【關於我的近況二三事】

如果有睇我 晞。觀影記事 大概都會知道呢排忙到癲咗，又包場又考試又工作，讀者朋友唔講，我都冇留意已經一個月冇update。一來冇旅行去、二來熱到我山都唔想行、三來我發現近呢一年好多時候都係寫感性同悲觀嘢，但呢排我生活好充實都有唔同目標，突然叫我寫positive嘢好似冇咩好寫，可能都係一件好事😂

或者都要轉個頭抽個水，即使我忙到一日訓得三個鐘，我都係可以有時間覆機、朋友叫到食飯我都可以抽到時間，真正有心，再忙都好，時間都係可以擠到出嚟。

唔想放棄呢邊，都簡單交代一下近況。

1/

我終於完成咗西班牙文A1課程，完成咗一個人生bucket list咁，好興奮。臨老入花叢，人生第一次為自己想學嘅嘢去報個course，仲可以一年都100% attendance兼交足100%功課。第一次明白，原來人生不為cert不為錢不為事業，真係為自己興趣去讀樣嘢，感覺原來咁正。

決心要讀西班牙文，係由我踏入智利機場發現我講I come from Hong Kong同purpose係Travel，而對方即使係移民局，都唔知你講乜，佢係咁問你donde eres你又唔會知佢問乜，到你即日已發現唔識西班牙文車飛都買唔到、嗌咗嘅嘢食都唔會知係乜嚟，而Google translate都唔會幫到你、join local tour全車有一半人唔識英文，但除咗你冇人唔識西班牙文時，你知道呢個世界有好多地方，你苦讀多年英文曉飛也好，都係嘥氣。

最後，你返香港果班機，你發現自己可以同空姐溝通識嗌arroz con carne，簡單一句已經好滿足。

唔同你去日本唔識日文、去俄羅斯唔識俄文、去泰國唔識泰文，冇人覺得你奇怪，但喺拉丁美洲，人哋會覺得你係怪人，點會有人唔識架？

更開心係識到一班同學，可以講鳩嘢講是非，都可以認真到去自修室開個study group。上年經歷太多唔開心嘢，一星期定期有班人同你傾到計，而大家都歷盡由面授到zoom再到面授，喺人生最絕望最無聊日子，可以喺zoom上堂係我一星期最期待時刻，到最後由40人讀到得返少於15人期期見面。

重點遇到一個好老師，上堂唔止教你practical嘢，仲有人生百態同拉丁文化，只可惜佢唔再教落去。

2/

我突然有返一份正職。同樣地，舊年經歷得太多無常不安，你或者再唔會相信有咩係永恆，又會有咩人係真正好人。每一次有新工，講真我都唔會完全放開懷抱去信人，因為一般唔駛一個月就開始發現有人想插你一刀。新工我諗係近呢幾年感覺最良好嘅一份，環境好、工作好、人都好，希望短期內我唔會再經歷咩無常。

3/

完成咗13週年嘅包場，想講嘅之前都講曬，無論你係有故事的旅人讀者又好、晞。觀影記事讀者也好、travelerwithmovie讀者都好，13年嚟感謝你哋嘅支持。呢一個event好辛苦好累都好緊張，但我係滿足嘅。雖然同樣經歷到人性陰暗面，但都遇到好多好人好事，多謝幫助我完成嘅每一個你。

4/

近排遇上有啲嘢，可能你會覺得好邪，都驚係另一個恐怖嘅輪迴，甚至我會怕一年前嘅陰霾再度重現。或者近期遇到嘅事都令我心境開朗，有啲嘢就算真係好邪，邪到你會覺得有冇可能咁啱，但唔好自己嚇自己，保持希望，一切總會更好，應該唔會真係邪到咁，可能會係另一個希望轉機呢。你命硬架，相信自己，大概已經冇嘢會嚇得到你。我咁樣同自己講。緣份無限輪迴、人情無限輪迴、經歷無限輪迴，但輪迴到一個地步，我相信總有希望，呢個loop唔會跟你一世嘅。朋友話，唔好俾你以往恐懼放棄一個又一個機會，我諗，我要學識呢樣嘢。

5/

人生從未試過有一次可以同自己講「我開始穩定到」，正職加埋freelance同網店收入大增，人生頭一次唔駛擔驚受怕，唔知聽日有咩要洗錢，原來感覺係幾好，就好似你奮鬥咗咁多年終於有回報、終於有人賞識你；唔係大富大貴，最少呢一刻唔駛憂鹽憂米仲有閒錢剩。積穀防饑好緊要，昔日嘅不安令你所學會嘅係，無論你賺到幾多錢，今日唔會知聽日事，你嘅穩定唔會到永遠，呢個價值觀點都會跟我一世。可以洗錢洗得鬆動少少都唔錯，最少，今日你唔駛為慳三毫子分段行幾個巴士站。

