【不如大家可以估吓我身家😂】

今年都未完一年，數一數，喺好多人眼中我應該賺咗唔少，個個都話我收咗錢。

賺得最多一定係讚《尚氣與十環幫傳奇》，收咗迪士尼好多錢，仲要吹到收美金；再之前踩《黑寡婦》踩得唔夠勁，又收咗迪士尼錢；大讚《自殺特攻》好睇一定係收咗華納錢；收完大片商，到讚《凶靈祭》又一定收咗錢。唔止戲院業喎，話《勝利號》唔好睇， 一定收咗Netflix對家錢（但我到依家都未搵到對家係邊位，唔知點出糧），然後話《紙房子》第五季好爽（已經冇話好睇），又一定收咗Netflix錢，兩家茶禮食曬🙃

舊年仲好笑，話《金都》好睇，一定收咗婚禮商戶錢，笑到啤一聲；另一單早前回顧過，報道《TENET天能》美國票房唔得，一定收咗對家錢去作假新聞，至今我依家唔知對家係邊個，可能係迪士尼，今年收咗佢咁多錢。

得啖笑。

以前，我真係逐個逐個留言都回應，有人話我小氣、有人話我燥底、有人話我無聊、有人話你做得呢行就要抵得俾人鬧，呢段過程維持咗一兩年，可能睇化咗，發現回得多都嘥氣，只會沒完沒了。我一直都深感一樣嘢，一套戲好唔好睇，冇得拗冇得講，你覺得好睇我覺得唔好睇、你覺得唔好睇我覺得好睇，各人可以有各人意見，我唔會迫你接受，你都唔可以扭轉到我同你一樣意見，就算俾你扭得到，贏咗，咁又點？

呢兩年，我發現係一個幾大轉變。有一班人會覺得社會上有啲嘢唔係應份唔係老奉，係值得課金支持；有一班人會覺得，一個人做任何嘢，都係收咗錢，唔會有人唔收錢都肯去做嘢。喺大家眼中，「錢」就係用嚟界定一個人嘅價值；同自己唔同意見、會默默付出做一啲嘢，佢一定係收咗錢、冇收錢都一定係有著數。

到底點解香港價值觀變到咁？

可能有人出一套戲觀感時，會先查下其他人讚定彈，搵曬資料跟個大風向一定冇死，咁當然我寫咗咁多年，都知有咩戲一定唔可以彈、有咩戲一定唔可以讚，但如果我出親post，都要搵吓個風氣讚定彈先寫，又係咪你想睇嘅嘢？

當然，話你收咗錢都算事少，都唔計果啲耐唔耐就出言恐嚇，話要殺咗我又乜又柒果啲言論，之前玩到要出埋律師，果啲就後話喇。

諗返《天與地》嘅一句對白：「和諧唔係一百個人講同一番說話，和諧係一百個人有一百句唔同說話之餘，又互相尊重。」你可以唔接受我意見，但請尊重人哋意見。

今時今日，好似更加難做到。

你眼中嘅我，晚晚數錢睇吓賺幾多；現實中嘅我，晚晚數錢睇吓捱到月尾。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

［週末寫呢啲］今次呢個題夠晒大，應該人人都關心，但我好似冇特登寫過一篇文。

1. 就係傳說中嘅「就係咁咗嘅樣　乜都唔駛撈就至理想」。FIRE movement，Financial Independence, Retire Early．財務自由。星期一返工Benz for the mouth為口奔馳嘅你好需要睇

TLDR：幾多錢先夠自由？幾時先搵得到？被動收入嚟自邊？投資回報假設幾多%先合理？通脹呢？你老哥又要幾多錢先夠上岸？全部答晒你。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

2. 首先講返，你要幾錢先夠，好抱歉，多數你自己先知。因為你總有啲秘密唔想同人講，你生唔生仔，移唔移民，會唔會想離婚分身家，你估你屋企兩老幾時死，呢啲全部係好關鍵嘅問題，但我同你三唔識七你唔會話我知。所以嘥氣。

3. 但我可以做嘅，我將自己嘅case，近乎全無保留（除咗我已經有幾多錢外）話晒你知，你學我嘅方法自己計一次，想食鹹啲淡啲自己調節個食譜。

4. 同時警告你，坊間好多講FIRE嘅，都係掛羊頭賣狗肉，又係賣產品。乜乜基金乜乜保險乜乜債券，或者尹光NFT捷克樓盤（真係有！）。十居其九呢啲財務自由嘅方法，就係令個保險經紀或理財顧問自己財務自由。而我絶對唔sell產品，冇回佣拎，就係拎你嗰100蚊月費。因為量夠大，就夠我當返工。記住，我地生活在個高度金融化嘅社會，你要諗下人地做乜益你，點rip you off，賺乜。我就賺你100蚊（其實冇，得80落袋）

5. 然後，我用咗啲時間，搞清啲基本概念。乜嘢叫財務自由，乜嘢叫net worth，乜嘢叫開支。唔好笑，因為好多人都亂嚟。有人當供樓係開支，傻的嗎？頂多你還息嗰部份係開支。正如有人問我net worth計唔計自住樓。當然計啦！「但只係紙上富貴，賣咗瞓街咩」。但你可以移民，當然亦可拎住幾千萬瞓街。

