熱門Ptt文章

[爆卦]嘻巴嘻巴都市傳說是什麼？優點缺點精華區懶人包

雖然這篇嘻巴嘻巴都市傳說鄉民發文沒有被收入到精華區：在嘻巴嘻巴都市傳說這個話題中，我們另外找到其它相關的精選爆讚文章

在 嘻巴嘻巴都市傳說產品中有2篇Facebook貼文，粉絲數超過2萬的網紅君子馬蘭頭 - Ivan Li 李聲揚，也在其Facebook貼文中提到， ［第七餐］［台北美食日常］越春真越式傳統牛肉湯粉 1. 第六餐欣葉似乎讀者風評麻麻，不過，「我幾時都係contrarian」。咁姐係唔係為contra而contra，唔係人人話屎唔好食你去食。但，就唔好太介懷其他人點睇，反正讀者都係鍾意你the way you are．你去刻意討好人，如果人地唔領...

　同時也有22部Youtube影片，追蹤數超過37萬的網紅老王，也在其Youtube影片中提到，這次說比靈異故事更詭異的事，原來吳亦凡事件背後另有隱情 上一則影片【鬼為什麼要抓交替？】👉 https://youtu.be/sNYhoh1JIlk - 老王說全系列靈異故事播放清單：https://lihi1.com/juEJe 房仲日記全系列播放清單：https://lihi1.com/lnAj...

「嘻巴嘻巴都市傳說」的推薦目錄
  • 君子馬蘭頭 - Ivan Li 李聲揚

    嘻巴嘻巴都市傳說 在 君子馬蘭頭 - Ivan Li 李聲揚 Facebook 的精選貼文

    2020-12-08 21:45:33
    有 106 人按讚

    ［第七餐］［台北美食日常］越春真越式傳統牛肉湯粉

    1. 第六餐欣葉似乎讀者風評麻麻，不過，「我幾時都係contrarian」。咁姐係唔係為contra而contra，唔係人人話屎唔好食你去食。但，就唔好太介懷其他人點睇，反正讀者都係鍾意你the way you are．你去刻意討好人，如果人地唔領情，就雙重打擊添。

    2. 講返，反正呢度又唔係食評（係亦冇關），如果隔離14日都仲要讀者決定食乜，咁大家應該每日補助返幾千蚊當真人show．

    3. 好，廢話講完。第七餐，都係滿意嘅。暫時嚟講最唔滿意反而係第一餐，了凡油雞飯。明明之前食過覺得麻麻都係要再食，同啲女仔唱《痛愛》一樣。

    4. 點解揀呢間？因為係越南朋友推介。越南人開。應該正宗掛。原本係寧夏夜市嘅檔仔，而家都開咗幾間了。當然，幾時都嗰句，越南人覺得正宗，未必你啱食。遊客幾時都係異化咗當地，甚至在越南當地都係咁，遲下就佢地都唔知咩係正宗。所以唔使咁執著。

    5. 再加上，呢個「唔去遊客店」「follow the local」，已經cliché到唔cliché（＊）。而家變咗個個拎嚟自我感覺良好，拿，閃閃書冇推介架，拿，新假期冇架。拿，冇英文冇中文餐牌架。Too much了。首先，屌，你咪又係遊客咯，遊客咪去遊客店。你越南人邊撚有你地咁撚富貴？日本人邊撚有你咁巴閉食鰻魚飯當做餐？人地升職慶生先去架，你啲香港人就靜岡蜜瓜搵工人餵港B Drink Drink Water

    6. 仲有，更不方便嘅係，邊個話local就識嘢？唔係文化自大，但掉返轉，你搵件洋腸嚟香港，咁咪見到啲人中午去椰林閣咯，好未？跟住local去呀，唔係遊客店。誰不知好多local都係食垃圾，for whatever reason

    7. 推而廣之，古德明關注組，含洋腸雖然都仲係十分知邱月感嘅一件事，但多得Google，至少你不再能用咩「我fiancée係美國人佢都話係咁講」。屌你啦，American English, horrible（＊＊），條仔分分鐘係未撚讀過大學嘅。你諗真啲，真係喎，點解英文問題，你覺得「你條仔係英國人」就巴乜閉？你望下幾撚多香港人啲中文幾撚屎？你fiancée在名校教英國文學我就信（不過現今又興反精英，又可以鄧永鏘地出嚟恥笑你學埋啲死字，現實英國人唔會咁講，嘻，總之人人都爭住代言講英國人點講，除咗英國人自己）。