都有少少文章、唔同計劃想寫，嚟緊呢邊陸陸續續會update返架喇。多謝支持。

✨ 網店正式開張！新張期內貨品低至$5！請即睇：https://bit.ly/3qLPkpk

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

［推你要在晚餐後］又即係，肚餓唔好買Bitcoin。大量粗口（主要係在remark），不喜勿入。

TLDR：醫生係人，法官係人，投資者都係人。唔好低估生理同心理狀況對你決策嘅影響。唔好高估啲人有幾「專業」，有幾「獨立思考」。接受呢啲缺憾，然後先可以避免畀佢拖累。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 想當年，廿年前，我都仲會睇啲「教你見工」嘅書。例如話你知HR唔會以貌取人呀，HR好專業唔會畀你啲把戲玩到呀，唔好諗住吹水過骨咁呀，難逃佢地法眼。

2. 後來我心諗，頂，啲書咪又係啲HR自己寫，唔通自己話自己唔專業？個個都話自己好專業啦，除咗有啲害群之馬。正如每一個藝人都話自己唔會腿張開靠上床上位，「不過我就聽聞有其他人咁做」「但我就絶對冇」。你上網都知，戲院傾計嘅，永遠都係其他人。每一場都有人，但一定係其他人。

3. 然後，仲有呀呃食飯之王阿Jens嘅故事（https://fbook.cc/3Snu），嘻，HR有幾專業？

4. 但講返，大個仔，有獨立思考，應該知道根本唔係咁。個個都話自己好專業，不偏不倚，唔會畀其他嘢影響自己決定。下話？幸好我地有大數據（！）。打從Freakonomics一書風行後，啲經濟學家就好鍾意做呢啲研究。「當然唔係為咗出位」「學者都係好專業的」。（而事實，呢啲研究幾好做）

5. 之前應該都有人研究過，邊個時段見工嘅人HR特別易請，考試（例如考口試考琴學車）咩時間最易拎高分。甚至我懷疑你條裙幾短 心口開幾大 本身咩上圍 都有影響（黑面神多數都係男人）。你可以拎去寫論文

6. 咁講真，如果有得揀嘅，例如人地公司肯就你時間見工嘅，真係留意下。Life Hack呀，你人生就係一連串嘅法定，分分幾個小決定就一世。唔信？你諗下剛好爭幾分讀唔到醫嘅人，剛好爭少少而入唔到大球會嘅球員。

7. 以前呢度我都寫過（https://fbook.cc/3Snv），醫生生日，病人特別易死（所以識玩記得約2月29號開刀），真係高一截的。仲有聖誕，週末都係。巧合？唔係啦，人地啲數字statistically significant。原因好多，可能心情興奮，約咗人食飯，或者走到好遠食，或者早早交畀副手做。醫生都係人，唔好咁駝鳥啦。

8. 正如舊文都提過，台灣啲友鬼月唔去開刀，驚死，根本就剛好掉轉。冇人鬼月開刀，醫生得閒，先冇咁易出錯。個個質晒之前之後開，醫生咁累，先易死人。

9. 我仲提過股災醫生會唔會開錯刀，球員生日會唔會特別易拎牌，犯規（史上得一個球員世界盃生日食紅牌，咁首先佢要夏天生日），射失十二碼等等假想。「唔去讀Econ真係嘥晒」

10. 咁另外，張相左邊，係我在Patreon寫過嘅。係丫，我係睇咗WSJ嘅文。但扯，WSJ咪又係摘錄Daniel Kahneman本書。

11. 篇文，講乳癌。醫生在臨收工前，或者放飯前，都係比較少叫病人去驗乳癌嘅。所以識揀就揀最早睇，好大機會醫生都會叫你check 下

12. Daniel Kahneman話呢啲就係Noise，同一個人，唔同時間唔同情況固然會有。亦都所以佢叫你肚餓唔好買Bitcoin唔好炒股票，心理生理因素好影響我地，唔好高估自己啲乜七自制力同獨立思考。

13. 你睇下球員射十二碼，法定時間同120分鐘後互射，入球率係爭一截的。一來身體累，二來心理壓力大。或者，你睇下Paper Trade同落場真炒，考mock同真係考試（本人分別不大），自己唱K同上台唱，你咪知有乜分別。

14. 仲有，唔同人之間，noise更加大。佢地做啲研究，即使同一個國家，同一個case畀啲法官睇量刑，判刑年期都可以爭三四年，財務顧問嘅，畀同一個客嘅資料佢，話風險承受能力好低至到好高都有，建議配置股票嘅百份比，由0-100%都有，「即係亂嚟」「明明話財務顧問好專業」「佢係專業，但唔係對你專業啫，邊個產品分佣分得多咪建議邊個畀你」

