Follow @thebigeatsister, 帶你四周圍食好西😋😋 琴晚好姊妹黎灣仔同大食妹食晚飯🥰大食妹揀左間新開嘅台灣野試吓😙套餐有涼拌小菜加自選主食, 仲有野飲, 都唔洗一舊水, 感覺好抵食🤪 🌟大食妹點評🌟 ✼••┈┈┈┈┈┈••✼••┈┈┈┈┈┈┈••✼ 【味道】 ☞❶ #特濃鮮茄牛腱心牛肉麵 大食妹今次想食湯麵, 嗌左份特濃鮮茄牛腱心牛肉麵🍜甜甜嘅鮮茄湯配撘刀削麵, 又幾夾喎😜牛腱心牛肉又多又厚切, 口感軟爛好食🐮 ❤︎ ☞➁ #必食鹵牛飯 朋友嘅必食鹵牛飯鹵牛量亦好多🤩雖然話係肉碎, 但食落肥美多汁, 撈飯一流😌 ❤︎ ☞❸ #涼拌小菜 跟餐嘅涼拌小菜係黑木耳, 酸爽開胃😆 ❤︎ ☞➃ #鮮橙綠茶 (左) 及 #金鳳梨紅茶(右) 跟餐亦有跟指定野飲, 想飲其他亦可以享有原價減廿蚊優惠✌️鮮橙綠茶同金鳳梨紅茶都好fresh嫁🍃金鳳梨紅茶仲跟左枝好可愛嘅鳳梨飲管, 有啲可愛🍍 ❤︎ ☞❺ #涼拌皮蛋豆腐 嗌套餐仲可以以優惠價加配小食添😜涼拌皮蛋豆腐份量都唔少, 豆腐亦非常水嫩💦 ✼••┈┈┈┈┈┈••✼••┈┈┈┈┈┈┈••✼ 【環境】 ☞ 位於灣仔嘅牛壹台食座位唔算太逼, 可以接受😗 ✼••┈┈┈┈┈┈••✼••┈┈┈┈┈┈┈••✼ 【服務】 ☞ 上菜速度好快👍 ✼••┈┈┈┈┈┈••✼••┈┈┈┈┈┈┈••✼ 【性價比】 ☞ 份量又大, 價錢又親民🤩 ✼••┈┈┈┈┈┈••✼••┈┈┈┈┈┈┈••✼ 【大食妹評分時間】 ⚀味道: 🌕🌕🌕🌕🌑 ⚁環境: 🌕🌕🌕🌗🌑 ⚂服務: 🌕🌕🌕🌗🌑 ⚃性價比: 🌕🌕🌕🌕🌑 ⚄推薦菜式: 特濃鮮茄牛腱心牛肉麵、必食鹵牛飯、鮮橙綠茶 ✼••┈┈┈┈┈┈••✼••┈┈┈┈┈┈┈••✼ 🌟資訊欄🌟 🍳餐廳: 牛壹台食 📍地址: 灣仔軒尼詩道61號四寶大廈地下 ⏰營業時間: 星期一至六 11:30-22:00 📞電話: 2637 6388 ✼••┈┈┈┈┈┈••✼••┈┈┈┈┈┈┈••✼ 想知道同區仲有咩好野食? 🔍 #跟住thebigeatsister去灣仔食好西😉 ✼••┈┈┈┈┈┈••✼••┈┈┈┈┈┈┈••✼ #牛壹台食 #台灣菜 #灣仔飯堂 #抵食套餐 #牛肉麵 #魯牛飯 #灣仔 #灣仔美食 #香港美食 #必食美食 #去灣仔食咩好? #thebigeatsister #hkfoodie #foodlover #foodexplorer

