【 格仔Mike埃豬粉絲升破四萬！】
_
你今日ERROR咗未呀？
_
自4月初因為無綫與ViuTV收視大戰而衍生的「193與曾志偉隔空互串事件」後，上周開始在99台首播的《ERROR自肥企画》，憑其「絕對黐線＋完全變態」的內容，令ERROR四子 ─ 「Dee哥」何啟華、「肥仔」梁業、吳保錡與「19...
【 格仔Mike埃豬粉絲升破四萬！】
_
你今日ERROR咗未呀？
_
自4月初因為無綫與ViuTV收視大戰而衍生的「193與曾志偉隔空互串事件」後，上周開始在99台首播的《ERROR自肥企画》，憑其「絕對黐線＋完全變態」的內容，令ERROR四子 ─ 「Dee哥」何啟華、「肥仔」梁業、吳保錡與「193」郭嘉駿獲得成團兩年半以來前所未見的人氣高峰，連帶負責度橋和製作的「無制限OT編集団」的知名度亦直線飆升，除了「Agent L」曹梓冲（Alfred）的IG直逼一萬外，幕後「大腦」、人稱「格仔導演」的劉諾衡（Mike），其個人Instagram的追蹤人數更由節目第一集出街前（3/5）大約6千幾人，暴漲至周三（12/5）成功衝破4萬大關。參考社交媒體數據分析網站Social Blade的統計數據，「Mike導」的IG曾於周二（11/5）單日增加逾5,000人。另一方面，有「Mike粉」組成後援會「格仔Mike導絕對應該有後援會」，暫時累積超過2,200人，有成員自稱為「格仔餅」！
_
對於外界反應如此熱烈，「Mike導」難掩興奮心情。「話冇就假㗎啦！」他透過WhatsApp語音短訊回覆說。
_
與其說是興奮，不如說是出乎意料之外。「Mike導」接受訪問時直言，當初也沒有想過《ERROR自肥企画》播出後，觀眾反應會如斯強烈，「坦白講，真係有啲意外，我覺得對於我哋成Team人嘅付出，係一個好好嘅證明，代表我哋一直以嚟做緊嘅嘢，係有人留意、係有人睇嘅，而且係會喜歡嘅。」「Mike導」又指，其Instagram一直都是公開帳戶，由《花姐ERROR遊》起，每逢有自己負責的節目出街，追蹤人數都會上升，「係直到今次，第一集出街之後，Followers就突然升得好誇張。」現時《ERROR自肥企画》只播了八集，換言之，「Mike導」的IG粉絲數目在不足兩星期內暴升六倍。
_
「Mike導」認為，第一集開首將庵野秀明監製的日本經典動漫《新世紀福音戰士》片頭，惡搞成二創版《無制限OT編集団の行動綱領》，是令其IG追蹤人數大幅度攀升的關鍵，「其實我哋要整《EVA》呢樣嘢之前，都有諗過：喂，會唔會太唔知點？會唔會太唔恰當呢？始終《EVA》都係一啲好高層次嘅嘢，未必全部人都識嘅嘢嚟㗎嘛，但結果秉承住『無制限OT編集団』『好想做』嘅作風，同埋都算係少少『自肥』嘅，結果就一鼓作風做落去，點知出到街，唔知點解好中觀眾口味，我自己同團隊都好開心嘅。」當然「193」也是令到整件事爆紅的催化劑。
_
今年正值本地影視娛樂界的新舊交替之年，自從元旦日《叱咤樂壇流行榜頒獎典禮》先後掀起「姜濤旋風」與「MIRROR狂熱」，去到4月初，又因為兩台收視大戰，「193」郭嘉駿以連串出位言論回應無綫高層曾志偉指ViuTV不是無綫對手，而令網民擊節讚賞。「Mike導」承認，因為「193」的敢言帶來正面宣傳效應，加上緊接ERROR擔任骨幹成員的《考有Feel》出街，令《ERROR自肥企画》無論收視和討論層面直接受惠。
_
