［花生］（對方已修改文章，原文請看截圖）］

哎唷～真係唔知今日吹咩風，吹到廣告狂人黎quote我人妻先生呢？乜今日咁錯蕩走黎我呢度玩呀？仲要睇完我個page就咁就走左去靜靜雞quote我，咁唔得架，陣間人地以為我人妻先生招呼不周點算呢？有咩唔滿意其實可以喺Comment度講嘅。

好，客氣完，開拖！

首先，我道歉。「香港機場給各位旅客送上喪事專用的藍燈籠和義莊白燈籠」，係我錯，我估唔到呢個世界真係有人未見過死人藍燈籠，所以令廣告狂人以為我真係講緊一個藍色嘅燈籠，仲要特登搵張相出黎開心大發現，話俾我知咩叫做藍燈籠。睇住你咁樣捉字虱衝出黎，我都唔知點安慰你好... 喂大佬，藍燈籠梗係唔係藍色，唔通奇華老婆餅又真係有老婆、奇華貼告示話出面暴動又真係暴動咩？我高估左部份人的常識和智慧，我恐懼、我誤判，我先同你道個歉。但講到尾，一般人見到呢個燈籠，第一句係點叫？藍燈籠囉～

啋～大吉利是！

接下來，我再道歉。廣告狂人講得好岩，呢個藍係湖水藍，同隻死人藍係有分別，但我又唔係顏色KOL、又唔係殯儀KOL，只係一個普通人。在燈籠上見到湖水藍也只會諗到死人藍，係，呢個係我作為一個普通人的錯，你地呀(指著所有一萬六千個followers同上個post有like過的兩千五百人)個個都bad taste呀！依家個廣告出俾我地啲公眾睇架咩？個廣告係出俾廣告人自己行家睇架，受眾點諗重要咩？我一早話左機場呢個廣告係玩HalloweenX中秋概念嘛，呢個廣告係「神功廣告」，即係神功戲啲friend，做黎俾人睇架咩？不過我能否弱弱一問，依家啲飛機稿製作咁粗糙，贏唔贏到獎架？

另外呢，前輩呀，我真係好欣賞你玩hashtag叫人唔好隨住KOL起舞，結果成個post都係俾自己啲粉絲鬧返轉頭呀。如果一個Key Opinion Leader自己都lead唔住自己班讀者，KO冇左個leader嘅L，結果咪俾人K.O. 囉！KOL係一面雙刃劍，你sell個客的時候就吹到個KOL有幾把炮，一枝穿雲箭千軍萬馬來相見咁款，依家班KOL唔岩聽了，你又叫大家唔好跟KOL了？前輩你個龍門係咪都係鬼節特別版架？飄得咁暢順嘅？

好，拿，我呢啲好孩子，錯就認打就企定嘅，你對我嘅批評，我已經好虛心咁道左歉，接下來的回合，到我反擊了哦 :)

我諗左好耐，做咩事有咁多人唔搞，係要走黎搞我架呢？於是我就睇返廣告狂人之前的post，原來佢早排有出過post讚賞暴動牌月餅個廣告。

哦，明晒！原來我唔小心踩到人家山頭。咁梗係走黎狙擊我啦，暴動牌畀我地一大堆棺材釘咁打落去，一睇就知冇得救，唯有打個機場post捉下字虱咁囉。

對於閣下的審美觀，死唔死人藍，我真係無得comment，感覺的東西再吵下去也是小學雞之爭。我唔用主觀的感覺同你打，我用客觀的事實婊你。你望下你自己讚嗰個暴動牌月餅post？睇唔睇到有咩問題？冇？你再睇真啲？係呀，鬼后隻左手透明架！你同我講很有民國遺風？那是民國遺照吧！你做廣告評論的自己都無線新聞是是旦旦，咁大個error都睇唔到，反而走黎捉我粒字虱，仲好咩意思同我講咩湖水藍？俾鬼迷呀你？

黎到呢度我道多次歉，因為做廣告人唔應該只要文化好，仲要識得審稿，如果唔係出到黎份稿隻手透明，真係慘了。

最後，點解我咁大反應，係因為我唔鍾意你咁樣話我啲讀者。你言語間講到佢地跟我人云亦云冇獨立思考，這是對他們的侮辱，而我嚴正要求你向我的讀者道歉，否則你出一個特約廣告，我就狙擊一個，我講得出，亦都做得到。你唔駛同我道歉，我出得黎行預左打交，你可以同我打，贏輸都係我地兩個page的事，但你不能無緣無故話我班讀者，呢方面我睚眦必報，我講多一次：只有我才可以欺負我班讀者。

