富,之後再買物業。
但我自己唔係咁建議買一手樓,因為一定會有溢價,令你比多左錢。係2手市場去物色,反而有機會找到物超所值的物業。
我建議你和你男友睇我本新書《5年買樓4步曲》,當中會有較詳細說明,由儲蓄、投資增值,到上樓架方法,同埋值得留意架地方,相信本書可以幫到你地。
------------------------------------------------
Q19678:
龔老師你好,2018瑞聲科技值得投資嗎?市場對這公司看法普遍負面,以你專業分析,透過報表,公司盈利能力如何?
龔成老師︰
瑞聲科技(2018)質素不差的,手機行業的增長比過往年代弱,相信佢只會進入平穩期。
佢本身有一定的規模與技術,整體前景不算差,但就要多點時間去轉好。
長遠發展正面,不過,佢增長力不是好強,只能視為平穩增長類別。現價合理,可以分注投資,長線持有。
------------------------------------------------
Q19679:
我現時有
中交建(1800) 1000股 買入價$10.18
東瀛遊(6882) 6000股 買入價$1.35
四環醫藥(460) 1000股 買入價$3.33
呢3隻需唔需要賣出?
有冇機會升番上我既買入價?
龔成老師︰
中交建(1800)不是全無質素,但近年賺錢能力有所減少,這股不是高增長股,之後只會平穩增長,現時估值合理。
你唔好對股價有太大期望,要上翻你個買入價較困難。若你目標係收息,持有都可以。
東瀛遊(6882)質素中等,唔計現時疫情,過去生意穩定,但多年都無增長過,反映發展空間有限。
而盈利則比較波動,投資價值唔算高。要上翻你個買入價,可能要些時間。若佢佔你資金唔多,守無先都可以。
四環醫藥(0460),這股比較麻煩,質素不太好,賣出是較好的策略。
------------------------------------------------
Q19680:
龔sir, 請問美股有冇推介,有冇潛力股定平穩增值既美股?
我見美股長期都係上升trend,如果長線投資,係咪美股好過港股?
龔成老師:
我相信,長遠來說,中國、美國,在往後的20年,將會共同是全球兩大經濟體,你持有相關股票,都可以。因此,無話港股(當中好多中資)定美股好,而是可以配合。
你可以同時持有都得。美股最簡單是買入ETF,如VOO,追蹤標普500指數,長期分注入就得。如果可承受風險,就QQQ,追蹤納指的,由於現價唔平,如投資要慢慢分注,控制金額。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
國中會考範圍2022 在 龔成 Facebook 的精選貼文
【龔成問答信箱】(Q17301-Q17320)
Q17301:
Sir, 我係股票班舊生, 用阿Sir這8堂所教知識去分析了1830/必瘦站(包括跟同行比較~發現必瘦站比2138及1827更有發展及優質, 之後填寫6張企業分析表)覺得此企業屬於優質股。
~分析如下(有時間慢慢睇, 唔使急, 謝謝🙏)
目標客戶以中產以上人士為收入來源(屬中高檔次, 有能力將成本轉嫁給客人)睇過他們過去5年的年報, 發現他們現金流非常強,而財務穩建, 沒有向銀行借貸。
營業額~ 除2017年(-13.89%)2016 2018 2019都有增長, 當然2020年疫情下仍然有4%增長已經算係唔錯。
1)管理層積極進取, 拓展海外發展(包括2020年2月在澳洲開業, 表現理想,
2)還想在今年進攻美國美容市場)。但疫情下可能會較謹慎考慮開店舖問題 (或者趁疫情下以平價的租金買或租舖, 去發展美國美容業務)。
3)另外, 亦看了2019 2020 年報, 他們都積極發展大陸市場(包括大灣區)
但集團仍然以香港為主要發展重心地區。
4)至於男士美容業務(講了2年仍沒開始, 可能待2021年才推出)
5)流動比率~過去5年介乎177%~205%(合格)
6)ROE~5年內有增長, 今年53.04%
7)總負債/股東資金比率~今年91.35% 算合格嗎?過住4年51%~74%
8)投資活動~ 過去5年都有投資發展企業(例如擴充香港及澳門/中國業務)(租舖/買機器/增加員工人手。。等等)
9)其中評估表內(估值~行業市盈率)
我以2138/香港醫思醫療集團的市盈率(12.43~12.85)及1827/卓珈控股的市盈率(28~30)比較, 好似太高, 所以用回必瘦站市盈率(7~9)
過住市盈率~亦以(7~9)
推算合理市盈率~ 以8~10計算估值, 所以推算約$1.44~2.20(這個股價合理區範圍正確嗎)如有錯請賜教!
必瘦站應該不屬於資產型企業, 所以市盈率及市賬率分析應對其分析平貴指標作用不大, 對嗎?
