偽人生教練系列-致青春✨
.
突然又抽起條根想寫下偽心靈雞湯😹今次想講下,過左公開試,之後既心路歷程同一啲啟發✨
.
姐係會考高考既人!我係個唔鐘意讀書既人,順應住屋企人既意,半推半就咁高考得中文有個C,英文合格咁樣上 [諗起都唔知開心定唔開心😹], 先係讀左兩年文化研究asso, 再讀多四年醫療管...
偽人生教練系列-致青春✨
.
突然又抽起條根想寫下偽心靈雞湯😹今次想講下,過左公開試,之後既心路歷程同一啲啟發✨
.
姐係會考高考既人!我係個唔鐘意讀書既人,順應住屋企人既意,半推半就咁高考得中文有個C,英文合格咁樣上 [諗起都唔知開心定唔開心😹], 先係讀左兩年文化研究asso, 再讀多四年醫療管理,半推半就咁,叫大學畢業,而對於一個唔鐘意讀書既人黎講,求合格是常識吧,3rd Hon 我都心安理得🤪至於呢戇居居既接近十年,我有少少睇法😹其實唔好學我,唔係咩好例子🕺🏻
.
1. 有興趣既野,去做,去學!
因為出左來做野,就唔係話想做乜都得...當然唔係話超越曬能力範圍你去做啦,我記得我好想學化妝,但一路dum dum 下,就一直無學,出到來做野就更困身,更難抽身去學了。但我出左來做野之後有完成自己既小心願!去左騎術學校學騎馬,同你講,係馬背上既感覺,爽過搭飛機!但因為好貴同埋太過遠,我學到可以唔洗教練拉住馬,我自己控制到我就無學lu
.
2. 大學必做:上莊拍拖反pt 走堂?
我係個無乜錢既學生~基本上我一個月會反16-18日pt, 仲要為求自己有穩定收入,打2-3份工,總之份糧唔會斷!但你問我,傻既咩!!生活到負擔唔大就唔好反咁多,學生時期既pt 唔會係d 咩好工😹[我其中一份係馬會,反馬場行行企企個d, 我就考個training 試考得高分,係d 好重點既廂房企,係呀,企,仲要新黎新豬肉,企𨋢門,企足一日☺️就係一見到人就問☺️hello 請問幾號枱呢?但係呢份工勝在非常好收入咁lor] 一個反工緊要既我,上莊我係無既,你問我緊唔緊要,我覺得唔緊要,因為莊基本上就係睇你點同人合作溝通,而呢樣野,反工你會極速被鞭策到你由唔識變識🦾至於拍拖,咁梗係要啦!後生唔拍拖做乜鬼姐😹知自己做緊乜咪得囉😹😹到走堂來講,我真係好enjoy😹個種無壓力隨心浦頭既日子,你試下反工個鬧鐘響,你禁低佢繼續訓🥱所以可以咁任性無乜大後果個陣,就走下🕺🏻[咁梗係唔係叫你考試先出現啦大佬😹小走怡情]
.
至於我讀書個理念係,該做既要做!做好自己要做既野,唔會free ride 人!但係!要讀得好,要投放咁多時間,而我做既工都唔會係咩專科,我點解要捨棄咁多自己時間黎讀好d😹我係求有張畢業證書黎見工既人[so far 根本無人睇話你乜Hon , 著眼既更多係你點對答,你既處事,亦正因為我pt 經驗多,好多時見工都會focus 係呢d 位多], 但我多出來既,係反工搵錢[想當年我反pt 反到一萬蚊出來 lol] , 多時間出去玩,多時間hea, 多時間拍拖🕺🏻咁樣睇一啲都唔勵志,但係回頭一睇,都幾viva 喎🤪
.
至於興趣,最常就係出現係d 歌唱比賽!可能個人就係咁,大膽左,厚面皮左,因為講真,一發台瘟個陣,真係要搵窿捐架😹相入面係啲公開比賽,學校比賽,同埋尖沙咀星光大道😹反而出來做野後就收山lu, 有時見到d 人busking 我會諗 [嘩而家我真係唔敢]😂😂
.
講到尾,如果唔係做d 乜師乜師,又或者你對自己要求唔一定要爆曬,真係好建議你,乜都去試下玩下enjoy 下,你唔會知你做緊既野,真係可能對第日有所幫助,就算無,你可以講句:我試過!
.
我好似唔係偽人生教練,係反面人生教練😹
#活著viva
#偽人生教練
#sh_notes
困𨋢英文 在 龔成 Facebook 的最佳解答
【龔成問答信箱】(Q21921-21940)
Q21921:
老師,上完最後一堂,多謝你既分享同教導。
我follow左你個page好耐,但都係今年先開始認真學投資理財,以前以為只要儲錢叻就ok.
自問儲錢唔算差(當然無老師勁), 以前一個月揾一萬左右都儲到7至8000左右,因為細個開始就想收租退休
(大學個時我靠幫人補習都儲到10萬畢業)不過總係儲唔到大錢,次次一儲到一筆仔,就會係無厘頭既情況就會用左
直至認真睇投資書,認真睇致富心理先發現原來我方法算ok, 但心態唔好
老師,尋晚你話俾個終極目標自己,我好認同。收租退休都仲係我終極目標,但係依家學識要set short term goals
話說我買左樓,唔係最理想既,但都係我心水地方之一。新界藍籌屋苑,希望會係我第一間有既樓,之後會再換大啲/買多層收租,希望一步一步向目標前進。
多謝你過去8堂授課。雖然我未明得晒,不過都照報左進階班!希望可以學多啲野!
暫時我都只係做緊月供,見次次你講親既優質股都偏貴。同埋啱啱買完樓要少少時間回氣,差不多差左袋。
不過我會留意多啲股票市場,等自己既投資唔好集中晒係層樓度,雖然依家有mortgage link account, 但我諗揀啱股票既回報會更高,更快可以幫我買第二層樓然後開始收租。
Sor for 太長氣
龔成老師︰
其實你未掌握晒,係正常。但只要你努力溫書,再去實踐。好多你唔明的知識,就會慢慢變得明白。
因課堂教你們的,只是一些知識、技巧和經驗分享。你必需要去實踐,去累積經驗,我教的知識才會有用。
你現時投資想法,大致都正確。由於你財富組合,偏重係物業類。現時你應用新資金,先集中投資優質股。而你未對平貴太有把握前,可維持月供模式去做。
而第二個物業,你唔洗太急,最好隔長少少時間,先再考慮,以減低週期性價格風險。
至於進階班,其實你掌握到初班的7成知識,你就應該應付到。如果你覺得自己未到7成,你就在此期間,比心機溫,為進階班好好準備。
進階班見!
------------------------------------------------
Q21922:
你好啊,想請教下因為計劃緊買樓。
1. 你覺得應該放哂全部股票去比多啲首期好,定係留返部分股票唔放之後比少啲首期較好?
2. 另外,如果諗住可能半年-2年內買樓,係咪唔應該再做月供?
因為我同男朋友現時月供我:$5000 / 男朋友:$8000
龔成老師︰
1) 現時按息不高,我建議你借多D,空出來資金,用來投資增值,效益會較高。
而且,我地投資都會講求一個組合平衡性。如果你買樓,而要盡固股票,令成個財富組合,完全偏晒去一邊,其實係唔理想。
2) 要視乎你月供資金,係唔係需要用來置業。如果不用,你維持月供係無問題。
若要動用,你就要睇有多久,才會動用。若只有半年至1年,最好就不要月供,直接現金持有。
如果長少少,可以去到2年,你都可以維持月供。但選股上,就唔可以太進取,盈富(2800)係可以。
但比亞迪(1211)和小米(1810)這類潛力股,波動性太大,我唔建議。
另外,你可以考慮收息股,佢地增長力不高,但勝在股價波動較細,又有一定股息,都值得你考慮。
收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
------------------------------------------------
Q21923:
老師,我係你股票班學生,上年上你堂,真係獲益良多,感謝你一直既分享,同發放正能量,令我覺得自己都有機會做到。
但可惜我剛上完堂,婚姻出現問題,呢半年我經歷情緒問題,好想自己慢慢放下件事,好想向前行
想為自己打算,要靠自己係香港置業,決定自己生活,但睇過好多小單位,一個人供真係好吃力,供得樓黎,又無多餘錢投資,令我覺得無希望一樣。
睇住自己之前建立既股票組合,阿里同中煙都跌好多,而令到心情更差,好似已經努力存資金,但覺得唔會達到財務目標一樣,好灰心。
想多謝你的正能量分享,有時令我覺得仲有希望。另一方面我對唔住你,發生件事後,我無好好溫習,可能課程內容已經俾反晒老師你了。
但我呢排情緒好轉,我亦打算抽時間溫習,希望會pick up 反。感謝
龔成老師︰
每個人一生中,難免都會經歷一些人生起跌。在不順境時,會覺得做什麼事都很困難,有一種無形的無力感。
但你要明白,這個世界,唔會永遠只係給你不如意的事。就好似大雨過後,你是總會看得到晴朗的藍天一樣。
你可以給自己一個時間,去慢慢調整自己心情。有需要時,你可以尋找專業人士意見(如社工、醫生)。之後,你再調整投資和置業計劃都未遲。
中煙國際香港(6055)和阿里巴巴(9988)都有質素,中短期波動總會有,但佢地質素無明顯變差,你照長持有就可以。
月供方面,如果你係用我之前建議,你就照進行,就可以。
記住,你要先照顧好自已,才進一步去計劃其他的事。只要我地要按部就班,一步步去處理眼前問題,總會找到方向。
------------------------------------------------
Q21924:
龔成老師,我最近買了一些股票,比亞迪1211,恆大汽車708,中國平安2318,信義光能968,中芯國際981,工商1398,粵海270,這些股可以長期持有嗎?需要set止蝕嗎?