15. 右邊嗰篇，Economist，講Decision fatigue，亦係講肚餓或趕收工集中力下降。佢用個例子係批貸款重組。咁見到臨放飯或放工，批核率的確唔同。但畀你估下，臨放飯放工，會係批得鬆啲，定批得緊啲？都未必咁易估？到底肚餓時係宅心仁厚啲，定更加不近人情？

16. 答案：Decision fatigue之下，人係會啟動Default 模式！貸款重組嘅case，拉勻晒審批率係40%，所以default係唔批。亦見到趕放飯放工就會唔批嘅機會大好多

17. 法官呢？臨食飯原來易啲批假釋。醫生呢？越近放工越鍾意開抗生素（即使冇必要）。篇文冇講，但我assume 批假釋開抗生素就係default

18. 點避免呢啲情況害到你？首先個人層面，你係個用戶嘅（例如病人），除咗去game the system（做最早嘅病人）。仲可以：睇多幾個醫生，拎second opinion．

19. 仲有，文中有講，我地都係會先入為主嘅。所以有時你做決策時，可以整張Check list．例如請人，與其你畀佢天花龍鳳第一句就刷你鞋，不如整個check list喎，啱嘅先mark．唔怪得HR咁鍾意整份interview form畀 interviewer填。而埃汾就最憎，埃汾最憎填form。冇錯，我其實係個睇feel嘅人，歷任嚟見過工嘅事後都會知，我理得你講到天花龍鳳，我最關心係：我同呢條友夾唔夾到，會唔會日日想打七佢。咁當然，傾一陣未必知，所以早期我in係in好耐的。後期比較忙，就求鬼其。冇錯，decision fatigue，而我從冇話我係完美。（＊）

20. 又或者，休息下。真係十分重要。唔同嘅作家（！）有唔同嘅寫作方法，好古靈精怪都有。實不相瞞，我寫文冇靈感嗰時呢，知唔知會做乜？係去沖涼，一沖就好多靈感。

21. 仲有，你見我成日睇埋啲垃圾港產片，有啲真係唔睇都知垃圾，亦係為呢種作用，放空呀。同樣地，以前我去唱K呢，就真係完全專心唱歌，唔睇電話，亦唔講任何工作嘅嘢，亦都唔會講股票講市。

22. 最新嘅例子？而家呢篇文亦係。Andrew Wiles嘛，唔發現呢排我都好少在呢度寫股票？但事實Patreon先寫啦。Nvidia 愛馬士 日日新高 又話你知咩。仲畀你啲網友屌我唔識晶片添。係喎，我要識分啲袋先可以買愛馬士股票呀可。甘比發咗達未？（當然發咗！但佢係發咗先識分！唔好因果掉轉。即係咁講）

（＊）我耿耿於懷一件事。我在康宏時請個馬仔，咁原本都有個驚跌地我覺得OK。我老細亦都基本上信我，只係循例望左一望。點知去到HR，HR條女阻我。話條友英文唔得。我心諗，你戇鳩的嗎？我何來care佢英文得唔得？我老細都未出聲。況且，閣下咩position去話佢英文唔得？你英文好得？仲屎過我。不過當然講就天下無敵，我已經進入咗佛系mode，十幾年前可能我會嘈上去，而家嘛，「是但啦，請過個」。所以後來有位英文一樣都係媽媽地嘅小朋友執咗佢二攤，呢位小朋友都知呢個故事。呀小朋友都奇怪，做乜佢出身各樣嘢都麻麻地，成績又唔係好，我都請佢。答案，冇架，啱feel，加埋，夠平。因為我唔撚想又同HR解釋一大輪做乜鳩佢個「薪酬調查」（＊＊）話冇經験嘅應該咁多咁多人工，而我要畀多一兩千。

（＊＊）呢個真係屌開有條路，鬧多嘢。最撚好笑，佢地個乜柒「薪酬調查」。出嚟話呢個位，一年經験個人工應該20-22K（唔係實數，不重要）。話我畀23K佢多。OK，咁我當然知道呢啲都係佢地職責，或KPI，或刷存在感嘅方法。是但啦，關我春事，又唔係畀我。咁但，turn out 佢offer畀條友，係19K（留，係另一HR）。咁照計，關我春事，又唔係畀我。但我都要同個小朋友交代下嘛。我問返此HR，你老味我畀23K你又用你個「薪酬調查」大我，而家你又畀19K？即係你個「薪酬調查」把撚架啦。你估佢點答我？嘩我真係拍手呀，佢答我「我地公司有其他 benefit啦」。我屌你啦，你個「薪酬調查」其他公司肯定冇benefit架，其他公司冇大假架！冇Pantry呀！斟水要畀返錢公司呀可？當然我只係婉轉咁話佢知件事有幾好笑，而其實此人（另一個HR）冇乜嘢，都係跟規矩做嘢，所以冇必要搞到佢難做。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［欣榮花園購物商場］這不是惡搞，這不是Fake news。大名鼎鼎 aka惡名昭彰嘅We Company，新一輪嘅重組，亦都有rebranding．新名叫做，WeWork！是真的

