五年半前的文，恍如隔世。
塵世間只有極少數人看過我拉闊表演《Electric Girl》，當然，冇睇過亦不會對人生構成任何損失。
———————————————
【一個電力犧牲者的自白】

本性難移，我經常在一些別人眼中唔等使的事情上狠下苦功——例如研究《Electric Girl》副歌每一句最尾嗰粒字的正確唱法。

1.1990年。自從聽了《Electric Girl》一次後便深深愛上。
2.可惜冇錢買cassette。好彩一年後，TBB電視劇《男人勿近》，起用了這首名曲作為主題曲，以致一星期五晚都聽到。就在這個keep住狂聽的情況下我突然發現到，張立基在唱副歌「熱力似天火熱熾，電量就似不死電池，若是你粗心大意，就像是我今天恨遲」（入每一句前的那個Ah，我省略了）、每一句的最後一粒字時，原來不是單純地照住該字讀音來唱，而是隱隱然用一個類似「yeah」的音拉長收結，於是，「熾」不是「熾」而是「熾eah」；「池」不是「池」而是「池eah」……其實早在進入副歌部分前的那一句「也再去找電力犧牲者」嗰個「者」，已經被唱成「者eah」——Yeah，張立基晨早留下伏筆。
3.還是後生仔的我，自然不知道這種加入Yeah的歌唱技巧有沒有特別名堂（我亦不方便問當時的音樂搣時）；這一下少少的拗音卻讓我明白到，一個歌手唱一首歌，不一定單純地把每粒字就咁唱出，原來還可以加一點潤飾，而這一點少少的潤飾，就是歌手有沒有為一首歌注入個人風格、獨特生命的證明。
4.其實當年的我點會諗咁多。我諗的只是：學以致用。既然咁難得給我發現了《Electric Girl》這個秘密，梗係要有樣學樣，希望能夠大派用場——在K場。每一次高歌《Electric Girl》，都必定忠於原著地將那些「者」唱成「者eah」、「熾」又唱成「熾eah」，無奈是，友人們都留意唔到，甚或根本就冇嘗試去留意我的努力。
5.我不甘心。我決定迫自己再勤力一點，鑽研埋張立基的「Electric舞步」（都話過我經常在一些別人眼中唔等使的事情上狠下苦功）——Sorry，即使當年的我未算太月巴，跳舞呢，可不是想自學就能自學得到，但我那副不適合舞蹈的身體，阻不了我的熱忱——我點都要扮！就算，只是扮到一下都好。
6.結果真的俾我扮到了。如果你有睇過TBB版MV，應該會記得，當唱到最後係咁loop「Electric is her world, electric girl」時，個鏡頭係keep住順時針地轉的（但有時又會逆時針轉喎），而既然現場（即K房）不設鏡頭係咁轉轉轉地影住我唱，咁我咪自．轉．囉（童叟無欺而又千真萬確，不少朋友都見識過我呢一下恍如接通電流下的自轉）。Yes，這就是我對《Electric Girl》的attitude。你可以話我偏執，我卻認為這種attitude完全來自張立基 & 《Electric Girl》給予我的p.a.s.s.i.o.n。
7.我有收看亞視習慣，好早就識張立基。1986年，他參加《未來偶像爭霸戰》正式出道。在亞視的日子，出過幾隻碟，唱過一首OK紅的《你好嗎》，但紅歌唔紅人；記得亞視幫他拍過一個音樂特輯《張立基「夢幻」特輯之「夜消沉」》，（我OK鍾意的）陳穎芝有份演出……踏入90年代，轉簽TBB，一首《Electric Girl》，紅到核爆immediately（這就是當年TBB的威力）。在那個還信奉勁歌熱舞的年代，張立基被公認為舞王，留心睇番，他原來將一種誕生於80年代中期美國的舞蹈The Running Man（代表人物是MC Hammer），融合於自己舞蹈中；而重點是，張立基是真正有唱功的歌手，在我翻看大量他的《Electric Girl》現場演出，發現他真的又唱又跳全程氣也不喘。
8.收錄了《Electric Girl》的專輯《When the Wine is Over》，張立基事業顛峯；1991年的《Passion》算是延續了聲勢，但又明顯及唔上《When the Wine is Over》咁勁——而事實是，張立基再沒有推出一首勁過《Electric Girl》的歌。然後，他人氣逐步下滑，最後，離開樂壇。
9.我曾經同朋友研究過：Why張立基唱得跳得偏偏不能好似四大天王咁紅？朋友說：「咁你不妨問番自己，點解只留城城頭而不去留基基頭？」霎時間，我啞咗。可能，當年的我也只是迷張立基的（幾首）歌而不是迷他本人。
10.一個歌手紅唔紅以及紅幾耐，真的存在著一些當事人控制不來的因素。無論點，好想多謝張立基在90年代唱過這麼一首叫我發癲的《Electric Girl》。假如有天在街上偶遇，我除了會跟他說聲「你好嗎？」，更不排除期間興起即席表演Electric自轉。