6. 然後，講「嗰個數字」，傳說中甩難上岸嘅數字。但我可以話你知，你問下人，會見到好矛盾。一方面好多人同你講，XXX咁少錢邊夠退休？但另一方面，往往講呢句嘢嘅人，係成世都唔會累積到呢個數。咁你見到個矛盾未？佢地係咪六十歲畀人的去深山？又好似唔係喎。

7. 而「嗰個數字」，之所以咁難搞，因為涉及太多不確定。下星期嘅事都有人問「喂埃汾我好唔好沽晒啲股票呀 聽講恒大又爆煲 美國又縮表喎」，何況幾十年後？會唔會股市衰足三十年？會唔會年年通脹30%？會唔會我下年死咗？真係答你唔到。

8. 但，我做嘅嘢，咪就係盡量在啲不確定嘅嘢，搵啲比較確定，做啲假設幫你計咯。最緊要啲假設唔好太過分，即係唔係「我唔貪心諗住一年冇風險有10%回報」之類

9. 然後熱身，我用返我本書（都話十分好睇！）嘅例子，阿煩的故事。主人翁5萬收入（難但唔係不可能），一個月開支3萬5，你當佢租樓啦，暫時冇儲蓄冇股票。

10. 咁佢要幾錢先可以「財務自由」？ 要幾耐先可以？其實係同一個問題。「財務自由」就係佢嘅投資回報夠冚佢開支，咁當你累積到「嗰舊錢」時咪就係「財務自由」，亦都可以計到要幾耐。要嘅假設？除咗佢收入，開支，身家（樓上講晒），就係投資回報率，同埋佢一年拎幾多錢出嚟。呢啲不難去搵啲回理嘅假設。

11. 我會教埋你點計，同埋睇埋咁多年嘅表現，去睇啲投資回報假設係咪realistic，而唔係假設你買到Tesla贏幾百倍。仲有講埋通脹又點計

12. 然後就由佢呢個 case，你已經睇到點樣可以易啲達到「財務自由」。答案就係，都係老生常談，冇捷徑。你以為係提升回報？表面係，但話咁易咩。你高回報嘅，十居其十都係有機會輸一大截，之後更難翻身。

13. 咁所以，都係開源節流。但同好多人想像唔同，FIRE 其實係話你知，節流有效過開源好多，果然難聽過粗口。點解？文入面講你知。

14. 咁仲有乜？都係我講嘅嘢，要早開始，不過你見，香港地，個個係想get rich quick，從來都唔係FIRE講嘅嘢，人地唔係教你短時間贏佢老味幾十倍然後唔使做。況且得罪講句，好多人嘅錢，贏幾十倍都唔夠唔使做，咁贏幾十倍嘅嘢，贏面有幾多？你輸嗰時又會輸幾多？即係買股票嗰啲係傻仔？你不如照下鏡？

15. 仲有，要買得大。你見人地FIRE嘅計法，一定預你啲錢扣除開支以外全部投資，你一年儲到十萬蚊但只拎兩三萬去投資，條數就會竹水而唔及儲錢少你一截但全部投資嘅人

16. 最後，我講我嘅情況，近乎全部保留公開。都話係幾個input，投資回報我用default嘅回報率，唔會覺得自己好巴閉年年15%（咁低畀你啲網友笑添呀，應該年年30%）。收入開支都公開晒。咁咪計到個數。當然開支都有比較好嘅情況同比較大鑊嘅情況（視乎我住香港定台灣，又視乎囡囡返唔返工），但，總係有個數字畀到你。我就畀咗我嘅數字你。

17. 當然最後，都係同你由頭go through 一次。真係冇捷徑，都係嗰幾味，開源節流（而節流有用過開源），瞓身投資，早開始。但入面計數嘅例子會畀你見到點解咁重要。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