路透社原文：The We Company reverts to WeWork name to emphasize office-sharing roots（https://bityl.co/3xog）

TLDR：最正係，舊年年頭，公司先由WeWork改名做WeCompany．6百萬美金嘅問題：啲改名嘅錢，去咗邊個度？識玩梗係做Start Up CEO

1. 老實講，班友可以忍住唔撚笑講出嚟，就已經值回咁高人工。我就冇咁嘅修為啦。

2. 係喎，原本（即係，早兩日）間公司，係叫做We Company。WeWork係個產品　　/牌子/其中一部份啫。類似例子都唔少，都幾煩，因為記者次次寫都要講「XX母公司XXX」，十分浪費時間，但唔寫又有讀者找碴（呢個世界好多人係冇其他更有意義嘅嘢做的）。例子？「Google 母公司Alphabet」「Gucci母公司Kering」「Uniqlo母公司迅銷」「Zara母公司Inditex」，我甚至見過人寫「LV母公司LVMH」「聯交所母公司港交所」「香港上海匯豐銀行母公司匯控」（OK，呢個係我玩嘢寫嘅）。

3. 雖然我有時覺得，寫Inditex話唔明，要你講明係Zara母公司嘅，you are in the wrong class啦。又講返個舊例子，穿Prada的惡魔，呀大口姐姐（BTW，從來都唔覺得靚，而家啲批蕩甩晒，我好性）接電話，幫老細take message，問人地「Can you please spell Gabbana？」，對家就冚撚你線，知你唔撚係路啦！You are in the wrong class

4. 而仲有啲更衰嘅，你寫Gucci Google股價乜乜乜，要出嚟找碴更正話係Kering Alphabet嗰啲，更加不知所謂，應該go get a fucking life。

5. 不過Wework嘅例子更撚加好笑，亦都充份反映到呢間公司嘅企業文化，就係假大空，把撚，懶撚係嘢。

6. 好笑在乜？好笑在，根本WeCompany 呢個名，又係舊年年頭先改嘅！（https://bityl.co/3xo0）果然神又係你鬼又係你。當時係強調，拿，我地唔止得WeWork，仲有WeLive同WeGrow。我地唔係地產公司，係科技公司，共享經濟，改變世界，噢耶。

7. 當然可以自圓其說啦，凱恩斯話齋， 'When the facts change, I change my mind - what do you do, sir?'。「落後三球同領先三球都同樣打法咩戇鳩」「一月時未有肺炎啦，世界都唔同晒」。我都識講

8. 當然，以上我講呢啲就太低層次。高層次點講？睇下條印度仔CEO點講：

9. “We want to be strategic. We want to be innovative. We want to be impactful. We want to be WeWork”

10. 嘩，真係邱吉爾再生呀！果然識英文有襟蚊籮同啲！拿，咪就係咁樣，所以人地拎咁嘅人工，我就拎咁嘅人工！（兩個「咁嘅」又見到中文幾咁偉大）

11. 今次點解改名？因為公司又再想大家留意返，我地係地產公司嚟的。我屌，大師（即係我）一早已經話搵笨實（https://fbook.cc/3H8r），擺明就係劏房，high乜撚tech

12. BTW，仲有一大堆AI乜乜乜嘅，得閒我都寫下。最新有間新加坡智能咖啡機，咩呀，開返畀我去就唔使屌？（當然我會照去）。其實之前仲有好多呢啲公司，但部份啲創辦人或者入面嘅員工我識，咁就費事寫了。所以同我做朋友都係好好的！訂埋Patreon更好！（https://bit.ly/31QmYj7）。當然我唔會埋沒良心（屌你咩，一個月一舊水就買個良心？我良心好大的）幫你唱好，但至少我唔會踩多兩腳。

13. Anyway，WeWork Rebranding呢啲咁嘅鬧劇，最開心真係啲歐嘥打，幫佢地印嘢嗰啲，換logo嗰啲，話咁撚快又可以換過晒。

14. 然後話你知，好多普通人，根本係連公司改過名做We Company都唔知的。可能睇完我呢篇文，佢地先發現：下？原來改過名？以為一路都叫We Work喎。證明呢啲乜柒rebranding，十居其九都係管理層自high，同埋益朋友，二奶，或者自己。最好請多班consulting firm出嚟幾球嘢講下個brand awareness，然後十球八球嘢整個logo，再出一堆新嘅rebranding campaign