連續十次教仔失敗（下）
　　
上集：https://bit.ly/3ADxmLE
　　
估唔到，呢種爭執唔係一次兩次。

阿女迷上咗拉小提琴，甚至話第日要讀音樂，做一個音樂家。

搵到錢嘅音樂家，邊有咁易做到？一百個都冇一個啦。

我上網搵晒小提琴老師嘅時薪，計埋佢哋一個星期有幾多學生，整咗個收入Excel畀阿女睇：「做小提琴老師搵到幾多錢？收入仲要唔穩定。」
　　

「但我真係唔鍾意讀書，我鍾意拉小提琴。」阿女突然講：「一開始，係你逼我學小提琴㗎，連部小提琴都係你買畀我。」

我答：「係，我想你學多幾樣技能，隨便考幾級，報學校嗰陣個Profile靚啲丫嘛。咁你已經考到Band 1，就唔洗再拉小提琴啦。」

阿女難以置信：「你嗰陣話，學音樂陶冶性情，覺得女仔提小拉琴好靚…..」

我嗤之以鼻：「嗰陣你細個丫嘛，梗係要講得靚啲。」

第二日，阿女跳樓身亡。
　　

我除低頭盔，又一次考試失敗。

我不斷諗，點解我會咁樣逼個女呢？

或者我初時只係唔想溺愛佢，拒絕佢唔合理嘅要求，漸漸就變成，要佢滿足埋我嘅要求。

當佢一次又一次咁滿足我，我就以為自己係啱，步步進迫。

最後，佢好似一條橡筋咁，俾我拉得太緊，斷咗。
　　

老公安慰我：「呢次都係意外嚟啫。考公開試嗰陣，你係女狀元嚟㗎喎，你咁叻考驗，下次一定可以合格！」

「希望啦。」我好灰。

為咗做阿媽，我下年會再嚟過。
　　

然後，我一年又一年咁考試。

我有過唔同嘅背景，有錢嘅、窮嘅、夫妻恩愛嘅、單親嘅；遇過唔同嘅「仔女」，勤力嘅、懶惰嘅、調皮嘅、文靜嘅……

但我考咗十年，每一年都唔合格。
　　

我年紀愈嚟愈大，依加已經係高齡產婦，再過多幾年，就算我考試合格，都生唔到仔啦。

我問老公：「你覺得我有咩問題？點解我次次都唔合格？」

過往十年，老公都係安慰我、鼓勵我，但呢一次，老公居然講：「可能係因為，你個人比較極端？」
　　

「咩極端？」我唔係好明。

老公解釋：「你教細路只有0同100咁，係冇50嘅，一係就溺愛，一係就太嚴格；一係就太冷淡，一係就唔肯放手。」

「我可以點啫？每次考試，都會忘記自己考緊試，跟住自自然然就唔合格。」我都唔知點算好。

老公小心翼翼咁問：「你有冇懷疑過，你唔適合做阿媽？」

「咩話？」我成個彈起。
　　

老公話，考試嘅目的，就係測試一個人適唔適合做父母。

既然我多次考試唔合格，就證明我唔適合，咁唔生仔咪得囉。

我瞪大雙眼：「但我係一個女人，我鍾意小朋友。」

「你中學嗰陣，啲Science考得好差，咁你咪唔讀理科，讀文科囉。」老公大惑不解：「咁點解你做阿媽做得差，仲堅持要做？」

我反駁：「讀書同做人父母係兩回事。」

「就係因為做人父母更重要，所以更需要適合嘅人去做。」老公咁樣講。
　　

你有聲帶，唔代表你唱歌好聽；唱歌好聽，都唔代表你會做到歌手。

咁點解會有人覺得，有健康嘅身體同伴侶，就適合生育？

為人父母係一件好重要嘅事，正因為重要，更加應該由適合嘅人去做。