浪漫月巴睇2000（167）
【當解文意做外賣員】

香港，有好老的後生仔，也有感覺很青春的李司棋。

1.如果「青春」只能用來形容客觀年歲，李司棋當然不青春，她生於1950年，70歲，今個月26號，71歲生日。
2.但在那個扮演外賣員的廣告裡，她很青春，你甚至不會覺得她在夾硬扮後生；她賣萌，不會乞你憎，反而令你好開心，她為廣告Add了大量Value。我有偷偷諗過，假如廣告換了細她幾年的月巴女馬，效果會如何？而既然搵得她，就不爭在搵埋她那位剛剛不用再傾偈的愛將六號，這樣一加一，效果會否更相得益彰？不過，假設性幻想，諗來嘥氣。
3.我年紀不細，即使不是睇無綫大，但總會追看過他們的經典劇集，而我最初看見的李司棋，就是透過劇集：《山水有相逢》、《無雙譜》、《神女有心》，當然不少得《輪流傳》，巧合地，都是甘國亮作品。再巧合地，李司棋與甘國亮同年同月出世。
4.那時候的我，自然未有能力聽真甘國亮劇集對白的神韻——那些對白，話中有話兼帶骨，巧妙運用廣東話，不是後來盛行只為被人記被人Quote的金句式對白，而是一些我們日常真的會聽到的語氣，統統提煉自真實生活。當然，對白寫得再好，也需交由適當演員演繹，而李司棋（和黃韻詩），就好能夠演繹這些甘氏對白。
5.記得2008年訪問李司棋時她笑住呻：當年拍甘生的劇，好大壓力，壓力在於唸那些對白，實在太獨特太高難度，考起她，而甘生又不太跟她說話（他同黃韻詩就好Friend）。那一年，2008年，在舊公司幫手做個專題，需要訪問一些在上世紀7、80年代電視業工作過的台前幕後，正好《溏心風暴之家好月圓》熱播，荷媽好Hit，順理成章，邀請她接受訪問。
6.這類大家庭爭產連續劇問心我沒興趣，但我沒興趣不緊要，大部分觀眾有興趣才最重要，即使《家好月圓》擺明是2007年《溏心風暴》的一次精神延續（而荷媽則是大契的DNA分解重組），但無阻大家興致，照睇，晚晚睇，睇完又睇。
7.這是李司棋另一次事業高峰。不論大契或荷媽，其實都源自港式電視劇那種睇慣睇熟的典型「Mother Figure」：含辛茹苦，孭起頭家，她是維繫這頭家的Core，人人都尊重她（不尊重她的往往是非直系親屬）；家中大小事，逃不出她法眼，她甚至是一個家庭裡的道德法庭，頒布道德律令，有仲裁權力。這類母親角色，李司棋早在90年代已經做過一次——《真情》善姨，只是善姨的戲，沒有她妹妹好姨那麼搶，而世人又似乎只記得May May怎樣賤格失常。
8.其實李司棋早就演媽咪角色，《輪流傳》解文意。解文意不是善姨大契荷媽，她是千金小姐，刁蠻任性，生了私生子，但她沒選擇親自湊大他——解文意的餘生如何我們不知道，因為《輪流傳》腰斬，收視輸給《大地恩情》；但某程度上，你可以把《阿飛正傳》的旭仔，看成是解文意個仔。
9.人人都青春過，李司棋不只青春過，而且靚過，兼且是好靚好靚那一種，在當年TVB芸芸花旦裡，李司棋的美相當獨特，可以纖弱得令人憐憫，可以刁蠻得令人不禁想煎巴佢（但又不忍心以免破壞她的美）。
10.大家都有一點年歲了，曾經青春的都不得不變老。我還有Follow李司棋，Follow她IG，看見她在教主廣告板的打卡相，看見她做運動的相，看見她在屋企煮嘢食的相，看見她深入葵廣的片和相，都不整色整水，自自然然，而同時貼近現在，知道現在，明白現在。
（原文刊於am730）
#浪漫月巴睇2000

#DonaldTrump #JoeBiden #特朗普


《搖擺的賓州》
原曲：眼睛想旅行 (黎明)
改詞：郭安發@二次音樂
主唱：晴天林

太錯愕的你　美國大選　永遠不要放棄
咪再話嘥氣　我要提你　要撐侵侵到尾

若失賓州將會失救　係驚賓州選票不夠
為咗賓州都要激鬥　怒斬賓州今晚要到我手

搖擺的賓州　若落選給拜登
以後唔洗搵侵侵　去撐香港市民
喬州跟北卡　仲慢慢點票緊
勝利回歸Donald Trump　要靠賓州嘅人
侵…...鐵票可否降臨　侵…...要拜登輸到暈

太錯愕的你　美國大選　永遠不要放棄
咪再話嘥氣　我要提你　要撐侵侵到尾

力爭賓州想去擁有　勁想賓州跟我緊扣
奪得賓州感到足夠　襲擊賓州都要靠我對手

密芝根黐筋　為甚麼選拜登
舞弊愚蠢不小心　計哂死咗嘅人
而威斯康辛　亂局即將發生
數字盤點邊忽真　票種得好過份
侵…...要告州長眾人　侵…...佢法院識哂人

幻想賓州給我私有　夢的賓州怎看得透
力握賓州感覺深厚　熱戀賓州今世愛到永久

搖擺的賓州　動盪得好肉緊
兩邊搖擺驚扑親　要智取兼智擒
搖擺的賓州　願廿張歸阿侵
發力贏返俾心心　個個都封佢神
侵…...要拜登輸到暈　侵…...靠晒賓州嘅人
侵…...最怕賓州會腍　侵……

＝＝＝＝＝＝＝＝＝＝＝＝＝＝＝＝＝＝＝
⭐支持晴天林Patreon粉絲會、支持創作自由
https://www.patreon.com/sunnylammusic

⭐Facebook：晴天林 Sunny Lam
http://www.facebook.com/music.sunny

⭐follow my IG: sunnylammusic
http://www.instagram.com/sunnylammusic

⭐PayMe助養窮困音樂廢青晴天林：
https://payme.hsbc/sunnylam
http://bit.ly/38YfI6Z

海外PayPal/轉數快：
whiteboard250@gmail.com
＝＝＝＝＝＝＝＝＝＝＝＝＝＝＝＝＝＝＝＝