預估下年派息會減少, 因為疫情可能負增長(中國/澳門及澳洲),但香港營業額應該不會太過差
最後發覺分析1隻股票, 起碼7至14日時間(包括睇年報, 所以我非常佩服你)。 必瘦站的年報算是簡單, 如果地產/銀行或大型企業, 肯定要1個月時間。
非常感謝你細閱以上分析, 已將8堂所學的僅餘嘅投資分析及知識盡量發揮。
龔成老師:
你的分析不錯,基本上已掌握了課堂所學,並講出了重點。
1)2)3)佢的發展方向,以香港為重心,並同時會發展中國,相信中國是其中一個管理層會重點發展的地方。
但由於管理層由的表態曾經出現反覆(你睇佢多年年報的管理層講話就明),過往一直用高派息政策,反映發展心態唔算強,但都會發展。
到近年,曾經表示想大減派息大力發展中國市場,最後,派息後保持高水平,有時都難以完全掌握管理層的方向。
4)暫時唔好有太大期望。
5)6)7)對,合格。但由於高派息比率,ROE無反映到再投資回報率,因此只反映原有資金回報率。
8)相信佢仍會保持發展。
9)你的方向正確,我會比你估值計算出的高少少,主要因為現金流強,派息高同時仍有增長力。加上佢就算在疫情期間,都無虧損,這點令人有驚喜。
另外,由於之前派左大額股息$0.34,因此我地計算出來的估值後,都要減翻相關數目,以反映企業現金的實際流出。
大約$2.X是合理區,去到$1.7以下是平。
------------------------------------------------
Q17302:
疫情人工黎緊幾個月都要減四分一,開始迫我面對之前一直打算做既網上小店副業同埋真係報左幾個課程增值自己。
同埋我更清晰自己一直只有打工都係死路一條,人要多把刀比自己用。性格問題囉,我最討厭停滯不前既感覺。
但萬事起頭難 ,岩岩起步又要儲stock ,要用啲資金。唉 ,好多不確定令我開始有擔心既感覺。
幸運既係 仲有份工頂住,
前兩年我睇過相,批過命 ,又話我無股票運 又唔好同人夾份做生意,所以呢句野一直有啲影響我...好既係我無再玩短炒。
龔成 我都係80後 你真係好叻又努力。無㗎,我單純想呻下 ,我諗你都睇過秘密呢本書 ,我相信呢種力量。加油!
龔成老師:
加油!我地總會面對困難,而我成日同自己講,困難是我令進步的因素,短期當然會辛苦,但長遠反而更加好。
最重要是保持進步,同時要對自己有信心。
《秘密》這書當然有睇過,我的書都有講吸引力法則,因為這的確對我地有影響。網上小店保持發展啦,好多野要試先有答案。
------------------------------------------------
Q17303:
老師,因隻932而差點永不超生既我。因為最近既疫情問題反而令我增加了收入,現在手上既流動現金差不多有十多萬,想捉緊今次機會突破返,將失去既時間同金錢追返晒。
但因為國安法,而中美又會產生太多不明朗因素恐怕引發蝴蝶效應,所以近期前我都未會採取買入資產既行動
想請問老師意思,呢段時間除左留有現金外仲應該要點準備機會來臨?
龔成老師:
順騰國際控股(0932)生意無增長,年年虧損,加上2019年的核數師意見有少少問題,這都反映企業本身的投資價值唔高。你要多從企業的角度去分析。
你唔好太著重中短期分析,唔好太著重事件的分析,要著重翻企業的價值,以及財富組合的配置。同時要長線投資。
現時的大市,你唔好100%現金,雖然有些版塊熱炒,但同時有些版塊較合理,只要你以分注投資進行,仍是可以的。如果你擔心,就唔好入太多貨,但唔能夠無貨。
------------------------------------------------
Q17304:
老師你好,恕我冒昧想問一下關於我的狀況如何投資。
我4X歲,月入$35,000,剛離婚要自己搬出來,暫時租住朋友一間的房屋月租$15000,每月可儲蓄大概$7000
打算短期內購買一間500多萬的房屋,手上流動資金大概10萬元,請問我應該如何部署往後的資金?
龔成老師:
如果你想買一層$500萬樓,就算9成按,都要有一定的金額,你要盡力加大儲蓄,希望每月可以儲到$1萬以上。
你要計算計自己打算幾時買,如果中短期,就未必適合將資金投資,如果是中長期,資金就可以適度投資,但都要投資較穩健的股,平穩增長型,如盈富(2800)、銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
------------------------------------------------
Q17305:
你好呀,我一路以來都追開你嘅書 係你嘅fans 呢一兩年都有參考著你嘅書投資 首先想講返聲多謝 因為睇完你嘅建議再去睇年報 最尾成功係比較平嘅位買入恆基兆業
呢排自己睇到金沙中國價錢都嘅吸引 市盈率係15-16咁又見金沙城洒店改建嘅倫敦人就開幕 覺得有潛力 想慢慢分注買入 想問下你嘅意見!唔該曬
龔成老師:
恆基(0012)有質素的,不過增長力比過往減左少少,但長遠仍有投資價值。
至於金沙(1928),現價合理,中短期這股會較弱,始終疫情令佢生意影響,但我地投資股票一定是睇長遠的,因此這股可以長線投資。現價有投資值博率,全注已可以。
但都要同時留有現金,唔好心急用盡資金。
------------------------------------------------
Q17306:
龔老師你好,本人47歲,從事電梯維修判頭,太太家庭主婦,有2幼稚園小孩。本人因上年中風、所以現時身體影響工作。不能夠長時間開工。本月收入不太穩定。
現租住近女兒學校荃灣市區3房單位,租金$18000。早幾年放售物業約5百萬現金。暫未有上車。
現手持5百萬現金,應該買入那些收息股可用來幫補家庭開支及租金? 謝謝你
龔成老師:
由於你收入唔穩定,加上有一定的家庭負債,投資唔建議進取。持有的$500萬要小心運用。
你最好以「低風險,穩陣,現金流」為資金配置的主軸。你可以將這$500萬,分成5部分。
第一部分投資收息股,你可以建立一個收息股組合,你可考慮港燈(2638)、香港電訊(6823)、匯豐(0005)、工行(1398)、置富(0778)、陽光(0435)、深高速(0548)等,大多有5%股息
你平衡的投資這些股,除了可以得到穩健的收息收,同時可有效的分散風險。
另外,小部分投資盈富(2800)都可以,而收息的ETF,如GX恒生高股息率基金(3110)都可考慮。
第二,投資債券,你可以選擇A評級的債券,年期較長都可以,但利息卻不高。你可以到銀行問問。
第三,投資年金,你可以睇睇,這是適合你們的產品,零風險,可以有穩定回報。
第四,你亦可投資銀行低風險類的產品,你可自行到銀行了解下,總之是「低風險,持續現金流」的。
第五,持有現金,除了可做定期外,現金亦可以為你的後盾,以備不時之選。同時,若投資市場大跌,你可以在這時買到更多的收息股,股息率會進一步上升。
你可以將$500萬資金,平衡地分配在上述的項目上,對你來說是最好平衡風險,同時有穩定的現金流。
如果你能承受到小小風險,就可投資較多平穩增長股,即是銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。這部分要睇你的家庭情況,以及風險承受能力決定。
------------------------------------------------
Q17307:
老師你好!我準備24歲,月入$25000,手持現金33萬(先前用來作定期存款)。而今年開始每月月供匯豐股,每月$10000,已供半年,最近亦開始接觸股票。
而我看到老師在fb都建議月供盈富,我是否應改變現時月供匯豐?