15. 真架，估下上次rebranding啲錢去咗邊？We Company個Trademark用咗幾錢？用咗600萬美金。問邊個買？Adam Neumann。個名咁熟嘅？正係公司嘅創辦人兼上手CEO．係喎，左手交右手，公司畀錢買返自己嘅嘢。你話，喂，關聯交易喎，交易所唔理？Sorry喎，私人公司，唔使益萬惡金融撚。唔鍾意嘅，quit WeWork咯。（而Adam Neumann就真係quit WeWork！再拎多咗幾舊大錢，而家可以日日隊草）

———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7

——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010

內容:
*軟件股IPO狂潮
*買平台股好過
*人民幣強勢買咩好?

本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

之前同大家介紹過全新嘅 iOS14 嘅測試版已經到手喇！ iOS 14 Widgets有幾好用？iOS 14 Picture in Picture 畫中畫一下搞掂？今日就同大家一齊iOS14實試！ios 14 beta 1 review

整個iOS 14平台最大嘅改變就係App同埋iOS 14 Widgets嘅排列。以前嘅App就只可以好似宜家咁樣、好工整咁樣一格一格、一人一格咁展示出來。但宜家你會見到第0頁嘅iOS 14 Widgets本身就已經係唔同咗樣，以前嘅Widgets只可以集中放喺呢一版，同埋個形態只係一行一行，但宜家個形態就可以分為細、中同埋大。

比如話宜家呢個天氣App要拖去主畫面要點做呢？長撳住個App、跟住之後好似我哋平時搬App咁樣，將呢個Widgets放番喺度就可以喇。同埋其他嘅App都會自己縮，情況呢就同喺Android上面嘅Widgets差唔多。咁相信呢之後有更多唔同嘅Widgets出現，因為之前Widgets局限咗在第0版，就會令到好多開發商覺得無呢個需要去做。但宜家可以自由擺放嘅時候，我相信就會多咗開發商去選擇用呢個Widgets。

除咗喺預設Widgets頁面嘅幾個Widgets外，如果要加入其他嘅Widgets，只要長撳住任何一個App，之後右上角就會出現「+」號，咁入去就會見到唔同嘅Widgets選擇。暫時都係以原生嘅iOS App為主，不過到正式推出嘅時候，相信就會有多好多選擇。我就揀多個Podcast App先！當我撳加入之後，會有唔同嘅大細選擇，你可以按需要同喜好加去主畫面㗎！

喺iOS14上面，亦都新增咗一樣嘢叫做「智慧型叠放」。其實佢就會將好多唔同嘅Widgets擺埋同一層，呢個就會比Android行先咗一部。我撳住呢個「智慧型叠放」、將佢搬出嚟擺起呢度，咁先算啦，你就可以見到，佢可以一層一層咁出現唔同嘅Widgets，呢個Widgets除咗可以唔洗嘥咁多位喺個主畫面之外，仲有個好處呢，就係佢會透過人工智能喺唔同時間學習你平時嘅使用模式而出現最啱你用嘅Widgets，相信之後當更多嘅App有Widgets之後，呢個功能就更加好用喇。

另外如果你係App嘅Download控，iOS14亦都加入咗App Library功能，幫你嘅App分門別類，更加易搵，同時亦都因為呢個App Library嘅功能，以後你就可以設定新Download嘅App只在App Library出現，主畫面只放常用嘅App，咁嘅操作就更加人性化同方便喇！

相信另外一個最吸眼嘅就係 iOS 14 Picture in Picture「畫中畫」嘅功能喇。其實畫中畫係好多Android嘅品牌手機已經有，不過呢Apple就將佢嘅畫中畫功能昇華咗，因為用法就更加簡單，唔洗撳來撳去，一個掣就搞掂。點解我咁樣講呢？試俾大家睇吓。譬如我依家睇緊自己呢一條Z世代打人嘅片，當你要做畫中畫功能嘅時候，其實你撳一個掣，Home掣出咗嚟之後，你見呢條片已經出咗嚟下面呢度，當你要繼續播嘅時候，佢一路做緊，你點郁佢都唔會走，譬如話我要睇其他嘅網頁，或者我要去打訊息，其實全部野都做到嘅。最特別嘅地方，喺呢個時間如果你有電話入，佢個電話提示唔再會成版嘢咁樣出嚟，有電話入嘅時候佢只會係咁樣出嚟，你可以接聽或者唔聽，咁就唔會阻你去睇㗎。譬如我揀唔聽，咁樣之後呢我可以繼續睇返呢條片，亦可以出反去全畫面，再撳番個掣，又出番去呢個畫面，咁無論你係去App邊一版，其實都可以嘅。