　　
—完—
　　
我嘅職業係：屍體Cosplayer：https://goo.gl/xeBv1R
我與食人者不得不說的故事：http://bit.do/fmSWG
　　
#短故 #短篇 #小說 #陳美濤 #廣東話 #粵語 #tomatochan #連續十次教仔失敗

講開日本姓氏，又真係好多好特別嘅，以前喺日本讀書時，最驚就係記同學嘅名，大多數成個名都係四個字啦，但個讀音就絶對唔會好似我哋咁，幾多個字就幾多個音，對於我呢啲冇記性鬼，連記中文名都想死嘅時候，當時要記啲同學名真係慘過死~~所以我當時就自薦做派功課嗰個，逼自己要記哂所有同學嘅名，大概三四個月終於都記哂~~~不過依家就好多都已唔記得哂lu~~但一啲比較特別嘅姓氏，仲係印象深刻嘅，例如：猪鼻 (I-No-Ha-Na) ［全國約1400人］，同埋曾經幫我搞租屋事宜嘅地產經紀：牛丸 (U-Shi-Ma-Ru) ［全國約2800人］

咁日本其實仲有啲咩好罕有嘅姓氏呢？睇睇截至19年十月日本全國罕有姓氏十位啦 ：

［10th］ 漆真下 「うるしまっか」U-Ru-Shi-Ma-Ka ［全國約70人］
通常見於日本東北地方嘅岩手縣
［9th］ 九十「くじゅう,くと,くつ」 Ku-Ju / Ku-To / Ku-Tsu［全國約60人］
通常見於北海道、日本中部地方嘅石川縣及大阪府
［8th］ 結「むすび」 Mu-Su-Bi［全國約50人］
通常見於日本近畿地方嘅兵庫縣、東京都及大阪府
［7th］ 隅田川「すみだがわ」 Su-Mi-Da-Ga-Wa［全國約40人］
通常見於關東地方嘅群馬縣藤岡市
［6th］ 神風「じんぷう,かみかぜ」 Jin-Pu-U / Ka-Mi-Ka-Ze［全國約30人］
通常見於茨城縣、神奈川縣、栃木縣等關東地方，起源意思為「從北方或高地吹來的風」。 傳說為「神之風」。
［5th］ 絵本「えもと」 E-Mo-To［全國約20人］
通常見於神奈川縣、大阪府及和歌山縣
［4th］ 一尺八寸「かまづか,かまつか」 Ka-Ma-Du-Ka / Ka-Ma-Tsu-Ka［全國約20人］
通常見於日本近畿地方嘅兵庫縣。起源於鐮刀柄長達一尺八寸之傳統。
［3rd］ 努力「ぬりき」 Nu-Ri-Ki［全國約10人］
通常見於大阪府。本身「努力」呢個字嘅意思同我哋嘅中文意思都係一樣，而讀音就讀作「どりょく」Do-Ryo-Ku，同用作姓氏時嘅讀音係完全不同咖！
［2nd ］臥龍岡「ながおか」 Na-Ga-O-Ka［全國約10人］
通常見於大阪府及日本中部地方嘅福井縣
［1st］ 左衛門三郎「さえもんさぶろう」 Sa-E-Mon-Sa-Bu-Ro［全國約10人］
通常見於關東地方嘅埼玉縣浦和市。係呀！呢個係一個姓氏，如果佢姓「左衛門三郎」再取名「三郎」，咁佢就會叫做「左衛門三郎三郎」咖喇！！原來呢個姓氏本來都真係人名黎嘅，古代豪門家族將自己嘅名改為自己領土嘅名，而後代子孫就將呢個地名用作自己嘅姓氏。