你唔好諗住改左個post就算數，大家都是成年人，你，給我認真一點。

原文傳送門:
https://www.facebook.com/…/a.65349270467…/1807863389242256/… 　

#你真心覺得節慶廣告可以唔老黎係咩玩法
#做廣告人都要有常識架
#我係真心覺得機場個廣告唔老黎
#折字亦唔太適合機場用
#每個行業也有自己的禁忌
#我老豆做船好怕你反轉條魚
#獨立思考同標奇立異係兩回事
#世人皆醉你懶醒
#你啲讀者圍住你插真係好獨立思考
#但點解你又咁唔客氣回應佢地嘅
#可以教我如何訓練讀者獨立思考嘛
#咁聽我講我即刻教佢地唔好投建制派
#我作為你的讀者已經畀左面刪走左我最mean兩段
#這是我給你最後的尊重

［中秋廣告生態災難大賞］
是次生態災難大獎得主，首推暴動牌月餅，當中白蓮花與彼岸花，已經有一眾KOL進行解說，人妻先生就懶一次不用給大家上一課中國文化堂了。

但是，既然難得人家廣告創作人也出來說「難得香港人罕有對花語如此執著」，既然你劍引四方，那就讓你求仁得仁，引得我這個四方西作為代婊出馬吧。

首先，做廣告乜咁求其架？你畫storyboard，pitch個客的時候，唔係逐點pitch個廣告concept，由整體用色到個別visual如何符合客戶個brand同target audience 嗎？我諗你地sell呀暴動牌的時候，斷估唔係話：拿，poster擺啲白花、擺啲紅花，靚架，你俾budget 我啦！

請不要誤會，雖然我唔明點解sell懷舊sell傳統節日，可以無視傳統花卉顏色忌諱，但我不是要婊你用唔岩visual、冇諗清楚花語。我表示不滿的是這種跟無線新聞一樣是是旦旦的態度：Opps~~~乜原來個廣告有人睇架？乜原來大家睇到個廣告有感覺架？對唔住囉～ 真係唔知原來audience 咁認真架～

你拍晒心口同個客講個廣告會有impact、會impress到公眾。我係個客睇到你呢個留言，我真係會想婊到你花開富貴、人月兩完。

俾人捉到個visual做得唔周詳，唔出聲就算啦，仲要走出黎駁嘴潤返大家？你有冇見過呀暴動牌當年走出黎話「令我看見香港人罕有對反水貨客如此執著」？還要一臉笑看風雲、睥睨眾生的樣子，那就未免太差勁了。要是你喜歡欣賞人類生態，恭喜你，人型暴龍出現了。

等一下，我懂了！poster上鬼后劉心悠配大鬧廣昌隆小芺蓉油紙傘加上中秋主題，根本是暗指《聊齋誌異》卷五：廿七篇伍秋月，裡面講鬼卒貪污腐化，王鼎殺鬼卒救兄救伍秋月「凡殺公役者，罪減平人三等」！而月餅在古代本來就是朱元璋起義，暗藏密語的媒體。我懂了，反了反了！原來這個廣告是一個反動派精心設計的圈套，果然匠心「獨」運，可謂防不勝防，你這個反革命分子，竟敢聯同扮作愛國愛人民幣的暴動牌一起，借傳統之名行反革命之實！何君堯呢？快來，我抓到個黑五類了，要不要「無赦」他一下？不過，我還是建議大家不要學習他們的暴力，還是跟我一起和諧地打黑唱紅，用和平理性的歌聲感化他們，成為愛國愛黨的進步開明新青年吧。

講完大獎得主，都講埋個安慰獎：香港機場給各位旅客送上喪事專用的藍燈籠和義莊白燈籠，大玩Halloween X 中秋概念，雖然文化含義沒有暴動牌深入，但勝在食中一地兩檢、一稿兩用的潮流，也是百無禁忌的佳作。當然，這個廣告創作人還是嫩了點，只能講到有「折」呢一點，換了是我，我轉過個tagline仲可以講埋early bird promotion「邀請親友提早訂購，共享額外折扣，全家夭折，喪買喪折！」

保證全球瘋傳。

最後，提提各位廣告人和創作人，要是你真的要食香港同大陸呢條水，文化修養是很重要的。請認真研究傳統文化，以免貽笑大方，被眾人圍婊。

#出師婊
#聊齋係不能錯過的好書
#錯就認打就企定
#耍嘴皮沒有用的
#你顧掂自己啲文化水平先去管香港人民智吧
#其實紅蓮一樣可以好優雅
#讀余光中的等你在雨中
#佢先係真正的古典之美
#佢為人如何我就不說了
#香港機場已經好努力
#可惜今次冠軍太強
#非戰之罪