另外,現時想開始學習買股票,應如何入手?以及現時有什麼有質素的股推介?謝謝你!
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
因此,匯豐(0005)以你的年齡來說,並不適合。你應該先投資盈富(2800),月供可以。如果有能力,就加少少其他股,甚至潛力股,但如果選股能力不強,就暫時供盈富先。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。你可以睇《股票勝經》或上堂都得。
------------------------------------------------
Q17308:
你好,本人29歲,有穩定職業,月薪約四萬,扣除開支後大約可月儲二萬八千,現時大約有儲蓄八十多萬。
請問如想盡早開始投資股票的話,應該選擇那些股票呢?
本人屬於低風險和保守的性格,每月投資股票應佔每月可儲收入多少成呢?謝謝。
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,加上你是較低風險,因此這刻不用急著投資潛力股。你可以集中在平穩增值股先。
你可以自行分注或月供,每月預算大約投資$15000。
你可以考慮盈富(2800)$8000。
另外再加幾隻(每隻$3000):銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
至於現時的$80萬,暫時只能動用$20萬,分注投資上述的股都得。
------------------------------------------------
Q17309:
龔老師,我係投資新手 想打算用15萬去投資收息股 想買中銀香港,長和,中國神華,中移動呢4個 分散投資好定係買晒其中一個好呢?
龔成老師:
分散是較好的,因為你並不是「賭」某一股的表現,而是要建立一個組合,要做好「配置」。
你可以投資中銀香港(2388)、長和(0001)、中移動(0941),都是可投資收息的股。神華(1088)業務有潛在波動,以長遠收息的角度,未必是最適合。
另外,你可以同時考慮香港電訊(6823)、置富(0778),都是不差的收息股。
------------------------------------------------
Q17310:
想問如何計算便宜的價格去買股票?
龔成老師:
要計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。
------------------------------------------------
Q17311:
老師你好,想請問如果我想月收股息15000
我以家30歲每月只可用2000黎供股我又咩都唔識咁我供哂盈富基金先同埋想學投資又冇時間想堂咁淨係靠睇書得嗎老師有咩書可推介比新手睇?
因為我住離島以家有個女又好困身以家暫時都係買電子書睇咩都做唔到。請老師指點迷津
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
所以,你這刻應著重「增值」。
其實你這個年齡,仍是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。
你可以先增加知識,可以不斷睇書,《股票勝經》是很好的入門書,你睇完這本再睇其他。
------------------------------------------------
Q17312:
龔成老師,你好 我係你以前股票班的學生,我睇左你本新書《5年買樓4部曲》,覺得老師你分析得好詳細,好活學活用。
我同我女朋友拍拖6年, 打算兩年內有結婚買樓, 我地兩個加埋月入HKD65k, 暫時有HKD1.7m liquidity cash,用作首期及裝修費。
我地亦問左銀行做初步審批按揭,可以做到9成按揭同買700萬左右的樓。因為我地係初階投資者,prefer 大型屋苑/ 藍籌屋苑,有升值潛力,實用面積大概300-400呎,比較鐘意海景。
由今年4月份開始睇樓, 包括大型藍籌屋苑 e.g. 黃埔花園, 將軍澳新都城, 南豐新村, 德福花園, 淘大花園等等。
睇過咁多屋苑, 我地prefer大角咀港灣豪庭, 港島南區置富花園同將軍澳中心. 三區都算近返工地點(中環/ 鰂魚涌), 同返娘家(西環)都比較分便. 想問龔成老師會點選擇?