另想問問中國有贊8083有潛力嗎?想買黎長線投資,值博率高嗎?
另完美醫療最近兩日回了不少,現價8蚊左右可買入嗎?還是等待合理價4~6蚊再買?
VESYNC 2148我12蚊買,依家跌到10蚊想問需要止蝕嗎?佢係小家電龍頭,但由於之前有部份股權有禁售期,黎緊18號解禁,我怕會再大跌,請問需要止蝕嗎?但看佢基本面是強的,唔該哂。
補充一下買價︰
比亞迪1211:$171{佔比10%}
恆大汽車708:$36・35{佔比10%}
中國平安2318 :$83 {佔比20%}
信義光能968 :$13・93{佔比10%}
中芯國際981:$24・75,{佔比10%}
工商1398:$5・02{佔比20%}
粵海270:$11・5 {佔比10%}
阿里巴巴9988:$217・8 {佔比10%}
龔成老師︰
這些股票都有質素,係一個偏向進取的組合。若你係年青至中年人士,這個組合係可以。
但比亞迪(1211)現價係貴,現貨可持有,但加注最少等到$135以下,才好考慮。
另外,恆大汽車(0708)雖然可能有潛力,但風險高,佢資金投入的確強,大力發展新能源車,但這些仍未有賣產品真正的實力,長遠能帶動多少收入,未知。
由於仍有好多未知數,而股價已經大升左好多(比半年前),因此,這刻要自己衡量風險。
可能佢真的有潛力,但連基本的銷售銷售都未有,我地作為投資者,就好難分析,只可以話佢股價會大上大落。
我唔係話佢無投資價值,只係不確定性較高。投資時,必需控制注碼,不能太大注。
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較大,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
完美醫療(1830)現價依然唔平,你最好等佢有明顯回調,才慢慢小注儲貨。
VESYNC(2148)有少少潛力的。佢係美國小家電線上市場的市場參與者。根據報告,在小家電零售商中,佢係美國就通過亞馬遜產生的零售額而言排名第三及通過所有線上渠道產生的零售額而言排名第五。
業務不算差,發展有潛力,但企業規模始終較細,業務未穩定,整體都有風險。若你只係小注,持有無問題,但就要明白當中的風險。
至於解禁,解禁唔代表股東一定沽貨。而且與企業質素無關,你係唔應該考慮。
------------------------------------------------
Q21925:
龔sir, 最近我睇完你一篇關於現金貶值的文章,這樣
你讚不讚成加按物業去做投資,例如股票、基金或年金?
龔成老師︰
現金長線都只會係貶值,我地今天借錢,明天雖然要回歸還同等金額的現金,但當中價值,其實已經係貶值了。
在現時低息環境,加按物業去投資,係可以考慮。
但大前題係你有無個明確的投資目標,可以確保你有效運用這筆資金,去增值自己的財富。優質股、基金或年金都可以考慮。前2者,你可以比較翻個回報,邊個較理想。
而年金,由於本身回報唔算十分高,若按息增加,有機會令你賺取的息差收窄,甚至消失,你要明白這個風險。
之後,我地就要因應你年紀,去睇翻自己現時負債水平,係唔係適合再加重負債。
若你係30歲,總負債相對總資產去到90%,都可以。但若年紀較大,到50歲時,就最多只可以50%。
------------------------------------------------
Q21926:
龔sir. 我現有的股票組合ok嗎?
恒生 16.97%
中國銀行 4.08%
領展 26.87%
中國人壽 11.28%
港鐵公司 15.38%
阿里巴巴 14.93%
小米 10.49%
月供組合ok? 已供1年
盈富基金 53.14% ($4000)
恆地地產 21.99% ($1000)想停供,供左1年都未供到一手...
小米 21.99% ($1500)
香港電訊 2.88%(供左1個月停供左,因為你說要先增值才再現金流)
想放左恆基轉投2800,想利用沽左既錢每月加大供2800月供金額到5000元,龔sir,請問你的睇法,謝謝
龔成老師︰
先講現有持股,質素上係可以。以你41歲年紀計,都適合你。
中國人壽(2628)質素只算中等,不宜持有太多。
另外,任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。
但要留意,銀行業營運模式較特別,風險會比一般行業為高。必需堅守30%這個準則,如果可控制在20%以內,會更好。
另外,盈富(2800)係不受此限,因為它是一個包含58間優質企業的基金,這些企業來自不同行業。因此,盈富(2800)就算在組合中佔較大比重,都唔會造成過度集中性風險。
你現時恆生(0011)、港鐵(0066)和領展(0823)係超標,但由於佢地都質素,因此你不用沽出,只要利用新資金,去慢慢拉翻平衡,咁就可以。
月供方面,無問題。如果你想集中供盈富(2800)係可以,但唔建議沽恆基(0012)現貨,因為此股係有質素,碎股唔應該係你持有一隻股票與否的考量。
現時大市只在合理區,每月資金唔好盡用。最好留有部份,等大跌市出現時,可以用來掃貨。
------------------------------------------------
Q21927:
龔老師想請教一下,早前以26蚊入左2手 0241 阿里健康,今日跌到18蚊,請問如呢幾日以18蚊入番1至2手,呢隻股下半年,有無上升既潛力?
^_^感激不盡!
龔成老師︰
我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,而唔係短期炒賣,去賺差價。
阿里健康(0241)這是潛力股,佢營運醫藥電商、互聯網醫療等業務。
「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。
另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。
阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。
業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。
我唔知道佢下半年會升定跌,但以長線潛力計,這股有投資價值。但由於不確定性較高,這類股只建議小注持有,但你預佢股價上落大。
若你資金非常充裕,就算再加1,2手,都只係佔你組合比重好少,否則不建議加注。
------------------------------------------------
Q21928:
龔sir, 你好! 有問題想請教你意見,本人43歲,而家住緊一層已供完既未補地價居屋,先生剛剛又買了一層新樓大約明年底可收樓,之後打算住新屋。問題是我層居屋可以點處理好呢?
我唔會補地價放租,亦唔想冒險放租。咁樣應唔應該賣左層樓佢呢?
層樓大約可放到450萬左右,加上我有130萬現金,可否用500萬買一啲收息股來用作生活費。理想係有每月2萬5,我今年開始冇做野,家中無小朋友,先生亦都唔想我再工作。
新樓方面先生可以自己供無問題及支付到大家既生活費。先生亦提出話如果賣左層樓之後10年股票收入會唔會追唔到通脹?