    8. 即係，Lets say你係鬼妹或日本妹韓妹，埃汾係你男朋友，有一日你同啲同鄉爭辯，同鄉話「食燒味舖雞飯要落薑蔥」，咁你唔通出嚟反駁，「喂，唔係喎，我條仔（埃汾）次撚次都唔落，佢食叉燒燒肉飯先落薑蔥的，佢係香港人呀，食咗好多年呢個飯，文都寫過十幾廿篇（是真的），信我啦」。邊個話埃汾食嘅就「權威」？誰是「正宗」？誰是「香港人」？況且，係咪多人做就「正宗」？新一代十個有十個屌麥X記雲吞麵細細碗呃錢添，話啲雲吞港仔（？）咁細粒添，都唔係彈死人乒乓波。正如個撚個食小籠包搵個匙羹著住佢然後咬穿個皮添（再講一次，呢個食法係落地獄的，「我台灣朋友屋企開小籠包餐廳都係咁講」）

    9. 對唔住，講遠咗，一貫特色。但講返啲嘢食。

    10. 咁你見到了，主角係呢個綜合牛肉河。影得唔多好，因為我倒咗湯同料先落粉，好多料壓在底。「我相信唔係幾正宗，我在越南食嘅唔係咁」。另外留意，邊會好似你香港咁多牛肉甚至肥牛和牛（再講一次，香港人好撚富貴，你聽唔到我再講，再聽唔到我繼續講）？你見牛肉都係求其一細舊，反而就有好多牛肚，不過幾好食的。220，冇乜投訴，個湯熱到滾，好味。雖則台仔會話去食切仔麵好過。而真係貴過一碗林東芳

    11. 另外，豬肉餅，100，痴線，完全估唔到有咁多。但食落當然係粉比較多，估到啦，100蚊畀咁多舊你。食唔晒，夜啲睇波食，或者聽朝食。「今晚睇波可以叫居酒屋呀」

    12. 咁罐椰水，係唔好飲的。33。

    13. 總評都係不錯，試多啲唔同嘢，仲有十幾日捱呀大佬。遲下有機會見到我叫KFC，麥當勞，甚至檀島（開到台北的說），太興（同上），添好運（同同上），或者叫個牛扒返嚟鋸，再唔係露台打邊爐都仲得。

    （＊）永遠多謝考試局令我識呢個英文字，呀，係法文字。
    （＊＊）我以前英國鬼老細屌個美國同事啲英文時講的。又，英國鬼好似話去唔到美國定乜，聽聞後生時同愛爾蘭共和軍好frd，都市傳說。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    月頭訂最抵，Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