Follow @thebigeatsister, 帶你四周圍食好西😋😋 臨近農歷年成日OT🥲大食妹收工去左椰粉湯紅外賣晚餐返屋企😌 🌟大食妹點評🌟 ✼••┈┈┈┈┈┈••✼••┈┈┈┈┈┈┈••✼ 【味道】 ☞❶ #椰香海南雞椰香飯 之前食過椰粉湯紅嘅烏雞海南雞飯, 可惜今日去到已經賣晒😭唯有嗌份正常嘅椰香海南雞椰香飯🐣無骨海南雞好嫩滑, 肉質唔會好肥, 配上酸酸辣辣嘅泰式醬汁, 超好食🙆‍♀️椰香飯米飯粒粒分別, 味道咸香, 記得食到一半要落椰汁, 會更加好味噢❤️ ❤︎ ☞➁ #精選和牛椰香蛋包飯 精選和牛椰香蛋包飯都唔錯, 炒蛋又滑又有蛋香🍳和牛粒都好肥美🐮 ❤︎ ☞❸ #菜芯 跟餐仲有蔬菜🥬今日嘅係菜芯, 份量幾有誠意, 口感爽脆偏硬身👌 ❤︎ ☞➃ #陳皮菜乾龍王杏湯 當然仲有是日靚湯🍲大食妹飲嘅呢杯係陳皮菜乾龍王杏湯, 可以消健胃、清熱潤沛同化痰鎮咳平喘, 感覺好塞利呢😺 ✼••┈┈┈┈┈┈••✼••┈┈┈┈┈┈┈••✼ 【服務】 ☞ 椰粉湯紅外賣唔洗等好耐😙 ✼••┈┈┈┈┈┈••✼••┈┈┈┈┈┈┈••✼ 【性價比】 ☞ 椰粉湯紅價錢合理, 足料好味😋 ✼••┈┈┈┈┈┈••✼••┈┈┈┈┈┈┈••✼ 【大食妹評分時間】 ⚀味道: 🌕🌕🌕🌕🌑 ⚁環境: 🌕🌕🌕🌕🌑 ⚂服務: 🌕🌕🌕🌕🌑 ⚃性價比: 🌕🌕🌕🌕🌑 ⚄推薦菜式: 椰香海南雞椰香飯 ✼••┈┈┈┈┈┈••✼••┈┈┈┈┈┈┈••✼ 🌟資訊欄🌟 🍳餐廳: 椰粉湯紅 📍地址: 灣仔軒尼詩道61號四寶大廈地下 ⏰營業時間: 星期一至六 08:00-20:45 📞電話: 2637 6388 ✼••┈┈┈┈┈┈••✼••┈┈┈┈┈┈┈••✼ 想知道同區仲有咩好野食? 🔍 #跟住thebigeatsister去灣仔食好西😉 ✼••┈┈┈┈┈┈••✼••┈┈┈┈┈┈┈••✼ #椰粉湯紅 #靚湯 #滋潤 #外賣 #海南雞 #椰香飯 #蛋包飯 #灣仔 #灣仔美食 #香港美食 #必食美食 #去灣仔食咩好? #thebigeatsister #hkfoodie #foodlover #foodexplorer

OKOK，我聽朝起身會找數砌艘船（唔明就追番上個po），但响砌船之前瞓唔著，想分享一件小事。 話說屋企有個Tatami地台，最近買咗張長檯，想俾阿塵响Tatami上面舒服畫畫，話晒都係美其名為咗一個未來藝術家的長成（明明係「成長」，呢刻用「長成」，係咪即刻嚴肅咗少少？）。 呢個任務已經十級難度，因為要一張放得上草蓆嘅檯，首先要輕，再來不能北歐風尖腳，三來高度要响35cm左右，四來當然唔可以太核突同唔好咁貴啦大佬。 千挑萬選，搞咗幾日（無誇張，只係為張檯！），最後竟然係IKEA嘅LACK系列茶几跑出！因為呢期咁啱有灰色OK喎，而且係空心木，輕到吹得起，方便打掃，總之符合晒以上擇桌條件。 檯送到，之後嘅任務更加艱鉅！先要揀支燈同揀張櫈配合，然後係揀桌面或桌底收納方案，頂！又搞咗我幾日！（無誇張，只係為支燈！為張櫈，再加個櫃桶仔咁大把！） 另一次千挑萬選，審美疲勞到開始眼花！ 燈同櫈方面，真係燈燈燈櫈，過程峰迴路轉，要打三萬字，篇幅有限擇日再談；現在談一下「收納方案」。 