如果真係賣樓轉買股票請問邊啲會合適?(是否銀行股和公用股好)麻煩龔sir比啲意見我呀。唔該晒你。
龔成老師︰
你個情況,比較複雜。我一般會建議,最好將空置物業放租,避免浪費了收取現金流機會。
但你不考慮去補地價放租,我建議可以的話,你們先住居屋。新樓則放租出去,用以租養樓的策略。變相,你先生每月都可以空出一些資金,去用作生活開支。
如果你地都係希望賣樓,去買收息股,都可以。只要你選擇的股票係有質素,長線必然係跑嬴通漲。
但由於收息股作用,主要係提供穏定現金流,去支援你生活開支。因此,你唔好預佢有明顯增長力,只會係收下股息而已。
若你希望每月有2.5萬蚊現金流,以股息率6%計,你需要本金500萬,故你賣樓後,資金係足夠的。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
現時大市只在合理區,你可以先用一半資金,慢慢咁分注入市。餘下就等大跌市,才出手入平貨。
但你要緊記,唔好太集中係個別企業或行業,成個組合要平衡。相同行業不可佔組合多於30%,而單一企業不要高過15%,否則會有過度集中性風險。
------------------------------------------------
Q21929:
龔成老師,你好。手上有幾隻股我列為灰色股,已持有好幾年,已經跌到一個點,現在想重組下,我應該放哂佢,還是那些可以繼續持有,搏翻身?希望你可以給我意見,萬分感謝
1)1165,順風潔能,均價1.3,持有30000股
2)1848,中國飛機,均價9, 持2000股
3)6136康達環保,均價1.75,持23000股
4)1668華南城,均價1.65,持14000股
5)1800 中交建,均價7持6000股
6)1186中鐵建,均價7.6,持3500股
7)665海通,均價3.7,持30000股
希望你能抽空看一下
龔成老師︰
順風清潔能源(1165)睇唔到有明顯投資價值,你最好係沽出。
康達環保(6136)質素好一般,長線建議你換至其他優質股,會對你較有利。
華南城(1668)、中交建(1800)、中鐵建(1186)、海通國際(0665)質素只算不過不失,這些股唔建議持有太多。
中國飛機租賃(1848)本身質素不算差,但又未到好好,主要原因是負債太高。佢利用高槓杆的模式,進行飛機租賃等業務。
其實佢業務有獨特性,在行內有規模,有長線投資價值。
最大的風險來自佢高負債,佢業務原理是借錢,買飛機,再租出給飛機公司。
航空業不確定性較大,對佢有影響,加上佢利用槓杆,風險點都會有。不過,這只是中短期情況,長遠仍是不差的。
現貨可持有,但總投資注碼不能多。
我相信你投資,存在不少核心性問題,例如選股、定價、理財概念等等。
見你持有股票,不單係質素較弱,而且好多時都係買貴貨。你要明白,買股票就同買企業,你必需要了解企業架優勢,點賺錢、行情有無發展,財務狀況等。
唔好聽消息,或者只係知個號碼,就去投資。另外,你要學識點樣去做估值,點去定平貴。
唔好受大市氣氛,影響你判斷。大市好狂熱,人人買股票,你就要小心。因為個價好易被炒高晒,影響你長線回報。
在你再投資前,我建議你先睇我寫架《80後百萬富翁》、《財務自由行》和《股票勝經》,相信可以幫助到你,去認識正確的理財概念。
之後你再重新計劃,你往後投資之路。
------------------------------------------------
Q21930:
早晨龔成老師 我想問一問關於6666恆大物業 自從我係16.4入左4手之後就一直跌到依家 跌左差唔多一半
我買之前都有做功課見佢持現金比例都好高 賺錢能力又唔錯 見佢管理物業嘅面積都增加緊 但預計嚟到佢9.8配股 佢母公司3333恆大又出債務等壞消息
想請問老師對6666前景睇法點 現價算唔算平 同埋如果母公司出事對佢有幾大影響 唔該晒老師
龔成老師︰
恒大物業(6666)其實都有質素,有長線投資價值。
佢係物業管理服務運營商,佢係中國物業服務百強企業中,以項目所覆蓋城市數目計,佢排名第二,如果以總收入、總毛利及總淨利潤計,排名第三。
類別為中高端住宅物業、寫字樓及商用物業,並已訂約管理其他物業類型如主題樂園、產業園、康養項目、特色小鎮及學校等。
佢絕大部分物業管理服務收入,來自集團控股股東恒大集(3333)所開發物業提供的服務。
至於配售,暫時只係預測,而且2.7億佔已發行股數,係一個好少的比例,影響不大。我地投資與否,應集中翻係企業質素本身。
恆大(3333)和恒大物業(6666)是2間獨立公司,就算恆大(3333)出事,財務上都唔會直接影響到恒大物業(6666)。
但恒大物業(6666)不少收入,是來自母公司提供之物業。若母公司恆大(3333)出現債務問題,影響其物業發展速度,將有機會出現負面影響。
你買入價略貴,近期股價回調不少,但都只算係合理區頂部。若你持貨不多,可以守。但持貨較多,最好沽出部份,去平衡風險。
------------------------------------------------
Q21931:
老師,好鍾意你本新書,教左我一樣好重要的事,失敗係必然,有機會去錯係好事。。。。但我都想問一樣你無咁專的事,就係我到30歲先知自己過度活躍症加d亞斯保加。。。
越來越覺得自己好難打工,因為唔鍾意跟大隊,唔明老闆的暗示,無法一心二用,易得眾人,短期記憶差。。。。。。
但我睇野好通透,危急時好應變到,長期記憶好好,觀察力好強,數理好好,英文好<<<其實都比較係這兩個病常見的特質
你所講那5條路,邊條你覺得我行好?
謝謝阿sir
龔成老師︰
首先,多謝你支持我的新書。
你的健康問題,可以先請教醫生意見。以我理解,係可以透過藥物和一些訓練去治療的。
至於5條路點選擇,其實好睇你個人意向、興趣和專長。你現時健康上的問題,我相信唔會明顯影響到你行任何一條路。
「經紀團隊」、「專家」你可試下。其實「生意」都可以,但你可以試左「經紀團隊」、「專家」先,在這兩個類別,有好多你這些無法明老板想甚麼的人,反而更成功。
其實,行這些路重點唔係你當下能力。而係你是否願意投放時間,將自己磨鍊成一位專家。
當中會經歷無數次失敗,你覺得自己有否能力堅持下去,才是成功與否的重點。
------------------------------------------------
Q21932:
龔sir,有財務上嘅嘢想你幫手分析
本人30歲,已婚,暫時未有子女,但將會計劃生小朋友,與太太收入共50k左右嘅穩定收入。
資產:
1)約100萬現金
2)60萬基金保險儲蓄
3)一隻價值約30萬手錶(非必要不會變賣)
4)一層300呎一房單位,價值500萬左右,位於新界元朗區,於2018年做9成按揭上會,月供15000左右
現時與太太居住於家人嘅住所,每個月會俾番$5000家人作租用
有2個問題:
1)我應該作出投資嗎?因為驚拎錢出嚟投資,將會有小朋友需要用錢時,擔心未能即時調動
2)我應唔應該賣咗現時擁有嘅物業,因為我想買番近少少自己現時住嘅地方,當初置業係一時衝動,現時想平手賣出現時物業,並以9成按揭買另一較大嘅物業。
龔sir,我應唔應該賣出現時嘅物業再買入另一較大,樓齡較舊嘅物業?求解答,好困擾
龔成老師︰
1) 現金長線只會一直貶值,不作投資,變相你的實際財富,其實一直在減少。當然,我地都要因應實際情況,去預留一些現金,作日常交易和應急之用。
所以,你要睇翻你自己人生規劃,去調整投資大計。若你短期內,例如1-2年就打算生小朋友,時間較短,故這部份資金,最好以現金儲起備用。
但餘下的資金,我建議你進行投資增值,咁會較好。
你現時財富組合,已經有物業類。將來投資,我會較建議用優質股進行增值,這樣財富組合平衡會較好。
以你30歲,可以選擇一些「平穩增值股」+「潛力股」作投資目標。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
由於你投資知識不高,因此可較集中在平穩增長類股,至於潛力股,只宜小小注。此期間,你最好是努力提高投資知識,才慢慢增加翻潛力股比例。
大市現處於合理水平,那100萬資金(要先扣除,有需要預留的資金),你可以先用一半,以"分注"形式慢慢入貨。餘下一半和每月儲蓄,就等大跌市機會出現,才大力度掃貨,並長線投資。
2) 至於換樓,你要先想清楚。因為香港買賣樓宇成本,其實唔細,一買一賣你當中會無左唔少錢。
作為自住樓,除非佢好唔適合你"長線"生活所需。或者投資價值好弱,否則我唔建議作出變動。
若你真係有實際需要,要轉換自住物業。你可以有2個方法,一個當然是沽出現貨,再換另一間。
另一個就係將而有物業放租,自己另租自住物業。這樣做,就可以保留你這個物業資產,同時也可以滿足你生活需要。
但大前題,係你這個物業要有投資價值,最少有能力跟大市同步,否則就無投資意義。
------------------------------------------------
Q21933:
你好,我買了2618(京東物流),現在我心態放寬,等盈富再跌,再入
京東9618 我也賺了少少時放了,把錢集中在剩下中
都是因為龔sir 建議,已留名你澳門班
龔成老師︰
京東物流(2618)都有質素的。
京東物流係中國領先的技術驅動的供應鏈解決方案及物流服務商。通過科技賦能提供全方位的覆蓋各個業務領域的供應鏈解決方案和優質物流服務,從倉儲到配送,從製造端到終端客戶,涵蓋普通和特殊物品。
根據一些調查報告,按總收入計,這企業係中國最大的一體化供應鏈物流服務商。
2018、2019 及 2020 年,京東物流營收分別為人民幣 379 億元、人民幣 498 億元和人民幣 734 億元。
京東物流於 2018、2019 及 2020 年產生的虧損淨額分別為人民幣 28 億元,人民幣 22 億元及人民幣 40 億元,不過,如果扣除一些非現金流的開支,又未算太差。
佢表示,上市集資所得,部分將用於升級和擴展該企業的物流網絡;部分將用於開發與供應鏈解決方案和物流服務相關的先進技術。
企業有優勢的,長遠發展正面,但中短期股價未必有好強的表現,這股都有投資價值,但現階段未必值得大額投資,小注投資係無問題。
至於沽出京東(9618),若你係因為風險承受能力,而作出的調整,係可以。
但從財富增值角度,緊記優質股係一定要長線持有,才會有理想效果,唔好升少少就沽,目標要放遠少少。
希望疫情盡快受控,可以早點,可以回澳門跟大家見面,澳門班見!
