6點鐘準時收聽！ @sodun_music 2021.09.23 《騷動音樂》訪問環節： 大贈送： 每位嘉賓 度身設計 獨一無二金句！ 猜Your Best： 波盛彬臣推測嘉賓作品亮點，再請嘉賓親自解畫！ . 「Nowhere Boys勢造英雄」 @nowhereboyshk 近日回歸獨立發展， 佢哋話第一件最想做嘅事除咗做歌， 就係開酒吧Show同樂迷近距離接觸。 . 推出新歌〈無處遊人〉， 主題嚟自西部牛仔， 當然要有決戰嘅感覺！ 今次Nowhere Boys喺編曲上面落足心機， 唔單止做出西部歌曲嘅氛圍， 更加搵嚟結他之神Jason Kui一齊Jam， 用結他替代槍械嘅對決！ @nowhereboyshk . 香港電台第二台 星期一至五 1700-1900 《#騷動音樂》 波盛 x 彬臣

. [音樂][ 私家音樂 與 Kingdom C Music 聯合主辦 - 「候機室」音樂會] - - 最近有唔少以「告別」作為題材嘅廣東歌，回應香港現況。今次由私家音樂同私人國Kingdom C Music聯合主辦嘅音樂會，同樣係以「告別」做主題，叫做「候機室」。由唔少歌都講到嘅向舊地舊人告別，聚焦落去同大家講再見之後，喺候機室獨自面對臨上機前嘅各種情緒。 - - 私家音樂主理人Issac話音樂會係回應新一輪嘅移民潮：「近年有好多大環境嘅動盪，逼使大家選擇離開香港。喺考慮移民嘅同時，除咗經濟條件，相信都會有唔同嘅顧慮。例如唔捨得朋友、唔捨得屋企人、唔捨得呢個地方等等。究竟最終『去』定係『留』嘅決心會大啲？」 - - 「作為一個即將要移民嘅人嚟講，候機室必然係一個百感交集嘅地方。因為係呢個等待嘅空間入面，只要時間一到，行出一步，就會飛上高空三萬尺，離開香港。候機呢段時間，正正將心入面嘅掙扎推到極致。我哋呢個音樂會希望捉住呢一份忐忑嘅感覺，令觀眾一齊去反思究竟自己想揀邊條命運路線。而最終無論點揀，最重要嘅係，唔好後悔自己嘅決定。」 - - 歌曲音樂性+歌手唱法 決定歌單編排 - - 點樣將呢件事喺音樂會上呈現，Issac搵嚟好朋友兼填詞人陳智霖一齊去傾。有睇開Issac對演唱會嘅review的話，都知道佢對演唱會成個流程布局情感安排有出色嘅洞察力，對於自己搞嘅show，Issac話偏向跟住個music flow去揀，填詞人陳智霖就根據歌詞去揀，互相補位，完成今次音樂會嘅歌單。「揀歌上都花咗好多時間先得出呢個有今生無來世嘅歌單。6個演出單位加4位嘉賓，出場係好煩，所以揀歌都要根據佢哋嘅音樂個性同唱法去就，如果唔係會好奇怪。出場次序會係好神秘，可以當係一個音樂劇嘅感覺去睇呢個Show。」 - - 以music flow說故事 - - 6個演唱單位，對於「大眾聽眾」嚟講可能有啲陌生。Issac最初係以自己鍾意嘅歌手李芷君做起點：「上年佢首《解悶工廠》（https://www.youtube.com/watch?v=31fClz9Ig-s）我已經好鍾意。去到今年佢出咗《太子之花》（https://www.youtube.com/watch?v=mEXma3eHjUA），呢首歌引發出今次歌單初稿。然後一邊傾，歌單上就有唔同情緒，再就住呢啲情緒去搵唔同歌手。我刻意搵啲冇咁入屋或者冇自己歌嘅歌手，因為我唔想個音樂會比歌手限制咗大家想像。我想用music flow去講故事，而唔係a唱完到b唱到c唱果個感覺。所以係揀人上都揀啲未有歌但好有潛質嘅歌手去做今次個show。」 - - 「我希望之後繼續搞多啲唔同嘅現場演出，因為我哋平台聽歌口味同傳統唱片公司會好唔同，好多私心作品好想放大。呢啲作品好正，但佢哋未必會將佢放係舞台到唱。同埋好想多啲有概念嘅音樂會，改變一吓香港演唱會嘅情況，至少少啲搞氣氛嘅『大合唱』。在我嚟講，大合唱唔係唔好，而係浪費咗首歌本身。如果有一個完整概念去唱歌，我相信入場觀眾會有更深感受，至少帶到一啲感受放係生活上，然後慢慢改變世界。」 - （待續） - 私家音樂 與 Kingdom C Music 聯合主辦 「候機室」音樂會 日期：2021 年 9 月 25 日 地點：九龍灣展貿中心地下 Music Zone 時間：20:00 票價：$480 開賣日期：現已開賣 開賣渠道：KKTIX 演出單位： 吳林峰 / 力臻 / 范浩賢 / 蔡可汶 / 李芷君 / 潘緻慧 Special Guest：Eagle Chan / Gordon Ho / Kolor / 小肥 音樂總監：Logout Fan 創作總監：陳智霖 宣傳伙伴：1.eightplatform 攝影紀錄：Johnny Li / Rachel Wong 銷售票務：KKTIX 音樂夥伴：KKBOX 媒體支持： 包括 論盡音樂 / 帶起音樂 / 游大東 / 方以文 / 9588HK/ hk_songoftheday / thechoice_music / 星馬小店：北角古月 味蕾紀錄：想甜嚐甜 文字刻劃：daniel.hoi23s 見多一面：一生懸麵 海報設計：Hazart_iz 聽覺享受：Jabra 夠薑支持：夠薑媒體 清醒撐場：Sage 聲音導航：Kayjaiiii / Athena Kwok #私家音樂 #候機室音樂會 #吳林峰 #力臻 #范浩賢 #蔡可汶 #李芷君 #潘緻慧 #EagleChan #GordonHo #小肥 #北角古月 #想甜嚐甜 #danielhoi23s #一生懸麵 #夠薑媒體 #Jabra #hazart_iz #sage

【《七救星》ViuTV周一至周五收視三連霸 】 _ 無綫電視公布的最新一期收視報告，已於周一（6/9）出爐，縱觀傳媒、網媒或KOL的討論焦點都落在上周六（4/9）TVB以「食老本」的《兒歌金曲Summer Fest》大戰ViuTV「食正奧運餘溫」的《力圖打排球》，兩個節目同樣於晚上八點半播出，結果前者只得11.7點慘勝，而後者則獲得5.1點成為全台收視冠軍。 _ 其實還有甚麼好講呢？要不是大台勉強來說還有「慣性收視」（或固執地不肯轉台）這條「三斤釘」，無論節目包裝和演出陣容考量，《兒歌金曲Summer Fest》根本不應製作。雖說橋唔怕舊，最緊要受，問題在於，本地「兒歌」幾已「絕種」起碼十年，那夜歐倩怡唱的《問題天天都多》或者滕麗名唱的《魔法咕嚕咕嚕》，都是八、九十後的集體回憶，而這班人，今天都已經三十幾四十歲，但這個節目卻用上90年代《兒歌金曲頒獎典禮》的花紙包裝，今天的細路仔怎會有共鳴？反而製作團隊有勇氣以《流行經典50年 ─ 兒歌之夜》（2017年9月《流行經典50年唱爆周末》已試過，那集極受歡迎，網上討論度高），說不定收視會比現在多一倍。 _ 做人跟做電視台一樣，最緊要知道自己定位，誠如近日人氣急升的「七師傅」七仙羽一樣，憑其超級神秘背景，加上強烈的個人風格（半鹹淡廣東話、說話方式時而呆滯時而直接），配合「風水師傅」這個身份，令她成為ViuTV主持的《七救星》最難以抗拒的賣點。