「『193』嘅言論固然重要，令到大家留意多咗ERROR，亦因為佢，好多人走去睇番兩輯《花姐ERROR遊》（近日ViuTV亦以五周年台慶名義重播部份集數），尤其係第二季啦，我覺得呢個節目係生不逢時嘅，2019年9月出街，嗰陣社會非常動盪，唔係好多人睇到、接觸到、認識到呢個節目。但因為『193』，就令到網民走去摷番《花姐ERROR遊2》嚟睇，同時大家都搵到呢個節目有趣、好睇嘅地方，呢種熱烈反應延續去到《ERROR自肥企画》，所以《花姐ERROR遊》係一個好重要嘅原因。」「Mike導」用心分析今次「ERROR熱潮」突然出現的緣由。
_
畢竟敢言不敢言只是「吹水」，假若節目內容不夠吸引，觀眾還是不會畀面，所以「Mike導」想特別感謝《ERROR自肥企画》的台前幕後，「好值得感恩囉～嘩！『感恩』呢個字好老土呀，總之感激呀，感激有一班人係欣賞緊自己、自己嘅作品同埋自己嘅團隊。」至於早前「Mike導」向網民下「戰書」、如果《無制限OT編集団の行動綱領》在YouTube的瀏覽率能夠在節目下周五（21/5）結束前突破150萬，就會推出神秘驚喜，截止周四（13/5）凌晨二時，累計點擊率已挨近90萬，理應很大機會要找數吧？豈料「Mike導」不同意：「要喺僅餘時間突破呢個數字係有難嘅，係有挑戰性嘅，但點解要Set到個目標咁高呢？團隊入面有提出過，不如100萬就算，但我又覺得如果目標高啲，亦都達成到嘅話，咁先至係挑戰嘛，如果求其話80萬，咁就搞掂啦，係咪先？！」
_
那個神秘驚喜莫非是「Mike導」不再打格仔？他笑着指，暫時沒有這個打算。「去到呢一刻呢，唔係話為咗要遮住自己個樣，唔畀人知道我係邊個呀？始終我喺社交媒體都冇遮嘅，打格仔只不過係一個由我自己第一個負全責嘅節目（《花姐ERROR遊》）開始承傳落嚟嘅元素，即係一個角色設定，不過冇嘢冇可能，我都唔排除他朝一日會唔打格仔，但係至少而家呢一刻未有咁嘅打算。」
_
（13052021）
_
#游大東影視筆記 #游大東 #格仔導演 #error自肥企画 #梁業 #何啟華 #193郭嘉駿 #吳保錡 @infiniteotproduction_fc #yautaitung #13052021
四子播出時間 在 Facebook 的最讚貼文
【 歐洲國家盃2020開鑼 】
MeWe版本：https://bit.ly/359xVhV
因疫情延後一年舉行的「歐洲國家盃2020」（UEFA EURO 2020），將於香港時間今天（12/6）凌晨三點開鑼，除了購入獨家直播權的收費電視now TV的616台、618台（now SPORTS頻道）及630台（now SPORTS PRIME頻道）之外，同屬電訊盈科的免費電視99台ViuTV亦會同樣於凌晨二時開始同步直播，先會播出開幕典禮，而揭幕戰土耳其對意大利則會緊接播放，而周六晚八時十五分，99台會直播另一場賽事：威爾斯對瑞士。
隨着近年觀眾已習慣購買串流平台點播服務，再者網上資源泛濫，收費電視只會愈來愈難做，如若要做出聲勢，不能單靠有麝自然香，必定要推出O2O推廣模式 ── 結合網絡文化，將受眾帶到線下消費，而now TV為迎接直播今屆歐國盃賽事，推出一系列吸客招數，值得讀者留意，包括邀請人氣男團MIRROR擔任歐國盃大使，獻唱香港版本歐國盃主題曲《The Beautiful Game》 （https://bit.ly/3pL5Nev） ，又主持和參與遊戲節目《EURO鬥Goal Fun》，冀借助粉絲力量增加網絡曝光，又與 MaskOn._ 合作，推出限量版口罩套裝（價值$498），附送24隊歐國盃隊伍口罩夾、比賽賽程和晉級表等（親眼見過實物，超靚！），供球迷以優惠價（購買通行證$880後另加$250）換購，是否昂貴見仁見智，惟「物以罕為貴」對很多香港人而言是很有賣點。