------------------------------------------------
Q21934:
老師,買了你的書看,學到不少價值投資法。本身持有自住物業,打算月供股票計劃約行2年左右,我都比較保守,想上落較少+慢慢增長,以下組合可行嗎?
進行了約半年:
1)AIA $3000/月
2)HKEX $3000/月
3)建行 $3000/月
打算加:
4)新鴻基 或 領展 $3000/月
供完余下每月約$10000 cash flow作buffer,有其他投資推介嗎?
龔成老師︰
你現時打算月供的股票,都係有質素。當中港交所(0388)盈利較受大市波動影響,會係較高風險的一隻。但只要你長線持有,以上5隻都係無問題。
這個組合算係平穏增長型,若你係年青至中年人士,這個組合都係可以。
新地(0016)和領展(0823)都有質素,但增長潛力,領展會高少少。至於餘下$10000,我建議你先儲起,等大跌市機會,才出手掃平貨。
緊記月供係一個長線計劃,月供最少維持3年,並持有這些股票5年以上,才會有較理想效果。
你月供2年勉強都可以,但再優質的企業,都要時間去增長,所以你必需要用長線持有模式,去處理這些月供得來的股票,才會有好回報。
------------------------------------------------
Q21935:
龔sir你好,今次係第二次聯絡你,過去半年期間,我買晒你所有著作睇晒(除左買樓4部曲果本),亦閱讀左好多巴菲特同凱恩斯講價值投資既書,叫做開始慢慢理解股票係乜野一回事
我背景今年34歲,月入只有約18k,加埋太太都係只有約30k,上年買左層6m新樓,月供約15k,今年年尾亦會多個新生命,本黎以為一世人就要供樓供到60歲退休,
但自從睇左龔sir既經歷同著作,我深深相信只要有無窮既意志力同不斷增加知識,一樣可以改變人生,就係呢團火令我將所有非必要既支出cut晒,
放工/放假亦搵多份part time增加收入去投資(雖然真係好攰),所以我先多謝龔sir令我改變左人生態度!而我亦係呢幾個月開始建倉,詳情如下:
66@500 $45.75
175@1000 $24.75
270@2000 $13.16
1099@400 $17.7
1177@1000 $7.74
1928@400 $38.4
1972@200 $23.75
3067@200 $18.96
9988@100 $217.6
暫時仲有約$250k(全副身家)係morgate link
有幾個問題想請教龔sir:
1)你對我所持股票組合有無乜建議?如果我目標係以增長為主,有無邊隻應增持/減少?或加入邊隻股票?
2)現有組合算平衡嗎?
3)我理解龔sir所講,優質股如果股價下跌,反而有加注既機會,但有樣野唔明就係如果我買入一隻股後,股票從未跌穿買入價,咁應該如何去𧗾量加注與否呢?
因為對於資金唔多既小股民,如果只持有一兩手,財富增值一定有限,但如果高於買入價加注咪會拉低左回報囉?
4)我打算短期內最多只會動用多50k投入股票市場,因為要再增加收入/同儲蓄後先會再拎出黎投資,餘下200k就留低以備不時之需,
但現在是否未到時候?係咪應該留起呢50k,等大市有明顯回調先動用?
5)1810&1448我自己好想入,如果無貨幾錢入第一注好?還是起碼等到合理價先入貨?論增長力是否1810會比1448高?
再次多謝龔sir你改變左我人生觀!由於我現時做零售業,夾唔到時間上你堂,但我已決定過埋今年就轉工,希望到時可以夾到時間見到龔sir你真人
Thank you sir!
龔成老師︰
1) 你持有的股票都係有質素和增長力,是適合你的,你照持有就以。
2) 大致上都平衡,但留意一點,以你年紀,潛力股大約佔5成就好了。若你投資經驗較少,要再下調多1,2成。盡可能控制在這個範圍,以免組合中風險過高。
而且,你要隨著年紀增加,要慢慢將潛力股比重下調。去到50歲時,大約只宜佔2成。
3) 你要用買入價,作為入市標準。我地去制定入市策略時,應用企業平身估值平值,去做決定。只要在合理區,我地就可以有計畫地,慢慢分注入貨。但升越合理區,開始貴的時候,我地就要等時機。
若你可用注數不多,第一手是在合理區頂,我地另一注,最好等有較明顯回調,才出手。
若你注數較多,第一手是在合理區中間買入。但由於手上持貨不多,就算回升至合理區中上,你都可以再入小注,再增加持貨。
當然實際操作,我們除了可用注數外,都要考慮埋大市情況,此股質素和潛力等,去得出個最終方向。
你可以參考我<<股票勝經>> P.316-317 中的"金字塔式買入法"。我們分配資金模式,大致上就會用這個方法。
4) 這50K,我建議你儲起,因為現時大市只在合理區,不宜將全部可用資金入市。要留有部份,用來等大跌市機會。
5) 小米(1810)和福壽園(1448)都有好有質素的潛力股,增長潛力上,我會比小米高少少分數。
現價計,小米(1810)略貴,要回多1,2成才算合理。而福壽園(1448)算合理區頂至略貴,無貨先入一注都可以。
我的書本,只是給你一些投資知識、技巧和經驗。真正令你改變人生觀的,其實是你自己。
我有時都開星期六班,你可以留意。雖然你暫時夾唔到時間上堂,但唔好因為咁,就停左學習。要多睇財經新聞、年報、相關書籍,去提升自己技巧,長線投資才做得好,加油!
------------------------------------------------
Q21936:
龔成老師,你好: 上年才認識你, 開始爬文.
本人己是中年,現在份工已做了13年(有中年危機), 但一點都唔開心, 只是求生活, 月入3萬, 物業Mortage尚有300萬, 只有40-50萬現金,上年開始供股$4000 AIA & $4000 銀娛.
想請教:
1) 現在開始步會否太遲?
2) 如果想用儲蓄錢(40-50萬) 加碼在每月供股部份, 應該怎每月供幾多, 買邊隻比較安全?
3) 需要點做才有被動收入3萬達到財務自由?
每月可以儲多$2000現金
龔成老師︰
1) 現時起步雖然唔算係早,但只要你用正確方法和心態去投資增值,都可以做到一定效果出來。
2) 以中年人士而言,都有增值需要,但策略上要保守少少。你可以選擇一些「平穩增值股」,作為投資目標。
以現時大市合理區狀況,你手上50萬,我唔建議盡用。你大約可以20-25萬,分開3年,每個月加大$5500-7000去做月供。
平穏增長股:盈富(2800)、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
你可以從中選擇多2隻,更好方法,就是全數加入盈富(2800),佢係包括55間質素不錯上市公司股票的組合,有助你平衡組合中的風險。到你有一定能力,才買其他我建議的股票。
餘下現金和每月多儲的$2000,就是等大跌市時才出手。如果你能在這段時間學好選股等技巧,到大跌市時就能把握機會,財富增值會更明顯。
3) 如果你希望每月有3萬蚊現金流,以股息率6%計,你需要本金600萬。
你要透過以上方法,去累積這筆資金。到有足夠數量時,就將佢換成收息資產,去創造現金流,支付你退休生活的開支。
我假設投資回報有10%(連股息再投資),你每月投資$10000 + 50萬本金,15年後大約會增值至590萬,故這樣安排相信很大機會達至你的財務自由目標。
------------------------------------------------
Q21937:
龔sir, 現為大學year3, 預計畢業後有20-25萬資產。暫為14萬資產,5萬由屋企人保管投資,2.5萬貴金屬, 4.7萬股票,其餘為現金。
今年內預計會再有5萬現金收入作為增長,暫時收入以補習教學為主,7-8、12為收入高峰。現為21歲,如果想5年內有100萬資產,應如何部署增加收入?