以下係本人少少分析, 請老師作出指點:-
大角咀港灣豪庭優點:-
- 樓齡17年, 唔算舊
- 位於大角咀, 鄰近栢景灣, 維港灣, 帝柏海灣等豪宅
- 屋苑樓下有個小型商場
- 部份單位有海景
- 鄰近返工and 娘家 (20-40 分鐘車程)
大角咀港灣豪庭缺點:-
- 位於港鐵奧運站同南昌站中間, 交通不算太方便, 由港鐵站往返港灣豪庭需時行10-15分鐘, 中途全程露天步行
- 鄰近九龍殯儀館
- 要買生活必需品要過旺角/ 奧運
置富花園優點:-
- 景觀開揚,部分會有海景
- 比起市區呎價平
- 未來會受惠於南港島線北段(華富站)
- 鄰近返工and 娘家 (30-45 分鐘車程)
- 校網唔錯
置富花園缺點:-
- 大廈外牆正進行維修, 要額外分期灘還到2022年第一季,入住初期要忍受環境差
- 樓齡41年
- 交通往返其他地區遠, 冇會所
- 華富邨將會重建,會影響將來的海景同重建時會影響將來的居住環境
將軍澳中心優點:-
-樓齡較新 (17年樓齡)
-有會所
-交通方便, 鄰近將軍澳站
-鄰近大型商埸 (i.e. PopCorn), 容易買生活用品
將軍澳中心缺點:-
-人口稠密度高
-返工放工等繁忙時間港鐵超多人
-如果港鐵有任何事故, 出市區比較困難
- 離娘家(西環) 比較遠 (45-60分鐘車程)
- 校網一般
仲有兩條問題想請教老師
Q1: 我地prefer買有升值潛力, 會考慮受惠於南港島綫(西段)的樓盤, 知道老師推介田灣, 但係該區單幢樓比較多同樓齡比較舊, 請問老師有冇推介既樓盤? 如果冇, 置富花園會唔會都係一個唔錯的選擇?
Q2: 根據我地現時睇樓既經驗, 比較好的樓盤通常一個月內賣出, 所以議價空間比較少,賣出價一般都比銀行估價高少少。我地應該等市況靜D再壓價, 但係又擔心等等下樓價又升, 定係貼近銀行估價都可以買樓?
龔成老師:
1)就上述的3個屋苑,置富花園及港灣豪庭較好,始終對你的方便程度較高。
兩者中,港灣豪庭的升值潛力會高D,至於置富花園,由於就算將來起南港島線西段,相信都唔會經過置富,只會行下面的華富。
但如果只考慮方便你自己的程度,可能置富又會好少少。
中短期維係問題唔好太在意,最重要是睇長期。
另外,你可以睇下黃竹坑的金寶花園,雖然不是大型屋苑,但近黃竹坑地鐵站,加上將來隔離會有商場,生活配套會慢慢齊。不過呎價都唔算平,但你可以睇睇。
2)如果你可以等得,最好是耐心少少,但你要睇多D盤,要有心理準備有D盤會無左,但有耐性是較易買到好野的。
但現時樓市唔跌,的確較難買到平野,所以只要你認為合理價,有得平少少,都可以考慮。
------------------------------------------------
Q17313:
老師你好,本人買股票已有十多年,不過都係蝕嘅多。
目前的組合也不樂觀,所以想請教你怎樣處理現時的股票。
年初時好不容易才等到2899紫金礦業返到家鄉,放出後以83蚊買入1000股823領展,目前仍持有中,該長線持有嗎?
另外還有以下股票:
9988阿里巴巴 100股,買入價176
3323中國建材 10000股,買入價12.7
1618中國中治 10000股,買入價4.97
1333中國忠旺 25200股,買入價5.85
想問下以上除9988外、其他點處理好、該止蝕轉換成其他股票嗎?謝謝!
龔成老師:
阿里(9988)可以長線。至於領展(0823),有質素的,可以守。
至於另外的3隻,質素與增長力都不算好高,雖然不是劣質,但持有的價值不是好高類別。
中國建材(3323)如貨不多,可守,但預佢增長力唔強。中國中冶(1618)長遠應該賣出。中國忠旺(1333)長遠都應該賣出,但由於不是零質素,因此唔一定要立刻賣,可以等上翻D先。
長遠來說,你應該轉換成更優質、更高增長力的組合。
你有三大問題。第一,選股能力不強,你要考慮企業在行業裡的優勢,以及長遠行業的發展力,唔好只著重當刻的情況。
第二,太過著重買入價,其實你應該著重資產質素,要建立平衡與優質的組合。
第三,無用平均的買入方法,除非你掌握到企業估值,否則,以平均入市的模式進行,這樣能有效減少買入價的風險。
------------------------------------------------
Q17314:
老師,我從上年八月開始買入領展的月供股票,現在佢既市盈率係負數,咁我應唔應該繼續供落去呢?謝謝老師
龔成老師:
我地投資股票,就是買入企業,唔好太著重中短期因素,要睇長遠的企業質素與發展。
領展(0823)有質素的,中短期香港地產市道當然較一般,但長遠仍是正面,增長力或者不及過往年代,但要平穩增長及收息是無問題。
佢市盈率出現負數只是因為物業重估因素,這只是一些會計上的數字,對業務無影響的。
另外,月供股票一定要長線進行,唔好中間轉來轉去。
------------------------------------------------
Q17315:
老師,本人47歲、3年前買咗樓平租比自己人、租同供等同!
我買咗收息股3、6、405、435、778、1038、2388、6823、大約共160萬、現金淨40萬!
月可儲$10000
請問老師覺得我仲有咩安排會比較好呢!
謝謝老師提點
龔成老師:
你持有的,都是有質素的股票,雖然增長力不算強,但以你的年齡情況,其實無問題,配置基本適合。
你現時有物業,同時股票都佔財富一部分,基本上能做到股樓平衡,配置不差。
現金$40萬,以現時的大市平貴情況,都算可以,但暫時唔好再動用這$40萬,除非出現大型跌市,否則作備用及等機會之用。
至於月供可儲$1萬,你可以投資平穩增長股,分注或月供都得,例如盈富(2800),如果你可以承受到風險,就可以將其中$3000供一些潛力股,因為你的組合現時並無潛力股。
------------------------------------------------
Q17316:
成老師!1876 怎樣看 ?