其實仲有好多都好特別嘅姓氏：「猪口」、「水落」、「小粥」、「不動」、「樹神」、「百鬼」、「兜」、「亀頭」、「鼻毛」、「中出」、「「白紙」、「茄子」、「八角」、「雨夜」、「禿」、「虹」、「降魔」、「夢」、「二十八」、「海老」、「醤油」、「鼻」、「一」、「幸福」、「白髪」、「四十」、「四季」、「夜桜」、「鴨脚」、「父母」、「王子」、「日本」、「温泉」、「観音」、「部屋」、「狼」、「地名」、「酢」、「薬丸」、「針」、「七味」、「入学」、「塩味」、「蜜柑」、「和室」、「先生」、「知識」、「蛇蝮」、「神社」、「九十九」、「時計」、「五月」、「素麺」、「傘」、「扇子」、「桔梗」、「居酒屋」、「海苔」、「蝉」、「地下」、「乳母」、「砂糖」、「八月一日」、「養父」、「記録」、「父母」、「舌」、「蜆」、「蟹」、「猪」、「箱」、「左手」、「右手」、「味噌」、「袋」、「昆布」、「相撲」、「満足」、「太巻」、「歓喜」、「天国」、「四十八願」、「箱」、「豆」、「氷」、「国宝」、「獅子」、「浮気」(但呢個字嘅日文意思係「花心」喎)、「台所」(日文意思係「廚房」)、「回り道」(日文意思係「繞道」)、「飴」(日文意思係「糖果」)、「見学」(日文意思係「參觀」)、「毛穴」(日文意思係「毛孔」)、…

#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#日本 #自遊行 #旅行 #東京 #大阪 #北海道 #札榥 #九州 #福岡 #旅遊
#化妝 #化妝師 #JessUp #JessUpHK #2021JapJessup
#日本姓氏

喺英文嘅發音入面?
有啲字母我哋有時係唔發聲㗎喎?

例如李斯特城嘅英文Leicester City
甚至有好幾個字母係唔發音?

想知道佢地真正嘅讀音係點？
《英超英文堂》夠鐘上堂喇！?

LET’S GOAL!⚽


?如果你想第一時間收到免費英文DSE考試攻略，記住Subscribe我的Youtube Channel: https://www.youtube.com/channel/UCMBNiENk6JIQ8rb3mY72IIw


?更多DSE English教學片段: https://www.youtube.com/watch?v=Ay_2qp9-Obo&list=PLOmx6EareF48npM1JgVts1j5XeHRsN3ou


★ Antonia DSE 英文課程 ★
- 首席英文科導師
- 香港中文大學翻譯系碩士
- 教授英文超過15年，學生人數衝破十萬
- DSE暢銷天書作者《天后的DSE英文教室》


★ 網上報名及其他教學影片 ★
http://www.antoniacheng.com


✅WhatsApp即時查詢： https://wa.me/85298869468
✅Email查詢: admin@antoniacheng.com


★ Follow我吧! ★
Instagram - https://instagram.com/antoniacheng
Facebook - https://www.facebook.com/antonia.chengii
Whatsapp - 9886 9468
Wechat – antoniacheng

#homeschool #迪士尼英語教材 #伴讀成長
是咁的，幼稚園我哋就揀咗一間Happy School，開學之後其實一切我都覺得好美好，但偶然機會下見到朋友仔小一嘅功課，就突然間好擔心幼稚園升小一嘅銜接，再加上停課又停課，沒了期嘅等待又等待，我承認教育有時需要自力更生....