另一個iOS14新加嘅功能就係原生嘅翻譯App喇！雖然暫時未支援廣東話，不過我哋就試下普通話同英文嘅翻譯掂唔掂呀！

翻譯完之後呢，你撳呢個呢，就會出一張字卡出嚟，有時譬如話唔方便去聽嘅時候，亦都可以比人哋睇到相關嘅翻譯。

試埋普通話翻譯去英文先！爭咁啲啦！不過都明嘅！

今日帶基哥去威威，一於去釣雞『香港釣魚 : 艇釣』維港 {粵語旁白+中英文字幕}
We took Ah Kei to have fun for Chicken Grunter [Hong Kong HK Fishing : BoatGame] Victoria Harbour {Voice Over + CC}

時間：8:30 - 17:00
流水：初一
天氣：17 - 23度。東風4-5級，離岸間中6級。大致多雲，短暫時間有陽光。
地點：維港
魚餌：沙蝦15兩，南極蝦一磚，大眼仔半斤
工具：魚絲YGK FluoroCarbon 碳氟化合物4、5號，子彈鉛60g，波子30-40g，海馬牌鉤3號
釣法：手絲

:影片字幕內容:
各位觀眾大家好我叫Marco
今次我帶咗阿基哥過嚟釣雞魚
帶佢過嚟威威
由於今日係星期日嘅關係
出面都比較多艇釣
今次同我出去艇釣
仲有幾位師兄師姐同我一齊去
分別係Carmen師姐
阿Roy 師兄同埋Candy 師姐
佢哋三個都係第一次落呢一類嘅大頭艇
我哋叫做花生殼
我都驚佢哋三個會唔習慣
我希望佢哋今次釣魚之後都會習慣呢類型嘅艇
多啲陪我出去釣魚
今日喺呢度附近都有好多隻艇一齊釣
黃色艇呀就哥都喺度
另外又有幾隻筲箕灣嘅大頭艇
甚至乎將軍澳嘅帆海艇仔
同埋三家村嗰檔娣記都有出嚟
手絲釣魚
影片分享頻道
今日係初一流
東風4至5級
離岸就六級
希望今日喺實際環境嚟講
風可以無想像般咁大
水流又可以細啲
希望今日都可以釣到魚
如果今日可以釣到10斤魚仔
已經係釣贏曬
我今日就準備咗沙蝦15兩
一磚嘅南極蝦
希望過到嚟
釣下雞魚
我哋諗住喺度釣半晝
下晝呢我哋就過返北角嗰邊釣
順便喺嗰邊食埋飯去埋廁所
但係如果係呢一邊有雞魚大咬嘅話呢
我哋就未必走啦
我哋就可能喺呢一邊釣全日
都係諗下好啦
以今日天氣同埋水流嚟講
應該就冇乜大可能
阿基哥就好少可專登車過嚟釣雞魚
而且仲要用南極蝦餌釣
今次有少少考起佢啦
喺維港裏面釣雞魚
通常係用紅蟲嚟釣
而家都冇乜地方可以搵到紅蟲嚟買
好彩今日基哥都好肯車我哋過嚟呢邊玩下
今次我就用副YGK 4號魚絲
用粒60 gram嘅子彈鉛壓底
鉛上面就用兩個仕掛釣組
喺呢一邊釣魚就比較大流
而且水就比較深
如果想釣大雞魚嘅話呢
呢一邊牌口嘅水深大概有40米
而且呢一度又係鯉魚門口
流水同埋風都比較急比較大
如果你曾經釣過呢一邊你都知道
呢一度釣魚呢就比較鞋底
但係個底唔鞋呢
又冇雞魚釣得到
你過嚟呢一邊釣魚
就最好準備多少少鉛
所以鉛下面嗰門呢，就最好唔好再加魚鉤
而鉛上面對上嗰門呢
就唔好綁咁粗魚絲
免得一擊石嘅時候呢
就全部乜都拉斷曬
但如果想釣冇咁急流，冇咁大風嘅話呢
其實我哋可以車埋少少
不過埋邊啲雞魚就冇咁大條
而且又冇咁密口
近岸嗰啲雞魚size大概係五、六兩左右
暫時我哋都未釣到上次咁1斤一條嗰啲
今次我哋出嚟釣雞魚呢個位置都相當之熱鬧
都有成二三十隻艇
每隻艇當有五個人釣魚
都有成100條絲擺咗落海
再1條絲分幾門有幾個鉤嘅話
即係大概有幾百口餌喺個海裏面
所以喺呢一度釣雞魚
個挑戰性都相當之大
由我身旁嗰啲艇你就知啦
大家都貼到好埋
大家都好似釣緊馬友咁
只要中到魚
就開心啦
我哋今日大概釣到十一點九
就車埋去北角嗰邊食飯
由鯉魚門口
車返去北角嗰邊，都大概需要半個鐘頭時間
食完飯之後，我哋就釣返沙中線嗰邊
開始出返太陽
比較好釣啲
我哋上北角碼頭食飯嘅時候
都去買咗少少大餌
半斤嘅大眼仔
畀阿基哥搏下大斑
50蚊嘅大眼仔
都有8隻
就留返8個機會畀阿基哥啦
至於搏唔搏到
真係好難講
近排維港啲青斑都好少開口
基哥曾經同我哋講
啲青斑可以試過兩個星期都唔開口
有時就可以一日釣幾條
釣魚嘅嘢真係好難講
雖然我哋下晝就返返入嚟維港
啲風勢就同我哋上晝喺鯉魚門嗰陣時差唔多
但係就勝在下晝出太陽
啲魚就好好開口食餌
過下手癮，釣下石狗公都唔錯
唔係釣雞魚嘅話我就轉返個釣組
我就用返副4號魚絲
波子壓底
一開二兩門
主要釣返石狗公為主
今日我就用返粒30 gram波子鉛壓底就夠喇
返返入嚟維港釣魚
我發覺今日嘅南極蝦就比較得食
無論係石狗公又好，黃釘又好
所以淨返嘅南極蝦我都唔會嘥
繼續可以用
一般我都好少用南極蝦喺維港裏面釣魚
今日我就可以盡情試下個效果如何
畀返個報告大家知道
今次喺維港釣石狗公都比較大條
下晝三點幾之後
啲石狗公先開始食餌
食得比較密口
釣到我哋都唔想走
不過我哋就唔想阻住阿基哥收工
我哋留返下次再釣過
今次我哋出嚟釣魚
因為係釣雞魚為主
所以魚餌都比較平
沙蝦同埋南極蝦加埋都係200蚊左右
連埋中午時候上岸買嘅大蝦
都係50蚊
總共都係250蚊
不過最可惜就係啲大蝦根本就冇乜用
啲青斑冇開口食餌
唯有人食算啦
當大家見到太陽日落西山嘅時候
都知道我哋今日釣魚已經差唔多到尾聲啦
今日我哋大魚就釣唔到
有一堆細魚仔
今日全日嘅魚仔
我估計大概有7、8斤左右
今次嘅釣魚分享嘅就分享到嚟呢一度
記得like、share俾朋友，同埋喺下面留言
如果你都仲未訂閱我頻道嘅話
記住訂閱返個頻道喎
開埋右手邊嘅囉囉
咁我下次有新片出嘅時候就會即時通知你啦