龔成老師:
百威亞太(1876)以質素來說,的確不差,佢係百威亞太控股為AB InBev Group的一部分,係亞太地區最大的啤酒公司。
佢從事生產、進口、推廣、經銷及出售超過50個自家擁有或獲許可使用的啤酒品牌組合,包括百威、時代及科羅娜,以及旗下多國品牌和當地品牌,如福佳、凱獅及哈爾濱。
佢係多個國家都有相當的市佔率,同時增長力強,就近年的數據睇,盈利每年都有雙位數增長,業務、品牌、質素絕對有。
過往股往少少貴,現時合理翻D,你預現時是合理區中上部,分注投資,長線持有都可以。
------------------------------------------------
Q17317:
龔成老師你好,我一直有留意龔成信箱,希望可以為自己制訂一套良好的投資組合,包括美股、港股、RIET、債券等,但過去5年覺得投資上走彎路,錯誤的港股投資及炒股導致數十萬損失。
因此在此希望請教一下龔成老師,以制訂一個健康的投資組合並盡快達到財務自由。以下為本人的基本資料:
今年29歲,從事穩定行業,月入約5萬,每月可儲2-3萬。另每年公司Bonus約20萬。主要資產如下:
1. 一香港物業出租,價格1000萬,做400萬按揭,每月供款約15000,租金收入24200,將來用作自住用途:
2. 香港股票50萬:包括中國石油化工股份(13%)、中國鐵塔(5%)、建設銀行(37%)、石四藥集團(8%)、藥明生物(15%)、長實集團(9%)、中銀香港(10%)、京東集團(2%)
*本人認為太集中在金融股、想調整組合加大中國鐵塔投資組合份額降低平均成本(原買入價2.13)及另外再買入吉利等增長股;
3. 美股約HKD15萬: 包括Beyond Meat、Zoom、波音等;
4. MPF17萬,另外每月額外自願供款1000
5. 現金約30萬
目標希望在40歲前每月產生4萬元現金流,現在正考慮在投資組合中加入星加坡及日本RIET,以及未來到英國置業、請問可以做到嗎?
龔成老師:
首先,你有「建立財富組合,做好配置」這是正確方向,持有優質資產長線是大前題。
不過,你這年齡,可以進取翻少少。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你應該在40歲前,著重增值,到40歲,轉為現金流類別。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
因此,建行(0939)、中石化(0386),以你的年齡來說,並不適合。
你可以加大少少吉利(0175)及中國鐵塔(0778),長線持有。
至於外國的房託,只要有質素的都可考慮,但要留意不少房託都以收息為主,增長力不強,而你這刻應加強增長力。
------------------------------------------------
Q17318:
老師你好,我同先生每個月可以儲10000,有樓,年紀32歲,流動資金50000,請教我地怎樣投資可以做到財務自由
龔成老師:
你地的現金唔算多,建議$5萬唔好動用,除非大市有大型下跌。
至於你每月$1萬,暫時可以將一半投資,你可以月供股票或自行分注投資。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先。做月供股票,每月$5000
。
你可以考慮盈富(2800)$2000。
另外再加1、2隻(每隻$1500):銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、港交所(0388)、希慎(0014)、太古地產(1972)等,你可以了解下這些股票,然後從中選股。
如果你不懂股,就集中供盈富$5000。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q17319:
龔sir,感謝你。
又一年過去,眨下眼我26歲了。我已完成了第一個一百萬。
感激遇到你令我對財務策劃上有更多既認識令我對自己有要求有目標,雖然還未稱得上熟悉股票市場,但我仍然會保持學習的心 堅持每月供股為我的未來努力。
下年目標希望能購入一層800萬以下的自住單位。
希望我會成功
龔成老師:
加油!你已行在正確的路。
理財是長期戰,你要保持進行,方向已正確,保持努力就得。提高自己的投資知識,以及不斷儲錢。希望你能成功置業。
由於你打算在1年裡買樓,因此宜持有較多現金。
------------------------------------------------
Q17320:
老師,目前我23歲
月供2800中。
想問月供美股可考慮嗎?
有邊隻可以選擇?
我上網留意 美股可一股買賣 只需幾百元,對嗎?
龔成老師:
唔好因為入場費低而強行投資某一股。
最重要是這股有質素及長遠發展正面。
美股你可投資,只要當中是優質股,以及你熟識就得,你這年齡,可以投資增長力較高的股票,盈富(2800)可保持月供,至於美股,你可留意一下科技類的,例如GOOGLE等。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
國中會考範圍2022 在 龔成 Facebook 的最讚貼文
【龔成問答信箱】(Q13081-Q13100)
Q13081:
HI 龔SIR,我係你之前的股票班學生。最近分析緊安踏(2020),覺得佢所有野都好好。
佢做零售,但存貨周轉期唔大,而且亦有好既分銷網路,供應鏈方面令到佢貨如輪轉無存貨壓力,加上現金充足而且負債有限,將來發展仲會以中國中高階市場為主。
利用收購唔同既外國品牌黎做多元化既品牌組合,提高「差異化,高端化及功能化」為目標,而且配合國家政策要發展體育用品消費,加上未來多個大型體育項目係中國舉辦。
但係唯一一樣缺點就係佢依一刻太貴,成40倍PE,我睇過佢同業其他都係10幾倍PE,而其他既缺點都唔係好影響到佢既核心。
例如無持續性需求,而且佢既轉換成本唔高,所以我推算佢將來就算增長30%,個PE RANGE都係10-17倍左右,再加埋佢優質度預計佢合理價係HKD 27 - 47。唔知你有咩睇法呢?