    #ivanliresearch #台北隔離十四天 2/14

  • 有心無默

    嘻巴嘻巴都市傳說 在 有心無默 Facebook 的最讚貼文

    2020-08-09 21:44:38
    有 558 人按讚

    《無異之局》荒村異聞（一）
    　　
    同好多香港人一樣，蘇子儀係一個非常鍾意行郊野公園嘅女仔。每逢放假得閒嘅時候，佢都總會約埋一班朋友周圍走，想喺香港嘅唔同位置留低自己嘅足跡。
    　
    而另一方面，佢亦都對香港行山界嘅都市傳說感到非常有興趣──例如Ocamp行山撞鬼、山魅、西貢結界之類嘅「故事」，佢都幾乎聽到識背。但即使係咁，佢都冇從冇諗過類似嘅事有一日會發生喺自己身上……
    　
    記得當日係十月八日（星期二）。因為正好係大學Day off，所以佢約咗兩位大學朋友即興行山──今次嘅目標係去睇黃竹山廢村。
    　
    「子儀，點解今次會揀呢度嘅？」坐小巴嘅時候，佢嘅其中一個朋友Lois一邊掃Instagram一邊問。
    　
    「係囉，廢村聽落咁得人驚。」坐喺旁邊嘅阿Yan接住講：「平時妳都唔會揀呢啲地方嘅。」
    　
    「吓？妳哋唔覺得好特別咩？一個大城市裡面有個荒廢咗成半個世紀嘅廢村。」子儀笑住回應：「何況妳哋兩個成日話想行短程嘅，呢個咪啱晒囉。」
    　
    「哈哈。」阿Yan聽完乾笑一聲。
    　
    對佢同Lois嚟講，行山最大嘅價值就係影一輯青春健康充滿陽光氣息嘅靚相然後擺上 instagram，本身景點背後有咩意義根本就唔在乎。
    　
    所以當佢哋見到其他人影落嘅相係名乎其實嘅「廢村」，多少係有啲失望……但既然口快快應承咗會嚟，留喺屋企又怕更無聊，結果最後都係選擇出嚟。
    　
    ＝＝＝＝＝＝＝＝＝
    《惡夢島》全集：
    https://www.facebook.com/pg/Echo.of.Heart/photos/?tab=album&album_id=1861298627335278
    　
    《極樂謊園》全集：
    https://www.facebook.com/pg/Echo.of.Heart/photos/?tab=album&album_id=1736011713197304
    　
    【廣告】《無異之初》、《無異之地》各大書局有售！
    ＝＝＝＝＝＝＝＝＝
    　　
    佢哋三個照住網上嘅行程教學，由馬鞍山郊遊徑嘅水泥路開始行，經過昂平然後接上麥理浩徑第四段，再走一段路就轉入茅坪古道。
    　
    「幾時到㗎？」Lois停低落嚟抖氣，平時少做運動嘅佢行到呢度已經上氣唔接下氣。
    　
    「差唔多喇。」子儀望住電話回應，對成日周圍走嘅佢黎講呢段路根本係小兒科，「上面話見到矮牆再行就會有條小橋，過埋條橋就差唔多到。」
    　
    一直行，終於見到教學所指嘅小橋，橋下面係一條清澈嘅小溪。當刻橋上面正好有個年邁嘅伯伯喺度休息緊，等到三個少女行到過去嘅時候，伯伯好奇咁開口問：
    　
    「妳哋係咪想上去黃竹山村呀？」
    　
    「係呀。」子儀禮貌咁點點頭，「伯伯，我想問係咪行呢條路就啱？」
    　
    「冇錯冇錯，」伯伯轉身指向左手邊，「妳哋過完橋轉左就會有條路上去廢村。但要小心啲……條路本來就多青苔，尋晚仲要落完雨，所以應該會幾滑。」
    　
    「嗯，一定會。」見阿Yan同Lois都喺陰涼嘅小溪旁邊休息緊，子儀決定同伯伯講多兩句：「伯伯上山都係嚟睇廢村？」
    　
    「呵呵，都睇咗好幾年囉，話晒係咁有歷史嘅地方。」伯伯笑住回應：「記得當年日本仔打到嚟嘅時候，成日都會嚟呢邊搞掃蕩……所以後生嗰班都搵機會逃走，結果慢慢就冇晒人住。」
    　
    「原來係咁。」雖然上網已經睇過類似嘅歷史，但子儀都盡量表現到學到嘢咁。
    　
    「小妹妹，如果妳對廢村有興趣嘅話，其實香港仲有另一個當年都幾出名嘅……」
    　
    「仲有另一個？」
    　
    「嗯……叫做白湖村。」
    　
    子儀皺起眉，來來想追問下，但阿Yan同Lois正好抖完行到過嚟。
    　
    「行得啦！」阿Yan捉住子儀隻手講。
    　
    「哈，咁伯伯都唔阻妳哋喇，拜拜。」伯伯揮揮手，然後就從佢哋嚟嘅方向離開。