請按以下鏈結來訂閱此頻道
https://www.youtube.com/channel/UCO_5XP-qd-udNxBlzzSzgvw?sub_confirmation=1

建議下一部影片:
釣沙巴∙∙∙等『香港釣魚 : 艇釣』青龍頭 {粵語旁白+中英文字幕}
影片連結: https://youtu.be/gSGFRn3rNDo

請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch

==================================================================
背景音樂名稱 : Do It - MBB
來源 : YouTube Audio Library
拍攝器材 : GoPro Hero 7 Black (with HyperSmooth Enabled)
解像度 : 1920 x 1080 60fps
剪輯軟件 : Corel VideoStudio 2018
本片以全高清拍攝，務求能捕捉每一個最好的畫面來送給所有訂閱者
==================================================================

YouTube Channel 頻道: https://bit.ly/2W1Y8bG
YouTube Channel Subscribe Here 訂閱頻道按此: https://bit.ly/2Cva0LT
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/

標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱ YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog

#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020

想和我一樣30天升10000訂閱：http://goo.gl/zNT6Ck
日本不可不知：小心！可能你已經在日本成為怪人！
在日本最不習慣／要留意的22件事 (以及與香港的分別)

日本旅遊／生活可以留意的22件事影片：
喺日本東京留咗3個月，係時間講下我平時最唔習慣嘅事，大家嚟旅行又好生活又好，呢20件事都幾值得留意！

日本旅遊／生活可以留意的22件事
0:22 日常篇

1. 很少垃圾桶 D
香港一條街都可以有十個垃圾桶，你喺日本想扔垃圾有機會一條街都未必搵到一個垃圾桶。

2. 垃圾分類 D
東京都內每個區有不同的扔垃圾分類日，譬如我們住的文京區是這樣的：例如我今個星期一唔記得扔可燃垃圾，就要儲3日等星期四。同埋你喺街想扔垃圾如果無同一種類嘅垃圾筒，你都係無得扔。