龔成老師:
安踏(2020)這股有相當的質素,你見我在一年前出版的《50值博倍升股》,比佢的優質度去到4分,可見這股有一定的投資價值。
但近期的股價實在升得太快,我自己都認為有點貴,雖然本質不差,有增長力,但我地都唔可以太高追貨。
由於佢有相當的增長力,品牌與發展,所以可以將合理估值調高,因此會將你的估值範圍再調高。不過,我認同現時的股價,的確處貴的水平。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13082:
老師,你好,本人29歲已婚,與另一半沒有任何投資,每月收入共$57000,現金90萬,月儲$15000,沒有任何物業,一直想買細價樓入市,但仍正在儲首期中。
看完你的專頁後,覺得有需要作多點投資在股票市場上,但又不知道現在樓市會不會有波動,可以有機會入市。不知道應該繼續只儲現金,還是如何分配比例作投資。
想請教下應該如何調整投資策略。謝謝你!
龔成老師:
你的年齡是增值的黃金時期,持有現金絕對是浪費了你的資源。
無論是細價樓,還是優質股,都好過你持有現金,你要仔細計算下,自己打算幾時買細價樓。
如果1、2年內會買,就無法利用股票去增值,這刻只有持有現金,同時等機會買樓。如果你打算2、3年後買樓,就可以利用這段時間,投資股票去增值,而投資的,將會是平穩增值型股,例如盈富(2800)等,你可以將一半現金投資。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13083:
老師, 收到66(港鐵公司)可選擇以股代息, 每股派息$0.25, 換股價$47.31, 應該如何選擇, 謝謝
龔成老師:
以股代息就是你收息時,唔要現金,要股票。
首先,你一定要長線投資的,因為佢會派碎股比你,所以你最好以不斷儲股,每次都收息的模式進行。如果你不怕有碎股,基本上可以進行的。
第二,只有優質股才可進行。港鐵(0066)可以的。
第三,換股價合理,這股現價合理,可以進行。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13084:
而家每月供緊地鐵同盈富 各$3000
想加多一隻!恆基同領展邊隻好d?
龔成老師:
你可以加上恆基(0012),因為恆基有一定的質素,同時是綜合企業,有助分析風險,同時仍是有增長力的股票。
另外,如果日後收入再增加,再考慮增加月供金額的時候,可以考慮加大盈富(2800)的金額。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13085:
龔老師,請問1789 現價7蚊算合理水平嗎?本身有少量倉貨2.6,想再增持,但不懂現時PE同類比,會否過高?多謝
龔成老師:
愛康醫療(1789)正面的,這股業務不差,有增長潛力,中期盈利增長,這反映企業有實際的價值提升。
不過,這股現價已有少少貴,未必值得再入。你持貨不算多,就長線持有,你可以等回少少先加注。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13086:
龔老師 我想問下你對2138香港醫思醫療既睇法,見佢年年盈利有增長,現金流亦大,財務方面雖然近年借多左錢但都係合理位。
另外,佢roe亦超過30,唔低。最近政府又推出自願醫保,推動市民用私立醫院。
整容及美容文化亦在國內越黎越普及。所以我幾睇下佢未來保持增長。你覺得佢前景如何?
龔成老師:
香港醫思醫療集團(2138),其實佢的業務增長唔錯,生意保持向上,相信香港的市場仍有,佢的業務仍會向上的。
暫時睇佢的業務,整體是正面的,行業仍增長,相信有投資價值。不過,現價唔算平,要考慮佢的風險與回報,雖然過往增長理想,但是否仍有好大的市場,這點仍要觀察。
投資值博率算是中等,如果注碼不大,都可以投資的,長線投資有可能有收成。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13087:
如果28.35買2388 短炒好嗎?
謝謝
龔成老師:
唔建議短炒,首先,市況不穩,風險高。
另外,之前我做過銀行、證券行,見短炒的客,絕大部分都是蝕錢收場,這根本是有問題的方法。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13088:
請問388在合理區嗎?幾錢是便宜?
如果想將來20年後退休收息每月想有一萬元,現在買這股月供多少才足夠?
龔成老師:
港交所(0388)是好優質的股,但好多時間都在略貴的水平,你預$240以下,才進入合理區。
我假設港交所有10%每年回報(升幅連股息),你如果每月以$3000去做月供股,20年後,會滾存到價$200萬的股票,到時,要賣出股票,然後買入收息股。
假設股息率為6%,你每月平均收息就是$1萬。
另外,不建議你只集中供一隻股,應該加上盈富(2800),以及其他股,組合會更加平衡。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13089:
龔成老師你好,有幾個關於月供股票組合想請教你意見:如果月供一萬蚊,我諗住有以下嘅組合:
$6000盈富基金(2800)
$2000我諗緊煤氣定恆基較好?
(本身手頭上持有4000股煤氣)
$2000地鐵定領展好?
還定係有其他組合你可以提供?
麻煩你請賜教
龔成老師:
你可以月供盈富(2800)$6000、恆基(0012)$2000、港鐵(0066)$2000。這是一個很不錯的組合。
恆基是綜合企業,會有分散風險的能力,同時質素不差,有增長力。
至於港鐵,中短期可能較一般,但這企業本身的賺錢能力好強,好多業務,市民都要持續購買的,這對佢十分有利。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13090:
龔成老師, 想請教一下,如果去決定
現金股息/以股代息?