小妹在投資市場上曾入手港股1.06 元入手432及美股以64usd 入手Nio,而432已離開,仍手持nio, 但虧損波幅較大。
我可以承受中等風險的投資,但仍未搵到合適自己的投資組合
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
你現時大學year3,相信是十分年青的年紀,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
策略上,你應以增值為主。
貴金屬(如金銀、黃金),主要係用來對沖突發性事件。佢本身唔會創造現金流,不宜持有太多。佔組合3%左右,其實就足夠,最好以實貨持有。
蔚來(nio)有質素的。佢係中國高端電動汽車市場運營,生產電動汽車,同時間佢發展緊自動駕駛,以及人工智慧等下一代技術的創新項目。
例如型號EP9、ES8、ES6、EC6,通過佢自己的銷售網路銷售汽車。長遠發展正面,前景就無問題,現貨可持有。
但你預佢之後的股價上落仍大,投資一定不能太大注。可長線的,注意風險。
盈大地產(0432)過去多年都出現虧損,加上負債不輕,睇唔倒佢有投資價值,不要再投資。
由於你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。
你可以投資「平穏增長股」和「潛力股」。你每月5成儲蓄做月供。其餘先儲起,用一邊月供一邊儲蓄的策略。
你現時無太多投資經驗,潛力股這類風險較高的股票,你就不要持有過多,最多維持2-3成好了。你相再保守點,甚至先集中係平穏增長股類。
到你有一定投資經驗﹐潛力股比重可以相應調高,佔組合約3-5成,視乎你當時投資經驗多寡和了解這些股票程度而定。
現時大市只是合理區,你現有25萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$8000 + 25萬本金,5年後大約會增值至100萬。你可以就著這個預算,去計劃你的理財方案。
當然,這個金額只係一個參考。你還很年青,負擔相對較少,應該盡力儲蓄去做增值,儲蓄比例最少要達至收入一半,才算理想。
------------------------------------------------
Q21938:
龔成老師你好,我今年32歲,月入$45,000,每月可儲$20,000至$30,000。
1. 目前持有股票:盈富基金2800 5000股@24.5、希慎興業0014 500股@29.5、粵海投資0270 2000股@12.08,以上是希望可以長揸收息。
2. 另外還持有:偉易達303 1300股@89.30、易大宗1733 12000股@0.78、中國銀行3988 20000股@3.29、碧桂園2007 10000股@14.57、明源雲909 1000股@60,
雖然部份都有息收,但股價一直上不回家鄉價,要不要考慮止蝕。
3. 現有$300,000現金,考慮再買入以下股票:金沙中國有限公司1928,國藥控股1099,阿里巴巴9988,銀河娛樂0027,京東集團9618,中國平安2318,
請問以上推介那一隻呢?建議買入價是多少?
麻煩晒
龔成老師︰
1) 你個財富增值概念,唔係太正確。
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時32歲去計,應先做好增值部份,而唔係去諗點收息。你現時持有股票,其實都有一定增長力,係平穏增長股類,都適合你,你長線持有就可以。
2) 你唔好用買入價,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
你上述持股有質素,但偉易達(0303)、中國銀行(3988)只係收息股,增長力好一般。碧桂園(2007)負債水平好高,風險唔細。
而明源雲(0909)不確定性較高,這4隻股票,你都不宜持有太多。
至於易大宗(1733),此股投資價值不高。最大的問題,就是核數師意見,過往多年都出現「保留意見」,反映核數師認為佢盤數「有古怪」,有些問題,這類股,沽出較好。
3) 這6隻股票,都係有質素的增長股,都適合你。阿里巴巴(9988)和京東集團(9618)偏向潛力股類型,風險會較高﹐故要控制注碼。
現時這些股票,都在合理區,現價可以入1注。但由於未算平,故資金不要盡用,最好多等每回調10-15%,才再考慮加注。
------------------------------------------------
Q21939:
成哥你好,想問下你隻1024快手,我330入,依家大概回到去204,見佢業績都麻麻,請問可唔可以長線持有,定升返d轉其他。
另外本身個組合想入返d實業類,蒙牛乳業同農夫山泉,想問下咩價位入比較合理。
謝謝你抽空幫忙。
龔成老師︰
快手(1024)係全球數一數二大的直播平台,絕對是一隻優質股,有獨特性,有客戶群,有潛力,長遠的發展力正面。這股有長線投資價值。
快手與業務夥伴合作提供了一系列產品和服務,於滿足平台上自然產生的多種需求。快手提供的產品和服務包括娛樂、線上營銷服務、電商、網絡遊戲、在線知識共享等。
快手科技已建立了穩定的用戶,在全球已佔據了重要的位置,企業有一定的優勢,以及獨特地位。加上用戶仍在快速增長,以及增長趨勢仍持續,預期有一定的發展。
雖然這刻盈利不多,甚至因加強發展業務而出現虧損,但這類股的分析特點是將來,等之後的收成期。
由於已擁有一定的優勢,以及仍增長中,企業要將用戶化成現金並不困難,只是時間問題,以及多少問題,預期2022年盈利模式已穩定,同時有一定的盈利。
簡單來說,企業有質素,有發展,你現貨可持有,但你預佢短期股仍會十分波動。
蒙牛乳業(2319)有質素。
佢於中國從事乳製品生產及經售業務,乃中國領先的乳製品生產商之一,以蒙牛為主要品牌提供多元化的產品,包括液體奶(乳飲料及酸奶)、冰淇淋及其他乳製品(如奶粉等)。
無論品牌、銷售網絡、發展,都不差,長遠正面。這股有長線投資價值,不過現價就唔算平,回翻10%先慢慢分注入,會較好。
農夫山泉(9633)有質素的。由於有一定的品牌價值,因此企業質素與發展正面,財務數據不差,生意與盈利都有理想增長。
不過上市不久,股價較波動,同時上市前數據可能執靚過,因此要注意風險度。現價合理區頂至略貴。
若想入貨,現價小注投資好了,這股適合長線的。
------------------------------------------------
Q21940:
您好龔成, 訂閱您Fb已多年, 以下有一問, 十分煩惱,未知閣下能否抽空賜教:
情況:媽有一個自住三房私人舊樓單位,樓齡32年, 估計如賣出約560萬。 因該樓舊需要夾錢換𨋢, 大約每戶比20萬, 暫時不知何時要付。
她已60+歲退休弄孫, 她除家用外無收入。我們3個子女現為搬出,但家姐租樓多年,有意和姊夫跟一細女回去同住,他們儲蓄20萬左右未夠錢買樓。
她有幾個選擇, 哪個是最好的財務安排?
1. 賣出,媽出首期比家姐買較新的樓, 家姐供樓 ,然後:
1A: 4人(媽,姊,姊夫, 一細女即孫 )同住, 可能繼續住元朗/轉去東涌/青衣。媽每月比少少租家姐當幫手供。或
1B: 自己另外買細單位自住,其餘投資/買股票做每月收入 (唧種可推薦給她這些退休人士而是比較高收入,低風險?)
3. 繼續自住, 家姐搬回, 每月給媽家用
或有其他選擇, 但現時未想到。
十分感謝!
龔成老師︰
其實係財務層面,這3個選項都係可以。反而我覺得,選擇邊個方法的重點,應該是你媽媽自己的想法。
因為香港一買一賣的成本較高,因此,未有明確目標前,(3)是較好。
當然,另外兩個方案其實都可考慮,最重要是你地成家人的意願,因為現時影響多人。進行(1)的方案時,要大家傾好各自的權益,清清楚楚是最重要,大家要「先小人,後君子」。
