Sudio 在今年推出了首款藍芽喇叭
Femtio 美聲美型藍芽喇叭
開箱文章：https://jujuxii.com/sudio-femtio/
-
這款藍芽音響喇叭
我覺得他在高音、重低音上是取得一個協調平衡的狀態
沒有特別偏向哪邊
整體來說各方面是蠻適合作為喇叭的音質呈現
-
Femtio藍芽喇叭音響支援雙Femtio串連配對
可以同時配對兩個Femtio音響
左右雙聲道讓音樂更有立體環繞的感受
不論是居家、辦公室或是戶外活動
簡約設計的優美外型非常適合隨身攜帶
讓人能隨時隨地的享受高品質音樂🎵
-
｜父親節限定活動｜
最近在Sudio官網有父親節限定活動
在官網購買就送運動托特包、品牌質感卡夾和產品包裝禮物袋噢🥰
-
🚩結帳前輸入折扣碼「 85JUJUXII 」
即可享有全館商品85折優惠折扣

[劉志剛談反相]

關於“音響羅盤”上的工具部分：立體聲的結像和相位測試，有些話要說。在前者，人聲導航員說，“你能否做到我講的效果，跟你的喇叭擺位是否妥當，有密切的關係。” 只是道出了事情的一半。其實，也跟你的room acoustics和其他音響器材的表現，也有頗大的關係。

舉例說，系統的後級左右聲道的輸出 (包括voltage和頻率響應)，是否絕對一致？給兩隻喇叭輸入同樣的訊號時，反應是否一致？假如不是，即有機會先天左右不平衡；然而在一般播放音樂的情況下，其實並不易察覺的。

所以，這張工具碟不單是考驗系統喇叭擺位正確與否，也能找到器材上的一些弱點。

至於相位測試，無論是單聲道朗誦、立體聲朗誦抑或第三部分鋼琴協奏曲片段， 碟內做的，是“絕對相位零度”(Absolute Phase 0 degree) 與及“將相位180度反轉過來”( Applying 180 degree phase change to normal stereo image)。

預期的表現是在絕對相位零度的時候，單一把人聲的定位結象十分清晰明確在兩隻喇叭的正中間。而鋼琴協奏曲裏，獨奏樂器與管弦樂隊的樂器都在十分正常的位置(正常音場)。

要是將相位180度反轉過來，預期的效果是單一把人聲再不能觸摸明確的定位，反而是“無所不在，處處都在”。至於鋼琴協奏曲則變成音場好像闊了但實質是崩塌了：“一地都係”。鋼琴因而再沒有明確的结像。