如何計算價值?
有d咩要注意?
買賣方便嗎? 收費?
龔成老師:
首先,要該股票有「以股代息」,你先可以做。
銀行或證券行,到時會寄信比你,問你要股定要息,你唔填等如要現金股息,要主動填話「要以股代息」,先會比你。
而我地決定做唔做以股代息,一般會考慮三個因素。
第一,你一定要長線投資的,因為佢會派碎股比你,所以你最好以不斷儲股,每次都收息的模式進行。如果你不怕有碎股,基本上可以進行的。
第二,只有優質股才可進行。這股可以的。
第三,換股價合理,這股現價合理,可以進行。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13091:
老師,我月供股票供左一年多了,呢一年收了一定的股息,想問下股息再投資應該買收息的股票嗎?
龔成老師:
「再投資」是一個好重要的動作,因為這是產生複利息的其中一個因素。最簡單的方法,就是再投資翻去原有的股票,只要你原本持有的是優質股,基本上都可以。
如果你想增值多一點,可投資穩健而有增長的類別,例如恆基(0012)、銀娛(0027)。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13092:
龔成老師,想請問2013微盟,未來前景,增長,謝謝
龔成老師:
微盟集團(2013),佢主要在中國從事提供軟件相關服務。佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可幫商戶開設線上業務,「營銷雲」通過大數據分析能力及AI技術,為商戶提供智能營銷服務。
騰訊控股(0700)係佢的主要業務合作夥伴,佢主要以「微信小程序」及「微信公眾號」的形式係「微信」上提供相關產品。
前景正面的,佢過往的業務增長都不差,但佢上市年期不算長,風險較大,加上現價估值唔算平。雖然投資都可以,但小注好了。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13093:
龔sir, 現時你建議應留意邊隻增長股 ?
2388,6823,778 算唔算好嘅增長股呢?
龔成老師
中銀香港(2388)是平穩增長股。
香港電訊(6823)、置富(0778)是收息股。
上述的都有投資價值,都可長線投資。如果你想投資潛力股,可投資比亞迪(1211)、中生製藥(1177)、福壽園(1448),但注碼不能太多,這類潛力股風險相對較大。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13094:
我經常留意你介紹既優質股有12,盈富,港鐵,銀娛,這些股票,但很少題700騰訊和11恒生銀行。
想知到,騰訊和恒生銀行不夠優質嗎?
龔成老師:
騰訊(0700)與恆生(0011)都是不錯的優質股。
只不過,騰訊的股價經常在略貴水平,就算早前回落較多,也只是去到合理區,與平宜區仍有一定的距離。
這股都有資價值,但這刻不算平,如投資可分注進行,如有貨可長線。
至於恆生,有質素,基本上都有平穩增長,加上收息的能力,本地銀行股中,我最睇好就是中銀香港(2388)及恆生。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13095:
老師,我現在有1手939,1手1310,1手5。全部都是認識你之前買的。作為收息股,匯豐雖然是派5仙但只有400股,但建行派3仙但有1000股,結果2隻利息也是差不多$300。
加上匯豐要2萬5入市,建行只要7千,同一筆錢如果不入匯豐改入建行,利息就已經由現在只有600變成$1200。但你說收息股是有5至6%回報,匯豐卻只有1%,這樣說的話匯豐是否一隻極差的收息股?建行有4%也不算很好的收息股?
還有一點,你常常叫大家不要估會否跌市,但如果估那時不跌市的話就不會估那時才會落入便宜區。那麽應該如何等待買入時間?
麻煩你了
龔成老師:
匯豐(0005)與建行(0939)都是不錯的收息股,都有6%左右,相信你是睇錯或是計錯數。
當我地計股息時,記得計「全年股息」,你可以到財經網站,找翻相關的數據,了解佢地一年派幾多息,就知股息率是多少。
至於「估市」。
我的意思,就是不要「預測股市的走勢」,因為太多人以為自己估到,其實根本是無得估的!
例如佢認為一隻股,由$100跌落$70,已經是「見底」、「預期」股價將會向上,所以買入,這就是錯誤的投資方法。
我地應該分析「平貴」。
例如一隻股票,合理區是$40-$60,股價由$100跌至$70,其實仍是貴,不應買入。
雖然我地不知佢$70是否見底,是否會回升,但我地計算過,以這個價位,去買入這間企業,以企業的價值方法,投資值博率不足,因此,不應買入。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13096:
1359 中國信達 - 2014 3.85 buy, 我想知道現在是否應應賣左佢?
龔成老師:
中國信達(1359)業務包括不良資產經營,投資及管理、金融等,這類業務都較為賺錢,比其他的金融機構賺得更多。
不過,當涉及這些不良資產的業務時,就一定會有較大的潛在風險,當經濟及金融市場出現逆轉時,對佢的打擊唔少,到時股價亦會較為受壓。所以這類股的優質度唔算太高。
你買入價處貴水平,由於這股受經濟較敏感,股價波動會較大,這刻股價並不貴,如果你投資金額不大,可以等較大的反彈才賣出,暫時守住先。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13097:
你好,襲sir, 之前都有 send訊息給你查詢意見, 現在狀況有變, 所以又再send信息給你請教。
早前想抽居屋,所以賣出基金折現作首期 , 雖然提早取回基金罰錢,但基金只有2%的回報, 故此現在將月供基金的錢轉為 月供股票。
現在買居屋落空, 所以 財務上又要再作安排。49歲,入息50000 元, 家庭兩大一小及 上有高堂 ,只有我工作, 現租屋 。
現金 50萬,月供股票6, 000,包括 3000元 盈富基金, 2000元工商銀行, 1000元比亞迪(已供股票約8萬元,近3年才供及近這 幾個月才加大供款)。
因要準備流動現金 再作下年抽居屋之用,所以 打算30萬作定期, 還有20萬元, 有朋友叫我買收息基金每月有7%回報。
如無意外 ,人工在未來六年每年加2000元。
請問 月供股票的比例合適嗎 ?那 50萬的現金安排可以如何?