如果你媽媽,係想和你姐一家同住。若現有自住樓係配合到佢地長線生活所需,咁就可以。
除非有好大生活上問題,否則不建議換樓,因為香港買賣樓宇成本唔細,一來一回,會唔見好多錢。
若你媽媽不想同住,佢可以沽出現時物業,換一間較細自住屋。再將餘下資金,投資一些收息股,去為自己創造現金流,支援自己退休生活上的開支。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
現時大市只係合理水平,資金不宜盡用,你可以先將部份,以分注形式買入上述股票。餘下資金,就等大跌市出現,才加大力度掃貨。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
困𨋢英文 在 有心無默 Facebook 的精選貼文
《扮工鬥室》好地地打份工,點會諗到暗藏殺機?(試閱一)
對上一次大學同學聚舊嘅時候,正好係我轉新工半個月。當一班舊同學知道我入咗去「Dark Flow」做,幾乎每一個都表現得非常驚訝。
「『Dark Flow』喎!?聽講勁難入,而且面試超嚴格……」同學A講。
「還好啦……」
「我都有send過CV去,但連見嘅機會都冇……」同學B講。
「咁都係我好彩啫……」
「唔洗扮晒謙虛喇,冇料又點入去呀。」同學C講。
「哈哈……」
一般人對「Dark Flow」呢間公司嘅印象──外資公司、大好前景、難入但人工極高,講緊同一職位份糧至少多外面三四成、而且福利好,每年足足三個禮拜有薪假,每月仲可以請一日唔需要醫生紙嘅病假……
最重要仲有一點,據聞身處外國嘅公司大老闆非常迷信,明文規定員工每日返九至五,六點前一定要全部離開公司,由開業到而家都冇加班呢回事,而對外就宣稱呢種先係最有效率嘅工作模式……種種優勢加埋,絕對係大部份人夢寐以求嘅工作。
聽落係咪好吸引?起初我都同大部份人嘅諗法一樣,覺得入咗呢份工就可以輕輕鬆鬆享受生活,每日放工唔洗同其他人迫巴士地鐵。但實情卻係完全出乎我意料……
事實係,呢間公司有眾多「奇怪」嘅地方,只係因為「某個原因」所以一直冇對外傳開去。
今日,就等我冒險分享下自己嘅經歷……首先,當然係由最初嘅面對開始。
--------------------
大眾結業、書展延期、再受到成個大氣候影響,呢段時間無疑係作者最艱難嘅時期,希望各位可以訂閱支持我嘅 Patreon。
最低只係每月一餐飯嘅價錢,就可以睇到限定長篇故事,仲會有特別短故同創作歷程心得分享。
訂閱連結:
https://www.patreon.com/echoofheart
《無異之地》實體版經已登陸各大書局。
--------------------
記得半個月前,「Dark Flow」嘅人事部打嚟叫我去面試嘅時候,我真係興奮到喺小巴上面大嗌出嚟,差啲嚇到司機大佬心臟病發直剷落山。
第二日我直接請咗半日假去面試。當日嘅狀態可以話係去到顛峰,配合埋事前已經執得靚靚仔仔嘅CV同portfolio,成段過程三位面試官裡面有兩個聽到起勢點頭,唔知仲以為佢哋塞住耳機喺度偷聽緊Rap歌。
當時我更係覺得勝卷在握,已經開始分心諗緊夜晚要食乜慶祝。但就喺呢個時候,全程一直木無表情冇點講過嘢嘅面試官架叔突然同另外兩個人打咗個眼息。
「你哋出一出去,最後我想同佢單獨傾多陣。」
一聽完,另外兩個面試官都相當識做。閂埋門嘅一刻,成個會議室嘅氣氛突然變得嚴肅起嚟,連溫度都好似跌咗幾度咁……令我極度懷疑係有人較大咗個冷氣。
「方璟佑……阿York。」架叔拎起我份CV望咗眼。
「或者叫我佑仔都得,之前啲同事都係咁叫我。」
「我就坦白啲講,無論係份CV、抑或成個面試……都真係好鬼無聊,悶到我差啲就瞓著。」
「吓?」我一開始仲以為自己聽錯。
「而且仲好鬼假。」
「假?」我個口擘大到就快甩骹咁濟,「邊度假?」
「你呢種程度平時啲醉酒佬揸車撞都撞死唔少……」
「正常係應該撞唔死咁多……」
「加埋鍾意駁嘴呢點,我實在睇唔到理由請你……」
「等等先……可能我頭先講得唔夠好,希望你可以再俾個機會我。」我差啲就激動到彈起身。
「機會,得。」架叔隨手將我份CV掉落地,「但我要聽嘅係你嘅真心話。」
真心話……一聽到呢個問題,我腦海開始高速轉動。
「我知道公司總部係美國,有時仲會派員工出差。我自問英文幾好,IELTS仲有8.5分,將來一定可以幫到……」
「廢話,又係廢話……」架叔搖搖頭,「呢啲嘢我聽到識背啦。」
「仲有,我都有研究過公司背景,知道……」
「真心話呀。」架叔企起身,「如果仲係呢啲就唔好浪費大家時間……」
「我明啦,真係明……」我企起身,「呢度人工高!只要一請就已經多我上一份工成五千蚊,仲未計試用期之後仲有得加……齋係呢點就已經好想做!」
架叔聽完之後終於露出一個不一樣嘅眼神,然後慢慢坐返低。
「仲有呢?」
「福利好、包保險、多假期……最重要係個返工時間,我最憎放工每日喺金鐘迫嚟迫去,放五點簡直係爽到爆。」為咗成功,呢一刻我可以話係豁出去了。
「哦……仲有冇?」架叔嘴角微微上揚。
「有,當然有!Reception嗰位叫做阿Jill嘅同事又靚又大波,如果有機會喺度做我一定會試下媾佢!」
一講完,架叔即刻睜大眼望實我。因為頭先最後一下幾乎係嗌出聲,所以隨時連會議室外面都聽得一清二楚……
「嗱,講下真話咪幾好囉。」可怕嘅沉默結束後,架叔終於笑住講:「佑仔,下星期一準時返工啦。」
行出會議室之後,我成個狀態就好似啱啱玩完亡命過山車咁。渾身無力之餘又仲未係好接受到頭先發生嘅事。行出公司之際,仲要見到Jill對我尷尷尬尬咁笑,嗰刻真係好想死……
但唔理點都好,「Dark Flow」的確係請咗我,只要之後打好呢份工,將來肯定係生活無憂……
但我實在太天真,到真真正正注意到唔妥嘅時候,一切都已經太遲了。
*
雖然最初嘅面試可以用匪夷所思嚟形容,但其實同公司其他奇怪嘅地方相比,呢件根本就係小巫見大巫。
接住落嚟,我要講嘅就係公司入面嘅同事。
記得正式返工嘅第一日。為咗留低好印象,所以我提前半個鐘返到公司。搭完𨋢開門,第一眼就見到Reception嘅同事阿Jill。
「早……咳。」阿Jill本身明顯係想打招呼,但一見到行出𨋢嘅人係我就即刻將句說話吐落肚。
「早晨。」我行埋去開口講:「我今日第一日開工,想問下妳知唔知我嘅座位喺邊?」
「你等陣,我幫你叫架叔出嚟。」阿Jill拎起檯面嘅電話,撳完掣之後擺喺耳邊,「喂,架叔……新同事到咗。係,唔該晒。」
等佢收線之後,我即刻把握機會同佢道歉:「其實上個禮拜嘅事我真係好對唔住,事後足足內疚咗兩日,連飯都食少咗半碗……」
「你唔洗講喇,我明……亦都冇介意。」雖然係咁講,但佢嘅表情明顯唔係呢回事。
「但唔講清楚我驚會有咩誤會,話晒將來大家都係同事……」
「只係同事。」阿Jill加重語氣,「我已經有男朋友,所以希望你自重。」
唉,一聽到呢個消息我不禁內心嘆氣。本來想媾佢已經係困難mode了,有男朋友嘅話肯定更加難。
「早晨呀新同事。」下一刻,架叔就行到嚟門口,「你咁早返到就啱晒,等我先帶你參觀下辦公室。」
佢揮一揮手示意我跟住佢行,睇得出佢今日嘅心情比起同我面試嗰日好得多。如果係今日先面試,或者我就唔會出醜了。
「你叫咩名話?阿風?」架叔突然問:「定係Jacky仔?」
「係阿York,叫阿佑或者佑仔都得。」
「哦……記得返喇。」架叔一臉恍然大悟,「冇計啦,呢間公司啲員工成日轉嚟轉去,真係好易搞錯。Reception個阿Jill都係啱啱過試用期咋,我一開始仲成日阿Gill阿Gill咁叫佢……幾尷尬呀。」
「哈哈。」我乾笑兩聲。
「嗱,最角落呢度就係Pantry(茶水間),嘢食嘢飲自己攞就得,如果唔想俾人當係公家嘢攞走就記得寫低名,呢啲嘢你應該識㗎啦?」
「嗯。」
「Pantry對出就係人事部,主管Amy姐同細老闆好熟,所以千祈唔好得罪佢。隔離係宣傳部同IT部,嗱……主管阿Luke啱啱返到嚟。」