最近終於的起心肝入手 DR-Max #迪士尼英語家庭版 #EmpowerYourEnglish ，先趕趕進度！其實之前都一直有用佢哋嘅點讀筆教材，不過都係多啲輕鬆嘅內容，呢一套就係正正式式嘅英語教材，佢就按年齡同埋程度分成不同階段，我哋入門第一套就有12冊，預計一個月完成一冊，換算起就係一年嘅課程，每一冊裏面都包括唔同嘅內容，教學十分全面同埋完整，希望可以真正幫助到我呢啲對課程內容完全零概念嘅媽媽，只要跟住教就得啦！所有教材都有廣東話、普通話同埋英文點讀功能，可以比小朋友聼正確嘅讀音，然後自己跟住試讀，一次過練曬listening同speaking！我哋就剛開始左大概兩星期，發覺有系統咁學習真係好重要，會讓小朋友學習英語事半功倍。

#英文工作紙Grammer
配合點讀筆功能，閱讀題目，然後連線配對或者填充，由最基本嘅文法學起，同步仲可以學更多生字添！

#英文工作紙Listening
聆聽工作紙透過點讀筆可以聽英文歌，真心覺得呢啲歌幾好聽㗎喎，小朋友聽得開心自然學得開心啦！

#英文工作紙Speech
透過點讀筆提升英文口語能力，最喜歡佢有三種唔同嘅速度，循序漸進，小朋友跟住讀好快就上手！

#點讀卡
Flash卡配合點讀筆，每日學唔同嘅生字，佢仲有一個卡袋可以掛起屋企，小朋友隨時想玩就玩。

#拼圖貼紙
每次完成工作紙等等嘅練習，媽咪可以送一個貼紙俾小朋友以示獎勵，完成晒整本教材，就可以拼出靚靚圖畫啦，好有成功感咖！

《後記》其實我都唔想變虎媽，但係香港嘅教育就係要追學術進度，我唔需要佢比別人優勝，但係我都唔希望佢學習上有重重嘅挫敗感，所以之前我就揀咗一間Happy School，佢哋好着重小朋友主動學習，所以小朋友返學好開心，唯獨嘅唔好處就係學術程度可能冇出邊啲幼稚園咁深，但既然幼稚園令到佢哋有學習嘅動力，不如我哋喺屋企都花啲心思，可能係另類嘅家校合作吧？?

#drmax #drmaxhk #drmaxlimited #ElectronicEnglish #英語學習 #兒童英語教材 #電子英語教材 #自主學習 #一點就明 #學得要精 #點讀筆 #happyhappy?? #mrs1amology #一點小哲學 #ftbbu #hkmama #全職bb聯盟 #全職媽媽 #mamablogger #bbkol #親子 #ftm #slasher #coffeelover #食買玩 #beauty #foodie

FOLLOW US AT.....
FB Page : https://www.facebook.com/mrs1amology
INSTAGRAM:https://www.instagram.com/mrs1am_ology/
YOUTUBE: Mrs1am-ology
https://www.youtube.com/channel/UCTqwvn3mkC5ip71LY0sZgSA

#平假名 #ひらがな #3個月

嚟到「平假名」（hiragana）第五行相當重鼻音，
加上聲母「n」，就係「なにぬねの」。
全行咁多個字，個個都似足原本漢字，
最唔似，可能反而係香港成日見嘅「の」字。wwww
な行除咗講貓講狗，仲有「狐狸」可以學，
仲話你聽點解「日本腐皮」又叫做「狐狸」。
嗯嗯？又真係好易記喎！

《am730》網上重溫連結：http://bit.ly/2kw7ZaS

#傷風感冒鼻塞咁聲
#NANA登場
#個ぬ字餅印一樣
#の肯定唔係讀之