第三招，亦是今次報道的重點，是直播期間特別設立「歐國盃第三聲道」，由本身為資深足球評述員的「無敵」強尼配搭ERROR四子一同「瘋狂亂噏」講波，不過歐國盃賽事如此多，不可能只有他們幾位由頭講到尾，所以now TV日前舉行記者會宣布其他「第三聲道」陣容，分別來自體育界、電競界和網絡界，包括前港隊女子單車運動員馬詠茹、現役港隊女子青年劍擊運動員文毅施、前港隊成員 盧均宜、「電競三子」老星、Martin、William（ 返工狗 ）、三大YouTube頻道：啱Channel 的Ah Gi（樊沛珈） Ah Gi 樊沛珈 與Jackie（劉展翹） 劉展翹 JackieLau、 試當真 Trial & Error 的阿慈（倪安慈） 阿慈 - 倪安慈 Kathy Ngai ，以及Pomato 小薯茄 的 程人富 及J哥（Jeffery） JefferyKwan - 阿J ，儼如第二次「四台聯播」（https://bit.ly/3sutreN） ，有這班網絡紅人助陣，相信一班就算不懂睇波的人都會有興趣想知道他們怎樣旁述，當然不能確保上述招數能夠提升Conversion Rate（轉化為實際消費），但事事講求觀感（Impression）帶動觸及（Reach）的市場推廣新時代，今勻now TV絕對是態度與方向正確。
（12062021）
#游大東 #游大東影視筆記 #歐洲國家盃2020 #EURO2020 #nowtv #viutv #強尼 #error #mirror #盧均宜 #文毅施 #馬詠茹 #啱channel #小薯茄 #試當真 #倪安慈 #程人富 #J哥 #樊沛珈 ViuTV Now Sports 謝德謙 Tse Takhim 強尼 ERROR MIRROR 體路 Sportsroad 做乜膠睇電視 葉一知 潘小濤 丹尼爾 vs 陳恩能 方栢翹 Cypress Fong
四子播出時間 在 Facebook 的最佳貼文
考一考大家。
如果你有一個朋友，從未睇過《花姐Error遊》同《ERROR自肥企画》
你會點樣介紹佢哋睇？
我試過問朋友，得到嘅答案係：
「睇啦！好好笑啊！」
「佢哋會食屎同食蟲啊！」
「四條友好搞笑…」
「真係要睇！Mike導痴x線！」
要認真介紹其他人入坑，係一件好難嘅事。
因為兩個節目都無一個非常特定嘅主題，亦無特定內容。
基本上你打開電視，都唔會預測到佢今集會做乜。
你話《Error遊》係旅遊節目？好多地方都輕輕帶過，又唔啱賞花季節，睇日出又遲到…
咁係咪睇佢哋挑戰正常人做唔到嘅極限呢？其實又唔係…
保錡喊到豬頭咁唔敢笨豬跳，花姐輕鬆縱身一躍。
最後只係夠膽玩滑翔傘，連作為觀眾嘅我都覺得感動。
《Error自肥》更加痴線，完全估唔到Mike導想做乜，到底要Error自肥定自虐。
但同時唔知點解…
當你睇咗第一集，會好似中毒咁繼續睇落去。
而《Error自肥》最後一集，好多人都期待會出現咩爆炸式嘅痴線嘢，係咪會炸咗Viutv廠？！