最初看《七救星》，的確不太掌握得到節目的定位，再多看幾集，才知道那是一個頗為踩界，結合玄學、惡搞、爆笑、真人騷於一身的時尚心靈輔導綜藝節目，每位應邀出席的藝人，都有自己的孽障需要解決，可以是爛桃花，可以是妹仔命，可以是冇發達，只要七師傅出手，問題自然迎刃而解，但關鍵不在於師傅用上哪些招式，而是嘉賓有沒有認真看待自身問題，解開自己的心結，令觀眾有所領悟。 _ 參考電視史上較相近例子，《七救星》算是《軟硬製造》（1993）的N代進化版，但今天《七》剛好繼承了《ERROR自肥企画》那種「觀眾硬係覺得呢個節目有啲嘢想講」的感覺，才會令到節目播出後大受歡迎（七師傅的IG粉絲暴升至7.2萬），單單「七連閃電鞭」已經不停洗板，甚至推出後續歌曲《OM7G》（P1X3L featuring 七師傅），只有ViuTV能夠做得到，那是觀眾賦予給Sound Bear的特殊地位，大台無法複製，難怪節目於8月16日播出以來，收視愈升愈有：3.8、3.9及4.2，連續三個星期成為99台周一至周五黃金時段收視冠軍，頭兩周更是一星期最高收視節目，第三周僅僅輸給《力圖打排球》排第二。 _ 對於節目播出後收視稱霸99台，「七師傅」透過WhatsApp語音短訊回覆查詢時指，《七救星》拍攝期長達兩個月，正值盛夏，拍外景需要上山下海，長時間曝曬，抵受高溫，加上跟支付寶 @alipayhk 和譚仔雲南米線 @tamjai_hk 的廣告拍攝期重疊，休息不足，相當疲倦，「今日拍完第二日又再拍，係冇時間休息㗎，所以好多時見到我個樣呢，可能有時靚啲，有時殘啲，有時可能肥啲，有時可能瘦啲，次次個樣都唔同，因為有時係捱到病晒，我本身有好多活動，加上每日有好多客嚟搵我，所以係非常之辛苦，但係咁辛苦我都要堅持去做好呢個節目，主要係想帶畀大家多啲歡樂，呢個係主要嘅原因，因為拍呢啲節目係冇錢賺㗎，好少錢，太濕碎，非常濕碎，主要都係為咗帶一啲嘅歡喜、快樂畀香港人，呢個係主要目的，係電視台導演同埋監製嘅共同願望。」 _ 「七師傅」直言，台前幕後都視這個願望為一種布施，只想幫助別人，「我哋就冇諗自己個人嘅得失，冇諗過話我拍完呢套嘢會點樣紅，只係希望呢個節目能夠畀到正能量大家，令到大家歡喜，輕輕鬆鬆咁睇一套戲（節目），開開心心忘記唔開心嘅嘢，減低啲壓力，呢個都係我哋工作人員共同期待㗎，（節目）出咗嚟之後呢，見到大家真係好開心，真係每晚都喺度追睇呢個節目，大家睇完都面帶微笑去瞓覺，都真係改變咗好多人嘅思想，有啲人本身諗唔通呀，或者想自殘嘅，都發咗好多訊息過嚟，話多謝你呀師傅，睇完呢個節目之後呢，睇嘢正面咗，諗嘢開心咗，所以見到呢樣嘢，我哋都係好開心。」 _ 不過，當很多觀眾大叫「師傅愛你」的時候，亦會有人不喜歡，「七師傅」承認有負評，但她不會介意：「都好多人鬧我騎呢，鬧我另類，鬧我神棍，其實呢樣嘢冇問題㗎，我寫咗嗰首歌詞都係咁講：『網民令我成熟』（面對網民會令佢哋更加成熟），大家睇問題嘅角度都唔同，所以大家都覺得我騎呢，我都覺得自己係有少少騎呢，因為你做呢啲綜藝節目，有少少搞笑嘅節目呢，有少少騎呢其實係冇問題㗎，總之大家開心就得，唔使睇呢個節目睇得咁沉重，將佢睇到咁深仇大恨，何必呢？」 _ （10092021） _ #游大東影視筆記 #游大東 #七救星 #七師傅 #ViuTV #陳安立 #王頌茵 #力圖打排球 #師傅愛你 #TVB #譚仔雲南米線 #支付寶 #10092021 #收視 @weare_p1x3l @georgeau.8 @phoebus_ng @imarco_p1x3l #七連閃電鞭 @smallfatfat