. 唔知大家有無印象，其實我係2017年年尾都分享過一篇關於敏感嘅post，個陣係啱啱開始左療程8個月，到依家我已經踏入療程後期，想同大家分享下我成個療程落黎嘅經過同效果，希望可以俾個參考你地(我知好多人都懷疑/肯定自己對塵蟎敏感)💕 . BG Info: 其實本身都唔覺自己對D咩特別敏感，直到2016年年尾我突然成日身痕，仲要一拗完就出現瘀痕。唔對路係唔知點解越來越多瘀痕，所以我去左養和睇門診。 門診俾左d普通抗敏藥同藥膏我，叫我一星期後無好轉就去覆診。情況無好轉仲差左，所以e生叫我驗血同轉左我去血液及腫瘤科(嗰陣心諗應該無咁短命gua)。 驗血發現我白血球太高(正常range係0-0.5，我高峰有成1.8)，驚我會係cancer個d，所以做左一系列檢查(抽血/驗大便/抽骨髓)，好彩無事。跟e生指示食左幾個月類固醇，白血球跌左，無再痕同瘀，但一停就即刻升番。搞完一輪先懷疑我係敏感，再轉我去過敏病科中心。個段時間我係每星期都要抽一次血，覆一次診，已經由一開始勁驚抽血會痛(係驚到喊)，到依家麻木左無感覺😂 . 抗敏療程: 一開始去過敏病科中心，我抽左血驗下對咩敏感，結果發現原來我對3款蟎係極度敏感，睇圖會見有個敏感程度表，我一開始係RAST Class 6，最高嘅level，所以我嗜酸性白血球先會咁高。 成個蟎敏感療程要2-3年，時間因人而異，無副作用，小朋友都用得。外國已經興起左哩種療程一段時間，但香港好似唔多人知。 圖中見到類似噴霧樽野就係抗敏藥，其實佢唔算係藥，佢成份係唔同蟎嘅extract，每晚噴2下係脷底，含一分鐘再呑左佢。佢嘅概念係你驚d咩就要多d面對嗰樣野，令到身體唔再驚佢，適應佢。 療程初期要每個月覆一次診，到之後就3個月一次。每半年要做一次皮膚點刺測試，係手到點幾滴我敏感嘅蟎稀釋物，再係上面吉一下，隔一陣就會紅同腫左(因為敏感)。護士會度番腫左嘅位置有幾大，同上次測試比較番。 我依家已經進行左3年，無論驗血結果、點刺測試結果、感覺上都好左好多。你會見住d指數靚仔番，紅腫少左，同埋我以前係衰到只要個地方有少少唔乾淨，我就會身痕，無辦法係嗰到逗留，依家無左哩d情況。最好嘅係連鼻敏感都好左，因為對塵蟎敏感嘅人鼻敏感係會嚴重啲，我以前係衰到用唔到鼻透氣，要用口，依家可以開始正常用番鼻透氣。 . 敏感同Vitamin D有無關係？ 近哩1-2年有研究發現Vit D唔夠嘅人係會易d敏感，醫生知道之後叫我check下，一驗先發現原來我係嚴重唔夠維他命D，最好係有ard 70，我第一次驗竟然得27😨醫生有開d Vit D supplement俾我食，但都有叫我唔好長期靠佢地，要靠身體自己build up番。增強Vit D嘅方法有好多，最直接係曬太陽，中醫直情叫我每朝太陽出嚟嘅時候去曬個靚鐘，一定要曬到天靈蓋，因為嗰陣嘅太陽係最靚。 同埋唔知大家有無睇外國d研究，原來Vit D同Coronavirus都有關連(信不信由你)，佢地話唔夠Vit D係大d機會染上Coronavirus，所以各位唔夠Vit D嘅朋友，快d補起來！(圖中個Vit D supplement係醫生開俾我，大家可以參考下) . 費用: 好多人問我關於費用嘅問題，真係唔平(所以我哥到依家都唔肯去睇)。詳細費用大家去番養和過敏病科中心網睇番，或者打去問下，佢係每次覆診俾一次錢，total應該ard 10萬(我唔係好記得)。 . 最後都係提番大家我哩個post唔專業㗎，我見好多人都唔知原來塵蟎敏感係有得治療，或者唔知養和有個部門係特別for敏感，所以分享下，以一個親身經歷黎寫。大家有咩問題應該問番醫生嘅意見，如果你同我情況一樣，希望你唔洗經歷我開頭行左嘅辛苦路(類固醇影響真係好大好傷)，直接去睇下係咪敏感！🥰 同埋圖中嘅藥膏同抗敏藥都係醫生開嘅，佢地要黎止痕舒緩都唔錯，好快見效，大家有需要嘅可以留意下💕 . . . #yourbeautyteller #beauty #hkblogger #hkgirls #allergy #dustallergy #inmunotek #過敏 #塵蟎