    　
    「其實妳一早知點行啦，仲洗咩問人喎。」阿Yan細細聲咁講。
    　
    「咁難得見到有人，出於禮貌都應該講兩句嘅。」子儀回應。
    　
    穿過小橋後，佢哋一直沿住台階上，轉眼間就到達廢村範圍。映入眼簾嘅係一個仿如古代遺跡嘅景象──可以見到大部份嘅石屋都已經倒塌，剩低斷壁殘垣，而周圍都長滿綠草，感覺充滿生機……
    　
    「只要冇咗人類嘅干擾……大自然就會係咁樣發展。」子儀感嘆咁講：「呢刻感覺就好似睇緊未來地球嘅縮影咁。」
    　
    「做乜妳今日講嘢咁奇怪嘅。」Lois講，阿Yan聽完即刻偷笑一聲。
    　
    同子儀唔一樣，佢兩位朋友明顯對呢度冇太大感覺。當刻又正好天有厚雲，喺冇咗陽光嘅狀況下想搵個好位置影相都變得困難。而且成個廢村其實相當寧靜，假如唔係一直有人講嘢嘅話，大概真係會覺得陰森恐怖。
    　
    結果佢哋行咗一轉後，最後揀咗一個廢窗嘅位置影相。
    　
    「麻麻地……」阿Yan睇完啲相之後講：「不過執下可能都得嘅……子儀，一陣係咪睇完呢度就落山架啦？」
    　
    「嗯。」子儀回應嘅時候一直盯住平台下方，即係佢哋頭先上嚟嘅道路。
    　
    「咁一陣Lunch食乜嘢？係咪出返市區先？」
    　
    「更係出去先！」Lois率先讚成，「我記得觀塘新開咗間甜品店……」
    　
    「喂。」子儀打斷咗佢，「我好似見到下邊有人……」
    　
    「係咪頭先個阿伯？」阿Yan問。
    　
    「唔係，著嘅衫唔一樣……而且……」子儀講講下停咗，轉身望向阿Yan佢哋，壓低聲講：「佢上到嚟了。」
    　
    下一秒，有一位著住黑衫黑褲、戴住黑帽嘅男人嚟到廢村平台，本來一身都勉強算係標準嘅運動打扮。但最奇怪嘅係佢居然戴住黑色口罩。
    　
    好地地邊有人行山係會戴口罩？再加埋佢銳利嘅眼神，所以第一印象自然係偏向壞嗰方面……係賊上山打劫？抑或係遇上偷渡人士？
    　
    「不如走囉？」Lois神情不安咁提議，阿Yan即刻點頭同意，「子儀……係咪另一邊都有路走到？」
    　
    「有……」子儀都唔敢望返過去，「網上面話有兩條路，行右邊就可以出返去麥理浩徑……」
    　
    三名少女即刻動身，但只係行咗幾步，背後嘅黑衫男子突然開聲講：
    　
    「喂，妳哋三個。」
    　
    一聽完，佢哋即刻停低腳步。子儀感覺到旁邊嘅阿Yan全身震咗一下，而Lois差少少就會驚到尖叫出聲……當然佢哋可以選擇唔理拔腿就跑，但子儀卻鼓起勇氣轉身望過去。
    　
    「你……到底想點？」子儀盯住黑衫男子嘅雙手，見唔到有武器之類嘅危險物件，「如果係想打劫嘅話……」
    　
    「打劫？」男子聽完冷笑一聲，「我要打劫會唔會揀荒山野嶺？」
    　
    「嗚……」Lois聽完更加驚，「咁即係劫色……」
    　
    「假如係劫色嘅話，妳都可以放心，三個入面我都一定唔會揀妳。」明明已經講得好細聲，但男子依然聽得好清楚，「聽住……妳哋而家腦海裡面諗嘅嘢全部都係錯嘅，我只係想提醒妳哋。」
    　
    「提醒？」子儀皺起眉頭。
    　
    「妳哋揀錯日子上山喇。」男子接住講：「一陣落山嘅時候，記住無論發生咩事，遇到咩人都好，千祈唔好回應……要一直行、死命咁行、唔好停低、唔好回頭……直至翻出市區為止。」
    　
    「點解要咁做？」
    　
    「與其要我慢慢解釋，不如妳哋快啲行動。」男子轉身，「趁仲有機會離開呢度。」說罷，佢就沿住石階落返下面。
    　
    「喂！」子儀本來想追問，但阿Yan即刻拉住佢。
    　
    「條友明顯痴線㗎，妳仲理佢！我哋快啲走喇！」
    　
    見佢兩位朋友嚇到面都青晒，子儀當然都唔敢亂做決定，而係照原定嘅路徑離開廢村開始落山。
    　
    「我今日真係唔應該嚟……早知就留喺屋企追劇……」阿Yan邊行邊抱怨。
    　
    「對唔住。」子儀道歉。
    　
    照道理，穿過古徑之後走一段路應該就會去返麥里活徑。但意外嘅係，呢段幽深嘅小路居然行咗足足大半個鐘都未出得返去，間唔中仲會有陰風吹過雜草，感覺就好似有人隨時會喺草叢裡面突然彈出嚟咁……
    　
    「嗚……」Lois終於忍唔住喊出嚟，「到底仲要行幾耐……」
    　