結果，Mike導靜靜地請Error食蛋撻薯片，無整蠱，無爆炸，純粹總結返十幾集用嘅budget，而最後一節更加仿效EVA嘅結局，討論咗一大問題。
見到網上評語一致覺得好高質，好大膽創新。
但有幾多人真係認真思考Mike導想帶出咩訊息畀觀眾，你領悟咗乜嘢？
不過與其話帶出訊息，倒不如話引領大家深思更加貼切。
Error四子有以下呢一段對話：
Dee：呢度係邊度？節目係咪已經完咗？
肥仔：係娛樂完成，但係播映時段未終結嘅世界。
193：係熄電視之後嘅世界。
保錡：呢個世界曾經存在，但一日有互聯網，佢都唔會再嚟臨。
呢個時候，Dee拎起手機，
有把聲講：『只要你而家一拎起電話，呢個電視播出嘅所有嘢，就會了無意義，係咪要咁做？』
呢段自白式對話，令我諗起《娛樂至死》呢本書。希特拉都曾經講過：「控制年輕人的最好辦法，就是給他們足夠的娛樂八卦。」
雖然《娛樂至死》出版於1985年，內容講嘅係「電視」將一切變得娛樂化，令人民失去思考同判斷能力。
喺電視出現之前，提供資訊、知識或娛樂嘅有報章雜誌、收音機、漫畫、書、電影…
但電視嘅出現，將所有人類嘅專注力放喺電視上。現今都市人可能未必想像得到，其實「網絡」嘅出現，正正就係《娛樂至死》當年嘅「電視」。
你每日會花幾多時間喺網絡上？Youtube、討論區、社交平台…網絡世界幾乎可以畀你接觸到所有資訊娛樂同知識。
而為咗喺包羅萬有嘅網絡世界突圍而出，大家都會將所有嘢「娛樂化」同「碎片化」。
Dee話駕駛Error拍節目，係驚搵唔到自己。
保錡回答：「努力迎合期望，唔會填滿你嘅空虛。」
當193介紹完Error成員。
Dee話：「呢幾個人睇落有啲陌生，就算我喺入面都有咁嘅感覺。」
肥仔回答：「呢啲片段，係片段嘅存在，缺乏前文後理。」
其實亦好似網絡世界碎片化一樣，當網絡世界擁有太多資訊，社交平台每秒都有更新，youtube嘅片好似睇極都睇唔晒，大家唔再有專注力去睇或思考。
為咗吸引大家注意力，唯有將所有嘢碎片化同娛樂化。追隨KOL講政治，好多人連睇套電影都唔捨得花時間，轉移去睇啲簡短解說「五分鐘睇晒《哈利波特》」。
當然，娛樂都可以好有深度，例如英雄電影都有《Watchmen》同Marvel系列嘅分別，即使有時Marvel英雄都有好多深入主題，例如《幻視與汪達》嘅「忒修斯之船」哲學探討，但又有幾多觀眾去瞭解。
當追完套劇集，熄咗電話，就拎起手機去同其他人討論劇情。
就好似一開始阿Dee想拎起手機，之後亦都話自己其實唔一定要駕駛Error，做網絡紅人都可以娛樂大家㗎， 我有養貓、我識跳舞、我可以拍搞笑短片…根本唔需要Error同電視。
之後，Dee反駁肥仔，媒體每日都有報導重要嘅事。
193話：「所有嘅資訊後唔能夠令你作出現實反應，又或者唔容許你作出現實反應…
肥仔：都係娛樂。
當你坐喺Office、地鐵、屋企…望住呢一堆碎片化，缺乏前文後理嘅「資訊」同「知識」，但你又唔作出反思…
咁亦即係193所講：「了無意義，片段化，泛濫、無用嘅麻醉藥。」
當所有資訊碎片化，所有人都唔再有專注力去思考，或接收重大意念。
最後，Error探討「電視」呢個命題。
肥仔話本來娛樂係電視嘅存在目的，但因為網絡出現，電視變成對抗零碎娛樂嘅武器。
阿Dee反問，拍段咁嘅嘢係咪無budget同搞gag？
如果大家唔去深入思考，肥仔亦回答：咁剛才嘅解說，對觀眾嚟講就係搞gag同爆budget。