假如做不到預期的效果，可能是room acoustic的問題，可能是喇叭未擺妥當，亦有可能是音響器材有潛在的問題。也可能是上述二者、甚至三者加起來的結果。

假如你完全做到了上述的效果，恭喜你，絕對飲得杯落。

假如做不到， 也不妨作一些處理 ，為更理想的音響重播而努力奮鬥。

自從知道咗西營盤站延遲嘅秘密之後，我就再唔敢搭港島綫。（８）
　
曾經聽達叔講過，注定要發生嘅事，就算點去逃避都係會發生。最多可以做嘅，就係將發生嘅時間盡可能延後，又或者搵方法將呢個「命運」轉嫁俾其他人承受。我曾經一度以為，自己嘅「命運」好可能已經轉咗去達叔又或者嗰位白色西裝男人身上，但事實睇嚟並唔係咁。
　
呢刻，我身處喺一架本應係駛去西營盤站，但又遲遲都未埋站嘅列車上面。身邊有一位大約二十歲左右嘅後生女。佢同我一樣，都係喺無任何意識嘅情況下上咗呢架列車。
　
－－－－－
上回連結：
http://bit.ly/1YMVZLP
－－－－－
　
「妳叫咩名？」我一邊檢查威哥部手機一邊問佢。
　
「阿Yan……」佢低聲回答，可能見我咁做，佢都拎起自己部手機望咗眼。「你呢？」
　
「妳叫我阿弘就得。」
　
威哥部手機冇任何訊號，但我冇辦法肯定係接收問題定係因為冇交電話費所以俾電訊商中斷服務。再檢查落去，訊息到並冇任何特別，包括Whatsapp都係，最後一次發出嘅訊息係兩個星期前，威哥同佢老婆講話返緊屋企……
　
「阿Yan，妳部手機打唔打到出去？」
　
「打唔到……」阿Yan搖搖頭，「Whatsapp亦都send唔到訊息出去……應該係收唔到訊號……」
　
「我都係。」我淡然回應，「可惡……」
　
呢個發展可以話係相當正路。但越正路，就越肯定接下來嘅發展會好得人驚。終於我決定放棄唔再理威哥部手機住，但熄螢幕之前亦都不忘先關咗佢個鎖機系統，以免之後開唔返。
　
……下一站西營盤……Next Station Sai Ying Pun……
　
「阿弘，你諗呢架車係咪只係得我地兩個？」阿Yan突然問。
　
「唔會掛……既然架車開緊，咁至少車長一定喺到。妳冇去前面睇過？」我反問。
　
「冇，」我從阿Yan雙眼睇到一絲恐懼，「我一醒返就喺呢到……望過前面好似一個人都冇……仲有幾卡熄咗燈……所以唔敢行過去……」
　
聞言，我先意識返自己係喺車尾嗰一卡，即刻轉身望去車頭方向。正如阿Yan所講，驟眼睇落前面兩三卡確實唔似有人，再之後幾卡即一片漆黑，加上列車不停左移右擺嘅緣故，所以好難睇清楚再前面嘅情況。
　
「我地先試下聯絡車長。」思考咗陣，最後我作出呢個決定。
　
說罷，我走向車門緊急通話器嗰邊，按照做法推起外罩然後拉低手掣。再對住個通話器講咗句：「喂喂，唔該，車長聽唔聽到？」
　
短暫嘅沉默，見冇人有反應，我又再重複講多次：「喂，車長，聽唔聽到？我係……」
　
車廂廣播突然傳來一聲清脆嘅「碰」，嚇到阿Yan成個人震咗一震。
　
「嘩，搞咩呀呢到……？」接著，廣播響起另一把陌生男人嘅聲音，但聽落並唔似係回應緊我地。
　
我同阿Yan忍唔住面面相覷，理解唔到而家係咩情況。
　
「Tracy……妳唔好過嚟，呢到好多血……」陌生男人繼續講。「到底邊個人咁殘忍……」
　
「喂！柏哥，車廂嗰喇叭開咗喎，我喺到都聽到你講嘢。」廣播又傳來另一把男聲，語氣非常輕佻，從音量推斷呢個男人離枝咪應該有一段距離。
　
「唔係嘛？」距離較近嘅男聲回應，如無意外應該就係柏哥。
　
由於對狀況不明不白，所以我唔敢輕舉妄動，只係細心聽落去希望可以為自己作出一個合適嘅判斷。
　
「但頭先好似有聲喺裡面傳嚟……」另一把陌生女聲響起，同樣係離枝咪有段距離。
　
「唔洗問阿桂，梗係有其他乘客開咗個通話器，所以我地咪聽到囉，所以話女人真係傻。」輕佻嘅男聲回應。