我見到有個著住西裝,大約三十幾歲嘅男人慢慢行返座位。睇佢一臉瀟洒、高大而且大隻,同同事講嘢嘅時候總係掛住自信嘅笑容,好明顯係playboy平日成日走落老蘭食女。
「公司謠傳佢就係阿Jill嘅男朋友,所以你小心啲喇……嗰日講埋啲咁失禮嘅嘢。」架叔笑住講。
咪都係因為你害嘅……我差少少就衝口而出。
「再過就係我哋工程部,你應該知主管係我喇?」架叔問。
「當然知……」
「唔好見我上個禮拜咁樣,其實我平時係好鬼好相處。」架叔拍一拍我肩膀,「嗰日咁啱賭波七串一輸最後一關,成皮嘢最後得個吉,所以心情先特別差……」
「即係今日應該贏唔少?」我好奇問。
「唔知呢。最後就係戰略部,」架叔帶我嚟到一條長走廊旁邊,但並冇行過去,「你咁熟公司架構應該明喇,我哋有好多計劃同生意都係處於未公開得嘅狀態。為免外傳出去俾競爭對手知道,所以戰略部先會零零舍舍同另外三個部門分隔開。」
「嗯。」
「然後主管Me姐上星期去咗出差唔喺度,不過正路你哋都冇咩機會接觸㗎喇。」
我盯住走廊盡頭,唔知點解……感覺就好似有股無形嘅吸引力想引誘我過去咁。
「喂,唔好發呆喇。」回過神嚟,架叔已經行返去工程部嗰邊,「呢度係你嘅座位。因為我哋好多份Project都收緊尾,所以呢兩日應該都冇嘢需要你幫手……你今日先簡單睇下員工須知、識下班同事、仲有時間就搵我拎啲舊Project睇下。記住最重要一點,準時收工。」
「明白。」
如是者,我就照架叔嘅說話做,一埋位開機就開著個員工須知嚟睇,點知第一段最尾就再次強調員工要五點準時收工。到底大老闆係迷信緊乜嘢,老實講我真係越嚟越好奇。
睇到咁上下,周圍嘅員工開始陸續返到。坐我旁邊嘅係一位年紀同我差唔多嘅男同事(當然失望)。雖然見佢一張厭世臉感覺好難應付,但既然坐得隔離點都要打聲招呼。
「早晨,我係新嚟嘅同事阿York。」我伸手想同佢握手。
但對方聽完只係啤咗我一眼,一句都冇回應就望返去螢幕繼續港股行情。
「你係咪喺度做咗嘢好耐?」我保持友善嘅語氣問:「其實我有樣嘢幾好奇,到底大老闆有咩迷信先要規定員工早收?」
「你見唔到我唔想理你咩?」男同事語氣惡劣咁打斷我,「唔應你仲問,知唔知咩係禮貌?」一講完,佢即刻塞住耳筒,仲要故意開Youtube播Dua Lipa 嘅IDGAF。(i don't give a fuxk)
見佢咁嘅態度。我當然冇自討沒趣,再望一望周圍嘅同事,好多都係一樣塞住耳筒做緊自己嘢。所以我決定等放Lunch再行動,聽著歌繼續睇須知……唔知過咗幾耐,突然一陣香水味從身後飄過,接住有人出現喺我身邊,伸出修長嘅手,輕輕拍咗台面兩下。
「係?」我即刻除低耳筒望過去,眼前係一位非常有氣質嘅女同事,無論樣貌定身材都更勝阿Jill。
「你就係今日返工嘅新同事?」佢問,見我點頭再講落去,「我見架叔唔喺度,所以就直接嚟搵你……」
「佢應該係落咗樓下食煙……」順帶一提,旁邊嗰位冷漠嘅男同事都係跟埋一齊落去。
「我一陣仲要趕住出去,所以想盡快搞掂,你跟我過嚟。」
雖然我聽到一頭霧水,又唔知佢係邊個。但從語氣同態度推斷,感覺佢應該似係上司級數……唔通就係人事部嘅Amy姐?係就講得通了。
我跟喺佢背後行,見佢著住一身灰色修身恤衫配搭黑色包臀短裙,完美咁將身材嘅優勢展露出嚟。行路嗰陣仲要婀娜多姿扭嚟扭去咁,真係越望就越多幻想。
「咦?」
但睇下睇下,我發現佢居然帶我走入通去戰略部嘅長走廊,行到一半再轉入去一間小型會議室。
「我係阿Me,同事一般會叫我做Me姐。」Me姐先將會議室嘅簾拉好,然後就慢慢行埋去會議室台隔離,「你幫我閂埋門先。」
我照做,心裡面完全唔知而家係咩情況。到我擰返轉頭,見到Me姐居然直接坐喺台上面,翹起雙腿,先從上而下打量咗我一眼,接住講:
「你仲等咩?除衫啦。」
吓?
(待續)
---------------------
九月頭會放多一篇試閱,之後就要訂閱先睇到啦。各位真係要多多支持呀!
訂閱連結:
https://www.patreon.com/echoofheart
《無異之地》實體版經已登陸各大書局。
困𨋢英文 在 藍橘子 Facebook 的最佳貼文
【困𨋢】
**下半部分有繁中華語**
我呆望住部手機,電量29%,完全收唔到訊號。
打開Whatsapp,有一個Send唔到出去嘅訊息…
『成個星期無見喇,今晚放工去妳屋企吖,到時再一齊食飯,有禮物送畀妳。』
望一望時間,我已經被困喺呢部𨋢十三個鐘。
呢部係舊式工業大廈嘅貨用升降機,用雙層拉閘式開關,前後各有一個閘門,可承載負重3000公斤。
我叫梁珈其。
同我一齊困𨋢嘅,除咗我之外仲有三個人。
「喂!你老味!聽唔聽到啊!」呢個不斷向對講機大嗌講粗口嘅,叫肥叔,佢係一個背著背心,拎住兩手外賣嘅阿叔。
「肥叔,你都嗌咗十分鐘啦,你靜少少得唔得,唔係大聲就得嘅…」著西裝異常冷靜嘅人叫Timmy。
「我再講多次,我個名唔係讀『肥』叔,係讀『匪』叔,拖肥糖個肥,我英文名叫Toffee啊!」
升降機喺困𨋢嗰刻,風扇就已經停止運作,而家部𨋢成個汗蒸幕咁,肥叔汗流浹背,件背心濕到透晒。Timmy都除咗件外套,解開領帶。
「……」完全唔出聲,坐咗角落不停撳手機嘅叫阿瀅。
大家情緒愈來愈激動並唔係無原因,雖然無講到出口,但我哋都知道,而家發生緊嘅…並唔係普通困𨋢咁簡單。
喺發現困𨋢,Timmy就不斷嘗試按個「緊急事故」按鍵,但完全無反應,亦聯絡唔到管理處。
一小時之後,我哋開始用最原始嘅方法,喺部𨋢大叫救命,希望外面嘅人聽到幫我哋報警。
三小時,依然無警察或消防員出現,肥叔話…
「唉,屌你老味,部𨋢咁閪熱,又肚餓,我忍唔住喇…」肥叔打開咗飯盒開始狼吞虎嚥。
「可唔可以分少少畀大家食。」Timmy。
「我唔餓…」阿瀅。
「我想要杯嘢飲。」我。
食完無幾耐,我哋開始各自自我介紹,所以我先知道佢哋個名。之後,肥叔突然間話好急屎。
「啊肥叔,架𨋢咁多人,可唔可以忍忍…」我。
「點忍啫!食完梗係要㗎啦!」肥叔說畢,就除低條褲。
「喂!好嘔心啊!有冇公德心㗎!」我。
「你知唔知公德心同屎有咩共通點?」肥叔反問我。
「咩、咩啊?」
「兩樣都唔食得。」肥叔繼續除褲。
「但你都唔係眾目睽睽隨地屙吓?」
「我唔介意喎…」
「我哋介意啊大佬!」
Timmy皺眉點頭,阿瀅用手捂住口鼻。
肥叔拎咗個食完嘅飯盒,擺喺地下:「嗱!咁樣唔係隨地屙啦!」
我哋全部人退後到角落,當肥叔放咗第一個屁,一向冷靜嘅Timmy竟然會率先行動,突然發難強行拉開閘門。
如果有用過呢啲貨𨋢嘅都知,一定要完全關閉內外兩道鐵閘升降機先會運作,而升降途中,雖然閘門有安全鎖,但如果強行拉開閘門,部𨋢就會立即刻停低。
Timmy死命拉開咗第一道橫敞式閘門,外層閘門係由底往上拉。Timmy好似舉重選手咁雙手奮力將閘門拉開。
閘門拉開之後,眼前出現嘅唔係樓層與樓層之間嘅牆壁,亦唔係其中一層走廊,而係一個昏暗嘅空間。
透過𨋢入面嘅燈光,我哋都睇到喺眼前出現,連接住我哋部𨋢嘅,係另一部𨋢。
「咁、咁點?我哋應唔應該過去?」阿瀅。
「可能係大廈嘅設計?方便升降機之間運送貨物?」Timmy嘗試解釋眼前發生嘅事。
至於肥叔…
屁股冒出咗半條肥美糞便,不偏不倚掉落飯盒中。肥叔鬆一口氣,滿意地將飯盒關上。
再用外賣餐具附有嘅廁紙清理乾淨,一拼裝入外賣膠袋入面。
當佢起身著返條褲,回頭一望先發現我哋身處喺第二部𨋢。
「發生乜事?點解會咁?」肥叔拎住另一袋未食嘅外賣走過嚟。
無人解答到佢呢條問題。
「不如試吓閂埋閘門?可能呢部𨋢無壞呢!」我提議。
Timmy將兩道閘關上,我哋身處嘅𨋢突然間亮起燈光,但並無任何運作嘅跡象,所有按鍵都依然無反應。
十個鐘頭過去,我哋仲打開咗兩道閘門,又嘗試過返去第一部…亦即係有肥叔盒屎嗰部𨋢,打開另一邊嘅閘門。同樣地連接住升降機嘅,係另一部升降機。
「唉~頂你個肺,今次真係名乎其實嘅困𨋢。」肥叔。
最後,我哋都各自各坐晒喺地下,一展莫籌。
我不斷喺度回想,到底我做咗啲乜,點解我會喺呢部𨋢入面?!
