「#LKM回郷證的故事」 話說因為參加教會河源短宣，所以要申請回鄉證，於是喺正式遞短宣報名果日，已經乖乖地網上預約今日18號整回鄉證。 於是今日如期咁去上環中旅社到做證。點知去到先知有護照要畀埋佢睇。跟住就由上環搭翻去柴灣翻屋企拎護照（其實真係好唔明翻大陸同去海外嘅護照有咩關係？有身分證就得啦！而且如果啲人冇護照咁又點？）。 如事者，就翻左屋企拎護照。再翻到上環嘅時候，啱啱過左3張籌，再重新攞過，好彩嘅係攞咗新籌，等咗三個字就埋到櫃位。 之後個櫃位姨姨就發現原來我以前細細個整過回鄉證，我自己果時應該係幾歲，如果遺失補領，原來要五百幾，但續證就只係三百幾。唯有再翻屋企揾多次張舊證，所以今日係整唔到回鄉證，前前後後就浪費左4個鐘，仲未計出門口前準備嘅時間。又要揾過第二日整喇⋯⋯ 或者係學習嚟嘅，從來我就係一個咁粗心大意嘅人，又多一件事證明到。我要改喇！ P.S. 聽講影回鄉證係最樣衰嘅證件相，好彩自從呢兩個月轉咗大側分油頭之後，己經完全望慣咗自己冇大堆陰遮住額頭嘅樣。只係自己一向影相會招牌式四萬咁口笑，知道要合嘴影回鄉證相，已經喺屋企苦練合嘴微笑，但結果坐喺部機前太緊張，變咗串嘴樣。 但影出嚟嘅效果都喺預期之內，唔算太差。 • #無得招牌四萬咁口笑 #總覺得唔露齒笑嘅我個樣好惡 #粗心大意LKM #其實到咗整回鄉證我先知道有中旅社 _ #回鄕證 #中旅社 #20150618