嗱公仔佬會明：文房四寶一大堆濕濕碎碎，要收納得井井有條話易又其實好難。 最憎檯面無啦啦又多嚿嘢，所以揀咗檯底收納。 張IKEA几仔高35cm，厚度5cm，即係檯底有30cm空間。本來MUJI新出嘅灰白色櫃桶組合好啱數，兩個9cm高再加一個12cm高，加埋perfectly係30cm，9cm放筆放膠水鉸剪下面12cm放A4紙堪稱無敵！又唔肉酸。 就响落單之際突然腦裡picture咗個畫面：每日同個仔講「喂！執番啲嘢入櫃桶！」......硬係唔知點咁，無乜氣勢！而阿塵母語係普通話，「喂！把東西放回抽屜！」......抽屜抽屜，涕淚漣漣咁，聽來更見弱雞！加上陳奕迅仲要响《防不勝防》入面唱錯為「在你抽『洩』中放低戒指是我」！妖諗起突然唔太開胃。 最後呢？放棄所有呎吋上嘅perfection，我竟然揀咗（又係）IKEA嘅LUSTIGT（唔乸知點讀）系列兒童樺木工具箱（見圖）！盛惠99蚊。 靚唔靚呢？OK啱啱合格咁啦；放唔放到入檯底？高23cm放到有餘；整體夾唔夾呢？Well......放檯底啫，基本上唔太覺眼。 就咁，科水。 更重要理由係：「喂！執番啲嘢入工具箱！」呢句說話的確係有霸氣少少咁囉。 結果呢？我Client非常鍾意，每日開口埋口提住佢個「工具箱」不下幾十次，早午晚夾硬都搵啲嘢响「工具箱」攞出嚟，又搵啲嘢放番入個「工具箱」，從此呢個「工具箱」彷彿變成佢身體髮膚一部份。 成件事，點講呢......好有「buddy」感，蠟筆膠水鉸剪就如戰友，遇走鬼時，成箱嘢跟身攞走即撇！幻想中嘅浪漫感／成就感／風霜感都高咗好多倍，這方面、並非「抽屜」能及媲美。 當然，有咗個「工具箱」會唔會比起有咗個「抽屜」而畫得更好？應該唔會。不過今次叫做好彩，俾我揀到樣平衡到各方面嘅嘢，心裡暗喜。 我最想引申去講嘅係，創作人一朝成為父母，整個美學標準，會有可能因為小朋友而崩潰，就算俾你揀到最靚嘅書檯，你屋企成個Layout最後都一定會碎Q晒！濕濕星星各樣塑膠玩具定必遍地開花，食完飯成手油即刻摸落你張皮梳化幾乎無可挽回！咩designer餐邊櫃幾靚都無用，最後都會佈滿卡通貼紙、兩邊尖角貼住兩嚿核突防撞膠。 花咗咁多年學費、受盡客戶蹂躪，通宵達旦後所辛苦建立嘅美學執著——-你曾經以為好重要嘅精神價值，最終都會為咗小朋友嘅成長而作出改變、或者極其量攞個平衡，而且起碼有好幾年，每日都會活响呢種掙扎裡面。 不過又咁講：去到尾，揀東揀西，都只不過係material！原來背後有樣嘢更大，叫「愛」。一切時間犧牲或美學取捨，都係因為對兒女嘅「愛」，呢個intention，聽落都好似幾漂亮，呢一刻算係有所安慰。 總之，搵到原因去output你嘅「愛」，此刻已經圓滿❤️，邊張檯邊張櫈邊支燈邊個櫃桶，都會成功協助你去draw到呢個conclusion。 無嘢Lu，瞓。