今日下午,我如常返工,午飯時間亦如常同穎兒傾電話,同佢斷斷續續拍咗拖四年,總共分咗七次手,但最後都一齊返。
喺呢個時候,突然接到個電話。
「穎兒妳等等,我有電話入,不如我轉頭上返Office打畀妳吖~」我。
我掛斷穎兒電話,接聽另一邊來電。
「請問係咪梁珈其先生?」
「我係,咩事?」
「你訂嘅咖啡豆炒好咗啦,可以隨時上嚟拎。」
「好,我而家上嚟拎,唔該。」
「仲有,我哋今日客𨋢壞咗,可能你要用旁邊貨𨋢上嚟喇。」
「得,無問題。
我見到穎兒最近IG成日都貼手沖咖啡,所以特登買咗啲咖啡豆。我喺觀塘返工,間咖啡豆店亦喺觀塘嘅工業大廈樓上舖,所以我食完午飯就去咗拎咖啡豆。
當我去到間工業大廈,剛好見到有部貨𨋢停咗喺G層,我出盡奶力打開道閘門,啱啱入到去諗住閂閘,就有一把粗獷嘅聲音叫住。
「喂!等埋!」呢個人就係肥叔,佢企咗喺𨋢外面:「我兩手都拎住外賣,麻煩你幫我開開道閘好嘛?」
當我打開道閘,Timmy亦走咗入嚟。
「喂,幫幫忙快手好嘛?我趕時間啊,呢個時間好多外賣。」肥叔抱怨。
「咦,等等!」我瞟到阿瀅企咗喺客𨋢外面,我就探頭出𨋢外大嗌:「客𨋢壞咗啊,妳搭唔搭?」
於是,阿瀅都入埋嚟。
我打咗個訊息畀穎兒,先發現升降機入面收唔到訊號…
『成個星期無見喇,今晚放工去妳屋企吖,到時再一齊食飯,有禮物送畀妳。』
然後喺毫無預警之下,我哋四個人就困咗𨋢。
「係呢,你哋點解會嚟呢棟大廈?」我。
Timmy對我投以狐疑眼神。
「好多科幻電影都講,可能我哋四個有啲共通點,先會遇到呢啲奇怪事情…」我。
(待續)
想看下集~幫我Like & Share
300分享有下集!
最新小說《三分鐘熱度》已開售
https://bluegodzistore.boutir.com/
***繁中華語版***
***繁中華語版***
我凝望著手機,剩29%電量…
完全接收不到訊號,還有一個發不出去的訊息。
『整個星期沒見面了,今晚下班去妳的家吧,到時我們一起晚餐,有禮物要送妳。』
看一看時間,我已經被困在這部升降機十三個小時。
這部是舊式工業大廈的貨用升降機,用雙層拉閘式開關,前後各有一道閘門,可承載負重3000公斤。
我叫梁珈其。
跟我一起困在升降機內的,除了我之外還有三個人。
「喂!幹你娘!聽到嗎?!」這個不斷向對講機大喊髒話的叫肥叔,他是一個穿白色背心,雙手拿著外賣的阿叔。
「肥叔,你都喊了十分鐘,靜一點可以嗎,不是說大聲就行的…」穿西裝異常冷靜的人叫Timmy。
「我再重申一次,我的名字不是讀『肥』(粵音:fei4),是拖肥糖個肥(fei2),我英文名叫Toffee!」
在升降機壞掉的那刻,風扇就一同停止運作,現在升降機像個汗蒸幕一樣,肥叔汗流浹背,背心濕到透視出滿身肥肉。Timmy也將外套脫下,解開領帶。
「……」靜靜坐在角落不停按手機的叫阿瀅。
大家情緒愈來愈激動並不是沒有原因,雖然沒說出口,但我們都知道,現在發生的…並不是一般困在升降機這麼簡單。
在發現困在升降機當刻,Timmy就不斷嘗試按「緊急事故」按鍵,但完全沒有反應,亦聯絡不到管理處。
一小時之後,我們開始用最原始的方法,在升降機內大叫救命,希望外面的人聽到會幫我們報警。
三小時,依然沒有警察或消防員出現,肥叔說…
「操你媽這升降機也太熱了吧,我午餐都還沒有吃,唉~我忍不住了…」肥叔打開外賣飯盒狼吞虎嚥。
「可以分一點給大家吃吧?」Timmy。
「我不餓…」阿瀅。
「我想要杯冷飲。」我。
吃完沒多久,我們各自自我介紹,所以我才會知道他們的名字。之後,肥叔突然說要大便。
「肥叔,升降機這麼多人,可以忍忍吧…?」我。
「神經病!要怎樣忍啊?!食完當然要排出來嘛!」肥叔說畢,就脫下褲子。
「喂!很噁心啊!有一點公德心行嗎?!」我。
「你知道公德心跟屎有什麼共通點嗎?」肥叔反問。
「什、什麼?」
「兩樣都不能吃。」肥叔繼續脫褲。
「但你也不能眾目睽睽隨地大便吧?」
「放心,我不介意。」
「我們介意啊!」
Timmy皺眉點頭,阿瀅用手捂住口鼻。
肥叔隨手拾起一個吃完的飯盒放在地上:「看!這樣就不算隨地大便吧!」
我們三人退後到角落,當肥叔放了第一個臭屁,一向冷靜的Timmy竟率先行動,突然發難強行拉開閘門。
如果有用過這類貨運升降機的大概都知道,一定要完全關閉內外兩道鐵閘升降機才會運作。
而在升降途中,雖然閘門有安全鎖,但如果強行把閘門拉開,升降機就會立即刻停下來。
Timmy死命拉開第一道橫敞式閘門,外層閘門是由底往上拉。Timmy像舉重選手般雙手奮力將閘門拉開。
閘門拉開之後,眼前出現的不是樓層與樓層之間的牆壁,亦不是其中一層的走廊,而是一個昏暗的空間。
透過升降機內的燈光,我們都能看到在眼前出現,連接著我們升降機的,是另一部升降機。
「那、那該怎麼辦?我們應該過去嗎?」阿瀅。
「可能是大廈的設計?方便升降機之間運送貨物?」Timmy嘗試解釋眼前發生的事。
至於肥叔…
屁股冒出半條肥美糞便,不偏不倚掉落飯盒中。肥叔鬆一口氣,滿意地將飯盒關上。
再用外賣餐具附有的廁紙清理乾淨,一拼裝入外賣膠袋內。
當他站起來穿好褲子,回頭一看才發現我們身處在第二部升降機。
「發生什麼事?為什麼會這樣的?」肥叔拿起另一袋未吃的外賣走過來。
沒人可以解答到這條問題。
「不如試試把閘關上?可能這部升降機可以運作!」我提議。
Timmy將兩道閘關上,我們身處的升降機突然亮起燈光,但並沒有任何運作的跡象,所有按鍵依然沒有反應。
十個小時頭過去,我們還打開了兩道閘門,又嘗試回去第一部…亦即是有肥叔大便的那一部升降機,打開另一邊的閘門。
同樣地,連接著升降機的,也是另一部升降機。
「唉~幹,這次真的是名乎其實的困升降機。」肥叔。
最後,我們都各自各坐在地上,一展莫籌。
我不斷回想,到底我做了什麼,什何我會被困在這部升降機內?!
今天下午,我如常上班,午飯時間亦如常跟穎兒聊電話。我跟她斷斷續續拍了拖四年,總共分手七次,但最後還是在一起。
在這個時候,我突然接到一個電話。
「穎兒妳等等,我另一邊有電話,我等下上去Office再打給妳吧~」我。
我掛斷穎兒電話,接聽另一邊來電。
「請問是梁珈其先生?」
「我是,什麼事呢?」
「你訂的咖啡豆炒好了,可以隨時上來拿。」
「好,我現在過來,謝謝。」
「還有,我們今天客用升降機壞了,可能你要用旁邊的貨用升降機。」
「好的,沒問題。」
我看到穎兒最近IG整日都有手沖咖啡的照片,所以特登訂了咖啡豆。我在「觀塘區」上班,那間咖啡豆店亦在觀塘區的工業大廈上,所以我吃完午飯就順道去拿咖啡豆。
當我到達工業大廈,剛好看到有一部貨用升降機停在地面層數,我卯足勁打開閘門,才剛進去打算關閘,就有一把粗獷的聲音把我叫住。
「喂!等等!」這個人就是肥叔,他站在升降機外:「我雙手都拿著外賣,麻煩你幫我開開閘好嘛?」
當我打開閘,Timmy亦竄了進來。
「喂,幫忙動作快一點好嘛?我趕時間,這個時間很多人叫外賣。」肥叔抱怨。
「咦,等等!」我瞟到阿瀅站在客用升降機外,我就探頭出外面大喊:「客用升降機壞了,妳要進來嗎?」
於是,阿瀅都進來了。
我發了個訊息給穎兒,才發現升降機內收不到訊號…
『整個星期沒見面了,今晚下班去妳的家吧,到時我們一起晚餐,有禮物要送妳。』
就這樣,我們四個人就困在升降機了。
「對了,你們為什麼會來這棟大廈?」我。
Timmy對我投以狐疑眼神。
「很多科幻電影都有這樣的情節,可能我們四個有共通點,才會遇到這種奇怪事…」我。
(待續)
想看下集~幫我Like & Share
300分享有下集!
最新小說《三分鐘熱度》已開售
https://bluegodzistore.boutir.com/