亦即係一堆廢話…
《娛樂至死》書中所講，當大家沉醉喺只只得娛樂嘅世界，亦唔識去思考點解自己淨係追求娛樂…其實比起文革式愛國洗腦，更加可怕。
可能你會話：「喂！我返工已經好辛苦，想娛樂吓自己都要被你屌啊？！」
唔係話唔可以娛樂，但人唔可以一昧追求娛樂，放棄思考同學習。
的確，學習同思考嘅過程係好痛苦，但學習所得到嘅喜悅，遠比只追求娛樂更大滿足感。
我唔介意用媒體用娛樂去包裝資訊，正如我呢個Post用《Error自肥》做引入，而唔係單純講《娛樂至死》呢本書。
但希望大家吸取娛樂同時，唔好放棄吸取知識，如果未搵到答案，咁就再試一次，唔好停止嘗試！唔好逃避！
其實要做到靜靜思考非常簡單，下次去廁所屙屎，唔好帶手機，帶本書或就咁行入廁所，畀自己大腦好好思考一下。
（戴頭盔：我自己都唔確保100%睇得明，睇唔明咪思考吓、討論吓囉。）
如果你對《娛樂至死》呢本書有興趣
我會喺Patreon更詳盡，深入淺出地講解～
訂閱Patreon：
https://bit.ly/2JPFX8x
四子播出時間 在 Facebook 的最佳解答
【 格仔Mike埃豬粉絲升破四萬！】
MeWe版本：https://bit.ly/3o9x5u8
你今日ERROR咗未呀？
自4月初因為無綫與ViuTV收視大戰而衍生的「193與曾志偉隔空互串事件」後，上周開始在99台首播的《ERROR自肥企画》，憑其「絕對黐線＋完全變態」的內容，令ERROR四子 ─ 「Dee哥」何啟華、「肥仔」梁業、吳保錡與「193」郭嘉駿獲得成團兩年半以來前所未見的人氣高峰，連帶負責度橋和製作的「無制限OT編集団」的知名度亦直線飆升，除了「Agent L」曹梓冲（Alfred）的IG經已衝破一萬外，幕後「大腦」、人稱「格仔導演」的劉諾衡（Mike），其個人Instagram的追蹤人數更由節目第一集出街前（3/5）大約6千幾人，暴漲至周三（12/5）成功衝破4萬大關。參考社交媒體數據分析網站Social Blade的統計數據，「Mike導」的IG曾於周二（11/5）單日增加逾5,000人。另一方面，有「Mike粉」組成後援會「格仔Mike導絕對應該有後援會」，暫時累積近2,500人，有成員自稱為「格仔餅」！
對於外界反應如此熱烈，「Mike導」難掩興奮心情。「話冇就假㗎啦！」他透過WhatsApp語音短訊回覆時說。
與其說是興奮，不如說是出乎意料之外。「Mike導」接受訪問時直言，當初也沒有想過《ERROR自肥企画》播出後，觀眾反應會如斯強烈，「坦白講，真係有啲意外，我覺得對於我哋成Team人嘅付出，係一個好好嘅證明，代表我哋一直以嚟做緊嘅嘢，係有人留意、係有人睇嘅，而且係會喜歡嘅。」「Mike導」又指，其Instagram一直都是公開帳戶，由《花姐ERROR遊》起，每逢有自己負責的節目出街，追蹤人數都會上升，「係直到今次，第一集出街之後，Followers就突然升得好誇張。」現時《ERROR自肥企画》只播了八集，換言之，「Mike導」的IG粉絲數目在不足兩星期內暴升六倍。
「Mike導」認為，第一集開首將庵野秀明監製的日本經典動漫《新世紀福音戰士》片頭，惡搞成二創版《無制限OT編集団の行動綱領》，是令其IG追蹤人數大幅度攀升的關鍵，「其實我哋要整《EVA》呢樣嘢之前，都有諗過：喂，會唔會太唔知點？會唔會太唔恰當呢？始終《EVA》都係一啲好高層次嘅嘢，未必全部人都識嘅嘢嚟㗎嘛，但結果秉承住『無制限OT編集団』『好想做』嘅作風，同埋都算係少少『自肥』嘅，結果就一鼓作風做落去，點知出到街，唔知點解好中觀眾口味，我自己同團隊都好開心嘅。」當然「193」也是令到整件事爆紅的催化劑。