3. 用勁多膠袋 D
雖然日本人都好自律將垃圾分類，但佢地用嘅膠袋量真係好L多，基本上每次買野都會用一兩個膠袋，我地一路扔咁D都仲剩成袋。

4. 電梯企位 D
東京搭電梯係企左邊；香港係企右邊，啱啱到步係成Q日企錯。但係大阪都係企右邊㗎喎，問你死未。

5. 吸煙區 D
喺日本食煙係要去吸煙區食，唔似香港咁L多火車頭周街噴煙。

6. 只講日文 D
呢個唔洗多講啦。有好多日本人都唔識英文，有D就剩係會同你講日文，如果嚟旅行要溝通起上嚟真係會溝通唔到。

7. 排隊有學問 D
喺日本排隊好多時要跟地下個指示排，唔係就咁排喺人後面。

日本旅遊／生活可以留意的22件事
1:32 飲食篇

8. 買票食飯 D
唔同香港，喺日本好多時食飯係先比錢買飛，後食飯嘅。

9. 一餐很少蔬菜 D
一個定食通常都係得呢D菜絲當沙律食，食開中式菜真係唔慣食日本野菜，一喺就要自己煮，一喺幫襯中式餐館，但有時都幾貴。

10. 水會加冰 D
大部分嘅食店比客人飲嘅水都會加冰你，有牙齒敏感嘅人應該頂唔順。

11. 水果不便宜 D
無食菜大便唔順唔緊要，可以食水果補數。但啲水果真係無香港$20／5 6個橙同蘋果咁抵。

日本旅遊／生活可以留意的22件事
2:14 交通篇

12. 電車超準時 D
除非有事故，如果唔係電車都會超準時跟時間表到站，所以返工返學就要跟時間表預時間喇，miss咗一班可能要等好耐先有下班

13. 急行電車 D
因為有急行列車，上車個陣睇清楚下班係咩車。如果唔係上咗急行飛咗站要搭返轉頭真係好嘥時間！如果要快都要睇下急行停咩站呀！

14. 唔好隨便讓座 D
喺日本你讓座比人，人地有機會會唔中意，因為日本人由細到大就有自立自強同忍耐等等嘅觀念，你讓座比人人地可能會覺得係侮辱同唔鐘意。而喺香港這塊道德高地，你唔讓座可能連你阿媽都會比人插。

15. 車廂不能通話 D
記得搭地鐵個陣唔好講電話，係唔可以㗎。

16. 滿員電車 D
朝早同繁忙時間車廂會逼到人與人之間可以無咗距離，係真係會貼到實。啲日本人係慣性用背脊上車，夾硬塞上嚟。不過艾粒教過：慢慢入

17. 遅延証明書 D
返工返學搭地鐵有事故唔緊要，出閘個陣問職員攞張遅延証明書就得㗎喇

18. 過馬路 D
綠燈個陣過馬路，啲車都係可以轉彎駛入過行人班馬線㗎

19. 深夜交通不便 D
夜晚出去玩真係要知尾班車時間，因為深夜係無凌晨車返屋企㗎！所以好多日本人都會用單車代步

20. 的士好貴 D
雖然日本的士跳錶無心跳咁快，但都係好Q貴。玩到好夜又有錢嘅話，咪飛的囉。

21. 巴士可買月票 D
喺日本搭巴士係有定期券買的，即係月
票。

22. 單車代步很平常 D
很多日本人會以單車代步，所以如果你跟他們說放假去踏單車他們會覺得你很奇怪。

23. 泊單車在禁泊區 D


今次要分享嘅日本旅遊／生活可以留意的22件事就去到呢度，如果大家有更多嘢想分享嘅，記得留言同我傾下！大家應該會發現七月開始我出返好多片，因為喺日本嘅生活終於穩定哂，返學都轉返上晝班。如果大家有follow開呢個channel，都知道我嚟日本發展都係想成為一個成功嘅YouTuber，成功嘅人。七月開始我定個個目標比自己，就係十月前要十萬訂閱，以呢條片為證，希望支持我嘅朋友一齊幫我集氣，我會用我嘅影片證明比大家睇我值得擁有十萬甚至更高嘅訂閱數！如果我有做得唔好，請大家比多啲意見，如果你覺得我啲片好睇，希望你可以分享開去，比個like支持我！今日有睇過呢條片有留言比我嘅人，希望我成功個日都可以再見到你地！多謝大家！我地下條片見。

相關影片：
日本女生絕對不做的3件事
https://youtu.be/Pt7dTw8pm30
在日本不能做的 ３件事
https://youtu.be/2AJmnOygyBk
日本旅遊前不可不知的３件事
https://youtu.be/7lJLmqPGnoQ

想留意更多我的動態，記得緊貼DuoCRAZY #tokyo
DuoCRAZY #tokyo社交平台：

DuoCRAZY #tokyo channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
Wing instagram:
https://www.instagram.com/wing_chan_/