    「子儀……妳係咪記錯方向呀？」阿Yan一直拖住Lois隻手行，但睇得出佢都就快去到崩潰邊緣，「會唔會行左邊先啱？」
    　
    「唔係，個教學明明係寫呢條……妳哋望下前面！穿過埋草叢應該就係！」
    　
    彷彿見到曙光一樣，三人即刻加快腳步，然而……穿過草叢之後，眼前並唔係一條明確嘅山路，反而係熟悉嘅石道，而且……
    　
    不遠處仲有道小橋。
    　
    「呢度我哋頭先咪嚟過囉？」阿Yan即刻意識到唔妥，「就係呢度遇到嗰位伯伯……吖！？」
    　
    啞、啞、啞、啞、啞……
    　
    頭頂嘅烏鴉叫聲嚇到阿Yan尖叫一聲。子儀起初仲猶豫緊係咪應該走回頭路，但又諗返起頭先嗰個黑衫男人叫佢哋要一直行……「唔好停低、唔好回頭」。
    　
    「各位……」諗到呢度，佢本來想為兩位朋友打氣，但Lois卻突然捉住佢隻手……
    　
    「下、下面……嗚……」當刻Lois已經喊到妝都化埋，佢合埋雙眼，指住石道下面嘅河溪……
    　
    子儀望過去，呢刻有兩個小朋友喺溪邊彎低身，背對住佢哋喺度玩水，嘻嘻哈哈咁笑得非常開心。但此時此刻見到咁嘅景象，當然係更覺得毛骨悚然……然而更令人心寒嘅，係Lois接住嘅下一句……
    　
    「我頭先……嗚……見到佢哋……係冇眼耳口鼻……」
    　
    阿Yan聽完即刻驚到同Lois攬埋一齊。而子儀就一直盯住下方，直到背後響起一把熟悉嘅聲音……
    　
    「咦，妳哋幾個點解返轉頭嘅？係咪蕩失路？」
    　
    係頭先遇到嘅嗰一位伯伯。
    　
    子儀想擰轉身去望，但身體偏偏冇辦法作出回應。
    　
    「明嘅……伯伯我呀……當年都係一樣……走咗入嚟，走唔返出去。」
    　
    郁唔到、亦都冇辦法開聲，只係維持住同一個動作。下一刻，開始注意到周圍有「人」從唔同方向走出嚟……橋嗰邊有、下方溪間有、前方嘅石道亦都有。當中有男有女，全部人臉上嘅五官都模糊到好似消失咗一樣。
    　
    「我哋其實都唔想傷害妳哋……但冇得揀……」
    　
    子儀感覺到背後嘅寒意越嚟越重，但佢依然冇辦法掙扎開……
    　
    「我哋只有咁做……先可以搵到離開呢度嘅路……」
    　
    四周嘅「人」開始慢慢行近過嚟，下面小溪嘅兩個小朋友亦都一樣。當刻，三位少女全部動彈不能，只可以企定定任由周圍嘅「人」宰割。
    　
    但就喺下一刻……
    　
    「我就知道發展會係咁。」黑衫男子突然喺草叢間走出嚟，「提咗妳哋發生咩事都唔好停落嚟。」
    　
    意外嘅係，男子嘅出現瞬間驅散咗周圍嘅寒氣。本來仲包圍緊少女們嘅「人」都即刻倉惶而逃……下一瞬間，子儀終於郁得返了。
    　
    「唔好擰轉頭望。」黑衫男子再次提醒，「由我身後呢條路走，一直走，就算跌低都要即刻起身走……」
    　
    　
    「……今次一定會搵到出口。」
    　
    （待續）
    　
    　
    《無異之局》正式開始連載。預計頭半本書進度應該會係幾快，希望各位可以睇得盡興啦。下集暫定星期二或三出。
    　
    《無異之地》實體版出咗啦！記住支持下呀～
    　
    p.s. 留言有人物關係表。

    －－－－－－－－－－－－－－－－
    　
    【地方的無默媽資助計劃】（試行中）
    　
    近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
    　
    Payme 連結：
    https://payme.hsbc/echoofheart
    　
    轉數快 FPS ID：6065460
    　
    計畫緣由及詳細內容：
    https://bit.ly/39b5Fuw
    　
    Patreon 都開咗啦，八月中正式開始！
    https://www.patreon.com/echoofheart?
    －－－－－－－－－－－－－－－－－
    　
    【廣告】《無異之初》、《無異之地》、《時間守衡者》、《絕命上映》、《絕望走廊》、《絕無轉機》各大書局有售！
    　
    －－－－－－－－－－－－－－－－－
    　
    IG：echoofheart

你可能也想看看

搜尋相關網站