今年正值本地影視娛樂界的新舊交替之年，自從元旦日《叱咤樂壇流行榜頒獎典禮》先後掀起「姜濤旋風」與「MIRROR狂熱」（ https://bit.ly/3qZJKj9 ） ，去到4月初，又因為兩台收視大戰，「193」郭嘉駿以連串出位言論回應無綫高層曾志偉指ViuTV不是無綫對手，而令網民擊節讚賞。「Mike導」承認，因為「193」的敢言帶來正面宣傳效應，加上緊接ERROR擔任骨幹成員的《考有Feel》出街，令《ERROR自肥企画》無論收視和討論層面直接受惠。
「『193』嘅言論固然重要，令到大家留意多咗ERROR，亦因為佢，好多人走去睇番兩輯《花姐ERROR遊》（近日ViuTV亦以五周年台慶名義重播部份集數），尤其係第二季啦，我覺得呢個節目係生不逢時嘅，2019年9月出街，嗰陣社會非常動盪，唔係好多人睇到、接觸到、認識到呢個節目。但因為『193』，就令到網民走去摷番《花姐ERROR遊2》嚟睇，同時大家都搵到呢個節目有趣、好睇嘅地方，呢種熱烈反應延續去到《ERROR自肥企画》，所以《花姐ERROR遊》係一個好重要嘅原因。」「Mike導」用心分析今次「ERROR熱潮」突然出現的緣由。
畢竟敢言不敢言只是「吹水」，假若節目內容不夠吸引，觀眾還是不會畀面，所以「Mike導」想特別感謝《ERROR自肥企画》的台前幕後，「好值得感恩囉～嘩！『感恩』呢個字好老土呀，總之感激呀，感激有一班人係欣賞緊自己、自己嘅作品同埋自己嘅團隊。」至於早前「Mike導」向網民下「戰書」、如果《無制限OT編集団の行動綱領》（https://bit.ly/33ldgGw ） 在YouTube的瀏覽率能夠在節目下周五（21/5）結束前突破150萬，就會推出神秘驚喜，截止周四（13/5）下午三時半，累計點擊率已超過93萬，理應很大機會要找數吧？豈料「Mike導」不同意：「要喺僅餘時間突破呢個數字係有難嘅，係有挑戰性嘅，但點解要Set到個目標咁高呢？團隊入面有提出過，不如100萬就算，但我又覺得如果目標高啲，亦都達成到嘅話，咁先至係挑戰嘛，如果求其話80萬，咁就搞掂啦，係咪先？！」
那個神秘驚喜莫非是「Mike導」不再打格仔？他笑着指，暫時沒有這個打算。「去到呢一刻呢，唔係話為咗要遮住自己個樣，唔畀人知道我係邊個呀？始終我喺社交媒體都冇遮嘅，打格仔只不過係一個由我自己第一個負全責嘅節目（《花姐ERROR遊》）開始承傳落嚟嘅元素，即係一個角色設定，不過冇嘢冇可能，我都唔排除他朝一日會唔打格仔，但係至少而家呢一刻未有咁嘅打算。」
【 延伸閱讀 】
格仔Mike親解開金口原因：https://bit.ly/3xYwK22
（13052021）
#游大東影視筆記 #游大東 #格仔導演 #error自肥企画 #梁業 #何啟華 #193郭嘉駿 #吳保錡 做乜膠睇電視 港人講電視 我睇咗啲乜嘢 葉一知 William on the way 格仔mike導絕對應該有應援會 ERROR 何啟華 DeeGor Ho 郭嘉駿 Denis Kwok 193 梁業-肥仔 Poki 吳保錡 #Mike導世一 李鴻彥專頁