　
「唔好理佢，Tracy。」柏哥講，「喂喂，」接著，佢把聲變得好響亮，「係唔係呢架車裡面嘅其他乘客？」
　
「屌，梗係啦，」輕佻嘅男聲無奈咁講，「唔通係鬼咩！」
　
「你同我收聲！」柏哥厲聲道，又轉返過去同我地講嘢：「如果係嘅，你地可以過嚟車頭呢邊。呢架列車明顯好有問題，我地有必要聚埋一齊商量下接著落嚟應該點做。」
　
……下一站西營盤……Next Station Sai Ying Pun……
　
等待報站廣播結束之後，我決定開聲問：「我可唔可以問下，你地而家車頭係咩情況？」
　
「呢層……」柏哥頓了一頓，再繼續講落去：「車長死咗，而且死得好恐怖……直程呢個頭都唔見咗。」
　
阿Yan聽完即刻用口掩住嘴，表情相當恐懼。
　
「哈，好彩你唔係叫我開門啫。」輕佻男聲講。
　
「我地車頭呢邊有三個人，有一個男人……頭先出聲嗰個，打算非禮另一位女士但俾我制服咗。」
　
「唔好聽佢講呀！」輕佻嘅男聲插嘴，「我只係想叫醒嗰個女人！」
　
「唔好信佢。」柏哥講，「總之，我地唔係咩壞人，你地放心過嚟車頭呢邊。」
　
我無回應佢，而係掩住通話器低聲問阿Yan：「我地過唔過去好？」
　
阿Yan諗咗諗，最後點頭道：「多啲人嘅話，應該會安全啲？」
　
話係咁講，但對方係好人定壞人，呢刻真係冇辦法推斷得到。更壞嘅情況，就係佢地可能都係好似「威哥」咁，別有所圖……
　
但又老實講，只要呢架車一直唔埋站，身處喺同一架列車，我地遲早都係會見面。與其逃避，倒不如早一步去面對。
　
諗到呢到，我收返隻手同柏哥講：「好，我地而家過嚟。」
　
就係咁，我同Yan開始動身向車頭嘅方向前進。由於列車搖晃得異常厲害，所以我地都唔敢行得太快以免失平衡。走入漆黑車廂之前我地各自開著手機電筒，每一步都打醒十二分精神……
　
呢一刻，我突然又諗返起同嘉琳走過嗰條永遠都走唔完嘅隧道。會唔會，呢架列車都會好似條隧道咁駛極都唔會有盡頭，會一直咁駛落去……？
　
……下一站西營盤……Next Station Sai Ying Pun……
　
終於，我地去到最後一卡車廂了。最先注意到嘅，係一身空姐制服嘅女士。接著，係坐喺佢旁邊嘅一個中年男人。最後，係躺坐喺車頭角落，雙手俾行李帶綁住嘅一個男人……
　
我認得佢，雖然呢刻嘅佢不修邊幅而且俾人感覺好邋遢，但我認得佢個樣……
　
佢就係當日喺醫院叫我唔好再去西營盤站嗰個白色西裝男人。
　
男人先望咗我一眼，然後轉過頭去柏哥嗰邊，笑住講：「喂，柏哥，睇嚟呢架車係得我地五個咋喎。」
　
唔知係唔係錯覺，佢竟然好似唔認得我咁？
　
面對眼前呢個男人，我應該作出咩反應？
　
　
（待續）
　　
　
互動時間，請投票。你嘅一票將會決定劇情走向……
　
<3 (Love) - 嘗試確認清楚佢係咪真係白色西裝男人。
:D (Haha) - 先唔理輕佻男，問下柏哥有冇更多嘅情報。
:o (Wow) - 嘗試去車長室睇下情況
Like - 隨便一個（盡量唔好啦～）
　
票數夠 250 繼續，夠 350 以上會加速，50 shares 以上下篇加字數。
　
下篇暫定星期一或者星期二。
　
【上期另外兩個選擇結果：】
＊直接搵人，會目擊到柏哥制服輕佻男
＊先聯絡車長，聲音會令到輕佻男分心放棄非禮空姐，變相唔會被柏哥制服，所以回應主角嘅就係輕佻男。
　
＝＝＝＝＝＝＝＝＝＝＝＝＝＝＝＝＝＝＝＝＝
　
有咩都可以留言，我會盡可能覆哂佢！
　
（帶定頭盔先：本故事純屬虛構，如有雷同應該巧合。）
　
FB： 有心無默
　
個人ac：（歡迎 follow 或者加好友得閒傾計架～）
https://www.facebook.com/myechoofheart
　
IG：echoofheart