我期望在我退休之年, 每月可以有15000元被動收入 及抽到居屋。
龔成老師:
你這刻只有不斷再抽居屋,同時,由於你有可能會買樓,投資方面就不能太過進取,部分投資現金,部分投資平穩增值股,小注潛力股,這是較好的組合,而你上述的組合及分配,大致上都是適合的。
你將$30萬作定期,可以,至於餘下$20萬收息基金,你要留意當中的條款及質素,第一,如果佢要求你起碼投資3年,那就不適合你。
另外,收息基金不是保本的,你要仔細分析當中的質素,因為坊間的收息基金有好多,而不少都是「有風險的」,你要仔細分析,若果到你買樓要資金時,到時的價格下跌左,你要套現,就會得不償失。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13098:
老師你好
我每個月儲到大概6萬,拜讀了老師的書籍,上年開始月供股票,現一個月供9000,分配如下 -
2800 2千
0002 2千
0823 2千
0066 3千
計埋其他的股票 大概有18萬
想一邊儲現金一邊月供,現在有100萬流動資金,但等極都未到股市大平賣,又不懂選股,現在正在努力增加自己知識。
想問下:
1. 我應否改變一下月供組合和增加月供金額?
2. 我的目標是投資移民,期望5年內能滾儲到有額外500-600萬,而不影響退休的準備(目標25年退休,想每個月被動收入有30000),請問可以如何部署?
3. 老師請教你,怎樣看 在做一份你不太喜歡但帶給你頗可觀的收入的工作?
應該盡快用賺到的錢達致財務自由再做喜歡的工作,還是應該用一半時間做喜歡的事,另一半則維持現在的工作,但收入減半?感謝。
龔成老師:
1)以你的儲蓄金額,你可以大幅增加月供股票的金額數目,其實你要進行的是「累積財富」,但當中不單要累積現金,而是累積一些真資產,即是優質股。
我地好難完全捉到低位,所以,以月供模式,長期累積,平均買入價,是最好的策略。
你可以盈富(2800)供$10000,其餘3隻各供$5000。
2)當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
所以,你這刻可以集中供平穩增值股,如可以承受少少風險的話,就加上比亞迪(1211)、中生製藥(1177)去月供,每月$2500。
到之後有一定的財富後,再作出調整。
3)我會比一個年期自己,例如5年,在這段時間內,盡我最大的努力儲錢,累積初期資金。當我地進行人生財富累積,愈初期我地應該儲更多的錢,不斷滾存,到之後,儲蓄的作用會慢慢減,而投資的威力會不斷增加。
你做幾年後,先轉到其他工作。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13099:
龔先生你好, 想請教一下.
本人現年54歲, 單身女性, 是一名自由工作者, 收入不穩定, 現金積蓄時有時無, 幸好基本生活OK, 沒有負債及其他負擔.
現時有一個已完成供款的自住單位, 市值約 530 - 550萬. 另有3份基金/保險分別在 2022 至 2024年可贖回, 保守估計屆時約值80幾至90幾萬
由於年紀漸長, 希望可於60歲或之前, 逐漸以穩健的投資收益代替工作收入來應付日常生活開支. 請問,
1) 是否建議本人明年達55歲時, 立即把自住單位申請做逆按揭 ? ( p.s. 本人的自住單位不必留給後背的)
2) 在三數年後當基金/保險到期可贖回時, 有甚麼可以安排呢?
3) 此外, 以我的情況, 有沒有其他投資建議, 可以略為增加收入?
目標是: 將來即使不能工作, 也不至於過得緊絀.
佇候高見, 謝謝!
龔成老師:
1)對沒有後人,無需特別留低財富的人來說,逆按揭是不錯的方法,我相信是適合你的,你可以先到銀行了解下具體的資料,每月將會收到多少現金流,如金額接受的話,基本上可以進行。
2)你可以投資收息股,因為你這部分的資金較少,可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、必瘦站(1830)、互太紡織(1382)等(記住,股價略波動,不能太過大注)。
3)投資債券、銀行的保本收息產品,但我相信收息股的利息會較好。
如果你有一筆現金,想投資低風險的項目,可以考慮「年金」,這都是適合你的。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
Q13100:
龔成老師想問下你意見,因為近日睇緊你本《致富藍圖》,提到資產問題,加上我近日辭左職,想去搵兼職工作。
我計過人工比之前少左,無哂福利,但多左兩日,想去試下其他兼職工作,擴闊一下眼界同人脈,咁樣做算唔算資產一種。
另外我都有興趣報健身教練課程,睇下將來有無機會做下兼職,求老師指點一下,謝謝
龔成老師:
你現時有比過往較多的空閒時期,一定要好好利用,做自己有興趣的兼職,擴闊人脈,這是不錯的方向,都是資產項。
我會建議你多試新野。如果你長遠想發展成健身教練課程,就要落實去行,這刻已可以開始上課程,將來甚至發展成全職。
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。